Rü nümatama ga Ichaía, rü ñanagürü ga ü̃pa: “Ngẽxguma chi nüma ya tórü Cori ya Guxü̃étüwa Ngẽxmacü rü taxũchima íyaxügüxẽẽãgu i ñuxre i tatanüxü̃ i Yudíugü, rü chi itayarüxoxochi, yexgumarüxü̃ nax iyanaxogüxü̃ ga gumá ĩanegü ga Chodóma rü Gomóra namaxã ga guxü̃ma ga yema duü̃xü̃gü ga yéma yexmagüxü̃”, ñanagürü ga Ichaía.
Ichaía 1:9 - Tupanaarü Ore9 Ega ngẽxguma Cori ya Tupana ya Guxãétüwa Ngẽxmacü taxũchima ñuxre i yixema nua tüxü̃ yaxügüxẽẽgu, rü Yerucharéü̃ rü Chodómarüxü̃ rü Gomórarüxü̃ nixĩ. Gade chapit la |
Ichaía 1:9
37 Referans Kwoze
Bexmana nüma ya Cori ya curü Tupana rü marü nüxü̃ naxĩnü i ngẽma ore i nüxü̃ yaxuxü̃ i ngẽma Achíriaanearü churaragüeru i norü ãẽ̱xgacü nua muxü̃ nax Tupana ya Maxü̃cümaxã naguxchigaxü̃. Rü chierüna napoxcuãgu ya curü Cori ya Tupana naxca̱x i ngẽma ore i nümatama nüxü̃ naxĩnüxü̃. Rü ngẽmaca̱x chanaxwa̱xe i toxca̱x cuyumüxẽ i toma nax ítayaxügüxü̃ —ñanagürü ya ãẽ̱xgacü.
Rü ngẽma noxretama i oribugü i ngéma yaxüxü̃rüxü̃acü tá nixĩ i ngẽma noxre i duü̃xü̃gü ya yima ĩanegüwa yaxǘgüxü̃. Rü norü buxwena rü ngẽma taxre rüe̱xna tomaepü̱x i oribuarü o i natanüpe̱xewa rüe̱xna ngẽma ãgümücü rüe̱xna wüxime̱e̱xpü̱x i nachacüüpe̱xewa yaxüxü̃rüxü̃ tá nixĩ. Rü Cori ya Tupana ya Iraétanüxü̃arü Tupana nixĩ ya ngẽma ñacü.
Rü woo chi 100 tanüwa rü 10 i duü̃xü̃gü íyaxüxgu nawa ya yima ĩane rü ngẽma rü tá ta nadai ñoma wüxi i nai i daxüchixü̃rüxü̃. Natürü ñoma wüxi i naixchimewa ngexwaca̱xü̃xü̃ i nane rüxüamaxü̃rüxü̃ tá nixĩ i ngẽma Iraétanüxü̃. Erü noxretama tá ínayaxü, rü ngẽmatanüwa tá ne naxĩ i duü̃xü̃gü i aixcüma chauga ĩnüexü̃ —ñanagürü ga Tupana.
Natürü ga Abraáü̃ rü wena nüxna nacaama rü ñanagürü: —Pa Corix ¡taxṹ i chomaxã cunuxü̃! Ñuxica wena cuxna chacaxchaü̃, rü ngẽmawena rü marü taxũtáma cuxü̃ chachixewe. ¿Rü ta̱xacü chi cuxüxü̃ i ngẽxguma 10 icatama i duü̃xü̃gü i mea maxẽxü̃ ngẽxmagügu? —ñanagürü. Rü nüma ga Cori ya Tupana rü ñanagürü: —Ngẽma 10 gagu rü taxũtáma chanapoxcu ya yima ĩane —ñanagürü.
Rü Iraétanüxü̃chiga rü ta nidexa ga Tupanaarü orearü uruxü̃ ga Ichaía rü ñanagürü: “Rü woo namuxũchichire̱x i Yudíugü yimá naxnücü ya márpechinüwa yimácürüxü̃, natürü noxre tátama nixĩ i aixcüma nayauxgüxü̃ i maxü̃ i taguma gúxü̃. Rü paxa tá ínangu ya tórü Cori nax napoxcueãxü̃ca̱x i guxü̃ma i ngẽma tama noxrü ixĩgüxü̃”, ñanagürü ga Ichaía.
Pa Corix, Pa Tupanax, ngẽma nüxü̃ chaxĩnüxü̃ i cuchiga rü nachiga ga guxü̃ma ga yema cuxüxü̃ rü poraãcü muü̃ choxna naxã erü cuxüünexüchi. ¡Rü towa naxü ga yema mexü̃ ga ü̃pa cuxüxü̃ nax ngẽmaãcü i toma rü ta nüxü̃ tadaugüxü̃ca̱x! Rü woo tomaxã nax cunuxü̃, natürü ¡toxü̃ nawe̱xama nax ñuxãcü cuxü̃́ tangechaü̃tümüxü̃güxü̃!
