Ichaía 1:1 - Tupanaarü Ore

¹ Ñaa nixĩ ga ore ga Amú nane ga Ichaíaãẽwa Tupana ínguxẽẽxü̃ ga yexguma Yudáanecüã̱xarü ãẽ̱xgacügü yixĩxgu ga Uchía, rü Yotáü̃, rü Acháx rü Echequía. Rü yema orewa nüxü̃ nixu nax ta̱xacü tá nüxü̃ ngupetüxü̃ ga Yudáane rü ĩane ga Yerucharéü̃.

Ichaía 1:1 Referans Kwoze

Norü taxre ga to ga popera ga ãẽ̱xgacügüchiga ümatüxü̃ 26:1

Rü yexguma Amachía yuxguwena rü guxü̃ma ga Yudáanecüã̱xgü rü nane ga Uchíaxü̃ naxunetagü nax ãẽ̱xgacü yixĩxü̃ca̱x. Rü yexguma Yudáanearü ãẽ̱xgacüxü̃ yangucuchigu ga Uchía rü 16 ga taunecü nüxü̃́ nayexma. Rü 52 ga taunecü nixĩ ga ãẽ̱xgacü yixĩxü̃ ga Yerucharéü̃wa. Rü naé rü Yerucharéü̃cüã̱x iyixĩ, rü Yecuría nixĩ ga ngĩéga. Rü nüma ga Uchía rü nanatü yuxguwena rü nanapu ga ĩane ga Eráx nax wenaxarü Yudáanearü yixĩxü̃ca̱x. Rü ñu̱xũchi wenaxarü nanamexẽxẽ.

Norü taxre ga popera ga ãẽ̱xgacügüchiga 18:1

Rü yexguma tomaepü̱x ga taunecü Iraéanearü ãẽ̱xgacü yixĩxgu ga Ochéa ga Erá nane, rü ningucuchi ga Echequía ga Acháx nane nax Yudáanewa ãẽ̱xgacü yixĩxü̃ca̱x.

Ichaía 7:1

Rü Chíriaanearü ãẽ̱xgacü ga Rechíü̃, rü ñu̱xũchi Iraéanearü ãẽ̱xgacü ga Péca ga Remaría nane, rü ĩane ga Yerucharéü̃ca̱x ínayaxüãchi nax nagu nachocuxü̃ca̱x. Natürü ga yema taxre ga ãẽ̱xgacügü rü tama nüxü̃́ natauxcha nax yapugüãxü̃. Rü yema nangupetü ga yexguma Acháx ga Yotáü̃ nane ga Uchía nataxa ãẽ̱xgacü ixĩxgu ga Yudáanewa.

Ichaía 6:1

Rü gumá taunecü ga ãẽ̱xgacü ga Uchía nagu yucü rü nüxü̃ chadau ga Cori ya Tupana ga wüxi ga tochicaxü̃ ga dauxü̃wa yexmaxü̃wa nax natoxü̃. Rü yema naxpechinüchiru rü nanatüétü ga guma napata ga taxü̃ne.

Ichaía 2:1

Ñaa nixĩ ga ore ga Amú nane ga Ichaíaãẽwa Tupana ínguxẽẽxü̃ nachiga ga Yudáanecüã̱x rü ĩane ga Yerucharéü̃cüã̱x.

Wiyaegü 89:19

Rü nũxcüma rü curü duü̃xü̃güxü̃ nüxü̃ cudauxẽxẽ i ẽxü̃guxü̃ rü yemaacü namaxã quidexa, rü ñacurügü nüxü̃: —Choma rü nüxü̃ chaxuneta i wüxi i chorü duü̃xü̃ i poraxü̃ rü guxãétüwa chanangexmaxẽxẽ rü poraãcü nüxü̃ charüngü̃xẽxẽxü̃.

Amúx 1:1

Ñaa nixĩ ga yema ore ga gumá carnérugüarü dauruxü̃ ga Amú ga Tecóacüã̱xmaxã nüxü̃ yaxuxü̃ ga Tupana ga Iraéanecüã̱xgüchiga. Rü yema nangupetü taxre ga taunecü naxü̃pa ga yema ĩã̱xãchiane ga yexguma Uchía Yudáanewa ãẽ̱xgacü ixĩxgu, rü Yeruboáü̃ ga Yoá nane ãẽ̱xgacü ixĩxgu ga Iraéanewa.

Yeremía 23:16

Rü Cori ya Tupana ya Guxü̃étüwa Ngẽxmacü rü ñanagürü: —¡Pa Iraétanüxü̃, taxṹ i naga pexĩnüexü̃ i ngẽma orearü uruü̃güneta nüxü̃ ixugüxü̃! Erü ngẽma nüxü̃ yaxugüxü̃ rü doramare nixĩ, rü dexagü i nügüãẽwatama nayauxgüxü̃ i tama choma namaxã nüxü̃ chixuxü̃ nixĩ.

