Ichaía 1:28 - Tupanaarü Ore

²⁸ Natürü ngẽma duü̃xü̃gü i tama chauga ĩnüexü̃ rü ngẽma chixexü̃ ügüamaxü̃ rü tá chanadai. Rü ngẽma duü̃xü̃gü i choxna ixĩgachitanüxü̃ rü tá nayue.

Ichaía 1:28 Referans Kwoze

Wiyaegü 1:6

Erü nüma ya Cori ya Tupana rü meama tüxna nadau ya yíxema aixcüma naga ĩnüexe, natürü ngẽma chixexü̃ i duü̃xü̃gü i tama naga ĩnüechaü̃xü̃ rü nagagutama poxcuwa naxĩ.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:8

Natürü ngẽma muü̃exü̃ rü ngẽma tama yaxõgüxü̃, rü nawa tá nawoü̃ ya yima naxtaxa ya üxümaxã iya̱u̱xrachiüne ya achúfremaxã ixaxü̃ne. Rü ngẽxgumarüxü̃ ta i ngẽma aixwa̱xegüxü̃, rü ngẽma máetagüxü̃, rü ngẽma naxü̃nearü ngúchaü̃gu maxẽxü̃, rü ngẽma iyuüxü̃, rü ngẽma tupananetachicüna̱xãxü̃ icua̱xüü̃güxü̃, rü ngẽma idorata̱a̱xgüxü̃, rü nawa tá nawoü̃ ya yima naxtaxa ya üxümaxã iya̱u̱xrachiüne ya achúfremaxã ixaxü̃ne. Rü ngẽma nixĩ i poxcu i taguma iyacuáxü̃”, ñanagürü.

Ichaía 30:13

Rü ngẽmaca̱x pegagu nixĩ i ngẽma tá pexü̃ üpetüxü̃. Rü ñoma wüxi i naxtapü̱x i máchanexü̃ rü ngǘxtexü̃ rü ngürüãchi iwáxü̃rüxü̃ pixĩgü.

Yox 31:3

¿Rü tama ẽ̱xna ngẽma duü̃xü̃gü i chixexü̃gu maxẽxü̃ rü ngẽma chixexü̃arü üruü̃güca̱x yixĩxü̃ i ngẽma guxchaxü̃gü?

Norü taxre ga popera ga Pedru ümatüxü̃ 3:7

Natürü ngẽma ñu̱xma daxũwa ngẽxmaxü̃ rü ñoma i naane i ñu̱xma ngẽxmaxü̃ rü Tupana marü namaxã nanaxuegu nax üxüwa tá yaxaexü̃. Rü ngẽma ngunexü̃ ya Tupana nagu unetaxü̃ nax duü̃xü̃güxü̃ yacagüxü̃ rü napoxcueãxü̃ i ngẽma duü̃xü̃gü i chixexü̃gu maxẽxü̃, rü ngẽma ngunexü̃gu rü yima üxüwa tá nixĩ i ínaguxü̃ i ñoma i naane rü ngẽma daxũwa ngẽxmagüxü̃.

1 Tesalonicenses 5:3

Rü ngẽxguma duü̃xü̃gü nagu írüxĩnüegu nax guxü̃ma mexü̃ rü taxuxü̃ma nüxü̃ üpetüxü̃, rü ngẽma ngunexü̃gu rü ngürüãchi tá ínangu i taxü̃ i guxchaxü̃gü. Rü ñoma wüxi i ngecü i ãxacücü rü ngürüãchi ngĩxacümaxã ngu̱xnecacürüxü̃ tá nixĩ nax taxúema naxcha̱xwa iñaxü̃ i ngẽma.

Ichaía 66:24

Rü ñanagürü ta: —Ngẽxguma ínachoxü̃gu i ngẽma chorü duü̃xü̃gü rü tá nüxü̃ nadaugü nax nayuexü̃ i ngẽma duü̃xü̃gü i chomaxã rüxuanügüxü̃. Rü ngẽma õ̱xmigü i nangõ̱xgüxü̃ rü taguma nayue, rü yima üxüema ya ínaguxü̃ne rü taguma nixo. Rü guxü̃ma i duü̃xü̃gü i ngéma chopetüxü̃ rü tá poraãcü naxã̱ũ̱ã̱xgü i ngẽxguma nüxü̃ nadaugügu —ñanagürü ga Tupana.

