Ichaía 1:7 - Tupanaarü Ore

⁷ Rü pechixü̃ane rü naxnücüane i chianexü̃xü̃ nayanguxuchi, rü perü ĩanegü rü nixae rü niya̱u̱xragü. Rü ngẽma perü uanügü rü pepe̱xewa nanangõ̱xgü i ngẽma pema petogüxü̃ i penetüarü o. Rü guxü̃ma i perü naane rü naxnücüane i chianexü̃xü̃ nayanguxuchi yema Chodómaxü̃ ngupetüxü̃rüxü̃ ga yexguma yaxaxgu.

Ichaía 1:7 Referans Kwoze

Auxexü̃chiga 5:2

Rü guxü̃ma ga torü yemaxü̃gü rü ñu̱xma rü duü̃xü̃gü i to i nachixü̃anecüã̱xgüme̱xẽwa nangẽxmagü. Rü topatagü rü ñu̱xma rü duü̃xü̃gü i taguma nüxü̃ tacua̱xgüxü̃ nawa nangẽxmagü.

Wenaxarü naxümatü ga Tupanaarü mugü 28:43

Rü ngẽma duü̃xü̃gü i to i nachixü̃anecüã̱x i pechixü̃anegu ãpatagüxü̃ rü tá yexera pexü̃ narüporamaegüchigü, rü yoxni i pema rü yexera tá perüturamaetanüchigü.

Wenaxarü naxümatü ga Tupanaarü mugü 28:33

Rü ngẽma curü naanegu cutoxü̃ i cunetüarü o i curü puracüwa ne ũxü̃, rü duü̃xü̃gü i ü̃paacü taguma nüxü̃ cucuáxü̃ tá nüxchiama nanangõ̱xgü. Rü ngẽmaãcü guxü̃gutáma chixri cumaxã inacua̱xgü rü chixri cumaxã nachopetü.

Ochéa 7:9

Rü ngẽma to i nachixü̃anecüã̱xgü rü naechita nüxna nanayaxu i ngẽma Efraíü̃tanüxü̃arü pora. Rü düxwa napuxerumare i ngẽma Efraíü̃tanüxü̃, natürü tama nüxü̃ nacua̱xégagü nax marü yangearü poraáxü̃.

Echequié 30:12

Rü choma rü tá chayachexẽxẽ i ngẽma taxtü i Níru. Rü duü̃xü̃gü i chixecümaxüchixü̃güme̱xẽwa tá chanangexmagüxẽxẽ i Equítuanecüã̱xgü nax ngẽmaãcü chanaguãcuxẽxẽ i ngẽma nachixü̃ane guxü̃ma i norü ngẽmaxü̃gümaxã. Rü choma ya Cori ya Tupana nixĩ i nüxü̃ chixuxü̃ i ngẽma’.

Norü taxre ga to ga popera ga ãẽ̱xgacügüchiga ümatüxü̃ 28:5

Rü yemagagu ga Cori ya Tupana rü Chíriaanearü ãẽ̱xgacüme̱xẽgu nananguxẽxẽ. Rü yema Chíriaanearü churaragü rü nüxü̃ narüporamae rü ñu̱xũchi muxü̃ma ga Yudáanecüã̱xgüxü̃ ínayauxü̃, rü ĩane ga Damácuwa nanagagü. Rü yexgumarüxü̃ ta ga nüma ga Cori ya Tupana rü Iraéanearü ãẽ̱xgacüme̱xẽgu nananguxẽxẽ ga Acháx, rü yemaacü nüxü̃ narüporamaegü rü nayue ga muxü̃ma ga Yudáanecüã̱xgü.

