Ichaía 1:25 - Tupanaarü Ore

²⁵ Rü tá wena pexna chanacuaixca rü tá ichayanaxoxẽxẽ i guxü̃ma i ngẽma chixexü̃gü i petanüwa ngẽxmagüxü̃. Rü ngẽmaãcü tá pexü̃́ íchanapi i guxü̃ma i perü ãũãchixü̃.

Ichaía 1:25 Referans Kwoze

Maraquía 3:3

Rü nüma ya Cori rü tá ínarüto nax ínapigüãxü̃ca̱x i norü chixexü̃ i ngẽma chacherdótegü i Lebítanüxü̃, ñoma diẽrumü rü úiru norü üxaxü̃ca̱x üxüwa iguxü̃rüxü̃. Rü ngẽmawena rü tá marü name i ngẽma chacherdótegü nax Cori ya Tupana naxwa̱xexü̃ãcü ngéma nape̱xewa nangegüãxü̃ i norü ãmaregü.

Yeremía 9:7

Rü ngẽmaca̱x i choma ya Cori ya Tupana rü ñachagürü: “¿Ta̱xacü chi i to i namaxã chaxüxü̃ i ngẽma chorü duü̃xü̃gü nax nüxü̃ naxoexü̃ca̱x i norü chixexü̃? Rü ñu̱xma rü tá taxü̃ i guxchaxü̃ naxca̱x íchanguxẽxẽ nax ngẽmaãcü nüxü̃ naxoexü̃ca̱x i ngẽma chixexü̃ i nagu namaxẽxü̃.

Ichaía 4:4

Rü nüma ya Cori ya Tupana rü taxü̃ i norü ngechaü̃maxã rü norü poramaxã tá ínanapi namaxã ga yimá nagü ga Yerucharéü̃cüã̱xgü inabaxẽẽgücü, rü tá nanayaxu i norü ãũãchixü̃ i ngẽma Chióü̃cüã̱xgü i ngexü̃gü.

Ichaía 1:22

Rü pema ga noxri rü ñoma diẽrumürüxü̃ pimexü̃, natürü i ñu̱xma rü norü ãũãchixü̃rüxü̃ pixĩgü. Pema ga noxri rü ñoma mecü ya bínurüxü̃ pime, natürü i ñu̱xma rü ñoma dexámarerüxü̃ pixĩgü.

Chofonía 3:11

Rü ngẽma ngunexü̃gu, Pa Chorü Duü̃xü̃güx, rü taxũtáma naxca̱x pexãnee ga yema chixexü̃ ga noxri chope̱xewa pexügüxü̃ ga yexguma tama chauga pexĩnüegu. Erü choma rü tá Yerucharéü̃na chayaxĩgachitanüxẽxẽ i ngẽma nügü icua̱xüü̃güxü̃ rü nügü írütagüxü̃. Rü ngẽmaãcü tagutáma yima chorü ma̱xpǘne ya üünenewa nangẽxmagü i ngẽma ãẽ̱xgacügü i nügü írütagüxü̃.

Echequié 22:22

Rü ngẽxgumarüxü̃ nax wüxi ya yapunawa nadexẽẽxü̃ i diẽrumü, rü ngẽxgumarüxü̃ ta i pemax rü ĩanearü ngãxü̃wa tá pexü̃ íchagu. Rü ngẽmaãcü tá nüxü̃ picua̱xãchitanü nax choma ya Cori ya Tupana yixĩxü̃ i chorü numaxã pexü̃ chapoxcuxü̃” —ñanagürü.

Echequié 20:38

Rü ngẽma nachixü̃ane i ñu̱xma nawa pemaxẽxü̃wa tá pexü̃ íchagaxü̃, natürü ngẽma tama chauga ĩnüexü̃ rü tá íchananuxü̃ rü taxũtáma Iraéarü naaneca̱x nawoegu. Rü ngẽxguma i pema rü tá nüxü̃ picua̱xãchie nax choma ya Cori chixĩxü̃ i perü Tupana —ñachagürü.

