Ichaía 1:23 - Tupanaarü Ore

²³ Rü perü ãẽ̱xgacügü rü tama Tupanaga naxĩnüe rü namaxã naxãmücügü i duü̃xü̃gü i máxwa̱xegüxü̃. Rü diẽruca̱x rü ãmareca̱x ínacagü nax tama napoxcuexü̃ca̱x i ngẽma chixexü̃ ügüxü̃. Rü taxcutagü rü tama tüxü̃ narüngüxẽẽgü, rü tama tümagu narüxĩnüe ya yixema yutegüxe.

Ichaía 1:23 Referans Kwoze

Miquéa 7:3

Rü nümagü rü nüxü̃ nicua̱xüchi nax naxügüãxü̃ i guxchaxü̃gü. Rü ngẽma ãẽ̱xgacügü rü naxca̱x ínacagü nax nüxü̃́ naxütanügüãxü̃. Rü ãẽ̱xgacügü i guxchaxü̃arü mexẽẽruü̃gü rü ngẽma nüxü̃́ naxütanüxü̃étüwaama naxü. Rü ngẽma diẽruã̱xü̃chixü̃ rü nanaxügü i ngẽma nagu naxĩnüexü̃ rü ngẽmaãcü nanachixexẽxẽ ya ĩane.

Chacaría 7:10

Rü tama chanaxwa̱xe nax chixeãcü tümamaxã pixĩgüxü̃ ya yíxema yutegüxe rü yíxema taxcutagü rü yíxema to i nachixü̃anecüã̱x i petanüwa ngẽxmagüxe rü yíxema ngearü diẽruã̱xgüxe. ¡Rü taxṹ i nagu perüxĩnüexü̃ nax ñuxãcü tá pegümaxã chixexü̃ pexügüxü̃! —ñanagürü.

Ínachoxü̃xü̃chiga 23:8

Rü cuma nax ãẽ̱xgacü quixĩxü̃, rü tama name i wüxiaxü̃́ cunayauxtanü, nax naétüwaama cuxüxü̃ca̱x ega ta̱xacürü guxchaxü̃ cuxü̃tawa yamexẽẽgügu. Erü ngẽma ãẽ̱xgacü i nayauxtanüxü̃, rü inayacu̱x i ngẽma aixcüma ixĩxü̃, nax tama nüxü̃ nacuáxü̃ca̱x i duü̃xü̃gü, rü ngẽmaãcü ya yíxema duü̃xẽ ya taxuxü̃ma i chixexü̃ üchiréxe, rü nitümaguãchi i ngẽma chixexü̃.

Ore i mexü̃ ga Luca ümatüxü̃ 19:46

Rü Ngechuchu rü ñanagürü nüxü̃: —Tupanaarü ore i ümatüxü̃wa rü ñanagürü: “Chopata rü yumüxẽpataxü̃ nixĩ”, ñanagürü. Natürü pema rü ngĩ́ta̱xaxgüxü̃pataxü̃ peyaxĩxẽxẽ —ñanagürü.

Maraquía 3:5

Rü nüma ya Cori ya Tupana ya Guxãétüwa Ngẽxmacü rü ñanagürü: —Choma rü tá aixcüma pexna chaca i perü chixexü̃ca̱x. Rü chomatátama nüxü̃ chixugüe i ngẽma yuüexü̃, rü ngẽma nai i ngexü̃maxã maxẽxü̃, rü ngẽma doramaxã nügü ípoxü̃xü̃, rü ngẽma norü puracütanüxü̃maxã rü ngẽma yutegüxemaxã, rü ngẽma taxcutagümaxã chixri icua̱xgüxü̃. Rü ngẽxgumarüxü̃ tá ta nüxü̃ chixugüe i ngẽma chixri tümamaxã icua̱xgüxü̃ ya duü̃xẽgü ya to i nachixü̃anecüã̱xgü, rü ngẽma tama chauga ĩnüexü̃ —ñanagürü.

