Ichaía 1:3 - Tupanaarü Ore

³ Rü ngẽma woca rü norü yoraxü̃ nacua̱x, rü ngẽma búru rü nüxü̃ nacua̱x i norü chibüchica i norü yora naxca̱x üxü̃, natürü ngẽma chorü duü̃xü̃gü i Iraétanüxü̃ rü tama choxü̃ nacua̱xgü rü tama naãẽxü̃ nicua̱x —ñanagürü ya Tupana.

Ichaía 1:3 Referans Kwoze

Yeremía 8:7

Rü woo ngẽma cówa i dauxü̃gu iñaxü̃ rü nüxü̃ nacua̱x nax ñuxgu tá íyaxexü̃ i dexá. Rü ngẽma muxtucugü, rü ngẽma chirugü, rü ngẽma togü i werigü rü nüxü̃ nacua̱xgü nax ñuxgu tá to i nachicawa naxĩxü̃. Natürü i pema, Pa Chorü Duü̃xü̃güx, rü tama nüxü̃ pecua̱xgü i ngẽma chorü mugü rü tama chauga pexĩnüe.

Yeremía 4:22

Rü nüma ya Cori ya Tupana rü ñanagürü: —Ngẽma chorü duü̃xü̃gü rü tama naãẽxü̃ nicua̱x, rü tama choxü̃ nacua̱xgü. Rü ñoma nanegü i taxuwama imexü̃ rü tama nagu rüxĩnüexü̃rüxü̃ nixĩgü. Rü nüxü̃ nicua̱xüchi nax chixexü̃ naxügüxü̃, natürü tama nüxü̃ nacua̱xgü nax mexü̃ naxügüxü̃ —ñanagürü.

Ichaía 44:18

Rü ngẽma duü̃xü̃gü i ngẽma ügüxü̃ rü tama naãẽxü̃ nicua̱x. Rü ñoma yangexetüxü̃rüxü̃ nixĩgü. Rü ñoma nawãxtaxü̃rüxü̃ nixĩ i norü cua̱x erü tama Cori ya Tupanaga naxĩnüechaü̃.

Ichaía 5:12

Rü perü õnagü i taxü̃wa rü árpamaxã, rü árpaxacügümaxã rü tutugümaxã, rü wowerugümaxã pepaxetagü rü ñu̱xũchi perü bínu rü nata. Natürü pema rü tama nüxna pecua̱xãchie i ngẽma mexü̃gü i pexca̱x naxüxü̃ ya Cori ya Tupana, rü tama norü puracügu perüxĩnüe.

Romanos 1:28

Rü yema nax tama Tupanaxü̃ nacua̱xgüchaü̃xü̃, rü yemaca̱x ga nüma ga Tupana rü düxwa nanayexrü ga yema duü̃xü̃gü nax norü chixexü̃gu naxĩnüexü̃ca̱x rü naxügüã̱xü̃ca̱x ga yema chixexü̃.

Wiyaegü 94:8

Pa Duü̃xü̃gü i Ngeãxẽmaregüxü̃ rü Tama Peãxẽxü̃ Icuáxe ¿rü ñuxguxüratáta i peãẽxü̃ pecuáxü̃?

Ichaía 27:11

Rü ngẽma naixchacüxügü rü ngẽxguma yapagügu rü ngẽma ngexü̃gü rü norü üxüxü̃ nanade nax ngẽmamaxã naxãxü̃xü̃güxü̃ca̱x. Rü ngẽma duü̃xü̃gü rü nataxuma i norü cua̱x rü ngẽmaca̱x ya Tupana ya norü ngo̱xẽẽruxü̃ rü taxũtáma yáxna namaxã naxĩnü rü bai tá i namaxã yaxãũxãchixü̃.

Norü taxre ga popera ga Pedru ümatüxü̃ 3:5

Natürü ngẽma duü̃xü̃gü i ngẽmaãcü idexagüxü̃ rü tama nüxü̃ nacua̱xgüchaü̃ nax nũxcümaxü̃chima nayexmaxü̃ i guxü̃ma i daxũwa nüxü̃ idauxü̃ rü marü nayexmaxü̃ ga ñoma ga naane ga Tupana dexáwa ngo̱xẽẽxü̃ ga yexguma namuãgu. Rü ñu̱xma rü ta i ñoma i naane rü dexáarü ngãxü̃tüchíüwa nangẽxma, yerü yemaacü namaxã nanaxuegu ga Tupana. Rü gumá mucü ga tacüarü dexámaxã narüxo ga guxü̃ma ga ta̱xacü ga ñoma ga naanewa yexmaxü̃.

Ucu̱xẽgüchiga 6:6

Dücax, Pa Yatü i Oxü̃ ¡rü íyadau i ngẽma tachiwagü rü nangugü nax ñuxãcü napuracüexü̃, rü naxca̱x nangu̱x i ngẽma nacüma!

Yeremía 10:14

Rü guxü̃ma i duü̃xü̃gü rü taxuxü̃ma nacua̱x rü naechitamare namaxẽ. Rü ngẽma naxchicüna̱xãgü rü tama tüxü̃ narüngü̃xẽxẽ ya yíxema naxügüxe. Rü ngẽma naxchicüna̱xãgü rü womüxẽẽruü̃mare nixĩgü, erü ningearü maxü̃ã̱x.

