Ichaía 10:16 - Tupanaarü Ore

¹⁶ Rü ngẽmaca̱x ya Cori ya Tupana ya Guxãétüwa Ngẽxmacü rü ngẽma ãẽ̱xgacüca̱x rü norü churaragüca̱x tá ínananguxẽxẽ i wüxi i da̱xaweane i poraxü̃, rü wüxi i axüne i ñoma üxüwa ixaxü̃rüxü̃, rü ngẽmaãcü tá nanangearü poraã̱x i ngẽma uanügü i nügü írüporaexü̃.

Ichaía 10:16 Referans Kwoze

Norü taxre ga to ga popera ga ãẽ̱xgacügüchiga ümatüxü̃ 32:21

Rü yexguma nüma ga Tupana rü nanangãxü̃ ga norü yumüxẽ. Rü yéma nanamu ga wüxi ga daxũcüã̱x ga norü orearü ngeruxü̃. Rü nüma rü nanadai ga guxü̃ma ga yema Achíriaanearü ãẽ̱xgacüarü churaragü namaxã ga yema churaragüerugü. Rü yexguma nüma ga ãẽ̱xgacü ga Chenáqueri rü norü ãnemaxã nachixü̃aneca̱x nataegu. Rü yexguma norü tupananetapatagu naxücugu rü nanegütama yexma taramaxã nayama̱xgü.

Ngechuchuarü ngúexü̃gü ga yamugüxü̃arü puracüchiga 12:23

Natürü nüma ga Eróde rü tama Tupanana moxẽ naxã naxca̱x ga norü ngü̃xẽxẽ ga yexguma duü̃xü̃gümaxã yadexagu. Rü yemaca̱x wüxi ga Tupanaarü orearü ngeruxü̃ ga daxũcüã̱x rü yexgumatama Eródexü̃ nida̱xawexẽxẽ. Rü õxmigü nanangõ̱x, rü yemamaxã nayu.

Wiyaegü 106:15

Rü nüma ga Tupana rü naga naxĩnü, rü nanaxü ga yema naxca̱x ínacagüxü̃. Natürü yemawena rü naxca̱x ínananguxẽxẽ ga da̱xaweane ga namaxã nayuexü̃.

Ichaía 37:36

Rü yematama chütaxü̃gu rü wüxi ga daxũcüã̱x ga Tupanaarü orearü ngeruxü̃ rü nanadai ga 185,000 ga churaragü ga Achíriaanecüã̱x. Rü yexguma yangunegu rü guxü̃ma nayue.

Ichaía 37:29

Rü ngẽma nax poraãcü chomaxã cunuxü̃gagu rü cugü ícurütaxü̃gagu rü choma rü tá cuxü̃ chichotamaraü̃ rü cuã̱xwa tá chayaxǘcuchi i wüxi i curü chaxãchixẽxẽruxü̃. Rü ngẽma nama i nagu nua cuxũxü̃gu tátama cuxü̃ chataeguxẽxẽ” —ñanagürü ga Tupana.

Ichaía 17:4

Rü ngẽma ngunexü̃gu ya Chamária ya Iraéanearü ĩane ya porane, rü tá nangearü poraã̱x, rü tá inayarütauxe i norü ngẽmaxü̃gü.

Ichaía 10:18

Rü nüma ya Cori ya Tupana rü tá nayanaxoxẽxẽ i ngẽma Achíriaanearü ãẽ̱xgacüarü pora ñoma wüxi i üxüema i naixnecügü i mexẽchixü̃ ixaxẽẽxü̃rüxü̃ rü mexü̃ i nanetünecügü ixaxẽẽxü̃rüxü̃. Rü ngẽma norü churaragü rü ngéma tá nawogümare ñoma wüxi i duü̃xü̃ i da̱xawexü̃ i ngearü poraã́xü̃rüxü̃.

Ichaía 9:5

Rü ngẽma botagü i churaragü nagu icuaixgüxü̃ rü ñu̱xũchi ngẽma naxchirugü i nagümaxã iducharaxü̃ rü üxüwa tá ínagugü, rü ngẽxma tá nixae rü inayarüxogü.

Ichaía 5:17

Rü yima ĩanegü rü tá inanguxuchigü rü nachicawa tá maxẽ narüxügü, rü ngéma tá nachibüe i carnérugü rü chíbugü.