Ichaía 40:9

Rü ngẽma naga rü ñanagürü: —¡Pa Chióü̃x, wüxi ya ma̱xpǘnechitaerugu naxĩnagü rü tagaãcü naxunagü i ñaa ore i mexü̃! ¡Rü cuma, Pa Yerucharéü̃x, rü tama cumuü̃ãcüma rü tagaãcüma Yudáanearü ĩanegücüã̱xmaxã nüxü̃ ixu i ñaa ore i ñaxü̃: “Nanuxma ya yimá perü Cori ya Tupana”, ñaxü̃! —ñanagürü.

Ichaía 21:2

Rü naxãũcümaxü̃chi nixĩ i ngẽma Cori ya Tupana choxü̃ wéxü̃. Rü ngẽma taechitawa̱xexü̃ rü nanaxü i ngẽma nagu naxĩnüxü̃. Rü ngẽma máxwa̱xexü̃ rü nayama̱x. ¡Pa Eráü̃cüã̱x, rü Pa Médiacüã̱x, paxa ipexĩãchi nax Babiróniaanearü ĩaneca̱x ípeyaxüãchixü̃! Rü choma rü tá chayacua̱xẽxẽ nax Babirónia ngúxü̃ nüxü̃ ingexẽẽgüxü̃ ya naigü ya ĩanegü.

Ichaía 13:1

Ñaa nixĩ i ore i Cori ya Tupana Amú nane ya Ichaíaãẽwa ínguxẽẽxü̃ nachiga i ngẽma guxchaxü̃ i Babiróniaca̱x tá ínguxü̃:

Norü taxre ga popera ga ãẽ̱xgacügüchiga 15:32

Rü yexguma taxre ga taunecü ãẽ̱xgacü yixĩxgu ga Péca ga Remaría nane, rü yexguma nixĩ ga yexwacax Yudáanewa yaxücuxü̃ ga Yotáü̃ ga Uchía nane nax Yudáanearü ãẽ̱xgacü yixĩxü̃ca̱x.

Norü taxre ga popera ga ãẽ̱xgacügüchiga 15:7

Rü yexguma nayu̱xgu ga Acharía rü yema natanüxü̃ íta̱xgüxü̃gu nayata̱xgü ga Dabíarü Ĩanewa. Rü nawena rü nane ga Yotáü̃ nachicüxü ãẽ̱xgacüxü̃ ningucuchi.

Norü taxre ga popera ga ãẽ̱xgacügüchiga 15:1

Rü yexguma marü 27 ga taunecü Iraéanearü ãẽ̱xgacü yixĩxgu ga Yeruboáü̃, rü ningucuchi ga Acharía nax Yudáanearü ãẽ̱xgacü yixĩxü̃ca̱x. Rü nüma ga Acharía rü Yudáanearü ãẽ̱xgacü ga Amachía nane nixĩ.

Ngechuchuarü ngúexü̃gü ga yamugüxü̃arü puracüchiga 26:19

Rü chomax, Pa Ãẽ̱xgacü Pa Agrípax, rü naga chaxĩnü ga yema naga ga daxũwa inaxũxü̃.

Ngechuchuarü ngúexü̃gü ga yamugüxü̃arü puracüchiga 10:17

Rü poraãcü nagu narüxĩnü ga Pedru ga ta̱xacüchiga nax yixĩxü̃ ga yema nüxü̃ nadauxü̃ ga yexguma nango̱xetügu. Rü yemagu ínaxĩnüyane, rü gumá ĩpataa̱xwa nangugü ga yema yatügü ga Cornériu yéma mugüxü̃ ga naxca̱x ícaetanüxü̃ ga Chimóü̃pata.

Ore i mexü̃ ga Matéu ümatüxü̃ 17:9

Rü yexguma ínaxĩgügu ga guma ma̱xpǘnewa, rü Ngechuchu nayaxucu̱xẽgü nax taxúemaama nüxü̃ yaxugüexü̃ca̱x ga yema yéma nüxü̃ nadaugüxü̃, ñu̱xmatáta yuwa ínadaxgu rü wena namaxü̃gu.

Abacú 2:2

Rü nüma ga Cori ya Tupana rü choxü̃ nangãxü̃ rü ñanagürü: —¡Wüxi i mürapewatachinügu naxümatü i ngẽma tá cuxü̃ chawéxü̃ nax ngẽmaãcü tauxchaãcü duü̃xü̃gü nüxü̃ daumatüxü̃ca̱x!

