Popera ga Yudíugü ga yaxõgüxü̃ca̱x ümatüxü̃ 9:7 - Tupanaarü Ore

⁷ Natürü yema to ga naxmachiãwa rü yema chacherdótegüarü ãẽ̱xgacüxicatama nixĩ ga wüxicanatama yexma ücuxü̃ ga wüxichigü ga taunecügu. Rü yexguma yexma naxücu̱xgu rü yéma nanange ga nagü nax gumámaxã yema baúxü̃ namaxcuétüxü̃. Rü yemaacü ga yema chacherdótegüarü ãẽ̱xgacü rü Tupanana nanaxã ga gumá nagü nax noxrütama pecaduxü̃ rü yema duü̃xü̃güarü pecadu ga naxücüraxü̃xü̃ iyanangümaxü̃ca̱x ga Tupana.

Popera ga Yudíugü ga yaxõgüxü̃ca̱x ümatüxü̃ 9:7 Referans Kwoze

Lebítanüxü̃arü puracüchiga 16:34

Rü ngẽma tá nixĩ i wüxi i mu i guxü̃gutáma nagu pexĩxü̃. Rü guxcüma ya taunecügu rü ngẽma chacherdóte tá wüxicana tátama nanaxüchiga i ngẽma cumaxã nüxü̃ chixuxü̃ nax ngẽmaãcü nüxü̃́ nüxü̃ charüngümaxü̃ca̱x i Iraétanüxü̃arü pecadugü —ñanagürü ga Tupana. Rü yema Cori ya Tupana Moichémaxã nüxü̃ ixuxü̃ãcüma nayanguxẽxẽ ga guxü̃ma.

Lebítanüxü̃arü puracüchiga 5:18

Rü ngẽma pecaduca̱x rü tá tümaxü̃ natanüwa tayayaxu i wüxi i carnéru i taxuwama chixexü̃. Rü cuma rü tá cunangugü i natanü. Rü yíxema duü̃xẽ rü tá chacherdótexü̃tawa tanaga nax yamáaxü̃ca̱x nax ngẽmaãcü choma ya Cori ya Tupana tüxü̃́ nüxü̃ icharüngümaxü̃ca̱x i tümaarü pecadu i tümaechita taxüxü̃. Rü choma rü tá tüxü̃́ nüxü̃ icharüngüma i ngẽma pecadu.

Popera ga Yudíugü ga yaxõgüxü̃ca̱x ümatüxü̃ 7:27

Rü Ngechuchu rü tama ngẽma togü i chacherdótegüerurüxü̃ nixĩ. Erü nümagü rü nanaxwa̱xe nax wüxichigü i ngunexü̃gu Tupanaca̱x naxü̃nagü nada̱i̱xü̃ nax ngẽmaãcü Tupana nüxü̃́ nüxü̃ rüngü̃maxü̃ca̱x i norü pecadugü rü guxü̃ i duü̃xü̃güarü pecadugü rü ta. Natürü nüma ga Ngechuchu rü yexguma nügü inaxãxgu, rü wüxicanatama pecaduca̱x nayu. Rü ngẽma rü taguma inayarüxo.

Ínachoxü̃xü̃chiga 30:10

Rü ngẽma naxü̃nagüarü guruxü̃ i chopataarü düxétüwa ngẽxmaxü̃ rü aixcüma tá cha̱u̱xca̱xicatama nixĩ. Rü wüxichigü ya taunecügu rü wüxicanatama ngẽma norü ãgümücüpe̱xegu i ngẽma ãmarearü guruxü̃ tá yimá ãmarearü nagü ngẽxma nipiichi i Aróü̃ nax ngẽmaãcü nüxü̃́ nüxü̃ ichayarüngü̃maxü̃ca̱x i duü̃xü̃güarü pecadugü. Rü ngẽmaãcü guxcüma ya taunecügu rü wüxicanatama ngẽma ãmarearü guruü̃pe̱xegu tá ãmarearü nagü ngẽxma nipiichi i Aróü̃ nax ngẽmaãcü nüxü̃́ nüxü̃ ichayarüngü̃maxü̃ca̱x i duü̃xü̃güarü pecadugü —ñanagürü.

Ochéa 4:12

Rü ngẽma chorü duü̃xü̃gü rü ínatüe erü naxchicüna̱xãgü i nainaxca̱xmare ixĩgüxü̃na nacagü nachiga i ta̱xacü tá yixcüra ngupetüxü̃. Rü naxü̃nearü ngúchaü̃, rü nüxü̃ napora, rü ngẽmagagu ngexü̃gü i ngĩxü̃nemaxã taxegüxü̃maxã namaxẽ rü ngẽmaãcü choxna nixĩgachitanü.

Ichaía 28:7

Natürü nangẽxma i togü i bínuarü ngu̱xmaxã ichü̱xatanücüüxü̃ rü axexü̃ i ngúxü̃maxã itaixteparatanücüüxü̃. Rü ngẽma chacherdótegü rü orearü uruü̃gü rü axexü̃ i ngúxü̃maxã nichü̱xatanücüxü rü nitaixteparatanücüxü. Rü bínumaxã naxãũãẽgü. Rü axeü̃ i ngúxü̃gagu nitaixteparatanücüxü. Rü toxicaxü̃ nixu rü ngéma namuga i ngẽxguma nango̱xetügu. Rü ngãxãcü nanaxuegu i poxcu.

Ichaía 9:16

Rü ngẽma norü ãẽ̱xgacügü rü chixexü̃gu nanayixẽxẽ ga Iraétanüxü̃. Rü ngẽma duü̃xü̃gü i nawe rüxĩxü̃ rü düxwa inayarütauxe.

