Ichaía 1:15 - Tupanaarü Ore

¹⁵ Rü ngẽxguma pema pexunagüme̱xẽgüãcü peyumüxẽgügu, rü choma rü pexcha̱xwa chidaugachi. Rü woo namuxgu i perü yumüxẽ natürü i choma rü taxũtáma pexü̃ chaxĩnü, erü pema rü pemáeta rü pexme̱xgü rü nagümaxã nixãũãchi.

Ichaía 1:15 Referans Kwoze

Miquéa 3:4

Rü wüxi i ngunexü̃ rü tá nüxna pecagü ya Cori ya Tupana nax pexü̃ nangü̃xẽẽxü̃ca̱x, natürü i nüma rü taxũtáma pexü̃ nangãxü̃. Rü ngẽxguma i nüma rü tá pexcha̱xwa inicu̱x nagagu i ngẽma chixexü̃ i pexügüxü̃.

Ucu̱xẽgüchiga 1:28

Rü ngẽma ngunexü̃gu rü tá choxna pecagü, natürü taxũtáma pexü̃ changãxü̃, rü tá cha̱u̱xca̱x pedaugü, natürü taxũtáma choxü̃ ipeyangau.

Chacaría 7:13

Rü ñanagürü: —Ñu̱xma nax tama chauga naxĩnüechaü̃xü̃ i ngẽxguma namaxã chidexagu, rü choma rü taxũtáma nüxü̃ chaxĩnü ega ta̱xacüca̱x choxna nacagüegu. Rü yemaca̱x ñoma buanecü ga íxã̱ũ̱xẽmacürüxü̃ düxwa yema togü ga nachixü̃anegü ga tama nüxü̃ nacua̱xgüxü̃gu chanawoone. Rü nawena ga yema norü naane rü chianexü̃xü̃ nayanguxuchi. Rü yema norü naane ga noxri namexẽchi rü nümagütama chianexü̃xü̃ nayangucuchixẽxẽ —ñanagürü ga Cori ya Tupana ya Guxãétüwa Ngẽxmacü.

Yeremía 14:12

Rü woo tá muẽ̱xpü̱xcüna cuxaureãcüma cuyumüxẽgu, rü taxũtáma nüxü̃ chaxĩnü i ngẽma curü yumüxẽwa choxna naxca̱x cucaxü̃. Rü woo tá ãmaregü i naxü̃nagü rü trigute̱xe cha̱u̱xca̱x ícuguxgu rü taxũtáma namaxã chataãxẽ. Rü daimaxã, rü taiyamaxã, rü da̱xaweanemaxã tá chanadai —ñanagürü choxü̃.

Wiyaegü 66:18

Rü ngẽxguma chi chixexü̃gu charüxĩnügu rü nüma ya Cori rü taxũchima choxü̃ nangãxü̃.

Nüxíraxü̃xü̃ ga popera ga ãẽ̱xgacügüchiga 8:22

Rü yemawena ga Charomóü̃ rü nape̱xegu nachi ga yema guruxü̃ ga ngextá Cori ya Tupanaca̱x ãmaregü íguxü̃wa. Rü guxü̃ma ga yema Iraétanüxü̃pe̱xewa dauxü̃ naxunagüme̱xẽ.

Ichaía 58:7

Rü ngẽma chanaxwa̱xexü̃ nixĩ nax tüxü̃ pechibüexẽẽxü̃ ya yíxema taiyaexe, rü pepatawa tüxü̃ peyaxuxü̃ ya yíxema ngearü diẽruã̱xgüxe rü ngepatagüxe, rü tüxü̃ pixüxchiruxü̃ ya yíxema ngexchirugüxe, rü to̱xguã̱x tüxü̃ perüngü̃xẽẽgüxü̃.

Wiyaegü 55:1

Pa chorü Tupanax ¡nüxü̃ naxĩnü i chorü yumüxẽ rü taxṹ i nüxü̃ cuxüpetümarexü̃ i ngẽma cuxna naxca̱x chacaxü̃!

Yox 27:20

Rü ngunecü rü tá namuü̃, rü chütacü rü wüxi ya buanecü ya tacü tá naxca̱x ínangu rü yimá tá nayaga.

