Ichaía 1:21 - Tupanaarü Ore

²¹ Pemax, Pa Yerucharéü̃cüã̱x, noxri rü aixcüma meama Tupanaga pexĩnüe, natürü i ñu̱xma rü ñoma wüxi i ngexü̃ i naxü̃nemaxã taxexü̃rüxü̃ pixĩgü. Pema ga noxri rü mexü̃ ga nacümagu pemaxẽ, natürü i ñu̱xma rü máetaguxicatama perüxĩnüe.

Ichaía 1:21 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 11:8

Rü ngẽma naxü̃negü i ngẽma taxre rü tá yima ĩane ga tórü Cori nawa curuchawa ipotane ya Yerucharéü̃arü plazawa nawogü. Rü yima ĩane rü nachixe rü ngẽmaca̱x Chodómaarü ĩanemaxã rü Equítuanemaxã nanaxugü.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:2

¡Natürü ngẽma naa̱xtü ya Tupanapata ya taxü̃ne, rü taxũtáma cunangugü! Erü ngẽma duü̃xü̃gü i tama Tupanaaxü̃́ yaxõgüxü̃na marü nanaxã. Rü nümagü rü 42 ya tauemacü tá chixri namaxã inacua̱x ya yimá ĩane ya üünene.

Popera ga Yudíugü ga yaxõgüxü̃ca̱x ümatüxü̃ 12:22

Erü ñu̱xma i pema rü marü nüxna pengaicamagü ya yima ma̱xpǘne ya Chióü̃ ya yimá Tupana ya Maxü̃cüarü ĩane ya daxũgune ya Yerucharéü̃. Rü marü nüxna pengaicamagü i ngẽma muxũchixü̃ma i norü orearü ngeruü̃gü i daxũcüã̱x i Tupanaxü̃ icua̱xüü̃güxü̃.

Ngechuchuarü ngúexü̃gü ga yamugüxü̃arü puracüchiga 7:52

Rü perü o̱xigü rü chixri namaxã inacua̱xgü ga guxü̃ma ga Tupanaarü orearü uruü̃gü. Rü nanadai ga yema orearü uruü̃gü ga nüxü̃ ixuchigagüxü̃ nax núma tá naxũxü̃ ga gumá mecü ya Ngechuchu. Rü yexguma ínanguxgu ga gumá Ngechuchu rü pema rü Pirátupe̱xewa ípenaxuaxü̃ rü peyama̱x.

Ore i mexü̃ ga Luca ümatüxü̃ 13:34

Rü dücax, Pa Yerücharéü̃cüã̱x, pema peyadaietanü i Tupanaarü orearü uruü̃gü, rü nutamaxã ípenamuxũchigü i Tupanaarü orearü ngeruü̃gü i pexca̱x núma namugüxü̃. Rü ñuxree̱xpü̱xcüna wüxigu chaugüxü̃tagu pexü̃ chanutaque̱xexẽẽchaü̃, ñoma wüxi i ota ya naxacüã̱x nügütüü̃gu tüxü̃ nutaque̱xexü̃rüxü̃. Natürü pema rü tama penaxwa̱xe.

Chacaría 8:3

Rü ñachagürü ta: “Choma rü Yerucharéü̃ca̱x tá chataegu nax ngéma chamaxü̃xü̃ca̱x. Rü ngẽxguma chataeguxgu rü yima ĩane ya Yerucharéü̃ rü Ĩane ya Chauga Ĩnünemaxã tá nanaxugü. Rü ngẽxgumarüxü̃ ta ya yima chorü ma̱xpǘne ya Chióü̃, rü Ma̱xpǘne ya Üünenemaxã tá nanaxugü”, ñachagürü.

Ochéa 11:12

Rü ñanagürü ta: —Ngẽma Efraíü̃tanüxü̃x, rü guxü̃guma chope̱xewa nidorata̱xagü. Rü ngẽma Iraéanecüã̱xgü rü guxü̃guma choxü̃ nawomüxẽẽgü. Rü ngẽma Yudáanecüã̱xgü rü choxna nixĩgachi, rü ñu̱xma rü norü tupananetagüxü̃ nicua̱xüü̃gü —ñanagürü.