Rü tá nüxü̃ pedau i ngẽma naane i nawa pengẽxmagüxü̃ rü achúfremaxã, rü yucüramaxã napaxü̃, rü ñu̱xũchi waixü̃müane ixaxü̃xicatama nax yixĩxü̃. Rü ngẽma naanegu rü taxucürüwama nagu tatoe, rü ngẽma nanetü i nagu petoxü̃ rü taxũtáma narüxügü, rü bai wüxi i maxẽ nawa rüxüxü̃. Rü guma ĩanegü ga Cori ya Tupana norü numaxã iguxü̃ne ga Chodóma, rü Gomóra, rü Axmá rü Cheboíü̃maxã üpetüxü̃rüxü̃ tá perü naanemaxã naxüpetü.
Rü Tupana rü yexgumarüxü̃ ta inayanaxoxẽxẽ ga gumá ĩanegü ga Chodóma rü Gomóra ga poraãcü chixexü̃gü nawa naxügüne. Rü ínanagu ga gumá ĩanegü ñu̱xmata norü tanimacaxicatama íyaxü. Rü yemaacü nanaxü nax gumá ĩanegü rü wüxi ga cua̱xruxü̃ yixĩxü̃ca̱x nüxü̃́ ga yema duü̃xü̃gü ga chixexü̃ ga yemawena maxẽxü̃.
Natürü noxretátama nixĩ i íyaxügüxü̃. Rü nümagü rü nanegümaxã rü naxacügümaxã tá Yerucharéü̃wa ínachoxü̃. Rü ngẽxguma tá Babiróniawa nangugügu i nümagü, rü pemax i ngéma pengẽxmagüxü̃ rü tá nüxü̃ pecua̱x nax ñuxãcü chixexü̃gu namaxẽxü̃ i ngẽma duü̃xü̃gü rü ngẽma chixexü̃ i naxügüxü̃. Rü ñu̱xũchi taxũtáma pengechaxü̃gü naxca̱x i guxü̃ma i ngẽma poxcugü i Yerucharéü̃ca̱x íchanguxẽẽxü̃.
Chierüx nüma ya Cori ya curü Tupana rü marü nüxü̃ naxĩnügu i ngẽma ore i nüxü̃ yaxuxü̃ i ngẽma Achíriaanearü churaragüeru nax namaxã naguxchigaxü̃. Rü chierüna napoxcuãgu ya curü Cori ya Tupana naxca̱x i ngẽma ore i nümatama nüxü̃ naxĩnüxü̃. Rü ngẽmaca̱x chanaxwa̱xe i toxca̱x cuyumüxẽ nax ítayaxǘgüxü̃ —ñanagürü ga ãẽ̱xgacü.
Rü ngẽxguma yimá Dabítaxa ingucuchigu nax ãẽ̱xgacü yixĩxü̃ca̱x rü nüma ya Cori ya Tupana rü tá wena inanawe̱x i norü pora. Rü wena tá nanangutaque̱xexẽxẽ i norü duü̃xü̃gü i Achíriaanewa, rü Equítuanewa, rü Patróxanewa, rü Etiopíaanewa, rü Eráü̃anewa, rü Chináxanewa, rü Amáanewa rü nachixü̃anegü i márcutüwa ngẽxmagüxü̃wa. Rü tá wena Iraéaneca̱x nanawoeguxẽxẽ.
Nüma ya Tupana rü ñanagürü: —Ngẽxguma poraãcüma yaxãxtüü̃gu i úbagü rü duü̃xü̃gü rü tama nanaxaiya̱xü̃gü, erü nüxü̃ nacua̱xgü nax tacütama ya bínu nawa nüxü̃́ ínguxuchixü̃. Rü ngẽxgumarüxü̃ tá ta i chomax, rü ngẽma nax nüxü̃ changechaü̃xü̃gagu i ngẽma chorü duü̃xü̃gü rü taxũtáma chanadai i guxü̃ma i Iraétanüxü̃.
Rü choma rü marü nüxü̃ chadau i ngẽma Yerucharéü̃arü orearü uruü̃güneta nax poraãcü chixexü̃ naxügüxü̃. Rü ngexü̃gü i ãtéxü̃maxã namaxẽxü̃ rü duü̃xü̃güxü̃ nawomüxẽẽgüxü̃. Rü ngẽma duü̃xü̃gü i chixexü̃gu maxẽxü̃axü̃́ nanangúchaü̃xẽxẽ nax tama nüxna yaxĩgachixü̃ca̱x i ngẽma chixexü̃ i nagu namaxẽxü̃. Rü nümagü i ngẽma orearü uruü̃güneta rü ñu̱xũchi ngẽma ĩanecüã̱xgü rü chope̱xewa rü ñoma Chodómacüã̱x rü Gomóracüã̱xrüxü̃ nixĩgü.
Rü choma ya Cori ya Tupana rü ñachagürü: “Ngẽxguma ngẽma Iraéanecüã̱xgü rü Yudáanecüã̱xgü woeguxgu, rü yema duü̃xü̃gü ga maxẽãcü yéma íyaxügüxü̃ rü choma rü tá nüxü̃́ nüxü̃ charüngüma i norü chixexü̃gü. Rü ngẽmaãcü i nümagü rü tá nawa ínanguxü̃ i norü chixexü̃gü rü norü pecadugü ga naxügüxü̃”, ñachagürü.
Piblisite