Ichaía 1:10 - Tupanaarü Ore

¹⁰ ¡Pa Yerucharẽü̃arü Ãẽ̱xgacügü i Ñoma Chodómaarü Ãẽ̱xgacügürüxü̃ Ixĩgüxe, rü iperüxĩnüe i Cori ya Tupanaarü ore! ¡Pa Duü̃xü̃gü i Yerucharéü̃cüã̱x i Ñoma Gomóracüã̱xrüxü̃ Ixĩgüxe, mea iperüxĩnüe i ngẽma Cori ya Tupana tá pemaxã nüxü̃ ixuxü̃!

Ichaía 1:10 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 11:8

Rü ngẽma naxü̃negü i ngẽma taxre rü tá yima ĩane ga tórü Cori nawa curuchawa ipotane ya Yerucharéü̃arü plazawa nawogü. Rü yima ĩane rü nachixe rü ngẽmaca̱x Chodómaarü ĩanemaxã rü Equítuanemaxã nanaxugü.

Echequié 16:49

Rü ñaa nixĩ ga yema cueya̱x ga Chodómaarü chixexü̃: Rü guma ĩane rü ñu̱xũchi norü ĩanexacügü rü nügü ínarütagü yerü imuarü õnaã̱xgü rü taxuxü̃ma nüxü̃́ nataxu. Natürü taguma tüxü̃ narüngü̃xẽẽgü ga guxema ingearü diẽruã̱xgüxe, rü ñu̱xũchi guxema tüxü̃́ nataxúxe.

Amúx 9:7

Rü nüma ya Cori ya Tupana rü ñanagürü: —Pa Iraétanüxü̃x, chope̱xewa rü pewüxigumare namaxã i ngẽma Etiopíaanecüã̱xgü. Rü yema nax Equítuanewa pexü̃ íchagaxü̃rüxü̃ nixĩ ga Crétawa íchanagaxü̃xü̃ ga Firitéugü, rü Quíruwa íchanagaxü̃xü̃ ga Araméutanüxü̃ —ñanagürü.

Echequié 16:46

Rü nórtewaama nixĩ ga nayexmaxü̃ ga yema cueya̱x ga ya̱xcü. Rü guma nixĩ ga guma ĩane ga Chamária namaxã ga norü ĩanexacügü. Rü súrwaama nixĩ ga nayexmaxü̃ ga cueya̱x ga rübumaecü. Rü guma nixĩ ga guma ĩane ga Chodóma namaxã ga norü ĩanexacügü.

Yeremía 23:14

Rü choma rü marü nüxü̃ chadau i ngẽma Yerucharéü̃arü orearü uruü̃güneta nax poraãcü chixexü̃ naxügüxü̃. Rü ngexü̃gü i ãtéxü̃maxã namaxẽxü̃ rü duü̃xü̃güxü̃ nawomüxẽẽgüxü̃. Rü ngẽma duü̃xü̃gü i chixexü̃gu maxẽxü̃axü̃́ nanangúchaü̃xẽxẽ nax tama nüxna yaxĩgachixü̃ca̱x i ngẽma chixexü̃ i nagu namaxẽxü̃. Rü nümagü i ngẽma orearü uruü̃güneta rü ñu̱xũchi ngẽma ĩanecüã̱xgü rü chope̱xewa rü ñoma Chodómacüã̱x rü Gomóracüã̱xrüxü̃ nixĩgü.

Ichaía 3:9

Rü ngẽma duü̃xü̃gü rü nachametüwatama nango̱xama nax chixexü̃ naxügüxü̃. Rü ngẽma duü̃xü̃gü rü Chodómacüã̱xgürüxü̃ norü pecadumaxã nügü nicua̱xüxü̃, rü tama naxãnee. Rü wüxi i taxü̃ i ãũcümaxü̃chixü̃ nixĩ naxca̱x i ngẽma duü̃xü̃gü, erü nümagütama naxca̱x nadaugü i norü poxcu.

Wenaxarü naxümatü ga Tupanaarü mugü 32:32

Rü nümagü i ngẽma uanügü rü ñoma úbanecügü i chixearü oã́xü̃rüxü̃ nixĩgü. Rü nümagü rü Chodómacüã̱xgü rü Gomóracüã̱xgürüxü̃ chixexü̃ naxügü. Rü ñoma úbanecü i üxarü oã́xü̃ i nawa iyuxü̃rüxü̃ nixĩgü.