Naúü̃ 1:1

Ñaa nixĩ ga yema ore ga Naúü̃ ga Ercúcüã̱x Tupanaxü̃tawa nayaxuxü̃ ga yexguma nango̱xetügu. Rü yema ore rü ĩane ga Nínibearü poxcuchiga nixĩ.

Miquéa 1:1

Rü yexguma Yudáanearü ãẽ̱xgacügü yixĩgügu ga Yotáü̃ rü Acháx rü Echequía, rü yexguma nixĩ ga Cori ya Tupana ga Miquéa ga Moréchecüã̱xü̃ nawéaxü̃ ga yema guxchaxü̃gü ga ĩane ga Chamáriaca̱x tá ínguxü̃ rü ĩane ga Yerucharéü̃ca̱x tá ínguxü̃.

Ochéa 1:1

Ñaa nixĩ ga ore ga Cori ya Tupana nüxü̃ ixuxü̃ namaxã ga Ochéa ga Beerí nane ga yexguma Yudáanewa ãẽ̱xgacügü yixĩgügu ga Uchía rü Yotáü̃ rü Acháx rü Echequía. Rü Iraéanewa rü Yeruboáü̃ ga Yoá nane nixĩ ga norü ãẽ̱xgacü ixĩxü̃.

Norü taxre ga popera ga Pedru ümatüxü̃ 1:21

Yerü taxuxü̃ma ga yema Tupanaarü orearü uruxü̃ rü nüechamatama nügüãẽwa nanayaxu ga yema ore ga nüxü̃ yaxugüexü̃. Natürü yexguma yema orexü̃ yaxugüegu, rü Naãxẽ ya Üünexü̃ nixĩ ga yadexagüxẽẽxü̃.

2 Corintios 12:1

Taxuwama name nax yigü icua̱xüü̃xü̃. Natürü tá pemaxã nüxü̃ chixuama nax ñuxãcü tórü Cori choxü̃ nango̱xetüxẽẽxü̃ rü choxü̃ nüxü̃ nacua̱xẽẽxü̃ ga ta̱xacü ga ẽxü̃guxü̃.

Iraétanüxü̃arü muxchiga 12:6

Rü nüma ga Cori ya Tupana rü ñanagürü: —¡Choxü̃ iperüxĩnüe i ñaa pemaxã tá nüxü̃ chixuxü̃! Rü ngẽxguma petanüwa nangẽxmagu i wüxi i chorü orearü uruxü̃, rü choma nixĩ i chanango̱xetüxẽẽxü̃ rü nanegüwa namaxã chidexaxü̃.

Norü taxre ga popera ga ãẽ̱xgacügüchiga 15:13

Rü yexguma marü 39 ga taunecü Yudáanearü ãẽ̱xgacü yixĩxgu ga Uchía, rü yexguma nixĩ ga yexwacax yaxücuxü̃ ga Charúü̃ ga Yabé nane nax Iraéanearü ãẽ̱xgacü yixĩxü̃ca̱x. Natürü wüxitama ga tauemacü ãẽ̱xgacü nixĩ ga Chamáriawa yerü nüma ga Menaéü̃ ga Gadí nane rü Tircháwa ne naxũ, rü Chamáriawa nangu rü yéma Charúü̃xü̃ nima̱x. Rü nawena ga nax yamáaxü̃ rü nachicüxü ãẽ̱xgacüxü̃ ningucuchi.

Norü taxre ga popera ga ãẽ̱xgacügüchiga 19:2

Rü nüma ga ãẽ̱xgacü rü nanamu ga Eriaquíü̃ ga ãẽ̱xgacüpatamaxã icuácü rü Chéna ga ãẽ̱xgacüarü poperagüna daucü rü yema chacherdótegü ga rüyamaegüxü̃ nax nümagü rü ta naxchiru ga yaxcüxü̃ rü témüxü̃gu yacu̱xgüxü̃ca̱x. Rü yemaacü orearü uruxü̃ ga Ichaía ga Amú nanexü̃tawa nanamugü nax namaxã yanadexagüxü̃ca̱x rü namaxã nüxü̃ yanaxugüexü̃ca̱x ga ãẽ̱xgacüarü ore ga ñaxü̃: —Ñu̱xma rü wüxi i taxü̃ma i ãũcümaxü̃wa tangexmagü, rü tórü uanügü rü tamaxã naguxchigagü rü tüxü̃ nacugüe. Rü poraãcü ngúxü̃ tingegü ñoma wüxi i ngexü̃ i ngu̱xacüxü̃ rü turaxü̃rüxü̃.

Norü taxre ga to ga popera ga ãẽ̱xgacügüchiga ümatüxü̃ 26:22

Rü guxü̃ma ga nachiga ga ãẽ̱xgacü ga Uchía, rü norü ügüwa inaxügü rü ñu̱xmata norü gu̱xwa nangu rü nagu naxümatü ga yema popera ga Amú nane ga Ichaía ümatüxü̃.

