Popera ga Yudíugü ga yaxõgüxü̃ca̱x ümatüxü̃ 9:4 - Tupanaarü Ore

⁴ Rü yéma nayexma ga yema mecha ga úirunaxca̱x ga nawa yagugüãxü̃ ga pumara ga yixixü̃. Rü yéma nayexma ta ga yema baú ga guxü̃wama úirumaxã tüxünexü̃ ga Tupanaarü mugü nagu nucuxü̃. Rü yematama baúarü aixepewa nayexma ga wüxi ga napaxü̃ ga úirunaxca̱x ga maná ga daxũwa rüyixü̃maxã ããcuxü̃. Rü yexgumarüxü̃ ta yema baúarü aixepewa nayexma ga Aróü̃arü caxü̃ruxü̃ ga rüxüxü̃ne, rü gumá nutagü ga Tupanaarü mugü nagu ümatügüxü̃.

Popera ga Yudíugü ga yaxõgüxü̃ca̱x ümatüxü̃ 9:4 Referans Kwoze

Iraétanüxü̃arü muxchiga 17:10

Rü yexguma ga Tupana rü Moichéxü̃ ñanagürü: —¡Yima Aróü̃arü naixmena̱xã rü wenaxarü ngẽma baú i chorü mugüpane nagu üxü̃pe̱xegu naxǘ! ¡Rü ngẽxma namaxã nanguxü̃ nax wüxi i ãũcümaxü̃ yixĩxü̃ca̱x naxca̱x i ngẽma duü̃xü̃gü i chomaxã nuexü̃! Rü ngẽmaãcü tá inarüxo nax chixri chauchiga yadexagüxü̃ rü taxũtáma nayue i ngẽma Iraétanüxü̃ —ñanagürü.

Norü taxre ga to ga popera ga ãẽ̱xgacügüchiga ümatüxü̃ 5:10

Rü yema baúwa rü nüxicatama nayexma ga yema taxre ga nutatachinügü ga nawa naxümatüxü̃ ga Tupanaarü uneta ga Iraétanüxü̃gümaxã naxüxü̃. Rü yexguma Equítuanewa ínachoxü̃gu rü Ma̱xpǘne ga Oréxwa nayexmagu rü yexguma nixĩ ga Moiché ga yema baúgu nanucuãxü̃ ga yema taxre ga nutatachinü.

Lebítanüxü̃arü puracüchiga 16:12

Rü ñu̱xũchi nüma ya Aróü̃ rü tá nanayaxu i wüxi i pumarate̱xepáü̃. Rü ngẽma Tupanapatape̱xewa ngẽxmaxü̃ i guruü̃wa tá nanayaxu ya ã́xwe ya naicü, rü yimamaxã tá nanaxüãcu i ngẽma pumarate̱xearü guruü̃páü̃. Rü tá nanayaxu i taxreãcume̱xẽ i pumarate̱xe i yixichixü̃. Rü ngẽmamaxã tá ngẽma tüyemachiü̃arü aixepeguama naxücu.

Ínachoxü̃xü̃chiga 40:3

Rü yima chopatamachiãgu tá cunaxǘ i ngẽma baú i chorü mugü nagu nuxü̃, rü ñu̱xũchi tá cuyatüyepe̱xe nax tama ngóxü̃gu naxüxü̃ca̱x.

Ínachoxü̃xü̃chiga 26:33

¡Rü ngẽma tüyemachiü̃ruxü̃ rü ngẽma norü choruxü̃gu nacho! Rü ngẽma norü tüyemachixü̃ruxü̃ tá nixĩ i yayauxyexü̃ i naxmachiã i Üünexü̃ nüxna i Naxmachixü̃ i Üünexüchixü̃. Rü ngẽma Naxmachixü̃ i Üünexü̃chixü̃gu tá nixĩ i cuyaxǘcuchixü̃ i ngẽma baú i nagu nanuxü̃ i ngẽma nutatachinügü i chorü mugü nagu ümatüxü̃.

Iraétanüxü̃arü muxchiga 17:5

Rü choma rü tá chanaxüatüxẽxẽ ya yima norü naixmena̱xã ya yimá choma nüxü̃ chaxunetacü nax nüma chorü duü̃xü̃gümaxã inacuáxü̃ca̱x. Rü ngẽmaãcü i ngẽma Iraétanüxü̃ rü taxũtáma chope̱xewa chixri pechiga nidexagü —ñanagürü.

Ínachoxü̃xü̃chiga 34:29

Rü yemawena ga Moiché rü guma ma̱xpǘne ga Chinaíwa ínarüxĩ namaxã ga yema taxre ga nutatachinügü ga Tupanaarü mugü nagu ümatüxü̃. Natürü yexguma inaxĩxgu, rü tama nügü nacua̱x ga nax bexma yaya̱xaurachametücüüxü̃ yerü Tupanamaxã nidexa.