Ochéa 8:7

Rü ngẽma chixexü̃ i nagu naxĩxü̃ i ngẽma Iraéanecüã̱xgü rü natüca̱xmamare nixĩ rü ñoma buanecürüxü̃ nixĩ. Rü choma rü tá naxca̱x íchananguxẽxẽ i wüxi ya tacü ya buanecü ya íxã̱ũ̱xẽmacü. Rü ngẽma norü naanegüwa rü taxũtáma nixo i norü trigu rü taxũtáma nangẽxma i norü arína. Rü ngẽxguma ngürüãchi nüxü̃́ yaxo̱xgu, rü to i nachixü̃anecüã̱x tá namaxã naxãwemügü.

Yeremía 6:8

¡Pa Yerucharéü̃cüã̱xgüx, nüxü̃ perüxoe i ngẽma chixexü̃ i pecümagü nax tama pexna chixũgachixü̃ca̱x! Erü ngẽxguma tama nüxü̃ perüxoegu rü choma rü tá pexü̃ íchawogü rü perü ĩane rü wüxi i chianexü̃ tá chayaxĩxẽxẽ —ñanagürü.

Yeremía 2:15

¿Rü ta̱xacüca̱x norü uanügü ñoma leóü̃gü nada̱i̱xü̃rüxü̃ nanadai, rü tagaãcü aita naétü naxüe? Rü nachixü̃ane rü nachitaxü̃icatama ínayaxü. Rü norü ĩanegü rü ínanagu. Rü taxúema nawa tayaxü.

Ichaía 34:9

Rü ngẽma Edóü̃anearü natüxacügü rü o̱xwücharaxü̃ tá nayanguxuchigü. Rü ngẽma norü waixü̃müchicute̱xe rü achúfrexü̃ tá nayanguxuchi. Rü ngẽma waixü̃mü rü ñoma o̱xwüchararüxü̃ tá ninai.

Ichaía 9:5

Rü ngẽma botagü i churaragü nagu icuaixgüxü̃ rü ñu̱xũchi ngẽma naxchirugü i nagümaxã iducharaxü̃ rü üxüwa tá ínagugü, rü ngẽxma tá nixae rü inayarüxogü.

Ichaía 6:11

Rü yexguma ga choma rü nüxna chaca rü ñachagürü: —¿Ñuxre i ngunexü̃ tá nixĩ i ngẽmaãcü yixĩxü̃, Pa Corix? —ñachagürü. Rü yexguma ga nüma rü choxü̃ nangãxü̃ rü ñanagürü: —Ngẽmaãcü tá nixĩ ñu̱xmatáta yima ĩanegü rü nagu napogüe, rü taxuxü̃táma i duü̃xü̃ ínayaxü rü ñu̱xmatáta ya yima ĩpatagü rü nangearü duü̃xü̃güã̱xgü rü naanegü rü nabáianemare rü ñu̱xmatáta íchanamuxü̃ i ngẽma duü̃xü̃gü i norü naanewa, rü ngẽmaãcü i nachixü̃ane rü nangeãcumare.

Ichaía 5:17

Rü yima ĩanegü rü tá inanguxuchigü rü nachicawa tá maxẽ narüxügü, rü ngéma tá nachibüe i carnérugü rü chíbugü.

Ichaía 5:9

Rü Cori ya Tupana ya Guxãétüwa Ngẽxmacü rü nanaxuegu rü ñanagürü: —Rü muxü̃nema ya ĩpatagü rü tá niwa̱xtaü̃gü. Rü woo yima ĩpatagü rü nimexẽchi natürü taxúetama nawa tangexma.

Wiyaegü 107:39

Rü ngẽxguma tümaarü uanügü chixri tümamaxã icua̱xgügu rü ngúxü̃ tüxü̃ yangexẽẽgügu rü ngẽmagagu tiyuetanü rü tinoxreetanü, natürü Tupana rü tá tüxü̃ naxütanü rü tá nüxü̃ naxõõ̱x i ngẽma tümaarü uanügü. Rü ínachianexü̃gu tá ínayatüexẽxẽ i norü uanügü nax nu ne naxĩmarexü̃ca̱x.