Yeremía 3:1

Cori ya Tupana rü ñanagürü: —Rü ngẽxguma wüxi i yatü rü naxma̱xü̃ ínata̱xgu, rü ngẽxguma marü nüxna tixũgachigu i tüma rü to i yatümaxã taxãtegu, rü nüma i ngẽma tüxü̃ ítáxü̃ rü marü taxũtáma wena tümamaxã naxãxma̱x. Rü ngẽma rü wüxi i taxü̃ i chixexü̃ tá nixĩ naxca̱x i ngẽma nachixü̃ane. Natürü i pemax, Pa Yudátanüxü̃x, rü mucü ga tupananetachicüna̱xãgüwe perüxĩ. ¿Rü ñuxãcü nagu perüxĩnüe nax cha̱u̱xca̱x pewoeguxü̃? Rü choma ya Cori ya Tupana nixĩ i pemaxã nüxü̃ chixuxü̃ i ngẽma.

Ichaía 48:2

Pema rü nüxü̃ pixu nax yima ĩane ya üünene ya Yerucharéü̃wa pemaxẽxü̃ rü Iraéarü Tupana ya Guxãétüwa Ngẽxmacüarü duü̃xü̃gü pixĩgüxü̃, rü ngẽmaãcü pegü ípepoxü̃.

Ichaía 5:7

Rü ngẽma norü úbanecü i nüxü̃́ ngúchaü̃xü̃ ya Cori ya Tupana ya Guxãxétüwa Ngẽxmacü, rü ngẽma nixĩ i Iraétanüxü̃ i Yudáanewa ngẽxmagüxü̃. Rü nüma ya Cori ya Tupana rü nanaxwa̱xe i nagu naxĩxü̃ i ngẽma norü mugü. Natürü ngẽma Iraétanüxü̃ rü máetaguxicatama narüxĩnüe. Rü nüma ya Tupana rü ínananguxẽxẽ nax nügü nangechaü̃güxü̃, natürü ngẽma natanüwa nüxü̃ ĩnüxü̃ nixĩ nax ngúxü̃maxã aita naxüexü̃.

Wiyaegü 48:8

Rü yima Tupanaarü ĩane rü namexẽchi yema tórü o̱xigüwa nüxü̃ taxĩnüechigaxü̃rüxü̃. Rü ñu̱xma i yixema rü ta rü taxetümaxã nüxü̃ tadaugü i ngẽma. Rü nümatama ya Tupana ya Guxãétüwa Ngẽxmacü rü guxü̃gutáma yima ĩanexü̃ ínapoxü̃.

Wiyaegü 48:1

Nüma ya Cori ya Tupana rü guxãétüwa nangẽxma rü name nax nüxü̃ icua̱xüü̃güxü̃ nawa ya yima norü ĩane ya norü ma̱xpǘne ya üünene ya Chióü̃wa ngẽxmane.

Wiyaegü 46:4

Rü nangẽxma i wüxi i natü i norü poraxü̃chíüxü̃maxã nataãẽxẽẽxü̃ ya yima Tupanaarü ĩane ya Yerucharéü̃. Rü yima ĩanewa nangẽxma ya napata ya üünene ya Tupana ya Guxãétüwa Ngẽxmacü.

Neemía 11:1

Rü yema Iraétanüxü̃arü ãẽ̱xgacügü rü ĩane ga Yerucharéü̃gutama naxãpatagü. Rü yema togü ga Iraétanüxü̃ rü sortéu naxca̱x naxügü nax nüxü̃ nacua̱xgüxü̃ca̱x rü texégü tá tixĩ ya ĩane ya üünene ya Yerucharéü̃gu ãpatagüxe. Rü ngẽma 10 i nügütanüxü̃wachigü rü wüxitücumü tá nixĩ ya yima ĩane ya üünene ya Yerucharéü̃gu ãpatagüxü̃ rü ngẽma togü i 9 tücumü rü naigü ya ĩanewa tá naxĩ nax ngẽxma yaxãpatagüxü̃ca̱x.