Romanos 9:29

Rü nümatama ga Ichaía, rü ñanagürü ga ü̃pa: “Ngẽxguma chi nüma ya tórü Cori ya Guxü̃étüwa Ngẽxmacü rü taxũchima íyaxügüxẽẽãgu i ñuxre i tatanüxü̃ i Yudíugü, rü chi itayarüxoxochi, yexgumarüxü̃ nax iyanaxogüxü̃ ga gumá ĩanegü ga Chodóma rü Gomóra namaxã ga guxü̃ma ga yema duü̃xü̃gü ga yéma yexmagüxü̃”, ñanagürü ga Ichaía.

Amúx 3:8

¿Rü texé ya tama muü̃maxã idu̱xruxe ega ngẽxguma wüxi i leóü̃ ingũ̱xunecüxügu? ¿Rü texé ya tama Tupanaégagu idexaxe ega nüma tüxü̃ namuxgu nax tidexaxü̃ca̱x?

Amúx 3:1

Pa Iraétanüxü̃x ¡nüxü̃ pexĩnüe i ngẽma Cori ya Tupana nüxü̃ ixuxü̃ i pechiga i guxãma i pema nax Equítuanewa pexü̃ ínagaxü̃xü̃!

Yeremía 9:26

Rü ngẽmaãcü tá chanapoxcue i ngẽma Equítuanecüã̱xgü, rü Yudátanüxü̃, rü Edóü̃tanüxü̃, rü Amóü̃tanüxü̃, rü Moátanüxü̃, rü ñu̱xũchi guxü̃ma i ngẽma duü̃xü̃gü i ínachianexü̃wa maxẽxü̃ rü nügü idüerugüxü̃ i nügü iwiü̃cha̱xmüü̃pe̱xechiraü̃gümarexü̃ natürü tama chauga ĩnüexü̃. Rü tá chanapoxcue i guxü̃ma i ngẽma Iraétanüxü̃ erü chixexü̃gu namaxẽ rü tama chauga naxĩnüe —ñanagürü.

Ichaía 28:14

Rü ngẽmaca̱x, Pa Yatügü i Tauéegama Ĩnüechaü̃xü̃ i Yerucharéü̃maxã Icua̱xgüxü̃x, ¡rü iperüxĩnüe i Cori ya Tupanaarü ore!

Ichaía 8:20

Rü ngẽmaãcü tá tanayaxu i wüxi i ucu̱xẽ rüe̱xna wüxi i ore i tüxü̃́ mexü̃ —ñanagürügü tá. Natürü woo ngẽma ñaxgu pexü̃, ¡rü taxṹ i naga pexĩnüexü̃ i ngẽma pemaxã nüxü̃ yaxuxü̃! Erü ngẽma nagu naxĩnüxü̃ rü wüxi i doramare nixĩ.

Naanearü ügüchiga 13:13

Rü guma ĩanewa nixĩ ga guxü̃ma ga duü̃xü̃gü ga yachixecümaxüchixü̃ rü poraãcü chixexü̃ naxügüxü̃ ga Tupanape̱xewa.

Ichaía 30:9

Ñaa duü̃xü̃gü rü duü̃xü̃gü i tama ixĩnüechaü̃xü̃ rü tama yaxõgüchaü̃xü̃ nixĩgü. Rü tama norü Coriarü ucu̱xẽgü inarüxĩnüechaxü̃.

Ichaía 33:22

Erü nüma ya Cori ya Tupana rü tórü guxchaxü̃güarü mexẽẽruxü̃ nixĩ. Rü nüma nixĩ i tamaxã inacuáxü̃. Rü nüma nixĩ i tórü ãẽ̱xgacü yixĩxü̃. Rü nüma nixĩ i tórü poxü̃ruxü̃ yixĩxü̃.

Miquéa 3:1

Rü choma i Miquéa rü ñachagürü: —¡Iperüxĩnüe, Pa Iraétanüxü̃arü Ãẽ̱xgacügüx! ¿Ẽ̱xna natüca̱xmamare nixĩ i nüxü̃ pecuáxü̃ i ngẽma mexü̃ rü ngẽma chixexü̃?

Echequié 16:35

Rü ngẽmaca̱x, Pa Nge i Ngeãẽcüx, ¡irüxĩnü i ñaa chorü ore! Rü choma ya Cori ya Tupana rü cumaxã nüxü̃ chixu rü ñachagürü: ‘Cuma, Pa Yerucharẽü̃x, rü tama ãneãcüma cugü ícucuxuchi nax cungeãẽxü̃ca̱x namaxã i curü yatügü rü curü tupananetachicüna̱xãgü ga ichixexü̃. Rü cunadai ga cuxacügü ga ãmarexü̃ icumugüxü̃.