Ichaía 3:12

Rü wüxi i buxü̃mare nixĩ i ngẽma chorü ĩanewa ãẽ̱xgacüwa nügü írüporaxü̃, rü ngexü̃gü nixĩ i ĩanemaxã icua̱xgüxü̃. Pa Chorü Ĩanecüã̱xgüx, ngẽma perü ãẽ̱xgacügü rü pexü̃ niwomüxẽẽgümare rü ñu̱xũchi chixexü̃ i nacümawa pexü̃ nagagü.

Popera ga Yudíugü ga yaxõgüxü̃ca̱x ümatüxü̃ 10:3

Natürü yema nax Tupanaca̱x nadaiaxü̃ ga naxü̃nagü, rü wüxichigü ga taunecügu duü̃xü̃güarü pecaduarü cua̱xãchixẽẽruü̃mare nixĩ.

Amúx 2:14

Rü woo yíxema ibuxmüxẽ rü taxuacüma ngẽma poxcucha̱xwa tibuxmü. Rü yíxema rüporamaechiréxe rü tá tangearü poraã̱x rü taxúetama tügü ítapoxü̃ woo ya yíxema tama muü̃xe.

Ichaía 29:14

Rü ngẽmaca̱x i choma rü taxü̃ i cua̱xruü̃gü i chorü poramaxã chaxüxü̃ tá ñaa duü̃xü̃güxü̃ ichawe̱x nax ngẽmamaxã íchanaba̱i̱xgüexü̃ca̱x. Rü ngẽma norü ucu̱xẽruü̃gü i cua̱x nüxü̃́ ngẽxmagüxü̃ rü tá nüxü̃́ inarüxomare i norü cua̱x —ñanagürü ya Tupana.

Wiyaegü 95:10

Rü 40 ga taunecü namaxã chanu ga yema duü̃xü̃gü rü ñachagürü: “Ñaa duü̃xü̃gü rü tama choxü̃́ inaxĩnüechaü̃ i chorü ucu̱xẽgü, rü ngẽma nümatama nagu naxĩnüexü̃gu naxĩ”, ñachagürü.

Wiyaegü 19:12

¿Rü texé ya nüxü̃ cuáxe i tümaarü chixexü̃ i tümawatama ngẽxmaxü̃? Rü ngẽmaca̱x, Pa Cori Pa Tupanax ¡choxü̃́ nüxü̃ irüngüma i ngẽma chixexü̃ i chauechitamare chaxüxü̃!

Norü taxre ga to ga popera ga ãẽ̱xgacügüchiga ümatüxü̃ 33:9

Natürü nüma ga Manaché rü chixexü̃gu nanayixẽxẽ ga yema duü̃xü̃gü ga Yudáanecüã̱xgü rü Yerucharéü̃cüã̱xgü. Rü yemaca̱x chixexü̃ ga nacümagu naxĩ. Rü yema duü̃xü̃gü ga noxri yema naanegu ãchiü̃güxü̃ ga Cori ya Tupana daixü̃ nape̱xegu ga Iraétanüxü̃arü o̱xigü rü yemagüarü yexeraxüchi chixexü̃ naxügü ga yema Yudáanecüã̱xgü rü Yerucharéü̃cüã̱xgü.

2 Chamué 6:7

Rü yemaca̱x ga Cori ya Tupana rü Uchámaxã nanu yerü nüxü̃ ningõgü ga yema baú ga Cori ya Tupanaarü mugü nawa yexmaxü̃. Rü yemaca̱x yexmatama baúxü̃tagu yumaxã nayangu.

Iraétanüxü̃arü muxchiga 15:25

Rü ngẽma ãmare rü chacherdóte tá nixĩ i chope̱xewa ínaguxü̃ guxü̃ma i Iraétanüxü̃arü chixexü̃arü ütanüruxü̃. Rü choma rü tá nüxü̃́ nüxü̃ charüngüma i norü pecadu, erü ngẽma chixexü̃ i naxügüxü̃ rü naechita nanaxügü. Rü ngẽmaca̱x chanaxwa̱xe nax ãmare choxna naxãgüxü̃ rü naxü̃na cha̱u̱xca̱x nada̱i̱xü̃ norü chixexü̃ i naxügüxü̃arü ütanüruxü̃.

Efesios 4:18

Erü Chataná rü nanatoãẽgü i ngẽma duü̃xü̃gü nax chixexü̃gu naxĩnüexü̃ca̱x. Rü ngẽmaca̱x nüxü̃́ nataxuma i maxü̃ i taguma gúxü̃ i Tupanawa ne ũxü̃, erü tama nüxü̃ nacua̱xgüchaü̃.

Popera ga Yudíugü ga yaxõgüxü̃ca̱x ümatüxü̃ 6:19

Rü ngẽma tórü õ rü natai, ñoma wüxi ya wapuruarü taixẽẽruü̃rüxü̃. Rü ñu̱xma nax ínangu̱xẽẽxü̃ nax aixcüma tá nayaxuxü̃ i ngẽma maxü̃ i taguma gúxü̃, rü taxuca̱xma taxoegaãẽgü, erü nüxü̃ tacua̱x nax aixcüma daxũguxü̃ i naanewa ya Tupana íngẽxmaxü̃wa tá íngugüxü̃.

Popera ga Yudíugü ga yaxõgüxü̃ca̱x ümatüxü̃ 9:3

Rü yema to ga naxmachiã ga tüyemachiãca̱xwena yexmaxü̃ rü “Naxmachiã i Üünexüchixü̃”, nixĩ ga naéga.