Ichaía 65:11

Natürü i pema rü choxna pixĩgachitanü, rü nüxü̃ perüngümae ya yima chopata ya ma̱xpǘne ya üünexü̃wa ngẽxmane. Rü ñu̱xũchi ngẽma tupananetagü i Gáx i mexü̃ ueguxü̃, rü Mení i chixexü̃ ueguxü̃, rü pema rü õna rü bínu nüxna pexãgü.

Ichaía 50:11

Natürü i pema rü toguama perüxĩnüe rü perütama omügü penanaixẽxẽ nax nagu pexĩxü̃ca̱x. Rü ngẽmaãcü Tupanaxü̃ pexo. Rü ngẽmaca̱x i nüma ya Tupana ya Guxãétüwa Ngẽxmacü rü tá pexü̃ napoxcue rü ngúxü̃ pexü̃ ningexẽxẽ —ñachagürü.

Ucu̱xẽgüchiga 29:1

Texé ya tama nayaxúxe i ucu̱xẽ, rü paxa tá guxchaxü̃ tümaca̱x ínangu, rü taxúetama tümaétüwa tachogü.

Wiyaegü 125:5

Natürü ngẽma duü̃xü̃gü i chixexü̃ i nacümagu ĩxü̃ ¡rü poxcu namaxã naxuegu! Erü ngẽmatama nixĩ i woetama naxca̱x ixĩxü̃ i ngẽma chixexü̃ ügüxü̃. ¡Rü Iraétanüxü̃na naxã i taãxẽ!

Wiyaegü 104:35

¡Rü noxtacüma iyanaxo i ngẽma duü̃xü̃gü i chixexü̃gu maxẽxü̃ i ñoma i naanewa! Rü name nixĩ i nataxuma i ngẽma duü̃xü̃gü i chixexü̃ ügüxü̃. Rü guxü̃ma i chauãẽmaxã rü tá nüxü̃ chicua̱xüxü̃ ya Cori ya Tupana. Rü name i Cori ya Tupanaxü̃ ticua̱xüü̃gü.

Wiyaegü 92:9

Rü ngẽma curü uanügü, Pa Cori Pa Tupanax, rü tá inayarüxo. Rü guxü̃ma i ngẽma chixexü̃ ügüxü̃ rü tá nawoone.

Wiyaegü 73:27

Rü ngẽma duü̃xü̃gü i cuxna ixĩgachixü̃ rü tá nayue. Rü tá icuyanaxoxẽxẽ i ngẽma tama aixcüma cuga ĩnüexü̃.

Wiyaegü 37:38

Natürü guxü̃ma i ngẽma pecadua̱xgüxü̃ rü tá inayarüxo. Rü ngẽma nanegü rü nataagü rü ngẽxma tá nayacua̱x.

Wiyaegü 9:5

Rü cunamuü̃xẽxẽ i ngẽma togü i nachixü̃anecüã̱xgü i tama cuxü̃́ yaxõgüxü̃, rü cunadai i ngẽma chixexü̃gu maxẽxü̃. Rü noxtacüma icuyanaxoxẽxẽ i naégagü nax taguma texé nüxna cua̱xãchiexü̃ca̱x.

Wiyaegü 5:6

Rü ngẽma idorata̱a̱xgüxü̃ rü icuyanaxoxẽxẽ. Rü cuma rü nüxü̃ cuxo i ngẽma womüxẽẽwa̱xegüxü̃ rü máetagüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:9

Pa Chaunex, Pa Charomóü̃x ¡ẽcü naga naxĩnü ya chorü Tupana rü guxü̃ma i curü ngúchaü̃maxã rü curü ĩnü i mexü̃maxã naxü i ngẽma cuxü̃ namuxü̃! Erü nüma ya Cori ya Tupana rü nanangugü i ngẽma taãẽwa ngẽxmaxü̃ rü nüxü̃ nacua̱x i guxü̃ma i ngẽma nagu rüxĩnüxü̃. Rü ngẽxguma tá cuma naxca̱x cuda̱u̱xgu, rü nüma rü tá cuxü̃tawa nangẽxma. Natürü ngẽxguma nüxna quixũgachigu, rü nüma rü tá cuxü̃ ínata̱xüchi.

1 Chamué 12:25

Natürü ngẽxguma chi chixexü̃ pexügüamagu, rü nüma ya Cori ya Tupana rü tá pexü̃ inarüxoxẽxẽ wüxigu namaxã ya perü ãẽ̱xgacü —ñanagürü ga Chamué.