Yema Cuáü̃ nüxü̃ dauxü̃ i yixcüra tá ngupetüxü̃chiga 8:3

Rü yemawena ínangu ga wüxi ga to ga Tupanaarü orearü ngeruxü̃ ga daxũcüã̱x. Rü nüma rü yema pumarate̱xearü guruü̃pe̱xegu nachi. Rü yéma nanange ga wüxi ga buetarexacü ga pumarate̱xearü guruxü̃ ga úirunaxca̱x. Rü nüxna nanaxã ga taxü̃ ga pumarate̱xe nax yema tochicaxü̃pe̱xewa yexmaxü̃ ga pumaraarü gute̱xeruü̃wa yaguãxü̃ca̱x, nax yema pumaraema rü wüxigu Tupanaarü duü̃xü̃güarü yumüxẽmaxã Tupanaxü̃tawa nanguxü̃ca̱x.

Nüxíraxü̃xü̃ ga popera ga ãẽ̱xgacügüchiga 8:21

Rü ñu̱xũchi chanamexẽxẽ i wüxi i nachica i Tupanapatawa nax ngẽxma yaxǘcuchixü̃ca̱x i ngẽma baú i nawa nangẽxmaxü̃ i ngẽma mugü ya Tupana tórü o̱xigümaxã nüxü̃ ixuxü̃ ga yexguma Equítuanewa ínanguxü̃xẽẽãgu —ñanagürü ga Charomóü̃.

Nüxíraxü̃xü̃ ga popera ga ãẽ̱xgacügüchiga 8:9

Rü yema baúwa nayexma ga yema taxre ga nutatachinü ga yexma nucuxü̃ ga Moiché ga yexguma ma̱xpǘne ga Oréxwa nayexmagügu. Rü yema nutatachinügügu naxümatü ga yema Tupanaarü uneta ga Iraétanüxü̃maxã naxüxü̃ ga yexguma Equítuanewa ínachoxü̃gu.

Ínachoxü̃xü̃chiga 39:35

Rü yexgumarüxü̃ ta Moichéna nanaxãgü ga yema Tupanaarü mugüchixü̃ ga baú namaxã ga naxpawerugü rü naxã́taxü̃.

Ínachoxü̃xü̃chiga 31:18

Rü yexguma Cori ya Tupana nüxü̃ rüchauxgu ga Moichémaxã nax yadexaxü̃ ga ma̱xpǘne ga Chinaíwa, rü nüxna nanaxã ga taxre ga nutatachinügü ga nümatama ga Tupana naxme̱xmaxã norü mugü nagu naxümatüxü̃.

Ínachoxü̃xü̃chiga 32:15

Rü yemawena ga Moiché rü guma ma̱xpǘnewa ínarüxĩ namaxã ga yema taxre ga nutatachinü ga norü guxü̃tachinüwa ixãmatüxü̃ namaxã ga Tupanaarü mugü.

Ínachoxü̃xü̃chiga 37:25

Rü nüma ga Becharé rü acáchianaxca̱x nanaxü ga yema pumarate̱xearü guruxü̃ i norü guxü̃cüwawa wüxigumarexü̃. Rü 45 chentímetru nixĩ ga norü ma̱x, rü 45 chentímetru ta nixĩ ga norü tatachinü. Rü 90 chentímetru nixĩ ga norü máchane. Rü yema norü cuípe̱xegü rü nawatama nanaxüxüchigü.

Wenaxarü naxümatü ga Tupanaarü mugü 9:9

Rü yexguma ga choma rü guma ma̱xpǘnegu chaxĩnagü nax chayadexü̃ca̱x ga yema nutatachinügü ga nagu naxümatüxü̃ ga yema unetagü ga Cori ya Tupana pemaxã üxü̃. Rü 40 ga ngunexü̃ rü 40 ga chütaxü̃ tama chachibüãcüma rü tama chaxaxeãcüma yéma chayexma.

Wenaxarü naxümatü ga Tupanaarü mugü 9:11

Rü yema 40 ga ngunexü̃ rü 40 ga chütaxü̃ ngupetüguwena rü nüma ga Cori ya Tupana rü choxna nanaxã ga yema taxre ga nutatachinü ga norü uneta nagu ümatügüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:19

Rü ñu̱xũchi Tupanapata ga taxü̃ne ga daxũguxü̃ ga naanewa yexmane, rü niwãxna. Rü yéma norü aixepewa nango̱x ga yema baú ga Tupanaarü uneta nagu nuxü̃. Rü naxãẽmacüane, rü poraãcü nicuxcuane, rü naxĩã̱xãchiane rü poraãcü gáuxü̃ narüyi.