Norü taxre ga to ga popera ga ãẽ̱xgacügüchiga ümatüxü̃ 27:1

Rü yexguma Yotáü̃ ingucuchigu nax Yerucharéü̃wa Yudáanearü ãẽ̱xgacü yixĩxü̃ rü nüxü̃́ nayexma ga 25 ga taunecü. Rü 16 ga taunecü nixĩ ga ãẽ̱xgacü yixĩxü̃. Rü naé rü Yeruchá nixĩ ga ngĩéga, rü Chadóxacü iyixĩ.

Norü taxre ga to ga popera ga ãẽ̱xgacügüchiga ümatüxü̃ 28:1

Rü nüma ga Acháx rü 20 ga taunecü nüxü̃́ nayexma ga yexguma ãẽ̱xgacüxü̃ yangucuchigu. Rü 16 ga taunecü ãẽ̱xgacü nixĩ ga Yerucharéü̃wa. Natürü yema nacüma ga nagu yaxũxü̃ ga Acháx rü tama Tupanape̱xewa name. Rü tama norü o̱xi ga Dabí nagu ixũxü̃ ga nacüma ga mexü̃gu nixũ.

Norü taxre ga to ga popera ga ãẽ̱xgacügüchiga ümatüxü̃ 29:33

Rü yexgumarüxü̃ ta Tupanana nanamugü ga 600 ga wocagü rü 3,000 ga carnérugü.

Ichaía 20:2

Rü yexgumaü̃cüü ga Cori ya Tupana rü orearü uruxü̃ ga Ichaía ga Amú nanemaxã nidexa rü ñanagürü: —¡Ínacuxuchi i ngẽma cuxchiru i témüxü̃ i nagu quicúxü̃ rü ñu̱xũchi ngẽma curü chapatu i nagu quicuaxixü̃! —ñanagürü. Rü nüma ga Ichaía rü nayanguxẽxẽ ga yema Tupana namaxã nüxü̃ ixuxü̃ rü wixgutaa̱x nangexchiru rü nangearü chapatuã̱x rü yemaacü nixũ.

Ichaía 37:2

Rü nüma ga ãẽ̱xgacü rü nanamu ga Eriaquíü̃ ga ãẽ̱xgacüpatamaxã icuácü rü Chéna ga ãẽ̱xgacüarü poperagüna daucü rü yema chacherdótegü ga rüyamaegüxü̃ nax nümagü rü ta naxchiru ga témüxü̃gu yacu̱xgüxü̃ca̱x. Rü yemaacü orearü uruxü̃ ga Ichaía ga Amú nanexü̃tawa nanamugü nax namaxã nüxü̃ yanaxugüexü̃ca̱x ga yema guxchaxü̃.

Ichaía 38:1

Nüma ga Echequía rü poraãcü nida̱xawe. Rü yemaca̱x ga orearü uruxü̃ ga Ichaía ga Amú nane, rü ínayadau rü ñanagürü nüxü̃: —Cori ya Tupana rü ñanagürü cuxü̃: “¡Ẽcü, namaxã idexa i cuxacügüx, rü yaxucu̱xẽgü nax mea namaxẽxü̃ca̱x i cuwena! Erü ñu̱xma rü taxũtáma cuxca̱x nitaane, rü tá cuyu” —ñanagürü.

Echequié 1:1

Rü yexguma marü 5 ga taunecü Babiróniaanewa nayexmagu ga ãẽ̱xgacü ga Yoaquíü̃ ga yéma nax nagagüãxü̃, rü choma i chacherdóte i Echequié ya Buchí nane rü yema Yudíugü ga Babiróniaanewa nagagüxü̃tanüwa chayexma ga natü ga Quebáxcutüwa. Rü yexguma ga choma rü 30 ga taunecü choxü̃́ nayexmagu rü wüxi ga ngunexü̃ meama norü ãgümücü ga tauemacü arü 5 ga ngunexü̃gu rü ngürüãchi cha̱u̱xca̱x ningena ga daxũguxü̃ ga naane rü Tupanaxü̃ chadau.

Amúx 4:5

¡Rü pema i Iraétanüxü̃ rü paũ i ngearü pu̱xẽẽruü̃ã́xü̃ naxca̱x pigu i perü tupananetagü, rü ñu̱xũchi guxü̃wama nüxü̃ pixuchiga i ngẽma ãmaregü i perü ngúchaü̃maxã pexãgüxü̃! Erü ngẽma nixĩ i pema penaxwa̱xexü̃ —ñanagürü ya Cori ya Tupana.