Ichaía 1:4

Pa Duü̃xü̃gü i Chixexü̃ Ügüxü̃ rü Chixexü̃gu Ímaxẽxü̃x, ngúxü̃ pinge erü pema rü chixexü̃arü üruü̃gütaagü pixĩgü, rü nanegü i pecaduã̱xgüxü̃ pixĩgü. Pema rü marü nüxna pixĩgachi ya Iraétanüxü̃arü Tupana ya üünecü rü marü nüxü̃ perüxoe.

Ichaía 24:20

Rü ñoma i naane rü wüxi i ngãxü̃xü̃rüxü̃ tá nichü̱xacüxü, rü ñoma wüxi ya ĩpata ya chixri ipugüparanerüxü̃ tá nixĩã̱xcüxü. Erü norü duü̃xü̃güarü chixexü̃ rü poraãcü nataxüchi rü ngẽmaca̱x i ñoma i naane rü tá inayangu rü tagutáma wena ínarüda.

Ichaía 33:14

Rü Chióü̃wa nidu̱xruxe i ngẽma chixexü̃gu maxẽxü̃. Rü ngẽma tama yaxõgüxü̃ rü poraãcü namuü̃e rü ñanagürügü: —¿Texé chi i tatanüwa tamaxama naétüwa ya yima üxü ya tüxü̃ iguxü̃ne ya guxü̃guma inaiechane? —ñanagürügü.

Ichaía 50:1

Nüma ya Tupana rü ñanagürü nüxü̃: —Pa Iraétanüxü̃x, ¡Taxṹ i nagu perüxĩnüexü̃ nax íchanatáxü̃ i perü mama i Iraéane ñoma wüxi ya yatü naxma̱xü̃ ítáxü̃rüxü̃! ¡Rü taxṹ i nagu perüxĩnüexü̃ nax pemaxã chataxexü̃ nax togüarü mugüruxü̃ pixĩgüxü̃ca̱x rü yemaacü chanaxütanüxü̃ca̱x ga wüxi ga chorü ngetanü! Rü pemaxã chataxe nagagu ga yema perü pecadugü yerü tama chauga pexĩnüechaü̃. Rü perü mama i Iraéane rü íchanata̱x yerü pema rü tama chauga pexĩnüe.

Ichaía 58:2

Rü nümagü rü guxü̃ i ngunexü̃gu cha̱u̱xca̱x nadaugü rü chomaxã nüxü̃ nixugü nax chauga naxĩnüechaü̃xü̃ ñoma mea namaxẽxü̃rüxü̃ rü chorü mugügu naxĩnüexü̃rüxü̃. Rü nümagü rü choxna naxca̱x nacagü i mexü̃ i mugü rü choxna nangaicamagüchaü̃.

Ichaía 66:17

Tupana rü ñanagürü: —Wüxigu tá nayue i ngẽma duü̃xü̃gü i nügü imexẽẽgüxü̃ nax putüranecüwa naxchicüna̱xãgüxü̃ yacua̱xüü̃güxü̃ca̱x rü ngẽma duü̃xü̃gü i nangõ̱xgüxü̃ i cuchimachi rü ü̃cagü rü togü i naeü̃gü i ãũãchixü̃. Rü wüxicana tá nayue i ngẽma duü̃xü̃gü, erü meama nüxü̃ chacua̱x i ngẽma chixexü̃ i naxügüxü̃ rü nagu naxĩnüexü̃. Rü ngẽxguma i choma rü tá íchangu nax chanangutaque̱xexẽẽxü̃ca̱x i guxü̃ne ya ĩanecüã̱xgü rü nachixü̃anecüã̱xgü. Rü nüma rü tá nua naxĩ rü tá nüxü̃ nadaugü i ngẽma chorü üünemaxã chaxüxü̃.

Yeremía 17:13

Pa Corix, cuwa nixĩ i ínanguxẽẽgüãxü̃ i Iraétanüxü̃ nax ícunapoxü̃xü̃. Rü guxü̃ma i ngẽma cuxü̃ íta̱xgüxü̃ rü tá naxãnee. Rü guxü̃ma i ngẽma cuxna ixĩgachitanüxü̃ rü ñoma wüxi i duü̃xü̃éga i waixü̃müte̱xegu naxümatüxü̃rüxü̃ inayarüxomare, nagagu nax cuxü̃ ínata̱xgüxü̃, Pa Tupanax. Rü cuma nixĩ i toxna cunaxãxü̃ i maxü̃ ñoma dexá i nutawa chuxchuxü̃rüxü̃.

