Ichaía 10:12 - Tupanaarü Ore

¹² Rü ngẽxguma Cori ya Tupana yanguxẽẽgu i ngẽma poxcu naxca̱x i ngẽma duxü̃xü̃gü i ma̱xpǘne ya Chióü̃wa maxẽxü̃ rü yima ĩane ya Yerucharéü̃wa maxẽxü̃, rü tá Achíriaanearü ãẽ̱xgacüxü̃ napoxcu naxca̱x nax nügü ínataxü̃ rü nügü yacua̱xüxü̃xü̃.

Ichaía 10:12 Referans Kwoze

Norü taxre ga popera ga ãẽ̱xgacügüchiga 19:31

Erü ngẽma ñuxre i íyaxügüxü̃ rü Yerucharéü̃wa tá nangẽxmagü. Rü ngẽma ma̱xpǘne i Chióü̃wa tá nangẽxma i ngẽma tama yuexü̃. Rü nüma ya Cori ya Tupana ya Guxü̃étüwa Ngẽxmacü rü ngẽmaãcü tá nanaxü erü poraãcü pexü̃ nangechaü̃.

Yeremía 50:18

Rü ngẽmaca̱x i choma ya Cori ya Guxãétüwa Ngẽxmacü ya Iraétanüxü̃arü Tupana rü ñachagürü: “Choma rü tá chanapoxcu i Babiróniaanearü ãẽ̱xgacü rü nachixü̃ane, yema Achíriaanearü ãẽ̱xgacüxü̃ chapoxcuxü̃rüxü̃.

Ichaía 65:7

Rü ngẽma nax namáetagüxü̃ca̱x rü nanatügü rü ta namáetagüxü̃ca̱x rü tá chanapoxcue. Rü nümagü rü poraãcü choxü̃ nanuxẽẽgü erü ma̱xpǘnegüwa naxchicüna̱xãgüca̱x pumarate̱xe ínagugü. Rü ngüchitaeruxü̃güwa choxü̃ tachoxü̃gagü rü yemaacü choxü̃́ nanangu̱xẽẽgü. Rü ngẽmaca̱x i choma rü tá chanapoxcue —ñanagürü. Rü nüma ya Cori ya Tupana nixĩ i ngẽma ñaxü̃.

Nüxíraxü̃xü̃ ga popera ga Pedru ümatüxü̃ 4:17

Rü ñu̱xma rü marü nawa nangu nax Tupana tüxna ca̱xaxü̃ i yixema nax naxacügü ixĩgüxü̃. Rü ngẽxguma tawa inaxügüãgu, rü ¿ñuxãcü tá nüxü̃ naxüpetü i ngẽma duü̃xü̃gü i tama naga ĩnüexü̃ i Tupanaarü ore i mexü̃?

Ore i mexü̃ ga Matéu ümatüxü̃ 15:19

Erü naãẽwa nixĩ i chixexü̃gu naxĩnüexü̃ i duü̃xü̃gü. Rü ngéma ne naxũ nax namáetaxü̃, rü to i ngexü̃ i ãtéxü̃maxã nax inapexü̃, rü nax nangeãẽmarexü̃, rü nax nangĩ́xü̃, rü nax yadorata̱xáxü̃, rü nax naguxchigawa̱xexü̃.

Ore i mexü̃ ga Matéu ümatüxü̃ 12:33

Rü ngẽxguma wüxi i nanetü rü namexgu, rü norü o rü ta name. Natürü ngẽxguma wüxi i nanetü rü nachixegu, rü norü o rü ta nachixe. Rü wüxi i nanetü rü norü owa nixĩ i nüxü̃ icuáxü̃ rü aixcüma name rüe̱xna tama.

Danié 4:37

Rü ngẽmaca̱x i ñu̱xmax i chomax i Nabucudonochó rü nüxü̃ chicua̱xüxü̃ rü chanataxẽxẽ ya yimá Tupana i dauxü̃guxü̃ i naanewa ãẽ̱xgacü ixĩcü. Erü guxü̃ma i ngẽma naxüxü̃ rü aixcüma name, rü nüxü̃́ natauxcha nax tüxü̃ naxãnexẽẽxü̃ ya yíxema tügü írütagüxe” —ñachagürü.

Echequié 31:14

‘Rü ñu̱xmacürüwa rü woo muxü̃ma i natügüxü̃tawa naxüxgu rü marü taxũtáma nangẽxma i to i nai i naxrüxü̃ máchanexü̃chixü̃. Rü woo yamecagu rü taxũtáma nangema i to i nai i natape̱xe caixanexü̃wa nguxü̃. Rü guxü̃táma nayue rü waixü̃mütüü̃wa naxĩ naxrüxü̃ i ngẽma marü naxmaxü̃wa ngẽxmagüxü̃’.

