Ichaía 1:18 - Tupanaarü Ore

¹⁸ ¡Ẽcü nua pexĩ rü ngĩxã perü chixexü̃chiga tidexagü! Rü ngẽxguma chi perü maxü̃ rü woo nadauxuchigu namaxã i perü chixexü̃, natürü i choma rü ñoma gáuxü̃chara i cómüxü̃chixü̃rüxü̃ tá chayaxĩxẽxẽ. Rü ngẽxguma chi woo wüxi i naxchiru i waxüchixü̃rüxü̃ yixĩxgu i perü pecadugü, natürü i choma rü ñoma wüxi i carnéruta̱xa i cómüxü̃chixü̃rüxü̃ tá chanacómüxẽxẽ.

Ichaía 1:18 Referans Kwoze

Ichaía 44:22

Rü choma nixĩ i pexü̃́ ichayanaxoxẽẽxü̃ i perü guxchaxü̃gü rü perü chixexü̃gü ñoma caixanexü̃ iyarüxoxgurüxü̃. ¡Rü ẽcü cha̱u̱xca̱x pewoegu! Erü choma nixĩ i pexü̃ íchanguxü̃xẽẽxü̃ nawa i perü chixexü̃” —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 7:14

Rü choma chanangãxü̃, rü ñacharügü: “Pa Corix, cuma nixĩ i nüxü̃ cucuáxü̃ nax texégü tixĩgüxü̃”, ñacharügü. Rü yexguma ga nüma rü ñanagürü: “Yíxemagü tixĩgü ga nawa ngupetütanüxe ga yema ngúxü̃ ga taxü̃ rü marü tügü iyauxgüchiruxe nawa ga nagü ya yimá Carnéruxacü. Rü ngẽmaca̱x nixĩ i ticómüchiruxü̃.

Wiyaegü 51:7

¡Rü ẽcü ngẽma maxcuruü̃maxã choxü̃ namaxcuxü̃ne nax iyanaxoxü̃ca̱x i chorü chixexü̃! Rü ngẽmaãcü i chorü maxü̃ rü cupe̱xewa rü gáuxü̃te̱xe i cómüxü̃arü yexera tá nacómüxü̃.

Ichaía 41:21

Rü nüma ya Cori ya Acóbutanüxü̃arü ãẽ̱xgacü ixĩcü rü yema tupananetachicüna̱xãgüxü̃ ñanagürü: —¡Dücax, Pa Naxchicüna̱xãgüx, pegü ípepoxü̃gü, rü pegüétüwa pidexagü!

Ichaía 41:1

Nüma ya Cori ya Tupana rü ñanagürü: —¡Iperüchianegü rü choxü̃́ iperüxĩnüe, Pa Márpechinüwa Ngẽxmagüxü̃ i Nachixü̃anegücüã̱x! ¡Rü pemax, Pa Guxü̃ma i Nachixü̃anegücüã̱x, ẽcü peporaãẽgü! ¡Rü nua pexĩ rü ngĩxã nachiga tidexagü i ngẽma tá ngupetüxü̃! ¡Rü ngĩxã nuxã wüxigu tangutaque̱xegü nax nachiga idexagüxü̃ca̱x!

Romanos 5:20

Rü Tupana rü Moichéna nanaxã ga norü mugü nax duü̃xü̃güxü̃ nüxü̃ nacua̱xẽẽxü̃ca̱x nax poraãcü yapecaduã́xü̃. Natürü yexguma yexeraãcü pecadu naxügügu ga duü̃xü̃gü, rü yexeraãcü Tupanaaxü̃́ nangechaü̃tümüü̃gü.

Ngechuchuarü ngúexü̃gü ga yamugüxü̃arü puracüchiga 18:4

Rü guxü̃ ga ngü̃xchigaarü ngunexü̃gu rü Yudíugüarü ngutaque̱xepataü̃wa naxũũxü̃ ga Pauru, rü duü̃xü̃gümaxã nidexaxü̃, rü nayaxucu̱xẽgüxü̃. Rü yexgumarüxü̃ ta nayaxucu̱xẽgüxü̃ ga yema duü̃xü̃gü ga tama Yudíugü ixĩgüxü̃.

1 Chamué 12:7

Rü pema rü ípemexẽẽgü erü Cori ya Tupanape̱xewa tá pexna nüxü̃ chacua̱xãchixẽxẽ i guxü̃ma i nüma pexca̱x rü perü o̱xigüca̱x naxüxü̃ woo tama aixcüma naga pexĩnüe.

Ngechuchuarü ngúexü̃gü ga yamugüxü̃arü puracüchiga 17:2

Rü guma ngutaque̱xepataü̃wa naxũũxü̃ ga Pauru, yerü woetama yema nixĩ ga nacüma. Rü tomaepü̱x ga ngü̃xchigaarü ngunexü̃gu rü Tupanaarü ore ga ümatüxü̃chiga yema Yudíugümaxã yéma nidexa.