Norü taxre ga to ga popera ga ãẽ̱xgacügüchiga ümatüxü̃ 19:9

Rü nayaxucu̱xẽ rü ñanagürü: —Pema rü penaxwa̱xe nax Cori ya Tupana naxwa̱xexü̃ãcüma pepuracüexü̃. Rü ngẽmaãcü penaxwa̱xe nax aixcüma nawe̱xguxü̃ i guxü̃ma i ngẽma pexüxü̃ rü aixcüma Tupanape̱xewa nax namexü̃ i perü maxü̃.

2 Chamué 8:15

Rü nüma ga Dabí rü guxü̃ma ga Iraéanearü ãẽ̱xgacü nixĩ. Rü meama guxü̃ma ga norü duü̃xü̃gümaxã inacua̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 17:1

Rü yema 7 ga orearü ngeruxü̃ ga daxũcüã̱x ga nüxü̃́ yexmagüxü̃ ga 7 ga copugü, rü yematanüwa rü wüxi rü cha̱u̱xca̱x nixũ, rü ñanagürü choxü̃: “¡Nua naxũ! Rü tá cuxü̃ nüxü̃ chadauxẽxẽ i ta̱xacü tá nixĩ i ngĩrü poxcu i ngẽma nge i naxü̃nemaxã taxexü̃ i dexáétüwa rütocü.

Ichaía 1:22

Rü pema ga noxri rü ñoma diẽrumürüxü̃ pimexü̃, natürü i ñu̱xma rü norü ãũãchixü̃rüxü̃ pixĩgü. Pema ga noxri rü ñoma mecü ya bínurüxü̃ pime, natürü i ñu̱xma rü ñoma dexámarerüxü̃ pixĩgü.

Ichaía 59:3

Rü pema rü nagümaxã pixãũãchime̱xẽ nagagu nax pimáetagüxü̃. Rü pidorata̱xagü rü chixexü̃maxã pidexagü.

Ichaía 59:14

Rü nüxü̃ taxo i ngẽma mexü̃, rü nüxna tayáxü̃gugü i ngẽma aixcüma we̱xguxü̃. Rü tama tayanguxẽxẽ i ngẽma duü̃xü̃güpe̱xewa nüxü̃ ixuxü̃. Rü tama tixaixcümagü. Rü yíxema nüxna ixũgachixe i ngẽma chixexü̃ rü tüxü̃́ naxca̱x tangĩ̱x i ngẽma tümaarü ngẽmaxü̃gü. Rü nüma ya Tupana rü nanu rü tama nataãxẽ namaxã i ngẽma ixüxü̃, erü nüxü̃ nadau nax nataxuxü̃ma i mexü̃.

Ochéa 2:5

Rü pechixü̃ane rü ñoma wüxi i nge i ngeãẽcürüxü̃ taxuwama name. Rü ngĩma rü ngĩgürügü: “Paxa tá naxca̱x chadau i ngẽma chomaxã maxẽxü̃, erü ngẽmagü nixĩ i choxna naxãgüxü̃ i paũ rü dexá rü chauxchiru i carnéruta̱xanaxca̱x rü línuchinaxca̱x rü chíxü̃ rü axexü̃”, ngĩgürügü.

Abacú 1:4

Rü duü̃xü̃gü rü tama aixcüma nagu namaxẽ i ngẽma Tupanaarü mugü rü tochixü̃anearü mugü. Rü ngẽma mugü i duü̃xü̃güétüwa idexaxü̃ rü tama naga naxĩnüe. Rü ngẽma duü̃xü̃gü i chixexü̃gu maxẽxü̃ rü tüxü̃ napoxcu ya yíxema mexü̃ ügüxe. Rü ngẽmaãcü ínayatoxẽẽgü i ngẽma aixcüma we̱xguxü̃ —ñanagürü.

Ichaía 26:10

Rü woo nax cuxü̃́ nangechaü̃tümüxü̃güxü̃ i ngẽma chixexü̃gu maxẽxü̃, Pa Corix, natürü nümagü rü tama nüxü̃ nacua̱xgüéga nax ñuxãcü tá mea namaxẽxü̃. Rü woo duü̃xü̃gü i mea imaxẽxü̃tanüwa nangẽxmagügu, natürü chixexü̃ naxügüama rü tama nüxü̃ nacua̱xgüéga i ngẽma Cori ya Tupanaarü mexü̃.