Ichaía 1:12 - Tupanaarü Ore

¹² Rü pemax rü choxna penanaãma i pexü̃nagü, natürü ¿texé pexna naxca̱x taca nax chopataa̱xtügu nax pichocuxü̃?

Ichaía 1:12 Referans Kwoze

Ínachoxü̃xü̃chiga 34:23

Rü choma ya Iraétanüxü̃arü Tupana nax chixĩxü̃ rü chanaxwa̱xe i wüxichigü ya taunecügu tomaepü̱xcüna cha̱u̱xca̱x naxĩ i guxü̃ma i yatügü.

Ínachoxü̃xü̃chiga 23:17

Rü ngẽmaãcü guxü̃ma i duü̃xü̃gü i iyatüxü̃ rü tomaepü̱xcüna tá Cori ya Tupanape̱xewa naxĩ nax nüxü̃ yacua̱xüü̃güxü̃ca̱x.

Ore i mexü̃ ga Matéu ümatüxü̃ 23:5

Rü nümagü rü mea namaeneta, rü guxü̃ma i ngẽma naxügüxü̃, rü nanaxügü nax duü̃xü̃gü nüxü̃ daugüxü̃ca̱x. Rü nacatüwa rü nachacüügüwa nayana̱i̱xcuchigü i Tupanaarü ore i ãxchiü̃xü̃. Rü naxchirupechinüwa nanapaicu i bopü̱xüxü̃ i ngã̱xãẽruü̃gü.

Miquéa 6:8

Rü nüma ya Cori ya Tupana rü marü cumaxã nüxü̃ nixu, Pa Duü̃xü̃x, i ta̱xacü nixĩ i nape̱xewa mexü̃ rü ta̱xacü nixĩ i ngẽma cuxü̃́ nanaxwa̱xexü̃. Rü ngẽma cuxü̃́ nanaxwa̱xexü̃ nixĩ nax mexü̃ cuxüxü̃ rü quixaixcümaxü̃ rü curü Tupanaga nax cuxĩnüxü̃ rü tama cugü quicua̱xüxü̃.

Ngu̱xẽẽtaeruü̃arü ore 5:1

¡Ngẽxguma Tupanapatawa cuxũxgu rü naxuãxẽ rü mea nagu rüxĩnü i ngẽma cuxüxü̃! Rü tama name i chixri curü ãmare icuxã naxrüxü̃ i ngẽma duü̃xü̃gü i naechitamare maxẽxü̃ rü tama nüxü̃ cuáxü̃ nax chixexü̃ naxügüxü̃. Rü narümemae nixĩ nax mea Tupanaga cuxĩnüxü̃.

Wiyaegü 40:6

Cuma rü tama namaxã cutaãxẽ nax ta̱xacü cuxca̱x ínaguxü̃, rü ãmaregü i cuxna naxãgüxü̃. Rü tama naxca̱x ícuca i ãmaregü i cuxca̱x ínaguxü̃ rü ãmaregü i pecaduarü ütanüruxü̃ ixĩgüxü̃. Natürü cuma rü cuyawaxna i chauxchi̱xẽ nax cuxü̃́ ichaxĩnüxü̃ca̱x.

Wenaxarü naxümatü ga Tupanaarü mugü 16:16

Rü guxü̃ma i yatüxü̃gü rü wüxichigü ya taunecügu rü name nax tomaepü̱xcüna Cori ya perü Tupanape̱xewa naxĩxü̃ nawa i ngẽma nachica i nüma nüxü̃ naxunetaxü̃. Rü ñaagü nixĩ i ngẽma petagü i nagu Tupanape̱xewa naxĩxü̃: Paũ i Ngearü Pu̱xẽẽruü̃ã́xü̃, rü Nanetüarü Buxgüchiga, rü Düxenügüchiga. Rü ngẽma petachigagügu rü tama name nax texé ngẽãcume̱xẽãcüma Cori ya Tupanape̱xewa taxuxü̃.

Chacaría 7:5

—Pa Chacaríax, ¡namaxã nüxü̃ ixu i guxü̃ma i duü̃xü̃gü i ñaa nachixü̃anewa maxẽxü̃ rü ñu̱xũchi ya chacherdótegü rü ñacurügü nüxü̃!: “Ñu̱xma i pema rü marü 70 ya taunecü pingegü nax norü wüxime̱e̱xpü̱x ya tauemacügu rü norü 7 ya tauemacügü pexauregüxü̃, natürü tama aixcüma cha̱u̱xca̱x nixĩ ga pexauregüxü̃.

Yeremía 7:11

¿Ẽ̱xna nagu perüxĩnüegu ya daa ngutaque̱xepataxü̃ ya cha̱u̱xca̱x ixĩxü̃ne rü ngĩ́ta̱a̱xgüxü̃pataxü̃ nixĩ? Rü guxü̃ma i ngẽma chixexü̃ i pexüxü̃ rü nüxü̃ chadau i chomax. Rü chomatama ya Cori ya Tupana nixĩ i nüxü̃ chixuxü̃ i ngẽma.