Ichaía 10:1 - Tupanaarü Ore

¹ ¡Rü pegümaxã pengechaü̃gü i pema i ãẽ̱xgacügü nax chixexü̃ i mugü duü̃xü̃güca̱x ipexüxü̃ rü penaxunagüchigaxü̃ i mugü i taxucürüwama duü̃xü̃gü íngu̱xẽẽxü̃!

Ichaía 10:1 Referans Kwoze

Ore i mexü̃ ga Luca ümatüxü̃ 11:52

Rü wüxi i ngechaü̃ nixĩ i pexca̱x, Pa Ngúexẽẽruü̃gü i Moichéarü Mugüwa Ngu̱xẽẽtaegüxü̃ erü duü̃xü̃gücha̱xwa ipeyacu̱x i Tupanaarü ore i aixcüma ixĩxü̃ i pematama tama pixõgüxü̃. Rü nüxna penachu̱xu i togü i duü̃xü̃gü i aixcüma yaxõgüchaü̃xü̃ nax nümagü rü ta tama yaxõgüãxü̃ca̱x —ñanagürü ga Ngechuchu.

Ore i mexü̃ ga Matéu ümatüxü̃ 23:23

Pa Ngúexẽẽruü̃gü i Mugüwa Ngu̱xẽẽtaegüxü̃ rü Pa Parichéugüx, pema rü duü̃xü̃güpe̱xewa mea pemaxẽneta. Pema rü perü mentawa rü aníswa rü comínuwa rü Tupanana penaxã i ngẽma diésmu i nüxna üxü̃, natürü tama naga pexĩnüe i Tupanaarü mugü i guxü̃ i mugüarü yexera ixĩxü̃. Rü wüxi i ngechaü̃ nixĩ i pexca̱x erü tama mea duü̃xü̃gümaxã ipecua̱x, rü tama pexü̃́ nangechaü̃tümüü̃gü, rü tama Tupanamaxã pixaixcümagü. Rü ngẽma mexü̃gü nixĩ ya Tupana naxwa̱xexü̃ nax penaxüxü̃. Rü ngẽxgumarüxü̃ ta name nax Tupanaga pexĩnüexü̃ rü nüxna penaxãxü̃ i ngẽma diésmu i nüxna üxü̃.

Ore i mexü̃ ga Cuáü̃ ümatüxü̃ 19:6

Natürü yexguma Ngechuchuxü̃ nadaugügu ga chacherdótegüarü ãẽ̱xgacügü rü Tupanapata ga taxü̃nearü purichíagü, rü inanaxügüe ga aita nax naxüexü̃. Rü ñanagürügü: —¡Curuchawa yapota! ¡Curuchawa yapota! —ñanagürügü. Rü Pirátu rü ñanagürü nüxü̃: —¡Ẽcü, peyaga rü pematama curuchawa peyapota! Erü choma rü taxuxü̃ma i chixexü̃xü̃ nawa chadau —ñanagürü.

Ore i mexü̃ ga Cuáü̃ ümatüxü̃ 9:22

Rü yema ñatarügügü ga nanatü rü naé, yerü tamuü̃e. Yerü ga Yudíugü rü marü nügümaxã nanamexẽxẽgü nax tüxü̃ ínata̱xüchigüxü̃ca̱x ga ngutaque̱xepataü̃wa ga texé ga Ngechuchuaxü̃́ yaxṍxe nax Cristu yixĩxü̃.

Abacú 2:6

Natürü guxü̃ma i ngẽma nachixü̃anegü i ngẽma Cadéuanecüã̱xgü nügüme̱xẽwa ngẽxmagüxẽẽxü̃ rü tá wüxi i ngunexü̃gu ngẽma Cadéuanecüã̱xgüxü̃ nacugüe. Rü wiyaeãcüma tá ñanagürügü: —¡Cugümaxã nangechaü̃ erü ngẽma naxca̱x cungĩ́xü̃maxã cumuarü diẽruã̱x! ¿Rü ñuxguxüratáta nixĩ i nüxü̃ curüxoxü̃ nax cungĩ́echaxü̃ nax ngẽmaãcü cumuarü diẽruã́xü̃? —ñanagürügü.