Wiyaegü 107:34

Rü ngẽma mairaxü̃ i nanetü nawa baxcaxü̃ rü Tupana rü mairaxü̃ i chixexü̃xü̃ nananguxuchixẽxẽ nagagu i norü chixexü̃ i ngẽma duü̃xü̃gü i nagu ãchiü̃güxü̃.

Lebítanüxü̃arü puracüchiga 26:34

Rü ngẽxguma ngẽma perü uanügüchixü̃anewa pengẽxmagüyane rü perü naane rü tá nangearü duü̃xü̃güã̱x rü tá inarüngü̃. Rü ngẽmaãcü tá nanayauxtanü ga gumá taunecügü ga nagu taguma inangü̃cü.

Lebítanüxü̃arü puracüchiga 26:33

Rü pema rü togü i nachixü̃anegu tá pexü̃ chawoone. Rü chorü taramaxã tá pewe chingẽchigü. Rü ngẽma pechixü̃ane rü tá chianexü̃xü̃ chayaxĩxẽxẽ. Rü perü ĩanegü rü nachitaxü̃xica tá ínayaxügü.

Wenaxarü naxümatü ga Tupanaarü mugü 29:23

Rü tá nüxü̃ pedau i ngẽma naane i nawa pengẽxmagüxü̃ rü achúfremaxã, rü yucüramaxã napaxü̃, rü ñu̱xũchi waixü̃müane ixaxü̃xicatama nax yixĩxü̃. Rü ngẽma naanegu rü taxucürüwama nagu tatoe, rü ngẽma nanetü i nagu petoxü̃ rü taxũtáma narüxügü, rü bai wüxi i maxẽ nawa rüxüxü̃. Rü guma ĩanegü ga Cori ya Tupana norü numaxã iguxü̃ne ga Chodóma, rü Gomóra, rü Axmá rü Cheboíü̃maxã üpetüxü̃rüxü̃ tá perü naanemaxã naxüpetü.

Wiyaegü 109:11

¡Rü guxü̃ma i ngẽma norü ngẽmaxü̃gü, rü ngẽma diẽru naxü̃tawa nayaxuxü̃ noxtacüma yana! ¡Rü togümare i duü̃xü̃gü nüxü̃́ yana i ngẽma norü puracütanü!

Ichaía 1:8

Rü yima ĩane ya Chióü̃xica ngéma nayaxǘ ñoma wüxi ya düxenü ya úbanecüarü ngãxü̃wa nüxica ngẽxmanerüxü̃. Rü ñoma wüxi i düxgümü i nüxica worachiaanecüarü ngãxü̃wa ngẽxmanerüxü̃ nixĩ. Rü ñoma wüxi ya ĩane i norü uanügü nüxü̃ ichomaegunerüxü̃ nixĩ.

Ichaía 3:8

Rü yima ĩane ya Yerucharéü̃ rü marü nanguxuchi rü Yudáanewa rü duü̃xü̃güchicaxica ínayaxü, erü duü̃xü̃gü rü chixri Cori ya Tupanachiga nidexagü rü nanaxügü i ta̱xacü i tama namaxã nataãẽxü̃, rü ngẽmaãcü tama naga naxĩnüe.

Ichaía 9:18

Rü ngẽma chixexü̃ rü nanachixexẽxẽ i duü̃xü̃gü ñoma üxüema i paxa tuxunecügu rü maxẽnecügu nangexẽẽxü̃rüxü̃. Rü ñu̱xũchi naixnecüwa nangexẽẽxü̃rüxü̃ rü naema rü ñoma buanecü ya íxãũxẽmacü ya ngurinarüxü̃ nixĩ i ngẽma chixexü̃.

Ichaía 49:19

Rü pemax, Pa Yerucharéü̃cüã̱x, rü woo guxchawa peyexmagü ga noxri, natürü i ñu̱xma rü marü pexna ínixĩ i ngẽma perü uanügü i perü ĩane ya Yerucharéü̃xü̃ chixexẽẽgüxü̃. Rü ñu̱xma rü tá namuxũchi i duü̃xü̃gü i nawa maxẽxü̃ ya yima perü ĩane rü tá nayangechica i ngẽma duü̃xü̃gü i perü naanewa maxẽxü̃.

Ichaía 60:15

Rü yexguma pexna yaxũgachigu ga yema togü ga duü̃xü̃gü rü pexchi naxaie rü taxúema perü ĩanearü namagüwa naxüpetü. Natürü i ñu̱xma i choma rü tá pexü̃ charüngü̃xẽxẽ nax petachigaxü̃ca̱x rü guxü̃gutáma taãẽwa pengẽxmagüxü̃ca̱x.

Ichaía 62:8

Rü nüma ya Tupana rü nügüégagutama Iraétanüxü̃maxã nanaxuegu rü ñanagürü: —Tagutáma wena chanangexrü nax norü uanügü nangṍxü̃ i Iraétanüxü̃arü trigu rü ngẽma togümare i duü̃xü̃gü yaxaxgüxü̃ ya Iraétanüxü̃arü bínu ya poraãcü naxca̱x napuracüecü.

Ichaía 64:10

Rü yima curü ĩanegü ya üünegüne rü nachica i taxúema nagu ãpataxü̃ nixĩgü. Rü Chióü̃ rü wüxi i chianexü̃ nixĩ. Rü Yerucharéü̃ rü nagu napogüe rü taxuwama name.

Yeremía 4:7

Rü ngẽma uanü rü ñoma leóü̃ i naxmaxü̃wa ixũxũxü̃rüxü̃ marü ínaxũxũ i nachixü̃anewa. Rü ngẽma uanü ga togü ga nachixü̃anegüxü̃ rüxoxẽẽxü̃ rü marü inaxũãchi nax pechixü̃aneca̱x íyagoõchixü̃ca̱x. Rü ngẽma uanü rü tá nagu napogüe i perü ĩanegü rü ngẽmaãcü nachitaxü̃güxica tá ngéma nayaxügüxẽxẽ.

Yeremía 7:34

Rü ngẽma Yudáanearü ĩanegüwa rü Yerucharéü̃arü namagüwa tá ichayanaxoxẽxẽ nax nagu nawiyaegüxü̃ i petaarü wiyaegü, rü taãẽarü wiyaegü, rü ngĩgüarü wiyaegü. Rü guxü̃táma i ngẽma nachixü̃ane rü wüxi i chianexü̃mare tá nixĩ —ñanagürü.

Yeremía 44:6

Rü yemaacü choxü̃ penuxẽxẽ rü yemaca̱x chorü numaxã poraãcü chanapoxcu ga guma Yudáanearü ĩanegü rü Yerucharéü̃. Rü guma ĩanegü rü ñu̱xma rü ta nachitaxü̃xicatama ínayaxü, rü taxúema nawa tamaxẽ.

Echequié 25:4

Rü yemagagu rü choma rü tá éstewaama ngẽxmagüxü̃ i nachixü̃anegüme̱xẽwa pexü̃ changexmagüxẽxẽ, nax nümagü noxrüxü̃ nayauxgüãxü̃ca̱x i perü naane. Rü nümagü rü tá pechixü̃anewa naxĩ rü ngẽxma tá naxüpatagü rü ngéma tá namaxẽ. Rü guxü̃ma i penetügü i peanewa ngẽxmagüxü̃ rü tá namaxã naxãwemügü. Rü tá nayaxaxgü i perü lechi.

Miquéa 5:11

Rü tá nagu chipogügü ya yima perü ĩanegü, rü guxü̃táma ya yima ĩanegüarü poxeguxü̃ rü tá chayawa̱xgüxẽxẽ.

Miquéa 6:13

Rü ngẽmaca̱x tá pexü̃ chapoxcue, rü ngẽma perü chixexü̃gagu tá pexü̃ chadai.