Ichaía 10:2 - Tupanaarü Ore

² Pema rü tama naétüwa pechogü i ngẽma taxuxü̃ma nüxü̃́ ngẽxmagüxü̃ rü tama nüxü̃ perüngü̃xẽxẽ i ngẽma chorü duü̃xü̃gü i ngearü diẽruã̱xgüxü̃. Rü chixri namaxã ipecua̱x i ngẽma yutegüxü̃, rü naxca̱x pengĩ̱x i ngẽma tacutagüna üxü̃.

Ichaía 10:2 Referans Kwoze

Maraquía 3:5

Rü nüma ya Cori ya Tupana ya Guxãétüwa Ngẽxmacü rü ñanagürü: —Choma rü tá aixcüma pexna chaca i perü chixexü̃ca̱x. Rü chomatátama nüxü̃ chixugüe i ngẽma yuüexü̃, rü ngẽma nai i ngexü̃maxã maxẽxü̃, rü ngẽma doramaxã nügü ípoxü̃xü̃, rü ngẽma norü puracütanüxü̃maxã rü ngẽma yutegüxemaxã, rü ngẽma taxcutagümaxã chixri icua̱xgüxü̃. Rü ngẽxgumarüxü̃ tá ta nüxü̃ chixugüe i ngẽma chixri tümamaxã icua̱xgüxü̃ ya duü̃xẽgü ya to i nachixü̃anecüã̱xgü, rü ngẽma tama chauga ĩnüexü̃ —ñanagürü.

Ichaía 3:14

Rü Cori ya Tupana rü tá naxca̱x nangema i ngẽma yaxguã̱xgü i ĩanemaxã icua̱xgüxü̃ rü ngẽma togü i ãẽ̱xgacügü, rü ñanagürü tá nüxü̃: —Pema rü chorü duü̃xü̃güxü̃ pechixexẽxẽ. Rü tüxü̃́ pengĩ́e ya ngearü ngẽmaxü̃xã̱xgüxe. Rü ngẽma tümaarü ngẽmaxü̃gü i tüxü̃́ naxca̱x pengĩ́xü̃ rü pepatagu nixĩ i namaxã penguxü̃güxü̃.

Echequié 22:7

Rü ngẽma duü̃xü̃gü i cuwa maxẽxü̃ rü tama nanatüxü̃ rü tama naéxü̃ nangechaü̃gü. Rü chixri tümamaxã inacua̱x ya yíxema yutegüxe rü yíxema taxcuexe rü yíxema to i nachixü̃anewa ne ĩxẽ.

Ichaía 29:21

Rü ngẽxgumarüxü̃ tá ta inayarüxo i ngẽma ãẽ̱xgacüpe̱xewa doraxü̃ ixugüexü̃ nax tapoxcuxü̃ca̱x ya yíxema taxuxü̃ma i chixexü̃ üchiréxe.

Ichaía 5:23

Pema rü naétüwa pexü i ngẽma duü̃xü̃ i chixexü̃ üxü̃ erü pexü̃́ nanaxütanü. Natürü tama tümaxétüwa pexü ya yixema taxuxü̃ma i chixexü̃ üxe.

Ichaía 1:23

Rü perü ãẽ̱xgacügü rü tama Tupanaga naxĩnüe rü namaxã naxãmücügü i duü̃xü̃gü i máxwa̱xegüxü̃. Rü diẽruca̱x rü ãmareca̱x ínacagü nax tama napoxcuexü̃ca̱x i ngẽma chixexü̃ ügüxü̃. Rü taxcutagü rü tama tüxü̃ narüngüxẽẽgü, rü tama tümagu narüxĩnüe ya yixema yutegüxe.

Ore i mexü̃ ga Matéu ümatüxü̃ 23:13

Pa Ngúexẽẽruü̃gü i Mugüwa Ngu̱xẽẽtaegüxü̃ rü Pa Parichéugüx, pema rü duü̃xü̃güpe̱xewa mea pemaxẽneta. Rü wüxi i ngechaü̃ nixĩ i pexca̱x erü duü̃xü̃güaxü̃́ penaguxchaxẽxẽ nax Tupanaxü̃tawa nangugüxü̃ca̱x. Rü woo i pema rü taxũtáma ngẽxma pechocu, natürü nüxü̃́ penaguxchaxẽxẽ nax ngẽxma nachocuxü̃ca̱x i ngẽma togü i nüxü̃́ nangúchaü̃xü̃ nax ngẽxma nachocuxü̃.

Amúx 2:7

Rü chixri namaxã pecua̱xgü i ngẽma chixeparagüxü̃. Rü tama tümaétüwa pidexagü ya yíxema taxuxü̃ma tüxü̃́ ngẽxmagüxe. Rü ngẽma papa rü ngẽma nane rü wüxitama i ngexü̃maxã namaxẽ. Rü ngẽmaãcü penaxãũãchixẽxẽ i chauéga i üünexü̃.

Ichaía 5:7

Rü ngẽma norü úbanecü i nüxü̃́ ngúchaü̃xü̃ ya Cori ya Tupana ya Guxãxétüwa Ngẽxmacü, rü ngẽma nixĩ i Iraétanüxü̃ i Yudáanewa ngẽxmagüxü̃. Rü nüma ya Cori ya Tupana rü nanaxwa̱xe i nagu naxĩxü̃ i ngẽma norü mugü. Natürü ngẽma Iraétanüxü̃ rü máetaguxicatama narüxĩnüe. Rü nüma ya Tupana rü ínananguxẽxẽ nax nügü nangechaü̃güxü̃, natürü ngẽma natanüwa nüxü̃ ĩnüxü̃ nixĩ nax ngúxü̃maxã aita naxüexü̃.

Wiyaegü 94:6

Rü tüxü̃ nadai ya yíxema yutegüxe, rü yíxema taxcutagü, rü yíxema to i nachixü̃anecüã̱x ixĩgüxe.

Ichaía 3:15

¿Texé pexü̃ tamu nax chixexü̃gu penayixẽẽxü̃ i chorü duü̃xü̃gü, rü chixri tümamaxã ipecuáxü̃ ya yíxema duü̃xẽgü ya ngearü ngẽmaxü̃xã̱xgüxe? —ñanagürü ya Cori ya Tupana ya Guxãétüwa Ngẽxmacü.

Ichaía 32:6

Erü ngẽma duü̃xü̃ i chixexü̃gu maxü̃xü̃ rü chixexü̃maxã nidexa rü ñu̱xũchi naãẽwa rü chixexü̃ i ĩnügu narüxĩnü. Rü naxca̱x nadau nax namáetaxü̃ rü Cori ya Tupanachiga doraxü̃ nixu. Rü tama ta̱xacü tümamaxã nangau ya yíxema taiyaxe, rü tama tüxü̃ naxaxẽxẽ ya yíxema ita̱xawaxe.

Ínachoxü̃xü̃chiga 23:6

Rü ngẽxguma wüxi i duü̃xü̃ i ngearü diẽruã́xü̃ ãẽ̱xgacüpe̱xewa guxchaxü̃ cumaxã mexẽẽgu, rü tama name i cunangexrü i ngẽma guxchaxü̃.

Yox 31:16

Rü taguma tüxü̃ icharüngüma ga guxema ngearü diẽruã̱xgüxe nax tüxü̃ charüngü̃xẽẽxü̃, rü woo ga guxema yutegüxe rü taguma chanaxwa̱xe nax taiya tingegüxü̃.

Ucu̱xẽgüchiga 22:22

Tama name i tümagu quidauxcüraxü̃ ya yíxema ngearü diẽruã́xẽ nagagu nax tangearü diẽruã́xü̃. Rü tama name i ãẽ̱xgacüpe̱xewa tüxü̃ ícuyaxuaxü̃ ya yíxema tama nüxü̃ cuáxe nax tügü ítapoxü̃xü̃. Erü nüma ya Cori ya Tupana tá nixĩ ya tüxü̃ ípoxü̃cü, rü tá tüxü̃ napoxcu ya yíxema ngearü diẽruã́xẽgu idauxcüraxü̃xẽ. -2-

Ucu̱xẽgüchiga 30:14

Rü nangẽxma i duü̃xü̃gü i tümachi aiexü̃ ya yíxema ngearü diẽruã̱xgüxe. Napütagü rü ñoma taragü rü ñoma cüxchigürüxü̃ nixĩgü, rü norü numaxã tüxü̃ inayarüxoxẽẽchaü̃ ya guxãma ya yíxema ngearü diẽruã̱xgüxe ya nachixü̃anewa ngẽxmagüxe.

Ichaía 1:17

¡Rü naxca̱x pengúe nax mexü̃ pexügüxü̃! ¡Rü pora pexüe nax mexü̃ i nacümagu pemaxẽxü̃ca̱x! ¡Rü tüxü̃ perüngü̃xẽxẽ ya yíxema duü̃xẽgü ya togü chixri tümamaxã icua̱xgüxe! ¡Rü naétüwa pechogü i taxcutagü rü yutegüxü̃!

Amúx 2:6

Rü ñanagürü ya Cori ya Tupana: —Pema i Iraétanüxü̃ rü poraãcü chixexü̃ pexügü. Rü tümamaxã petaxe ya yíxema taxuxü̃ma i chixexü̃ üchiréxe. Rü ngẽxgumarüxü̃ ta wüxi i chapatutanüxexpü̱x tümamaxã petaxe ya yíxema ngearü diẽruã́xẽ. Rü ngẽmaca̱x taxũtáma íchayachaxãchi nax pexü̃ chapoxcuxü̃, Pa Iraétanüxü̃x.

Amúx 5:19

Rü ngẽma ngunexü̃ rü ñoma texé wüxi i leóü̃cha̱xwa iñaxgu rü wüxi i osumaxã itarüñaxü̃rüxü̃ tá nixĩ. Rü ngẽma ngunexü̃, rü ñoma wüxíe rü tümapatagu taxücu rü naxtapü̱xgu tingõgügu rü ãxtape tüxü̃ ngṍxü̃rüxü̃ tá nixĩ.

Miquéa 3:1

Rü choma i Miquéa rü ñachagürü: —¡Iperüxĩnüe, Pa Iraétanüxü̃arü Ãẽ̱xgacügüx! ¿Ẽ̱xna natüca̱xmamare nixĩ i nüxü̃ pecuáxü̃ i ngẽma mexü̃ rü ngẽma chixexü̃?