Ichaía 3:14

Rü Cori ya Tupana rü tá naxca̱x nangema i ngẽma yaxguã̱xgü i ĩanemaxã icua̱xgüxü̃ rü ngẽma togü i ãẽ̱xgacügü, rü ñanagürü tá nüxü̃: —Pema rü chorü duü̃xü̃güxü̃ pechixexẽxẽ. Rü tüxü̃́ pengĩ́e ya ngearü ngẽmaxü̃xã̱xgüxe. Rü ngẽma tümaarü ngẽmaxü̃gü i tüxü̃́ naxca̱x pengĩ́xü̃ rü pepatagu nixĩ i namaxã penguxü̃güxü̃.

Ore i mexü̃ ga Márcu ümatüxü̃ 11:17

Rü inanaxügü nax nangúexẽẽtaexü̃, rü ñanagürü: —Tupanaarü ore i ümatüxü̃wa rü: “Chopata rü yumüxẽpataxü̃ tá nixĩ naxca̱x i guxü̃ma i nachixü̃anecüã̱xgü”, ñanagürü. Natürü i pema rü ngĩ́ta̱a̱xgüxü̃pataxü̃ peyaxĩxẽxẽ —ñanagürü.

Ore i mexü̃ ga Matéu ümatüxü̃ 21:13

Rü ñanagürü nüxü̃ ga yema duü̃xü̃gü: —Tupanaarü ore i ümatüxü̃wa rü ñanagürü: “Chopata rü yumüxẽpataxü̃ nixĩ”. Natürü pema rü ngĩ́ta̱xaxgüxü̃pataxü̃ peyaxĩxẽxẽ —ñanagürü.

Miquéa 3:11

Rü daa ĩanearü guxchaxü̃arü mexẽẽruü̃gü rü ngẽma nüxü̃́ naxütanüxü̃ga nixĩ i naxĩnüexü̃. Rü ngẽma chacherdótegü rü ngẽxguma nüxü̃́ tanaxütanüguxicatama tüxü̃ nangúexẽxẽ. Rü ngẽma orearü uruü̃güneta rü ngẽxguma nüxü̃́ naxãtanüguxicatama tamaxã nüxü̃ nixu i ta̱xacü tá yixcüra naxüpetü. Rü nüxü̃ nixu nax Tupanaégagu yixĩxü̃ nax yadexagüxü̃, rü ñanagürügü: “Cori ya Tupana rü nataxü̃tagu rü taxuxü̃táma i chixexü̃ tüxü̃ nangupetü”, ñanagürügü.

Ochéa 9:15

Tupana rü ñanagürü: —Pemax, Pa Iraéanecüã̱xgüx, rü Guirigáwa nixĩ ga penaxüxü̃ ga naguxü̃raü̃xü̃ ga chixexü̃. Rü yéma nixĩ ga ichaxügüxü̃ nax pexchi chaxaixü̃. Rü ngẽma perü chixexü̃gagu rü tá pexü̃ íchawoxü̃ i chorü naanewa. Rü marü taxũtáma pexü̃ changechaü̃ erü guxü̃ma i perü ãẽ̱xgacügü rü tama chauga naxĩnüe.

Yeremía 22:17

“Natürü i cuma rü naxca̱x cuxoegaãxẽ i ngẽma curü ngẽmaxü̃gü i chixexü̃wa cuyaxuxü̃. Rü cuyama̱x ya yíxema taxuxü̃ma i ta̱xacürü chixexü̃ ügüxe. Rü ñu̱xũchi chixri tümamaxã icucua̱x rü ngetanüãcü tüxü̃ cupuracüexẽxẽ ya yíxema curü duü̃xẽgü” —ñanagürü ga Cori ya Tupana.

Yeremía 5:5

Rü yemaca̱x nagu charüxĩnü nax yema ãẽ̱xgacügümaxã chidexaxü̃. Yerü ngürüãchi nümagü rü nüxü̃ nacua̱xgü i ngẽma Cori ya Tupana nüxü̃́ naxwa̱xexü̃, rü ngẽma Tupana tüxü̃ muxü̃. Natürü guxü̃ma ga nümagü rü Cori ya Tupanamaxã nanue, rü tama naga naxĩnüechaü̃.