Yeremía 44:12

Rü guxãma i pema i Yudátanüxü̃ i íyaxügüxe i Equítuanewa ĩxchaü̃xe nax ngéma pemaxẽxü̃ca̱x rü ngẽxma pexãchiü̃xü̃ca̱x rü tá pexü̃ ichayarüxoxẽxẽ. Rü guxãma i pema rü woo ngẽma buxü̃gü rü ñu̱xmata ngẽma iyaexü̃wa nangu, rü tá peyue nagu i ngẽma dai rü taiya. Rü ngẽmaãcü wüxi i cua̱xruxü̃ tá pixĩgü naxca̱x i ngẽma togü i nachixü̃anegü. Rü tá chixexü̃maxã pexü̃ narüdaunü, rü tá pexü̃ nacugüe, rü tá pexü̃ naxo.

Ochéa 14:9

Rü yíxema cua̱x tüxü̃́ ngẽxmaxe rü yíxema aixcüma tümaãẽxü̃ cuáxe rü name i naga taxĩnü i ñaa ore. Rü ngẽma nacüma ya Cori ya Tupana rü aixcüma nawe̱xgu. Rü ngẽma duü̃xü̃gü i aixcüma naga ĩnüexü̃, rü ngẽma nacümagu naxĩ. Natürü ngẽma tama Tupanaga ĩnüexü̃ca̱x, rü ngẽma nacüma rü wüxi i guxchaxü̃ nixĩ.

Norü taxre ga to ga popera ga ãẽ̱xgacügüchiga ümatüxü̃ 21:10

Natürü ga Edóü̃tanüxü̃ rü Yudáanearü ãẽ̱xgacüme̱xẽwa ínanguxü̃. Rü ñomaü̃cüxü rü ta rü Iraétanüxü̃maxã nanue. Rü yexgumarüxü̃ ta nixĩ ga guma ĩane ga Lixná ga Yudáme̱xẽwa ínanguxuchixü̃, yerü nüma ga Yoráü̃ rü marü Cori ya norü o̱xigüarü Tupanana nixũgachi.

Norü taxre ga to ga popera ga ãẽ̱xgacügüchiga ümatüxü̃ 28:6

Rü wüxitama ga ngunexü̃gu rü Chíriaanearü ãẽ̱xgacü ga Péca ga Remaría nane rü 120,000 ga Yudáanearü churaragü ga tama muü̃wa̱xegüxü̃xü̃ nadai. Rü yemaacü nangupetü yerü Acháx rü yima Cori ga norü o̱xigüarü Tupanana nixũgachi.

Norü taxre ga to ga popera ga ãẽ̱xgacügüchiga ümatüxü̃ 28:23

Rü yema nax Chíriaanearü churaragü rü ü̃pa Acháxü̃ rüporamaegüxü̃ ga yexguma namaxã nügü nadaixgu, rü yemaca̱x Acháx nagu narüxĩnü nax naporaxü̃ ga yema Damácuarü tupanagü. Rü yemaca̱x naxca̱x ãmaregü ínagu yerü nagu narüxĩnü nax nümagü rü tá nüxü̃ nangü̃xẽxẽxü̃ ega naxca̱x ãmare ínaguxgu. Natürü yema tupananetagügagu nixĩ ga guxchaxü̃ Acháxca̱x rü guxü̃ma ga Iraétanüxü̃ca̱x ínguxü̃.

Yox 34:26

Rü nüma ya Tupana rü guxãpe̱xegu nanapoxcu ñoma máetaxü̃gürüxü̃.

Yox 34:27

Erü tama Tupanaga naxĩnüechaü̃, rü tama nanayauxgüchaü̃ i norü mugü rü norü ngu̱xẽẽtaegü.

Ichaía 64:6

Rü guxãma i toma rü cupe̱xewa duü̃xü̃gü i ixãũãchixü̃ tixĩgü. Rü woo i ngẽma taxüxü̃ i toxca̱x mexü̃, rü cupe̱xewa rü ñoma wüxi i wexa i ãũãchixü̃rüxü̃ nixĩ. Rü guxãma chixexü̃gu tayi ñoma naixatügü i pagüxü̃ irüyi̱xixü̃rüxü̃. Rü torü chixexü̃gü rü toxü̃ nigagü ñoma buanecü i ta̱xacü ngextá cuegüxü̃rüxü̃.