Echequié 31:10

Rü ngẽmaca̱x ya Cori ya Tupana rü ñanagürü: Guma nai rü namáchanexüchi rü caixanexü̃wa nangu ga natape̱xe. Rü yemagagu nügü ínarütá rü nügü nicua̱xüxü̃.

Ichaía 50:11

Natürü i pema rü toguama perüxĩnüe rü perütama omügü penanaixẽxẽ nax nagu pexĩxü̃ca̱x. Rü ngẽmaãcü Tupanaxü̃ pexo. Rü ngẽmaca̱x i nüma ya Tupana ya Guxãétüwa Ngẽxmacü rü tá pexü̃ napoxcue rü ngúxü̃ pexü̃ ningexẽxẽ —ñachagürü.

Ichaía 27:9

Natürü nüma ya Cori ya Tupana rü tá nüxü̃́ nüxü̃ inayarüngüma i ngẽma Iraétanüxü̃arü chixexü̃gü rü tá ínanapi i norü pecadugü i ngẽxguma nagu napogüegu i norü tupananetagüarü ãmarearü guruü̃güarü nutagü, ñoma nuta ya cal íxraxü̃gu pocürüxü, rü ngẽxguma ínawogüãgu i ngẽma naigü i Acheráchicüna̱xãgü i namaxã natupanaã̱xgüxü̃ rü nagu napogüegu i ngẽma guruü̃gü i nawa norü tupananetagüca̱x pumarate̱xe ínagugüxü̃.

Ichaía 5:15

Rü ngẽma duü̃xü̃gü i chixexü̃gu maxẽxü̃ rü Tupana tá nanaxãneexẽxẽ. Rü ngẽma duü̃xü̃gü i nügü írütagüxü̃ rü ãnemaxã tá inarüma̱xcu.

Ichaía 2:11

Rü ngẽma ngunexü̃ i nagu ínanguxü̃ ya Cori ya Tupana, rü ngẽma nügü icua̱xüü̃güxü̃ rü nape̱xewa tá naxãnee, rü ngẽma nügü írütagüxü̃ rü nape̱xewa rü tá taxuwama nime. Rü nüxicatama ya Cori ya Tupana rü tá inanawe̱x i norü pora i ngẽma ngunexü̃gu.

Ucu̱xẽgüchiga 30:13

Nangexma i duü̃xü̃gü i guxãétüwa nügü ügüxẽẽchaü̃xü̃. Rü ngẽmaãcü nügügu narüxĩnüe nax togüarü yexera yaxĩgüxü̃.

Wiyaegü 76:10

Rü ngẽma norü nu i ngẽma cumaxã rüxuanügüxü̃ rü curü cua̱xüxü̃ruxü̃ tá nayanguxuchi. Rü woo ngẽxguma íxrarüwa nanuegu rü curü nga̱xcueruxü̃ nayanguxuchi i ngẽma.

Wiyaegü 21:10

Rü ngẽxgumarüxü̃ ta ñoma i naanewa tá icuyanaxoxẽxẽ i naxacügü rü nataagü i ngẽma curü uanügü.

Wiyaegü 18:27

Rü cumax, Pa Tupanax, rü tüxü̃ curüngü̃xẽxẽ ya yíxema tama tügü icua̱xüxü̃güxe, natürü cunaxãneexẽxẽ i ngẽma nügü icua̱xüü̃güxü̃.

Wiyaegü 76:5

Rü yema churaragü ga tama muü̃wa̱xegüxü̃ rü cuma rü ícunawoxü̃. Rü yema nügü írüporagüxü̃ rü ñu̱xma rü taxucürüwama ta̱xacü naxüe erü nayuemare.

Ichaía 24:21

Rü ngẽma ngunexü̃gu ya Cori ya Tupana rü tá nanapoxcue i ngẽma naãẽgü i chixexü̃ i dauxü̃wa ngẽxmagüxü̃ rü ñu̱xũchi ngẽma ñoma i naanewa ngẽxmagüxü̃ i ãẽ̱xgacügü i chixexü̃gü. Rü tá nanangutaque̱xexẽxẽ, rü wüxi i poxcuchicaxü̃gu tá nanawocu rü ngẽxma tá nanawãxtaxü̃. Rü ñu̱xũchi muxü̃tama i ngunexü̃güwena rü tá namaxã nanaxuegu i norü poxcu.

Ichaía 27:7

¿Ẽ̱xna Tupana rü Iraétanüxü̃xü̃ napoxcuexü̃ yema norü uanügüxü̃ napoxcuexü̃rüxü̃? ¿Rüe̱xna Iraétanüxü̃xü̃ nada̱i̱xü̃ yema norü uanügüxü̃ nada̱i̱xü̃rüxü̃?

Ichaía 29:14

Rü ngẽmaca̱x i choma rü taxü̃ i cua̱xruü̃gü i chorü poramaxã chaxüxü̃ tá ñaa duü̃xü̃güxü̃ ichawe̱x nax ngẽmamaxã íchanaba̱i̱xgüexü̃ca̱x. Rü ngẽma norü ucu̱xẽruü̃gü i cua̱x nüxü̃́ ngẽxmagüxü̃ rü tá nüxü̃́ inarüxomare i norü cua̱x —ñanagürü ya Tupana.