Ichaía 33:15

Rü yíxema aixcüma mea maxü̃́xẽ, rü yíxema aixcümaxü̃ ixúxe, rü yíxema tama womüxẽẽãcü tügü muarü ngẽmaxü̃ã́xẽ, rü yíxema tama nayauxtanüxẽ i guxchaxü̃arü mexẽxẽ, rü yíxema tama naga ĩnüxe i ngẽma tümamaxã máetagüchaü̃xü̃, rü yíxema chixexü̃cha̱xwa ixũgachixe, rü yíxema tá tixĩ ya aixcüma maxü̃́xẽ rü tüxü̃́ nangẽxmaxẽ i tümaarü cu̱xchicaxü̃ i nutanaxca̱x, rü guxü̃gutáma taxãwemü rü tagutáma nataxu i tümaarü dexá.

Ucu̱xẽgüchiga 29:24

Ngẽxguma namaxã cuxãmücügu i ngẽma ngĩ́xü̃ rü cugütama cuchixexẽxẽ. Rü ngẽxguma nüxü̃ cuxĩnügu nax ãẽ̱xgacü poxcu cumaxã ueguxü̃, rü woo Tupanaégagu cugü ícuxuegu, rü taxucürüwa cugü ícupoxü̃.

Ucu̱xẽgüchiga 17:23

Ngẽma ãẽ̱xgacü i chixexü̃ ega guxchaxü̃ namexẽẽgu, rü bexma diẽru ngĩxü̃ nayaxu nax ngẽmaãcü íyatóxẽẽãxü̃ca̱x i ngẽma mugü i mechiréxü̃.

Norü taxre ga to ga popera ga ãẽ̱xgacügüchiga ümatüxü̃ 36:14

Rü yexgumarüxü̃ ta ga guxü̃ma ga Yudáanecüã̱xarü ãẽ̱xgacügü rü norü duü̃xü̃gü rü chacherdótegü rü ta, rü poraãcü chixri namaxẽ. Rü yema togü ga nachixü̃anegü ga tama Tupanaxü̃ cua̱xgüxü̃arü tupananetachicüna̱xãxü̃ nicua̱xüxü̃gü. Rü yemaacü chixexü̃ nawa naxügü ga guma Tupanapata ga taxü̃ne ga nüma ga Tupana nüxü̃ unetane nax napata yixĩxü̃ca̱x ga Yerucharéü̃wa.

Wenaxarü naxümatü ga Tupanaarü mugü 16:19

Rü pemax, Pa Ãẽ̱xgacügü i Guxchaxü̃güarü Mexẽẽruü̃güx, ¡rü taxṹ i peyatoxẽxẽxü̃ i ngẽma guxchaxü̃arü mexẽxẽ! Rü ngẽxguma penamexẽẽgu i ngẽma duü̃xü̃güarü guxchaxü̃gü rü name nax guxãxü̃ma mea penamexẽẽxü̃ i tümarü guxchaxü̃gü. ¡Rü taxũtáma penayaxu ega texé pexü̃́ naxütanüchaü̃gu nax nawaama pexüxü̃ca̱x! Erü ngẽma diẽru rü ñoma yangexetüxü̃rüxü̃ nayaxĩgüxẽxẽ i ngẽma nüxü̃ cua̱xüchixü̃ rü ínayatoxẽxẽ i ngẽma aixcümaxü̃ ixugüxü̃arü dexa.

Ore i mexü̃ ga Luca ümatüxü̃ 24:27

Rü yexguma inanaxügü ga namaxã nax nango̱xẽẽãxü̃ ga guxü̃ma ga Tupanaarü ore ga nachiga ümatüxü̃. Rü yema Tupanaarü ore ga Moiché ümatüxü̃maxã inanaxügü. Rü ñu̱xũchi namaxã nüxü̃ nixu ga guxü̃ma ga yema Tupanaarü ore ga nũxcümaü̃güxü̃ ga Tupanaarü orearü uruü̃gü ümatügüxü̃.