Nüxíraxü̃xü̃ ga popera ga ãẽ̱xgacügüchiga 8:54

Rü yexguma Charomóü̃ nüxü̃ rüchauxgu ga yema ãmarearü guruü̃pe̱xegu nacaxã́pü̱xüãcüma rü naxunagüme̱xẽãcüma nax norü yumüxẽwa Tupanamaxã yadexaxü̃, rü inachi rü guxü̃ma ga Iraéanecüã̱xgümaxã mexü̃ naxuegu. Rü tagaãcü ñanagürü:

Ore i mexü̃ ga Matéu ümatüxü̃ 23:13

Pa Ngúexẽẽruü̃gü i Mugüwa Ngu̱xẽẽtaegüxü̃ rü Pa Parichéugüx, pema rü duü̃xü̃güpe̱xewa mea pemaxẽneta. Rü wüxi i ngechaü̃ nixĩ i pexca̱x erü duü̃xü̃güaxü̃́ penaguxchaxẽxẽ nax Tupanaxü̃tawa nangugüxü̃ca̱x. Rü woo i pema rü taxũtáma ngẽxma pechocu, natürü nüxü̃́ penaguxchaxẽxẽ nax ngẽxma nachocuxü̃ca̱x i ngẽma togü i nüxü̃́ nangúchaü̃xü̃ nax ngẽxma nachocuxü̃.

Ore i mexü̃ ga Matéu ümatüxü̃ 6:7

Rü tama name i natüca̱xma cunama̱xẽxẽ i curü yumüxẽ naxrüxü̃ i ngẽma duü̃xü̃gü i tama Tupanaxü̃ cua̱xgüxü̃. Erü nümagü rü nagu narüxĩnüe rü ngẽma nax nama̱xẽẽgüãxü̃ca̱x i norü yumüxẽ rü Tupana tá nüxü̃ naxĩnü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 2:8

Rü ñu̱xma chanaxwa̱xe i guxü̃wama nayumüxẽgü i yatügü. Rü chanaxwa̱xe i ngearü pecaduã̱xãcüma naxugüme̱xẽ. Rü tama name i nügümaxã nanueãcüma rüe̱xna nügü nachoxü̃gagüãcüma nayumüxẽgü.

Ichaía 8:17

Rü woo nüma ya Cori ya Tupana rü Acóbutanüxü̃cha̱xwa nicu̱x, natürü nüxü̃́ chayaxõõma, erü naxü̃tawa nixĩ i íchananguxẽẽxü̃ i norü ngü̃xẽxẽ.

Wiyaegü 134:2

¡Rü ngẽma nachica i üünexü̃guama pexuenüme̱xẽgü rü Cori ya Tupanaxü̃ picua̱xüü̃gü!

Édra 9:5

Rü yexguma yema orawa nanguxgu rü marü choxü̃ nangupetüxüra ga nax changechaü̃xü̃. Rü charügáuxchiruãcüma ichanaxügü nax chayumüxẽxü̃. Rü Cori ya Tupanamaxã chidexa.

Ore i mexü̃ ga Cuáü̃ ümatüxü̃ 9:31

Rü guxãma rü meama nüxü̃ tacua̱x rü Tupana tama nüxü̃ naxĩnü i pecaduã̱xgüxü̃arü yumüxẽ. Natürü Tupana rü tüxü̃́ nüxü̃ naxĩnü i tümaarü yumüxẽ ya yíxema nüxü̃ icua̱xüxü̃güxe rü naxǘxe i Tupanaarü ngúchaü̃.

Ínachoxü̃xü̃chiga 9:29

Rü yexguma nüma ga Moiché rü nanangãxü̃ rü ñanagürü: —Ñu̱xma tátama daa ĩanewa íchaxũxũgu rü tá chaxunagüchacüxü rü Tupanamaxã tá chidexa. Rü ngẽxguma rü tá ínayachaxãchi ya ãẽmacügü rü ngẽma gáuxü̃pütagü. Rü ngẽmawa tá nüxü̃ cucua̱x nax ñoma i naane rü Tupanaarü yixĩxü̃.

Yox 35:13

Rü yimá Tupana ya Guxãétüwa Ngẽxmacü rü tama naga naxĩnü i norü yumüxẽ i taxuwama mexü̃.