Ichaía 33:1

Pa Achíriaanex, wüxi i ngechaü̃ tá nixĩ i cuxca̱x. Cuma rü cunadaiãcu i togü i ĩanegü, natürü taguma togü curü ĩane nadaiãcu. Cuma rü cutogüechitawa̱xe, natürü taguma togü nacuechitawa̱xegü. Natürü nawena nax togüxü̃ cuda̱i̱xü̃ rü cuma rü tá ta cuxü̃ nima̱xgü. Rü nawena nax cutogüechitawa̱xexü̃ rü cuma rü tá ta nacuechitawa̱xegü.

Ichaía 37:23

¿Rü texéchiga nixĩ ga chixri quidexaxü̃ rü texémaxã nixĩ ga cuguxchigaxü̃? ¿Rü texémaxã nixĩ ga quipuraxü̃ rü cunuxetüxü̃? Rü cumaxã nüxü̃ chixu rü chomaxã nixĩ i cunuxü̃ i choma i Iraétanüxü̃arü Tupana ya Üünecü.

Ichaía 37:29

Rü ngẽma nax poraãcü chomaxã cunuxü̃gagu rü cugü ícurütaxü̃gagu rü choma rü tá cuxü̃ chichotamaraü̃ rü cuã̱xwa tá chayaxǘcuchi i wüxi i curü chaxãchixẽxẽruxü̃. Rü ngẽma nama i nagu nua cuxũxü̃gu tátama cuxü̃ chataeguxẽxẽ” —ñanagürü ga Tupana.

Yeremía 25:29

Rü tá ichanaxügü nax chorü ĩane ya Yerucharéü̃ca̱x íchananguxẽxẽxü̃ i poxcu. ¿Rü pema nagu perüxĩnüegu rü taxũtáma pexü̃ chapoxcue? Natürü aixcüma tá pepoxcue, erü guxü̃ma i ñoma i naanewa maxẽxü̃ i duü̃xü̃güca̱x tá íchananguxẽxẽ i dai. Rü chomatama ya Cori ya Tupana ya Guxãétüwa Ngẽxmacü nixĩ i nüxü̃ chixuxü̃ i ngẽma!’ ” ñanagürü.

Yeremía 50:32

Pa Duü̃xü̃gü nax Pegü Íperüporaexü̃ rü Chomaxã Penuexü̃x, rü tá peyarüpucutügümare rü ngẽxma peyayi, rü taxúetama i texé pexü̃ itachigüxẽxẽ. Rü tá nawa chanangixichi ya guxü̃nema ya perü ĩanegü rü ngẽma üxüema rü tá nayagu i guxü̃ma i perü ĩanecüwawa —ñanagürü.

Iraétanüxü̃arü muxchiga 24:24

Rü Chípreanewa tá ne naxĩ ya wapurugü, rü guxü̃netáma ya Achíriaanearü ĩanegügu rü Ébeanearü ĩanegügu rü tá napogüe —ñanagürü.

Wenaxarü naxümatü ga Tupanaarü mugü 32:27

Natürü tama ngẽmaãcü namaxã chanaxüxchaü̃, erü tama chanaxwa̱xe nax choxü̃ nacugüexü̃ i chorü uanügü, rü choxü̃ ñagüxü̃: ‘Tama nixĩ ya Cori ya Tupana naxüxü̃ i ngẽma ñu̱xma ngupetüxü̃, rü yixema nixĩ i torü poramaxã naxüxü̃’, ñagüxü̃.

Ucu̱xẽgüchiga 21:4

Nangexma i tomaepü̱x i nacümagü ya Tupana tama namaxã taãẽxü̃: Ngẽma nixĩ nax yigü icua̱xüü̃xü̃, rü yigü ixuxü̃ nax togüarü yexera cua̱x tüxü̃́ ngẽxmaxü̃, rü chixexü̃gu imaxẽxü̃.

Ichaía 2:12

Rü ngẽma ngunexü̃gu rü nüma ya Cori ya Tupana rü tá nanaxãneexẽxẽ i guxü̃ma i ngẽma nügü icua̱xüü̃güxü̃ rü ngẽma nügü írütagüxü̃ rü ngẽma togüétüwa nügü ngẽxmagüxẽẽxü̃.

Danié 11:45

Rü ñu̱xũchi ngẽma metachinüxü̃ i Yerucharéü̃arü rü márpechinüarü ngãxü̃wa ngẽxmaxü̃gu tá nayatexechigü i norü churaragüpatagü i naxchirunaxca̱x. Natürü ngẽxma tátama nixĩ i nayuxü̃, rü taxúetama nüxü̃ tarüngü̃xẽxẽ —ñanagürü.