Ichaía 1:20 - Tupanaarü Ore

²⁰ Natürü ngẽxguma taxũtáma penaxwa̱xegu nax chauga pexĩnüexü̃, rü daigu perü uanügüme̱xẽgu tá peyue —ñanagürü ga Tupana.

Ichaía 1:20 Referans Kwoze

Ichaía 65:12

Rü ngẽmaca̱x pemaxã chanaxuegu nax taragu tá peyuexü̃. Yerü yexguma pexca̱x chacaxgu rü tama choxü̃ pengãxü̃gü, rü yexguma pemaxã chidexagu rü tama choxü̃́ iperüxĩnüe. Rü penaxüama ga yema tama chanaxwa̱xexü̃ rü penayauxgü ga yema choxü̃ nuxẽẽxü̃ —ñanagürü ga Tupana.

Ichaía 40:5

Rü ngẽxguma i nüma ya Cori ya Tupana rü tá nügü nango̱xẽxẽ nax ñuxãcü naporaxüchixü̃. Rü guxü̃ma i duü̃xü̃gü rü tá nüxü̃ nadaugü i ngẽma norü pora. Rü Cori ya Tupanatama nixĩ i ngẽma ñaxü̃ —ñanagürü.

Ichaía 3:25

Rü petegü rü daigu tá nayue rü ngẽxgumarüxü̃ ta i perü churaragü rü daigu tá nayue.

Ichaía 3:11

Natürü wüxi i taxü̃ i ãũcümaxü̃chixü̃ nixĩ naxca̱x i ngẽma duü̃xü̃ i chixexü̃gu maxü̃xü̃. Rü ngẽma chixexü̃ i naxüxü̃gagu rü tá guxchaxü̃ naxca̱x ínangu. Erü Cori ya Tupana rü ngẽma chixexü̃ i naxüxü̃ca̱x tá nanapoxcu.

Iraétanüxü̃arü muxchiga 23:19

Rü Tupana rü tama duü̃xü̃gü nagu rüxĩnüxü̃gu narüxĩnü, rü taguma nidora rü taguma nanaxüchicüxü i norü ĩnü. Rü ngẽxguma ta̱xacüxü̃ yaxuxgu rü aixcümama nanaxü. Rü ngẽxguma ta̱xacüca̱x inaxunetagu rü aixcümama nayanguxẽxẽ.

Miquéa 4:4

Rü guxãtáma taxũtáma muü̃eãcü tamaxẽ. Rü wüxíechigü rü tá tümaarü úbapechitagu, rü tümaarü igunecüpechitagu tarüngü̃. Rü ñaa ore rü noxrütama nixĩ ya yimá Cori ya Tupana ya Guxãétüwa Ngẽxmacü.

1 Chamué 12:25

Natürü ngẽxguma chi chixexü̃ pexügüamagu, rü nüma ya Cori ya Tupana rü tá pexü̃ inarüxoxẽxẽ wüxigu namaxã ya perü ãẽ̱xgacü —ñanagürü ga Chamué.

Lebítanüxü̃arü puracüchiga 26:33

Rü pema rü togü i nachixü̃anegu tá pexü̃ chawoone. Rü chorü taramaxã tá pewe chingẽchigü. Rü ngẽma pechixü̃ane rü tá chianexü̃xü̃ chayaxĩxẽxẽ. Rü perü ĩanegü rü nachitaxü̃xica tá ínayaxügü.

1 Chamué 15:29

Erü yimá Tupana ya Iraétanüxü̃maxã poracü rü tama nidora, rü taguma nanaxüchicüxü i ngẽma nagu naxĩnüxü̃ erü tama wüxi i duü̃xü̃marerüxü̃ nixĩ —ñanagürü.

1 Chamué 12:15

Natürü ngẽxguma taxũtáma naga pexĩnüegu rü ngẽxguma nüxü̃ pexoo̱xgu i ngẽma norü mugü, rü nüma ya Tupana rü tá pexü̃ rü perü ãẽ̱xgacüxü̃ napoxcu.

Ichaía 8:6

—Choma rü ngẽma dexá i meamare puchu i Chiloéwa ne yáxü̃rüxü̃ nüxü̃ charüngü̃xẽẽchaü̃ i ngẽma Yudáanecüã̱xgü, natürü choxü̃ naxoe erü ãẽ̱xgacügü ga Rechíü̃xü̃ rü Remaría nane ga Pécaxü̃ namuü̃e.