Yeremía 10:8

Rü guxü̃ma i ngẽma duü̃xü̃gü i ngẽma naxchicüna̱xãgüwe rüxĩxü̃ rü naechitamare namaxẽ, rü taxuxü̃ma i cua̱x nüxü̃́ nangẽxmagü. Rü ngẽma naxchicüna̱xãgü i naiwa naxügüxü̃ rü taxuxü̃ma nanangúexẽxẽ.

Ore i mexü̃ ga Matéu ümatüxü̃ 13:19

Rü gumá triguchire ga namagu yixü̃nerüxü̃ tixĩgü ya yíxema nüxü̃ ĩnüexe i ore i mexü̃ nax ñuxãcü ãẽ̱xgacü yixĩxü̃ ya Tupana, natürü tama nüxü̃ cua̱xgüxe i ñuxũ ñaxü̃chiga nax yixĩxü̃ i ngẽma ore. Rü tümaxü̃tawa nangu i Chataná, rü tüxü̃ nüxü̃ inarüngümaxẽxẽ i ngẽma ore i tümaãẽwa ngẽxmaxü̃.

Ichaía 5:13

Rü ngẽma nax tama chauga naxĩnüechaü̃xü̃ i chorü duü̃xü̃gü, rü ngẽmagagu to i nachixü̃anewa tá nagagü. Rü guxü̃ma i duü̃xü̃gü rü wüxigu norü ãẽ̱xgacügümaxã tá ngẽma nachixü̃ane i nawa nagagüãxü̃gu taiyamaxã rü ta̱xawamaxã nayue.

Ichaía 56:11

Rü ñoma airugü i taiyaeechaxü̃ rü taguma ngãxpütüwegüxü̃rüxü̃ pixĩgü. Rü pema rü dauruü̃gü i tama nüxü̃ cua̱xgüégaxü̃ pixĩgü. Rü wüxichigü i pema rü perü ngúchaü̃ama pixü rü pexrütama ngẽmaxü̃guama perüxĩnüe.

Echequié 16:30

Rü choma ya Cori ya Tupana rü cumaxã nüxü̃ chixu nax cuma rü cuchixeãẽmarexü̃ rü wüxi i ngexü̃ i naxü̃nemaxã taxexü̃ i tama ãnexü̃ nacuáxü̃arü ĩnü cuxü̃́ ngẽxmaxü̃. Rü yemaca̱x cunaxü ga guxü̃ma ga yema chixexü̃gü.

Danié 9:11

Rü guxü̃ma i chautanüxü̃ i Iraétanüxü̃ rü tama naga naxĩnüe i curü mugü. Rü cuxna nixĩgachi rü tama naga naxĩnüe i curü ucu̱xẽgü. Rü yemaca̱x ga yema poxcu ga curü duü̃ ga Moichéwa nüxü̃ quixuxü̃ rü togu nangu.

Ochéa 2:8

Natürü nümagü i ngẽma Iraétanüxü̃ rü ngẽma ngeruxü̃ nixĩgü nax tama nüxü̃ nacua̱xgüégaxü̃ nax choma yixĩxü̃ ga nüxna chanaxãxü̃ i trigu rü bínu rü chíxü̃ rü diẽru rü úiru. Natürü nümagü rü yema diẽrumaxã rü úirumaxã nanaxügü ga norü tupananetagü ga Baáchicüna̱xãgü.

Ucu̱xẽgüchiga 28:5

Ngẽma chixexü̃gu maxẽxü̃ rü tama nüxü̃ nacua̱xgü nax nagu naxĩxü̃ i ngẽma nacüma i mexü̃. Natürü ngẽma Cori ya Tupanaga ĩnüexü̃ rü meama nüxü̃ nacua̱xgü nax nagu naxĩxü̃ i ngẽma nacüma i mexü̃.

Ichaía 42:20

Rü woo nüxü̃ nadaugügu i cua̱xruü̃gü ya Tupana naxca̱x üxü̃, natürü nüxü̃́ nanataxuraü̃gümare. Rü woo Tupanaarü orexü̃ naxĩnüegu, natürü ñoma taxuxü̃ma naxĩnüexü̃rüü̃mare nixĩgü.

Yeremía 35:16

Rü yema Recáx nane ga Yonadátanüxü̃ rü meama naga naxĩnüe ga yema mugü ga norü o̱xi namaxã nüxü̃ ixuxü̃. Natürü pema i Iraétanüxü̃ rü marü tama chauga pexĩnüe.

Yeremía 50:6

Chorü duü̃xü̃gü rü ñoma carnérugü i rütauxexü̃rüxü̃ nixĩgü. Rü norü dauruü̃gü rü chixri nüxna nadaugü, rü yemaca̱x máxpü̱xanexü̃gu narütauxe rü ínatüe. Rü düxwa nüxü̃ narüngümae ga napüxü̃ rü tama nüxü̃ nacua̱xgü nax ngexta nayexmaxü̃.