Yeremía 2:5

Rü nüma ya Cori ya Tupana rü ñanagürü pexü̃: —¿Ta̱xacü rü chixexü̃ chowa nüxü̃ nadaugü ga perü o̱xigü rü yemaca̱x choxna yaxĩgachixü̃ rü nawe naxĩxü̃ ga tupananetachicüna̱xãgü ga ngearü maxü̃ã̱xgüxü̃? Rü yemagagu taxuwama nügü namexẽẽgü.

Ngechuchuarü ngúexü̃gü ga yamugüxü̃arü puracüchiga 24:25

Natürü yexguma Pauru namaxã nüxü̃ ixuxgu nax Tupana naxwa̱xexü̃ nax mea imaxü̃xü̃ rü nanaxwa̱xexü̃ nax tórü maxü̃maxã mea icuáxü̃ rü wüxi i ngunexü̃ Tupana tá tüxna naca̱xaxü̃ i tórü maxü̃chiga, rü yexguma ga Férix rü poraãcü naba̱i̱xãchi. Rü ñanagürü nüxü̃: —¡Ẽcü íixũ i ñu̱xmax! Rü ngẽxguma ñuxguacü icharüxã̱ũ̱xmaregu, rü wena táxarü cuxca̱x changema —ñanagürü.

Miquéa 6:2

Rü pema, Pa Ma̱xpǘnegü ya Taxü̃ne rü Íxrane, ¡iperüxĩnüe! Erü Cori ya Tupana rü pepe̱xewa tá nüxü̃ nixu i norü duü̃xü̃gü i Iraétanüxü̃arü chixexü̃.

Yox 9:33

Rü nataxuma i wüxi i ãẽ̱xgacü i guxchaxü̃arü mexẽẽruxü̃ i Tupanamaxã rü chomaxã icuáxü̃. Rü tataxuma ya texé ya chauétüwa chogüxe nax tama choxü̃ napoxcuxü̃ca̱x rü choxü̃ yamuü̃xẽẽchigüxü̃ca̱x ya Tupana.

Ichaía 50:8

Rü yimá chorü poxü̃ruxü̃ rü chauxü̃tawa nangẽxma. Rü ngẽxguma chi texé tüxü̃́ nangẽxmagu i ta̱xacüca̱x choxü̃ ítaxuaxü̃xü̃, rü ngĩxã wüxigu ãẽ̱xgacüpe̱xewa taxĩ. Rü ngẽxguma chi texé choxü̃ ixuxchaü̃gu rü ẽcü nua taxũ rü chope̱xewa chomaxã nüxü̃ tixu.

Ichaía 55:7

Rü ngẽma duü̃xü̃ i chixecümaxü̃, rü name nixĩ i nüxü̃ narüxo i ngẽma nacüma i chixexü̃. Rü ngẽma duü̃xü̃ i chixexü̃gu rüxĩnüxü̃, rü name nixĩ i nüxü̃ narüxo i ngẽma chixexü̃ i nagu naxĩnüxü̃. ¡Rü Cori ya Tupanaca̱x pewoegu! Rü tá nüxü̃́ pengechaü̃tümüxü̃gü. ¡Rü naxca̱x pewoegu ya tórü Tupana! Erü nüma rü ínamemare nax pexü̃́ nüxü̃ nangümaxü̃ i perü chixexü̃gü.

Echequié 18:27

Natürü ngẽxguma wüxi ya yatü ya noxri chixri maxü̃cü rü nüxü̃ naxoxgu i nacüma i chixexü̃, rü aixcüma mexü̃ naxü̱xgu rü tá namaxü̃ rü taxũtáma nayu.

Echequié 33:16

Rü choma rü taxũtáma nüxü̃́ nüxna chacua̱xãchi i bai i wüxi i ngẽma pecadu ga ü̃paacü naxüxü̃. Rü nüma rü tá namaxü̃ erü mexü̃ naxü rü nayanguxẽxẽ ga yema mexü̃ ga nüxü̃ yaxuxü̃”.

Wiyaegü 51:9

¡Rü ẽcü choxü̃́ nüxü̃ irüngüma i chorü pecadugü, rü ínapi i guxü̃ma i chorü chixexü̃gü!

Ichaía 1:23

Rü perü ãẽ̱xgacügü rü tama Tupanaga naxĩnüe rü namaxã naxãmücügü i duü̃xü̃gü i máxwa̱xegüxü̃. Rü diẽruca̱x rü ãmareca̱x ínacagü nax tama napoxcuexü̃ca̱x i ngẽma chixexü̃ ügüxü̃. Rü taxcutagü rü tama tüxü̃ narüngüxẽẽgü, rü tama tümagu narüxĩnüe ya yixema yutegüxe.

Ichaía 3:13

Rü Cori ya Tupana rü marü nügü ínamexẽxẽ nax norü duü̃xü̃güna naca̱xaxü̃ i norü chixexü̃chiga.