Ichaía 34:16

¡Rü ngẽma Cori ya Tupanaarü orewa pengúe! Rü taxũtáma wüxi i ngẽma naeü̃gü rü ngéma nangeéga, rü taxuxü̃táma nayangemücü i ngexewa. Erü nümatama ya Cori ya Tupana rü ngẽmaãcü nanaxwa̱xe, rü wüxi cue ñaxü̃maxã tá nixĩ i wüxiwa nagagüãxü̃.

Yeremía 4:17

Rü ngẽma Yudáanecüã̱xgü rü tama Cori ya Tupanaga naxĩnüe, rü ngẽmaca̱x norü uanügü rü tá Yudáanexü̃ ínachomaeguãchi ñoma duü̃xü̃gü i naanena ídaugüxü̃rüxü̃. Rü choma ya Cori ya Tupana nixĩ i nüxü̃ chixuxü̃ i ngẽma.

Yeremía 17:27

Natürü ngẽxguma taxũtáma naga pexĩnüegu i ngẽma pexü̃ chamuxü̃ rü tama penaxauregu i ngẽma ngü̃chigaarü ngunexü̃, rü ngẽxguma ngẽma ngunexü̃gu Yerucharéü̃arü ĩã̱xgüwa penanucugu i ngẽma pexwetagü, rü choma rü daa ĩanearü ĩã̱xgüwa tá chayanaixẽxẽ ya üxü ya ínaguxü̃ne ya ãẽ̱xgacüpatagü i Yerucharéü̃wa. Rü yima üxü rü taxúxetáma tüxü̃́ natauxcha nax tayaxoxẽẽxü̃”, ñachagürü —ñanagürü ya Cori ya Tupana.

Yeremía 21:8

¡Rü ngẽxgumarüxü̃ ta duü̃xü̃gümaxã nüxü̃ ixu rü choma ya Cori ya Tupana rü ñachagürü! ¿Rü ngexü̃rüxüxü nixĩ i penaxwa̱xegüxü̃, rü maxü̃ rüe̱xna yu?

Yeremía 26:4

¡Rü namaxã nüxü̃ ixu nax choma ya Cori ya Tupana rü ñachaxü̃: “Rü ngẽxguma taxũtáma chauga pexĩnüegu, rü taxũtáma peyanguxẽẽgu i ngẽma ucu̱xẽgü i pexna chaxãxü̃, rü ñu̱xũchi taxũtáma naga pexĩnüegu i norü ucu̱xẽgü i chorü orearü uruü̃gü ga muẽ̱xpü̱xcüna petanüwa chamugüxü̃ ga pema tama naga pexĩnüexü̃, rü ngẽxguma i choma rü tá nagu chapogü ya daa chopata guma Chilówa yexmane ga chopatarüxü̃. Rü daa ĩane rü wüxi i cua̱xruxü̃ tá nixĩ naxca̱x i guxü̃ma i nachixü̃anegü i ñoma i naanewa ngẽxmagüxü̃” —ñanagürü ga Cori ya Tupana.

Yeremía 46:14

Rü ñanagürü: —¡Penaxunagü i Equítuanewa rü ĩanegü ga Midóxwa, rü Tafnéxwa, rü Ménfiwa, rü ñaperügügü! ¡Pexuãxẽ rü ípemexẽxẽgü! Erü perü uanü i taramaxã daiwa ĩxü̃, rü poraãcü nanadai i duü̃xü̃gü i perü ĩanegüarü ngaicamana ngẽxmagünewa.

Ínachoxü̃xü̃chiga 9:2

Erü ngẽxguma taxũtáma nüxü̃ quinge̱xgux rü tama ícunamuxü̃chaü̃gu, rü nüma ya Cori ya Tupana rü ngẽma nachitaxü̃wa ngẽxmagüxü̃ i cuxü̃nagüétügu tá nananguemaxẽxẽ i da̱xaweane i poraxü̃. Rü nayue tá i muxü̃ma i cowarugü rü caméyugü rü wocagü rü carnérugü.

Lebítanüxü̃arü puracüchiga 26:25

Rü tá pexca̱x íchayaxüãchixẽxẽ i perü uanügü nax norü taramaxã pexü̃ nada̱i̱xü̃ca̱x, yerü tama naga pexĩnüe i ngẽma uneta ga pemaxã chaxüxü̃. Rü pema rü tá yima perü ĩanegü ya cu̱xchicaxü̃ruü̃ca̱x pibuxmü, natürü i choma rü tá ngéma pexca̱x chanamu i da̱xaweane. Rü ngẽmaãcü tá perü uanügüme̱xẽgu peyi.

Yox 36:12

Natürü ngẽxguma tama naga naxĩnüegu rü ngürüãchi tá nayue rü naxmaxü̃gu tá nayanucu.