Ichaía 10:14 - Tupanaarü Ore

¹⁴ Rü guma ĩanegüarü ngẽmaxü̃gü rü guxü̃ma cho̱xme̱xwa nangẽxmagü, rü guxü̃ma ga yema norü naane rü chorü nixĩ. Rü ñoma wericharaü̃ ya naxchiãxü̃wa wogüne iyaxuxü̃rüxü̃ chanayaxu ga yema naanegü rü taxuxü̃ma choxna nayanuxũ. Rü tataxuma ya texé ya naxca̱x idexaxe —ñanagürü.

Ichaía 10:14 Referans Kwoze

Yox 31:25

Rü ngẽma chorü taãxẽ rü taguma yema muxü̃ ga chorü yemaxü̃wa nayexma rü bai ga yema mucüma ga chorü diẽruwa nayexma.

Naúü̃ 2:9

Rü norü uanügüarü churaragü rü tagaãcü ñanagürügü: —¡Penade i norü diẽrumü rü norü úirugü! Rü ngẽma nax namuxũchixü̃ i Nínibecüã̱xgüarü ngẽmaxü̃gü rü tama nagu̱xéga —ñanagürügü.

Abdía 1:4

Natürü woo ñoma ĩyürüxü̃ daxũwaxü̃chi pengẽxmagügu rü ma̱xpǘnetape̱xegu pexãchiü̃gu ñoma ĩyürüxü̃, rü ngéma tá pexü̃ charüyi̱xẽxẽ —ñanagürü ga Cori ya Tupana.

Yeremía 49:16

Cuma rü cugü quicua̱xüxü̃ namaxã i curü pora i namaxã cunamuü̃xẽxẽ i ngẽma togü i nachixü̃anegü. Rü nutagüarü ãxmaxü̃güwa pemaxẽ ya ma̱xpǘnegüarü ngüchitaeruxü̃güwa. Natürü woo ñoma ĩyürüxü̃ ngüchitaeruxü̃gügu pexü̃́ nangẽxmagügu i pechica, rü choma rü ngéma tá pexü̃ ícharüxĩgüxẽxẽama. Rü choma ya Cori ya Tupana nixĩ i ngẽma ñachaxü̃” —ñanagürü.

Ichaía 5:8

Wüxi i taxü̃ i ngechaü̃ nixĩ i pexca̱x i pema i nai ya pepatagü ne petaxexü̃. Rü pema rü pegüna penanugü i naanegü rü ngẽmaãcü tüxü̃ pengechicaxẽxẽ ya toguxegü ñoma pexicatama ngẽma naanewa pemaxẽxü̃rüxü̃.

Ucu̱xẽgüchiga 18:12

Ngẽma yigü nax icua̱xüü̃xü̃ rü guxchaxü̃ taxca̱x ínanguxẽxẽ, natürü ngẽma tama nügü icua̱xüü̃xü̃, rü duü̃xü̃gü rü tá namaxã nataãxẽ.

Echequié 35:13

Rü cuma rü quidexa rü curü conümaxã chauchiga quidexa rü choxü̃ cunuxẽxẽ. Rü choma rü meama nüxü̃ chaxĩnü ga curü dexa.

Norü taxre ga to ga popera ga ãẽ̱xgacügüchiga ümatüxü̃ 32:13

¿Rü tama ẽ̱xna nüxü̃ pecua̱x ga yema choma rü chaunatü rü chorü o̱xigü ügüxü̃ namaxã ga guxü̃ma ga yema togü ga nachixü̃anegüarü duü̃xü̃gü? Rü taxuxü̃ma ga yema norü tupanagü rü toxme̱xwa ínanapoxü̃gü.

Ichaía 37:25

Rü choma rü to ga nachixü̃anegüwa chanaxü ga puchugü rü norü dexáwa chaxaxe. Rü yexguma nawa changaxgu rü chayapagüxẽxẽ ga guxü̃ma ga yema Equítuanearü natügü’, ñacurügü.