Ichaía 10:19 - Tupanaarü Ore

¹⁹ Rü ngẽma churaragü i noxri naixnecürüxü̃ ixĩxü̃ rü noxre tátama ngéma nayaxügü. Rü ngẽmaca̱x woo wüxi i buxü̃ rü tá nüxü̃́ natauxcha nax yaxugüaxü̃ i ngẽma íyaxügüxü̃.

Ichaía 10:19 Referans Kwoze

Ichaía 37:36

Rü yematama chütaxü̃gu rü wüxi ga daxũcüã̱x ga Tupanaarü orearü ngeruxü̃ rü nanadai ga 185,000 ga churaragü ga Achíriaanecüã̱x. Rü yexguma yangunegu rü guxü̃ma nayue.

Ichaía 21:17

Rü ngẽma norü churaragü i tama muü̃wa̱xegüxü̃ i würamaxã daixü̃ cuáxü̃ rü noxre tátama ínayaxü —ñanagürü. Rü Cori ya Iraétanüxü̃arü Tupana nixĩ ya ngẽma ñacü.

Ichaía 32:19

Rü woo taxü̃ i gáuxü̃pütagü rüyixgu rü perü naixnecüxü̃ nachixexẽẽãgu, rü woo perü ĩanegu napogüegu, natürü i pema rü tá petaãẽ rü taxü̃ i dexá íngexmaxü̃gu tá petoegü. Rü ngéma tá penachibüexẽxẽ i perü woca rü perü búru.

Yeremía 44:28

Rü noxre tátama tixĩ ya yíxema naétüwa maxẽxe i ngẽma dai rü ñu̱xũchi woeguxe nüxna i Equítuane nax wena Yudáanewa taxĩxü̃ca̱x. Rü guxü̃ma ga yema duü̃xü̃gü ga Yudáanewa íyaxügüxü̃ rü Equítuanewa ĩxü̃ nax ngéma namaxẽxü̃ca̱x, rü tá nüxü̃ nadaugü nax texéarü ore tá aixcüma inguxü̃, choxrü ore, rüe̱xna ngẽma duü̃xü̃güarü̃ ore.

Ichaía 13:12

Rü tá chanadai i ngẽma Babiróniacüã̱x i yatüxü̃gü rü noxretátama íchayaxüxẽxẽ. Rü ngẽmaca̱x i ngẽma úiru i mexẽchixü̃ i Ofíwa ngẽxmaxü̃arü yexera tá nataxu i ngẽma duü̃xü̃gü.