Popera ga Chantiágu ümatüxü̃ 1:27

Natürü tümaarü õ i Tanatü ya Tupanape̱xewa aixcüma mexü̃, rü ngẽma nixĩ nax nüxü̃ tarüngü̃xẽẽxü̃ i taxcutagü rü yutegüxü̃ rü tügüna tadauxü̃ nax tama ñoma i naanearü chixexü̃gu tanguxü̃.

Ichaía 1:22

Rü pema ga noxri rü ñoma diẽrumürüxü̃ pimexü̃, natürü i ñu̱xma rü norü ãũãchixü̃rüxü̃ pixĩgü. Pema ga noxri rü ñoma mecü ya bínurüxü̃ pime, natürü i ñu̱xma rü ñoma dexámarerüxü̃ pixĩgü.

Ichaía 5:23

Pema rü naétüwa pexü i ngẽma duü̃xü̃ i chixexü̃ üxü̃ erü pexü̃́ nanaxütanü. Natürü tama tümaxétüwa pexü ya yixema taxuxü̃ma i chixexü̃ üxe.

Ichaía 30:1

Nüma ya Cori ya Tupana rü ñanagürü: —Wüxi i ngechaü̃ nixĩ naxca̱x i ngẽma chaunegü i tama chauga ĩnüexü̃. Nümagü rü tama choxna nacagüãcüma nanaxü i ngẽma nagu naxĩnüexü̃ rü tama chauxü̃tagu naxca̱x nadaugü i chorü ucu̱xẽ. Rü ngẽmaãcü nanayexeraxẽxẽ i norü pecadugü.

Ichaía 65:2

Rü guxü̃ i ngunexü̃gu íchamemare nax chanadexü̃ i ngẽma duü̃xü̃gü i tama chauga ĩnüexü̃ i chixexü̃weama rüxĩxü̃ rü noxrütama ngúchaü̃ ügüamaxü̃.

Yeremía 4:17

Rü ngẽma Yudáanecüã̱xgü rü tama Cori ya Tupanaga naxĩnüe, rü ngẽmaca̱x norü uanügü rü tá Yudáanexü̃ ínachomaeguãchi ñoma duü̃xü̃gü i naanena ídaugüxü̃rüxü̃. Rü choma ya Cori ya Tupana nixĩ i nüxü̃ chixuxü̃ i ngẽma.

Ochéa 5:10

Rü ñanagürü ta: —Ngẽma Yudáanearü ãẽ̱xgacügü, rü ñoma naaneca̱x ngĩ́xü̃rüxü̃ nixĩgü erü Iraéanegu nachocu. Rü ngẽmaca̱x chorü numaxã tá poraãcü chanapoxcue.

Amúx 5:12

Choma nüxü̃ chacua̱x nax nataxü̃ i perü chixexü̃gü, Pa Ãẽ̱xgacügüx. Rü ngẽma perü pecadugü rü tama inayacua̱x. Rü ngẽxguma duü̃xü̃gü pepe̱xewa norü guxchaxü̃gü yamexẽẽgüchaü̃gu, rü yíxema aixcümaxü̃ ixuxe rü tama tüxü̃́ ipexĩnüe. Natürü nüxü̃́ ipexĩnüe i ngẽma diẽrumaxã pexü̃́ naxütanüxü̃ nax naétüwaama pechogüxü̃ca̱x. Rü ngẽmaãcü i pemax, Pa Ãẽ̱xgacügüx, rü ngẽxma tüxü̃́ ipeyanaxoxẽxẽ i ngẽma guxchaxü̃ i pexü̃tawa naxca̱x taxũxü̃ ya yíxema ngearü diẽruã́xẽ.