Ichaía 5:8

Wüxi i taxü̃ i ngechaü̃ nixĩ i pexca̱x i pema i nai ya pepatagü ne petaxexü̃. Rü pema rü pegüna penanugü i naanegü rü ngẽmaãcü tüxü̃ pengechicaxẽxẽ ya toguxegü ñoma pexicatama ngẽma naanewa pemaxẽxü̃rüxü̃.

Popera ga Yúda ümatüxü̃ 1:11

Rü wüxi i ngechaü̃xü̃chi nixĩ naxca̱x i ngẽma duü̃xü̃gü erü Caíü̃ ga naenexẽxü̃ imáxü̃rüxü̃ nixĩgü. Rü ãẽ̱xgacü ga Balaáü̃rüxü̃ diẽruca̱x chixexü̃ naxügü. Rü Corérüxü̃ tama Tupanaga naxĩnüechaü̃, rü ngẽmaca̱x tá nayue.

Ore i mexü̃ ga Matéu ümatüxü̃ 26:24

Rü Tupana Nane ya duü̃xü̃xü̃ ixĩcü rü tá nayu ngẽxgumarüxü̃ i Tupanaarü ore i ümatüxü̃ nüxü̃ ixuxü̃rüxü̃. Natürü wüxi i ngechaü̃xü̃chi nixĩ naxca̱x i ngẽma yatü i ínaxuaxü̃xü̃. Rü narümemae chi nixĩ ga noxtacüma taxũchima nax nabuxü̃ —ñanagürü.

Ore i mexü̃ ga Matéu ümatüxü̃ 23:29

Rü wüxi i ngechaü̃ nixĩ i pexca̱x, Pa Ngúexẽxẽruü̃gü i Mugüwa Ngu̱xẽẽtaegüxü̃ rü Pa Parichéugüx, pema rü duü̃xü̃güpe̱xewa mea pemaxẽneta. Rü yema nũxcümaü̃güxü̃ ga Tupanaarü orearü uruü̃güchique̱xegüétüwa penatoxẽxẽ i norü cua̱xruxü̃gü, rü peyamecagü ga naxchique̱xegü ga yema duü̃xü̃gü ga imexü̃ ga yuexü̃.

Ore i mexü̃ ga Matéu ümatüxü̃ 23:27

Pa Ngúexẽẽruü̃gü i Mugüwa Ngu̱xẽẽtaegüxü̃ rü Pa Parichéugüx, pema rü duü̃xü̃güpe̱xewa mea pemaxẽneta. Rü wüxi i ngechaü̃ nixĩ i pexca̱x, erü ñoma yuetachique̱xegü i düxétüwa cómüxü̃maxã chauxetügüxü̃ natürü aixepewa rü yuetachina̱xãmaxã rü naguxü̃raü̃xü̃ i ãũãchixü̃maxã napagüxü̃rüxü̃ pixĩgü. Erü perü düxétüwa i duü̃xü̃gü nüxü̃ ídaugüxü̃waxicatama pime, natürü perü aixepewa i perü ĩnüwa nangẽxma i naguxü̃raü̃xü̃ i chixexü̃.

Abacú 2:12

Rü wüxi i taxü̃ i ãũcümaxü̃wa pengẽxmagü, Pa Cadéuanecüã̱xgüx, yerü penadai ga duü̃xü̃gü rü penapuxü̃ ga norü yemaxü̃gü nax yemaacü perü ĩanegü pexügüxü̃ca̱x.

Abacú 2:9

¡Rü pegümaxã pengechaü̃, i pema nax naxca̱x pengĩxü̃maxã penaxüãcuxü̃ ya pepata nax ngẽmamaxã pegü ípepoxü̃güxü̃ca̱x na̱xcha̱xwa i guxü̃ma i ãũcümaxü̃gü!

Miquéa 6:16

Erü nagu pexĩ ga yema mugü rü nacümagü ga chixexü̃ ga nagu naxĩxü̃ ga ãẽ̱xgacügü ga Omrí rü Acáxtanüxü̃. Rü pema rü yema nümagü namaxẽxü̃ãcütama pemaxẽ. Rü ngẽmaca̱x, Pa Yerucharéü̃x, rü choma rü tá curü uanügüna cuxü̃ chaxã nax cugu napogüexü̃ca̱x. Rü ngẽma curü duü̃xü̃gü rü togü tá nüxü̃ nacugüe rü ãne tá ningegü —ñanagürü.

