Popera ga Yudíugü ga yaxõgüxü̃ca̱x ümatüxü̃ 9:6 - Tupanaarü Ore

⁶ Rü wüxicana nax namexẽẽgüaxü̃́ ga guxü̃ma ga yema, rü ñu̱xũchi ga chacherdótegü rü guxü̃guma yema nüxíraxü̃xü̃ ga naxmachiãgü nachocuxü̃ nax yéma Tupanaxü̃ yacua̱xüü̃güxü̃ca̱x.

Popera ga Yudíugü ga yaxõgüxü̃ca̱x ümatüxü̃ 9:6 Referans Kwoze

Iraétanüxü̃arü muxchiga 28:3

¡Rü ñu̱xũchi namaxã nüxü̃ ixu i ta̱xacü tá nixĩ i ãmaregü i wüxichigü i ngunexü̃gu choxna naxãgüxü̃! Rü tá cha̱u̱xca̱x nanadai rü ínanagu i taxre i carnérugü i taxuwama chixexü̃ i wüxi ya taunecü nüxü̃́ ngẽxmaxü̃.

Ínachoxü̃xü̃chiga 27:21

Rü nüma ya Aróü̃ rü nanegü tá nixĩ i nüxna daugüxü̃ i ngẽma omügü nax ngẽmaãcü guxü̃ma i chütaxü̃ chope̱xewa nanaigüechaxü̃ca̱x nawa ya yima chopata. Rü ngẽma baú i mugüchixü̃arü tüyepe̱xewaama tá nixĩ i inanaigüechaxü̃ i ngẽma omügü. Rü ñaa mu rü chanaxwa̱xe i guxü̃gutáma ngẽma Iraétanüxü̃ rü nataagü nagu naxĩ.

Danié 8:11

Rü nüma ga yema íxraxü̃ ga naxchata̱xcure rü yema Tupanaarü churaragüeruxü̃ nügü narüyexeraxẽẽchaxü̃. Rü inayanaxoxẽxẽ nax Tupanaca̱x yagugüãxü̃ ga ãmaregü ga wüxichigü ga ngunexü̃gu. Rü nanaxãũãchixẽxẽ ga guma Tupanapata.

Iraétanüxü̃arü muxchiga 18:2

Natürü ngẽma togü i Lebítanüxü̃ i cutanüxü̃ ixĩgüxü̃ rü cunaxwa̱xe nax cuxü̃ rü cunegüxü̃ nangü̃xẽẽgüxü̃ nawa i Tupanapataarü puracü.

Romanos 9:4

Rü nümagü rü chauxrüxü̃ Iraétanüxü̃ nixĩgü. Rü Tupana rü nũxcümaxü̃chima namaxã inaxuneta nax naxacügü yixĩgüxü̃ca̱x. Rü Tupana rü norü üünemaxã natanüwa nayexma rü namaxã inaxuneta rü tá nüxü̃ narüngü̃xẽxẽ ega naga naxĩnüegu. Rü nüxna nanaxã ga yema mugü ga Moiché ümatüxü̃. Rü nanangúexẽxẽ nax nüxü̃ yacua̱xüü̃güxü̃ca̱x. Rü namaxã inaxuneta ga norü unetagü.

Popera ga Yudíugü ga yaxõgüxü̃ca̱x ümatüxü̃ 7:11

Rü nũxcümaü̃güxü̃ ga tórü o̱xigü ga Yudíugü nixĩ ga nayauxgüxü̃ ga Tupanaarü mugü ga nawa Lebítanüxü̃maxã naxueguxü̃ nax chacherdótegü yixĩgüxü̃ca̱x. Natürü yexguma chi yema chacherdótegü aixcüma yema Yudíugüxü̃ imexẽẽgügu ga Tupanape̱xewa, rü taxuca̱xchima Tupana nüxü̃ naxuneta ga nai ga chacherdóte ga Melquichedéxrüxü̃ ixĩcü rü tama Aróü̃rüxü̃ ixĩcü.