Ichaía 4:4

Rü nüma ya Cori ya Tupana rü taxü̃ i norü ngechaü̃maxã rü norü poramaxã tá ínanapi namaxã ga yimá nagü ga Yerucharéü̃cüã̱xgü inabaxẽẽgücü, rü tá nanayaxu i norü ãũãchixü̃ i ngẽma Chióü̃cüã̱xgü i ngexü̃gü.

Ichaía 45:15

Rü Ichaía rü ñanagürü: —Pa Tupanax, tama cuxü̃ tadau, natürü cuma nixĩ i ícunanguxü̃xẽẽxü̃ i Iraétanüxü̃.

Ichaía 58:4

Rü ngẽxguma aureãcü peyumüxẽgügu rü penue rü pegü pedai rü pegü pidagügü. Natürü ngẽxguma penaxwa̱xegu nax nüxü̃ chaxĩnüxü̃ i ngẽma perü yumüxẽ i aureãcü pexüxü̃ ¡rü taxṹ i ngẽmaãcü chixri penaxüxü̃!

Ichaía 64:7

Rü tataxuma ya texé ya cumaxã idexaxe rü pora üxe nax cuxü̃tawa ngü̃xẽẽca̱x ítaca̱a̱xü̃. Rü ngẽma torü chixexü̃gagu nixĩ i toxcha̱xwa iquicúxü̃ rü toxü̃ ícuwogüxü̃.

Yeremía 4:31

Nüxü̃ chaxĩnü i naga i ñoma wüxi ya ngexe ya ngexwaca íxraxacüxerüxü̃ ixĩxü̃. Rü ngẽma naga rü Chióü̃cüã̱xgüga nixĩ. Rü nümagü rü naxugüme̱xẽãcü ñaãcü naxauxe: —¡Chaugümaxã changechaü̃, erü choxü̃ tá nadai i ngẽma máetatanüxü̃! —ñaxü̃.

Yeremía 11:11

Rü ngẽmaca̱x tá naxca̱x íchananguxẽxẽ i wüxi i guxchaxü̃ i taxũtáma na̱xcha̱xwa yabuxmüxü̃. Rü woo aita naxüegu rü chorü ngü̃xẽẽca̱x ínacagügu rü taxũtáma nüxü̃ chaxĩnü. Rü chomatama ya Cori ya Tupana nixĩ i nüxü̃ chixuxü̃ i ngẽma ore.

Echequié 11:6

Pemax rü muxẽma tüxü̃ pedai i daa ĩanewa, rü ñu̱xũchi yuexexü̃negümaxã peyapagüxẽxẽ ya daa ĩanearü namagü.

Echequié 39:23

Rü ngẽma togü i nachixü̃anegü rü tá nüxü̃ nicua̱xãchitanü nax yema Iraétanüxü̃ rü norü chixexü̃ ga naxügüxü̃gagu yixĩxü̃ nax to ga nachixü̃anewa nagagüxü̃. Rü choma rü nüxna chaxãca̱xwe̱xmare, yerü tama aixcüma choxü̃ nangechaxü̃gü. Rü yemaca̱x nüxna chixũgachi nax norü uanügü taramaxã daigu nada̱i̱xü̃ca̱x.

Ochéa 5:6

Natürü wüxi i ngunexü̃gu rü tá Cori ya Tupanaca̱x nadaugü rü naxca̱x tá nanadai rü nayagu i ãmaregü i wocagü rü carnérugü. Natürü taxũtáma nüxü̃ inayangaugü erü nüma ya Tupana rü marü nüxna nixũgachi.

Ucu̱xẽgüchiga 6:17

Rü ñaagü nixĩ: yima naxetü ya nügü icua̱xü̃ne, rü yimá conü ya idoreta̱xácü, rü yima naxme̱x ya tüxü̃ imáxe ya duü̃xẽ ya taxuxü̃ma i chixexü̃ ǘxe, rü ngẽma naãxẽ i chixexü̃gu rüxĩnüxü̃, rü yima nacutügü ya paxa ixüãchine nax chixexü̃ naxügüxü̃ca̱x, rü ngẽma poxü̃ruxü̃neta i dorata̱xáxü̃, rü ngẽma daica̱x dauxü̃ i naenexẽgümaxã.