Ore i mexü̃ ga Matéu ümatüxü̃ 11:21

Rü ñanagürü ga Ngechuchu: “Wüxi i ngechaü̃ nixĩ i pexca̱x, Pa Corachíü̃cüã̱x rü Pa Bechaídacüã̱x. Yerü yexguma chi Tíruarü ĩanewa rü Chidóü̃arü ĩanewa chanaxüxgu ga yema mexü̃gü ga cua̱xruü̃gü ga Tupanaarü poramaxã petanüwa chaxüxü̃, rü woo ga nax poraãcü yachixexü̃ ga yema duü̃xü̃gü, rü nũxcümama chitama nüxü̃ narüxoe ga yema nacüma ga chixexü̃, rü poraãcüxüchi chi nügümaxã nangechaü̃gü rü naxauxe, yerü chi nügü nicua̱xãchitanü nax yapecaduã̱xgüxü̃.

Abacú 2:19

Rü wüxi i ngechaü̃ nixĩ i tümaca̱x ya yíxema norü üruxü̃ erü ñatagürü nüxü̃: ¡Naba̱i̱xãchi! ñatagürü, rü wüxi ya nuta ya tama idexacüxü̃ tamu rü ñatagürü: ¡Inachi! ñatagürü. ¿Rü duü̃xü̃gümaxã yadexagüxü̃ yixĩxü̃ i ngẽma naxchicüna̱xãgü? Tama nidexagü erü ningearü maxü̃ã̱x woo nax úirumaxã rü diẽrumümaxã yaxãxü̃nexü̃.

Abacú 2:15

¡Rü pegümaxã pengechaü̃, Pa Cadéugüx! Erü perü chixexü̃maxã penachixexẽxẽ i ngẽma nachixü̃anegü i pexna ngaicamagüxü̃ ñoma bínumaxã penangaxexẽẽxü̃rüxü̃. Rü ngẽmaãcü pepe̱xewa ãne nüxü̃ pingexẽẽgü ñoma wüxi i duü̃xü̃ i ngexchiruãcüma ãne ingexü̃rüxü̃.

Yeremía 22:13

Rü nüma ga Cori ya Tupana rü ãẽ̱xgacü ga Yoachíü̃chiga ñanagürü: —Pa Ãẽ̱xgacüx, wüxi i ngechaü̃ nixĩ i cuxca̱x, erü cuma rü cunaxü ya ãẽ̱xgacüpata rü naigü ya ĩpatagü ya itaxü̃ne, natürü chixexü̃ cuxü erü tama tüxü̃́ cunaxütanü ya yíxema cuxü̃́ naxügüxe.

Ichaía 5:18

Rü pegümaxã pengechaü̃gü i pema erü pidorata̱xagü rü ngẽmaãcü pegüwe peyatúchigügü i perü chixexü̃gü ñoma wüxi i caru rü naxpanaxãmaxã itúxü̃rüxü̃.

Ichaía 3:11

Natürü wüxi i taxü̃ i ãũcümaxü̃chixü̃ nixĩ naxca̱x i ngẽma duü̃xü̃ i chixexü̃gu maxü̃xü̃. Rü ngẽma chixexü̃ i naxüxü̃gagu rü tá guxchaxü̃ naxca̱x ínangu. Erü Cori ya Tupana rü ngẽma chixexü̃ i naxüxü̃ca̱x tá nanapoxcu.

Wiyaegü 58:2

Rü tama ngẽmaãcü nixĩ. Erü ngẽxguma texé tümaarü guxchaxü̃ pepe̱xewa mexẽẽchaü̃gu rü tama tüxü̃́ iperüxĩnüe, natürü naga pexĩnüe i ngẽma doramare pemaxã ixuxü̃ erü pexü̃́ nanaxütanü. Rü ngẽmaca̱x pegümaxã penanuexẽxẽ i duü̃xü̃gü i pechixü̃anewa.