Ichaía 8:7

Rü ngẽmaca̱x i choma ya Tupana rü Yudáanewa tá chanamugü i Achíriaanearü churaragü. Rü tá Yudáaneca̱x ínayaxüãchi rü guxü̃wama tá nanadai i norü duü̃xü̃gü, ñoma taxtü i Eufráte rübaixgu rü guxü̃wama inanguanegurüxü̃.

Ichaía 31:9

Rü ngẽma norü ãẽ̱xgacü rü muü̃maxã tá niña, rü ngẽma norü churaragüerugü rü norü wonerana tá ngéma nibuxmü. Rü ngẽma nixĩ i nüxü̃ yaxuxü̃ ya Cori ya Tupana nax Yerucharéü̃wa nüxü̃́ nangẽxmaxü̃ ya wüxi ya taxü̃ne ya üxü nax namaxã napoxcuãxü̃ca̱x i norü uanügü.

Yeremía 21:14

Choma rü tá pexü̃ chapoxcue, erü ngẽma nixĩ i pexna üxü̃ nagagu i ngẽma chixexü̃gü i pexügüxü̃. Rü nawa tá chanangixichi i ngẽma perü naixnecügü. Rü yima üxüema rü tá nayaxaxẽxẽ i guxü̃ma i ngẽma naixnecügü i perü ĩanecüwawa ngẽxmagüxü̃. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü ga Yeremía.

Echequié 34:16

Rü choma rü tá naxca̱x chadau i chorü carnérugü i iyarütauxexü̃. Rü tá chayagagü i ngẽma chorü carnérugü i choxna ítüexü̃. Rü ngẽma ibüyeparagüxü̃ rü tá chayanaixgüpara. Rü ngẽma turaexü̃ rü tá nüxü̃ charüngü̃xẽxẽxü̃ natürü ngẽma ingüexü̃ rü iporaexü̃ rü tá chayanaxoxẽxẽ. Rü ngẽmaãcü i choma rü tá mea namaxã ichacua̱x i chorü carnérugü —ñanagürü.

Naúü̃ 1:12

Rü ngẽmaca̱x ya Cori ya Tupana rü norü duü̃xü̃güxü̃ ñanagürü: —Rü woo naporae rü namu i ngẽma Achíriaanecüã̱xgü, natürü tá chanadai rü tá inarüxo. Rü choma Pa Yudáanecüã̱xgüx, rü poraãcü ngúxü̃ pexü̃ chingexẽxẽ. Natürü marü taxũtáma wena ngẽmaãcü pemaxã chixĩ.

Chofonía 2:13

Rü nüma ya Cori ya Tupana rü nórteguama tá nawéxme̱x nax iyanaxoxẽẽãxü̃ca̱x i Achíriaane. Rü yima ĩane ya Nínibe rü tá nanangeãcuxẽẽmare, rü wüxi i chianexü̃ i ípamarexü̃xü̃ tá nayangucuchixẽxẽ.

Ichaía 9:4

Yerü yema Madiáü̃anearü ãẽ̱xgacüme̱xẽwa toxü̃ ícunguxü̃xẽẽgurüxü̃ rü cuma rü toxü̃ ícunguxü̃xẽxẽ nawa ga yema ngúxü̃ ga tingegüxü̃ rü toxü̃ yaxĩ̱xãchitanüãẽxẽẽxü̃ ga yexguma naxme̱xwa tayexmagügu ga yema ãẽ̱xgacü ga chixri tomaxã icuáxü̃.

Ichaía 26:11

Rü cumax, Pa Corix, rü marü naxca̱x icunamexẽxẽ i ngẽma norü poxcu, natürü i nümagü rü tama nüxü̃ nacua̱xgüéga. Natürü ngẽxguma nüxü̃ nadaugügu i ngẽma curü ngechaü̃ i taxü̃ naxca̱x i curü duü̃xü̃gü i mea maxẽxü̃, rü tá naxãnee. ¡Chierüx cuma rü curü nuarü üxüemamaxã cunadaixgu i ngẽma curü uanügü!

Yeremía 48:14

Rü tama name i Moáanecüã̱xgü ñanagürügü: “Toma rü tama tamuü̃e, rü daitanüxü̃ i poraexü̃ tixĩgü”, ñanagürügü.

Chacaría 7:4

Rü yexguma ga Cori ya Tupana ya Guxãétüwa Ngẽxmacü rü chomaxã nidexa rü ñanagürü: