Ichaía 1:5 - Tupanaarü Ore

⁵ Rü pema rü Tupanamaxã penue rü tama naga pexĩnüe. Rü ngẽmaca̱x taxuwama marü pexna nanacua̱i̱xcaéga, erü peeruwa rü marü guxü̃wama penapi̱xerugü rü marü pingearü poraxã̱x i ñu̱xmax.

Ichaía 1:5 Referans Kwoze

Echequié 24:13

Rü cumax, Pa Yerucharéü̃x, rü ñoma panera ya aüxǘchicürüxü̃ quixĩ. Rü choma rü nüxü̃ chadau nax poraãcü curü ngúchaü̃ cuxüxü̃. Rü ngẽma nixĩ i cuwa íchapixchaü̃xü̃ nax cumexü̃ca̱x. Natürü i cuma rü tama cunaxwa̱xe. Rü ngẽxguma chorü numaxã cuxü̃ chapoxcuguxicatama tá cume.

Yeremía 5:3

Pa Corix, ngẽma naxca̱x cudauxü̃ nixĩ i duü̃xü̃gü i aixcüma cuga ĩnüexü̃. Natürü woo cunapoxcue, rü tama cuga naxĩnüechaü̃. Rü cunadai, natürü tama inaxĩnüechaü̃. Yerü nutaarü yexera nataiarü maxü̃ã̱xgü, rü tama nüxü̃ narüxoechaü̃ i nacüma i chixexü̃.

Ichaía 31:6

¡Pa Iraétanüxü̃x, naxca̱x pewoegu ya yimá ngóxü̃wama nüxü̃ pexoecü!

Yeremía 5:31

Rü ngẽma ore i nüxü̃ yaxugügüxü̃ i ngẽma orearü uruü̃gü rü doramare nixĩ. Rü ngẽma chacherdótegü rü nümagü nanaxwa̱xegüxü̃ãcü duü̃xü̃gümaxã inacua̱xgü. Rü ngẽma chorü duü̃xü̃gü rü ngẽmamaxã nataãẽgü. ¿Natürü ta̱xacü tá pexüxü̃ i ngẽxguma ínanguxgu i ngẽma guxchaxü̃ i ãũcümaxü̃? —ñanagürü.

Yeremía 9:3

Rü guxü̃guma ínamegümare nax doraxü̃ yaxugüxü̃ca̱x ñoma wüxi ya würamaxã chuxchigü inamaxgüxü̃rüxü̃. Ngẽma nachixü̃anewa rü nataxüchi i dora rü bai i mexü̃. Rü yexeraãcü chixexü̃wa naxĩ. Rü nümatama ya Cori ya Tupana rü ñanagürü: —Chorü duü̃xü̃gü rü marü tama choxü̃ nacua̱xgüchaü̃ —ñanagürü ya Cori ya Tupana.

Yeremía 2:30

Rü choma rü chanapoxcu ga petanüxü̃gü, natürü tama chauga naxĩnüe, rü yemaacü natüca̱xmamare nixĩ nax chapoxcuexü̃. Rü pematama penadai ga perü orearü uruü̃gü, ñoma leóü̃gü i idüraexü̃ nada̱i̱xü̃rüxü̃.

Neemía 9:34

Rü woo tochixü̃anearü ãẽ̱xgacügü rü togü ga yatügü ga tomaxã icua̱xgüxü̃, rü chacherdótegü, rü woo ga torü o̱xigü rü taguma nayanguxẽẽgü ga curü mugü rü taguma naga naxĩnüe ga curü ucu̱xẽgü ga namaxã nüxü̃ quixuxü̃.

Yeremía 5:5

Rü yemaca̱x nagu charüxĩnü nax yema ãẽ̱xgacügümaxã chidexaxü̃. Yerü ngürüãchi nümagü rü nüxü̃ nacua̱xgü i ngẽma Cori ya Tupana nüxü̃́ naxwa̱xexü̃, rü ngẽma Tupana tüxü̃ muxü̃. Natürü guxü̃ma ga nümagü rü Cori ya Tupanamaxã nanue, rü tama naga naxĩnüechaü̃.

Ichaía 33:24

Rü ngẽma ngunexü̃gügu rü taxúxetáma ya Yerucharéü̃cüã̱x rü ñatagürü: —Chidaxawe —ñatagürü. Rü ngẽma Chióü̃cüã̱xarü pecadugü rü nüma ya Cori ya Tupana rü tá nüxü̃́ nüxü̃ narüngüma.

Ichaía 9:21

Rü Efraíü̃tanüxü̃ rü Manachétanüxü̃maxã tá nügü nadai. Rü ngẽmawena rü ngẽma taxre rü wüxigu tá Yudáaneca̱x ínayaxüãchi. Rü guxü̃ma ga yema chixexü̃ ga naxügüxü̃gagu rü nüma ya Cori ya Tupana rü tama Iraéanecüã̱xgümaxã inarüngü̃xmü, rü yexeraãcü nayaxãxũnechigüama.