Yeremía 6:29

Rü ngẽxguma poraãcü yabuxgu ya üxü rü inanadexẽxẽ i plomu nax ínayixü̃ca̱x i norü ãũãchixü̃ nax aixcüma namexü̃ca̱x. Natürü ngẽma duü̃xü̃gü i chixexü̃arü üruü̃gü rü taxuwama name nax yamexẽẽgüxü̃, erü taguma nüxü̃ narüxoe i norü chixexü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:19

Choma rü tüxü̃ chaxucu̱xẽ rü tüxü̃ ichayarüwe̱xãchixẽxẽ ya guxãma ya yíxema tüxü̃ changechaü̃xẽ. Rü ngẽmaca̱x name nixĩ i nüxü̃ curüxo i cucüma i chixexü̃ rü Tupanaca̱x cutaegu.

Ore i mexü̃ ga Matéu ümatüxü̃ 3:12

Rü nüma rü marü ínamemare nax ñoma i naanewa yadexechiãxü̃ca̱x i norü duü̃xü̃gü ñoma wüxi i yatü trigu naatüna idexechixü̃rüxü̃. Rü ngẽmaãcü tá nayadexechi i ngẽma noxrü ixĩgüxü̃ nax naxü̃tawa nangẽxmagüxü̃ca̱x, natürü ngẽma tama noxrü ixĩgüxü̃ rü tá ínanagu nawa ya yimá üxü ya taguma ixoxü̃ne”, ñanagürü ga Cuáü̃.

Echequié 22:20

Rü ngẽma nax wüxigu wüxi ya yapunagu iwocuxü̃ nax nadexẽẽxü̃ca̱x i ngẽma diẽrumü, rü cobre, rü fieru, rü plomu, rü estáñu rü ngẽxgumarüxü̃ ta i choma rü chorü numaxã tá pexü̃ changutaque̱xexẽxẽ nax pexü̃ íchaguxü̃ca̱x. Rü ngẽmaãcü chorü numaxã tá chanangixta ya üxü rü daa ĩanearü ngãxü̃gu tá pexü̃ changutaque̱xexẽxẽ. Rü ngéma tá pexü̃ íchagu.

Wenaxarü naxümatü ga Tupanaarü mugü 32:43

Pa Togü i Duü̃xü̃gütücumügüx, rü name nixĩ i wüxigu Cori ya Tupanaarü duü̃xü̃gümaxã petaãẽgü. Erü nüma ya Cori ya Tupana rü tá naxütanü naxca̱x i ngẽma norü duü̃xü̃gü i yuexü̃. Rü tá nanadai i norü uanügü. Rü tá nüxü̃́ nüxü̃ narüngüma i norü duü̃xü̃güarü chixexü̃, rü tá naxca̱x nayataanexẽxẽ i norü naane —ñanagürü ga Moiché.

Wiyaegü 119:119

Rü ngẽma duü̃xü̃gü i chixexü̃ ügüxü̃ i ñoma i naanewa rü cuxca̱x rü wüxi i guxchirerüxü̃ nixĩgü. Natürü i chomax rü nüxü̃ changechaü̃ i curü mugü.

Ichaía 27:9

Natürü nüma ya Cori ya Tupana rü tá nüxü̃́ nüxü̃ inayarüngüma i ngẽma Iraétanüxü̃arü chixexü̃gü rü tá ínanapi i norü pecadugü i ngẽxguma nagu napogüegu i norü tupananetagüarü ãmarearü guruü̃güarü nutagü, ñoma nuta ya cal íxraxü̃gu pocürüxü, rü ngẽxguma ínawogüãgu i ngẽma naigü i Acheráchicüna̱xãgü i namaxã natupanaã̱xgüxü̃ rü nagu napogüegu i ngẽma guruü̃gü i nawa norü tupananetagüca̱x pumarate̱xe ínagugüxü̃.

Echequié 22:19

Rü ngẽmaca̱x i choma ya Cori ya Tupana rü ñacharügü pexü̃: “Ñu̱xmax i pemax nax ñoma natüchigü i taxuwama mexü̃rüxü̃ pixĩgüxü̃ rü tá Yerucharéü̃arü ngãxü̃gu pexü̃ changutaque̱xexẽxẽ.

Yeremía 9:6

Rü Cori ya Tupana rü ñanagürü —Cumax, Pa Yeremíax, rü duü̃xü̃gü i womüxẽẽgüwa̱xexü̃tanüwa cungexma. Rü ngẽma doragu nax namaxẽxü̃gagu tama choxü̃ nacua̱xgüchaü̃.