Ichaía 1:14 - Tupanaarü Ore

¹⁴ Rü choma rü naxchi chaxai i ngẽma perü petagü i tauemacü ya ngexwaca ngócügu pexüxü̃ rü ñu̱xũchi ngẽma ngutaque̱xegü i pexüxü̃. Rü ngẽma rü choxü̃ nanuxẽxẽ rü marü tama yáxna namaxã chaxĩnü.

Ichaía 1:14 Referans Kwoze

Amúx 5:21

Rü Cori ya Tupana rü ñanagürü pexü̃: —Choma rü naxchi chaxai rü nüxü̃ chaxo i ngẽma taxü̃ i peta i chauégagu pexüxü̃. Rü tama namaxã chataãxẽ i ngẽma perü ngutaque̱xegü i cha̱u̱xca̱x pexüxü̃.

Ichaía 43:24

Rü tama naxca̱x pexü̃ chataxexẽxẽ ya dexne ya yixicü nax choxna penaxãmarexü̃ca̱x. Rü tama naxca̱x íchaca nax naxü̃naarü chíxü̃ cha̱u̱xca̱x piguxü̃ nax ngẽmamaxã choxü̃ petaãẽxẽẽxü̃ca̱x. Rü pema rü perü pecadugümaxã choxü̃́ penaxütanü.

Amúx 2:13

Rü ngẽmaca̱x i chomax rü tá ngúxü̃ pexü̃ chingegüxẽxẽ rü ngẽmamaxã tá pixãĩnetanücüxü ñoma wüxi i caretíya i trigumaxã ããcuxü̃ rü norü yamaxã ãgaxü̃rüxü̃.

Ichaía 61:8

Erü nüma ya Tupana rü naxchi naxai i ngẽma ngĩ́ta̱a̱x rü máeta, natürü nüxü̃ nangechaü̃ i ngẽma aixcüma mexü̃. Rü tá pexna nanaxã i taxü̃ma i perü natanü, rü pemaxã tá nanaxü i wüxi i uneta i tagutáma yagúxü̃.

Ichaía 7:13

Rü Ichaía rü ñanagürü: —Nüxü̃ pexĩnüe, Pa Dabítaagüx ¿Pemax, rü pexü̃́ nanataxuraxü̃ nax penachixewexü̃ i duü̃xü̃gü, rü ñuxãcü tá ta penachixewexü̃ ya chorü Tupana?

Maraquía 2:17

Rü pema rü perü dexamaxã marü düxwa peyapaxẽxẽ ya Tupana. Rü ngẽmaétüwa i pemax rü ípecagüama rü ñaperügügü: —¿Rü ñuxũ ñatarügügü i tomax rü ngẽmaca̱x tayapaxẽẽxü̃ nax toxü̃ naxĩnüxü̃? —ñaperügügü. Rü pema rü ñaperügügü: —Nüma ya Cori ya Tupana rü namaxã nataãxẽ i ngẽma duü̃xü̃gü i chixexü̃ ügüxü̃ rü taxũtáma nanapoxcue —ñaperügügü. ¿Tama ẽ̱xna peyaxõgü nax Tupana rü aixcümacü yixĩxü̃?

Chacaría 11:8

Rü wüxi ga tauemacügutama rü íchanawoxü̃ ga tomaepü̱x ga norü dauruü̃gü, yerü tama yáxna namaxã chaxĩnü, rü chauxchi naxaie.

Ichaía 29:1

Wüxi i taxü̃ i ngechaü̃ nixĩ i cuxca̱x, Pa Yerucharéü̃ ya Dabíarü Ĩane Ixĩxü̃ne. Curü duü̃xü̃gü rü gucü ya taunecügu nanaxügüecha i norü petagü. Natürü i choma ya Cori ya Tupana rü tá guxchaxü̃ pexca̱x íchanguxẽxẽ. Rü aixta tá pexüe rü tá pexauxe erü yimá perü ĩane ya Yerucharéü̃ rü tá nigu ñoma ãmarearü guruü̃wa wüxi i ãmare iguxü̃rüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 23:31

Rü yexgumarüxü̃ ta ga yema Lebítanüxü̃ rü nanaxwa̱xegü nax chacherdótegüxü̃ nangü̃xẽẽgüxü̃ ga yexguma Cori ya Tupanaca̱x naxü̃nagü ínagugügu ga ngü̃xchigaarü ngunexü̃gu, rü yexwaca̱xü̃cü ga tauemacü ngo̱xgu, rü to ga petagü ga Tupanaca̱x naxüchigagügu. Rü yemaacü guxü̃guma Tupanaca̱x napuracüe ga yema Lebítanüxü̃ yexguma nawa nanguxgu nax naxügüãxü̃ ga Tupanaarü puracü ga nüxna ügüxü̃.

Ichaía 66:23

Rü wüxichigü ya tauemacüarü ügügu rü ñu̱xũchi wüxichigü i yüxüarü chabadugu rü guxü̃ma i duü̃xü̃gü rü tá nua naxĩ nax choxü̃ yacua̱xüü̃güxü̃ca̱x. Rü choma ya Cori ya Tupana nixĩ i ngẽma ñachaxü̃ —ñanagürü.

Ochéa 2:11

Rü ngẽxguma nawa nanguxgu i norü petagü i ngü̃chigaarü ngunexü̃gu naxügüxü̃ rü ngẽma petagü i tauemacü ya ngexwacaxü̃cügu naxügüxü̃ rü guxü̃ma i ngẽma togü i norü petagü, rü marü taxũtáma nataãẽgü, erü choma rü tá ngẽxma nüxü̃ chayacua̱xẽxẽ i norü taãxẽ.

Ochéa 5:7

Rü nümagü i Iraétanüxü̃ rü tama Cori ya Tupanaxü̃ nangechaü̃gü. Rü togüaxü̃́ ãxãcüxü̃rüxü̃ nixĩgü erü tupananetagüxü̃ nicua̱xüü̃gü. Rü ngẽmagagu wüxitama ya tauemacügu rü ngẽma norü naanewa ngẽxmagüxü̃ i nanetügü rü tá nayue.