Ichaía 9:13

Natürü nüma i Iraétanüxü̃ rü tama yimá Tupana ya napoxcuecüca̱x nawoegu, rü tama naga naxĩnüechaü̃ ya yimá Tupana ya Guxãétüwa Ngẽxmacü ya poraxüchicü.

Ichaía 1:23

Rü perü ãẽ̱xgacügü rü tama Tupanaga naxĩnüe rü namaxã naxãmücügü i duü̃xü̃gü i máxwa̱xegüxü̃. Rü diẽruca̱x rü ãmareca̱x ínacagü nax tama napoxcuexü̃ca̱x i ngẽma chixexü̃ ügüxü̃. Rü taxcutagü rü tama tüxü̃ narüngüxẽẽgü, rü tama tümagu narüxĩnüe ya yixema yutegüxe.

Norü taxre ga to ga popera ga ãẽ̱xgacügüchiga ümatüxü̃ 28:22

Rü woo nax yema guxchaxü̃ naétüwa yexmaxü̃, natürü tama Cori ya Tupanaga naxĩnü. Rü yemaacü nixĩ ga guma ãẽ̱xgacü ga Acháx.

Norü taxre ga popera ga ãẽ̱xgacügüchiga 1:13

Rü yemawena nüma ga ãẽ̱xgacü rü norü tomaepü̱xcüna to ga churaragüeru yéma namu namaxã ga to ga 50 ga churaragü. Natürü yema churaragüeru rü dauxü̃ naxĩ ñu̱xmata Ería íyexmaxü̃wa nangu. Rü nape̱xegu nacaxã́pü̱xüãcüma nüxü̃ naca̱a̱xü̃ rü ñanagürü: —Pa Tupanaarü orearü Uruxü̃x, cuxü̃ chaca̱a̱xü̃ nax choxü̃́ nüxü̃ cungechaü̃xü̃ i chorü maxü̃ rü norü maxü̃ i ñaa 50 i curü puracütanüxü̃.

Yeremía 13:23

¿Rü nüxü̃́ natauxchaxü̃ i wüxi i waxüxü̃ i duü̃xü̃ nax nügü nacho̱xẽxẽxü̃? ¿Rü nüxü̃́ natauxchaxü̃ i wüxi i ai nax iyanaxoxẽẽãxü̃ i namatü? Rü ngẽxgumarüxü̃ ta i pema nax chixexü̃gu pemaxẽxü̃, rü taxucürüwama mexü̃ pexü.

Yeremía 17:9

Rü nataxuma i ta̱xacü i duü̃xü̃ãẽrüxü̃ idorata̱xáxü̃ rü chixexü̃gu rüxĩnüxü̃. ¿Rü texé tá nüxü̃ cuáxü̃ i ngẽma nagu naxĩnüxü̃?

Yeremía 44:15

Rü yema yatügü ga nüxü̃ cua̱xgüxü̃ nax naxma̱xgü pumarate̱xe yagugüxü̃ naxca̱x ga yema tupananetagü, rü yema ngexü̃gü ga yéma yexmagüxü̃ rü wüxitücumü ga muxü̃ma nixĩ. Rü naétü nayexmagü ga yema Yudíugü ga Equítuanearü súrwa maxẽxü̃. Rü guxü̃ma ga yema duü̃xü̃gü rü Yeremíaxü̃ nangãxü̃gü rü ñanagürügü:

Auxexü̃chiga 5:17

Rü ngẽmagagu i ñu̱xma rü tayanguãẽgü, rü toxetü rü nixogü rü toxca̱x natauanemare.

Echequié 34:4

Rü ngẽma chorü carnéru ya turaxü̃ rü pema rü tama nüxü̃ perüngü̃xẽxẽ, rü ngẽma ida̱xawexü̃ rü tama penaxüxü̃, rü ngẽma ibüyeparaxü̃ rü tama peyana̱i̱xpara, rü ngẽma rütaxuxü̃ rü tama naxca̱x peyadau. Natürü i pema rü namaxã pechixecümagü rü chixrimare nüxna pedaugü.

Echequié 34:16

Rü choma rü tá naxca̱x chadau i chorü carnérugü i iyarütauxexü̃. Rü tá chayagagü i ngẽma chorü carnérugü i choxna ítüexü̃. Rü ngẽma ibüyeparagüxü̃ rü tá chayanaixgüpara. Rü ngẽma turaexü̃ rü tá nüxü̃ charüngü̃xẽxẽxü̃ natürü ngẽma ingüexü̃ rü iporaexü̃ rü tá chayanaxoxẽxẽ. Rü ngẽmaãcü i choma rü tá mea namaxã ichacua̱x i chorü carnérugü —ñanagürü.