Miquéa 3:9

¡Iperüxĩnüe i pema i Iraéanearü Ãẽ̱xgacügüx rü pema i Iraétanüxü̃maxã icua̱xgüxe! Pema rü naxchi pexaie i ngẽma mexü̃, rü ñu̱xũchi ípeyatoxẽxẽ i ngẽma mexü̃.

Miquéa 6:12

Rü ngẽma diẽruã̱xgüxü̃ i daa ĩanegu ãpatagüxü̃ rü poraãcü duẽxẽgüxü̃́ nangĩ́e. Rü guxü̃ma i daa ĩanewa maxẽxü̃ rü dorata̱xaxgüxü̃ rü womüxẽẽwa̱xegüxü̃ nixĩgü.

Iraétanüxü̃arü muxchiga 22:7

Rü yexguma ga yema Moáanecüã̱xgü rü Madiáü̃anecüã̱xgüarü ãẽ̱xgacügü rü diẽrumaxã Balaáü̃xü̃tawa naxĩ nax naxütanügüãxü̃ca̱x nax chixexü̃ Iraétanüxü̃maxã naxueguxü̃ca̱x. Rü yexguma Balaáü̃xü̃tawa nangugügu, rü namaxã nüxü̃ nixugügü ga Baláxarü ore.

1 Chamué 8:3

Natürü tama nanatürüxü̃ nixĩgü, yerü norü yemaxü̃güguama narüxĩnüe. Rü yexguma ta̱xacürü guxchaxü̃ namexẽẽgügu rü nanayauxtanügü, rü tama nawüxigu i norü ngü̃xẽxẽ i guxãmaxã.

Ichaía 1:17

¡Rü naxca̱x pengúe nax mexü̃ pexügüxü̃! ¡Rü pora pexüe nax mexü̃ i nacümagu pemaxẽxü̃ca̱x! ¡Rü tüxü̃ perüngü̃xẽxẽ ya yíxema duü̃xẽgü ya togü chixri tümamaxã icua̱xgüxe! ¡Rü naétüwa pechogü i taxcutagü rü yutegüxü̃!

Ichaía 1:18

¡Ẽcü nua pexĩ rü ngĩxã perü chixexü̃chiga tidexagü! Rü ngẽxguma chi perü maxü̃ rü woo nadauxuchigu namaxã i perü chixexü̃, natürü i choma rü ñoma gáuxü̃chara i cómüxü̃chixü̃rüxü̃ tá chayaxĩxẽxẽ. Rü ngẽxguma chi woo wüxi i naxchiru i waxüchixü̃rüxü̃ yixĩxgu i perü pecadugü, natürü i choma rü ñoma wüxi i carnéruta̱xa i cómüxü̃chixü̃rüxü̃ tá chanacómüxẽxẽ.

Ichaía 28:14

Rü ngẽmaca̱x, Pa Yatügü i Tauéegama Ĩnüechaü̃xü̃ i Yerucharéü̃maxã Icua̱xgüxü̃x, ¡rü iperüxĩnüe i Cori ya Tupanaarü ore!

Yeremía 5:6

Rü ngẽmaca̱x naixnecüwa tá ínachoxü̃ i leóü̃gü i nangõ̱xcuxü̃, rü airugü i ínachianexü̃wa maxẽxü̃ tá nagu niwagügü. Rü ngẽma aigü rü norü ĩanegügu tá nanangõ̱xcu, rü tá nagu niwagügü i ngẽxguma ínachoxü̃gu. Yerü yema duü̃xü̃gü rü muxü̃ma ga chixexü̃ naxügü rü muẽ̱xpü̱xcüna nidoraemare.

Echequié 22:27

Rü ñaa nachixü̃anearü ãẽ̱xgacügü rü ñoma dauxchitacüã̱x i airugü i naeü̃gü wagüexü̃rüxü̃ nixĩgü. Rü guxü̃guma ínamegümare nax tümaarü diẽruca̱x duü̃xẽ tüxü̃ yama̱xgüxü̃ nax ngẽmaãcü yadiẽruã́xü̃ca̱x.