Ichaía 5:11

Rü pegümaxã pengechaü̃gü i pemax marü yangunechaü̃gu írüdagüxe nax pegü pengãxẽxẽẽxü̃ca̱x rü ñu̱xmata pechütaxü̃gümare.

Nüxíraxü̃xü̃ ga popera ga ãẽ̱xgacügüchiga 21:13

Rü nüma ga yema taxre ga yatügü rü guxü̃ma ga duü̃xü̃güpe̱xewa doraxü̃mare nixugüe Nabúchiga. Rü ñanagürügü: —Ñaa Nabú rü Tupanamaxã naguxchiga rü ãẽ̱xgacü ya Acáxmaxã rü ta naguxchiga —ñanagürügü. Rü yexguma nüxü̃ naxĩnüegu ga duü̃xü̃gü, rü Nabúxü̃ niyauxgü rü ĩanepemawa nanagáuchigügü. Rü yexma nutamaxã ínanamuxũchigü rü yemaacü nayama̱xgü.

Ichaía 3:14

Rü Cori ya Tupana rü tá naxca̱x nangema i ngẽma yaxguã̱xgü i ĩanemaxã icua̱xgüxü̃ rü ngẽma togü i ãẽ̱xgacügü, rü ñanagürü tá nüxü̃: —Pema rü chorü duü̃xü̃güxü̃ pechixexẽxẽ. Rü tüxü̃́ pengĩ́e ya ngearü ngẽmaxü̃xã̱xgüxe. Rü ngẽma tümaarü ngẽmaxü̃gü i tüxü̃́ naxca̱x pengĩ́xü̃ rü pepatagu nixĩ i namaxã penguxü̃güxü̃.

Ichaía 5:23

Pema rü naétüwa pexü i ngẽma duü̃xü̃ i chixexü̃ üxü̃ erü pexü̃́ nanaxütanü. Natürü tama tümaxétüwa pexü ya yixema taxuxü̃ma i chixexü̃ üxe.

Ichaía 29:21

Rü ngẽxgumarüxü̃ tá ta inayarüxo i ngẽma ãẽ̱xgacüpe̱xewa doraxü̃ ixugüexü̃ nax tapoxcuxü̃ca̱x ya yíxema taxuxü̃ma i chixexü̃ üchiréxe.

Ichaía 59:4

Rü taxúema i pema mexü̃ i ĩnümaxã ãẽ̱xgacü ya guxchaxü̃arü mexẽẽruü̃pe̱xewa pexĩ. Rü ngẽma guxchaxü̃ ínamexẽẽgüpe̱xewa rü taxúema nüxü̃ tixu i ngẽma ore i aixcüma ixĩxü̃. Rü nüxü̃ tixu i ngẽma dora ixĩxü̃ rü taxúema aixcümaxü̃ tixu. Erü chixexü̃maxã penapagü rü tama aixcüma penango̱xẽxẽ i ngẽma perü chixexü̃gü.

Ichaía 59:13

Rü tama Tupanaga taxĩnüe rü tama namaxã tixaixcümagü. Rü nüxna tixĩgachi. Rü máetachiga tidexagü rü tanaechitaegü. Rü duü̃xü̃güxü̃ tawomüxẽxẽ.

Ínachoxü̃xü̃chiga 23:3

Rü bai tá naétüwa quidexa i ngẽma duü̃xü̃ i ngearü diẽruã́xü̃ i ngẽxguma womüxẽẽãcü ãẽ̱xgacüxü̃tawa ta̱xacüca̱x ínaca̱xgu.

Ínachoxü̃xü̃chiga 23:6

Rü ngẽxguma wüxi i duü̃xü̃ i ngearü diẽruã́xü̃ ãẽ̱xgacüpe̱xewa guxchaxü̃ cumaxã mexẽẽgu, rü tama name i cunangexrü i ngẽma guxchaxü̃.

Amúx 2:7

Rü chixri namaxã pecua̱xgü i ngẽma chixeparagüxü̃. Rü tama tümaétüwa pidexagü ya yíxema taxuxü̃ma tüxü̃́ ngẽxmagüxe. Rü ngẽma papa rü ngẽma nane rü wüxitama i ngexü̃maxã namaxẽ. Rü ngẽmaãcü penaxãũãchixẽxẽ i chauéga i üünexü̃.