Popera ga Yudíugü ga yaxõgüxü̃ca̱x ümatüxü̃ 9:21 - Tupanaarü Ore

²¹ Rü ñu̱xũchi ga Moiché rü gumá nagümaxã nanamaxcuétü ga guma ĩpata ga nawa Tupanaxü̃ yacua̱xüü̃güne. Rü yexgumarüxü̃ ta nayamaxcutanü ga guxü̃ma ga yemaxü̃gü ga namaxã Tupanaxü̃ yacua̱xüü̃güxü̃ ga gumá ĩpataarü aixepewa yexmagüxü̃.

Popera ga Yudíugü ga yaxõgüxü̃ca̱x ümatüxü̃ 9:21 Referans Kwoze

Lebítanüxü̃arü puracüchiga 8:19

Rü ñu̱xũchi ga Moiché rü nayawíyenaxã ga yema carnéru rü gumá nagümaxã nanamaxcu ga yema ãmarearü guruü̃cüwagü.

Lebítanüxü̃arü puracüchiga 8:15

Rü yexguma nüma ga Moiché rü nayawíyenaxã ga yema naxü̃na. Rü ñu̱xũchi nagügu narüxu, rü gumá nagümaxã nayachagü ga nachaxta̱xcuregü ga yema ãmarearü guruxü̃ nax Tupanape̱xewa nangearü ãũãchiã́xü̃ca̱x. Rü gumá nagü ga íyaxücü rü yema ãmarearü guruxü̃ namaxã ínabaegu. Rü yemaacü Tupanaarü puracüca̱x nüxü̃ naxuneta ga yema ãmarearü guruxü̃ nax yéma Tupana nüxü̃́ nüxü̃ rüngü̃maxü̃ca̱x ga duü̃xü̃güarü pecadugü.

Ínachoxü̃xü̃chiga 29:36

Rü wüxichigü i ngunexü̃gu rü wüxi i wocaxacü tá cha̱u̱xca̱x quima̱x rü quigu nax ngẽmaãcü Aróü̃axü̃́ rü nanegüaxü̃́ nüxü̃ icharüngümaxü̃ca̱x i norü pecadugü. ¡Rü ngẽma ãmarearü guruü̃wa rü pecadugüarü ütanüca̱x yagu i wüxi i naxü̃na rü ñu̱xũchi chíxü̃ nagu naba nax ngẽmaãcü naxüünexü̃ca̱x i ngẽma ãmarearü guruxü̃!

Ínachoxü̃xü̃chiga 29:12

¡Rü cuxme̱xmaxã nawa naxue ya nagü, rü ãmarearü guruü̃pe̱xegügu yapiichi! ¡Rü ñu̱xũchi yimá nagü ya íyaxücü rü ãmarearü guruü̃cüwagu ínabaegu.

Lebítanüxü̃arü puracüchiga 9:18

Rü nüma ga Aróü̃ rü yexgumarüxü̃ ta nayawíyenaxãgü ga yema woca ga yatüxü̃ rü yema carnéru ga yatüxü̃ ga Iraétanüxü̃ Cori ya Tupanana naxãgüxü̃ nax yemamaxã nangüxmüxẽẽgüãxü̃ca̱x. Rü Aróü̃ nanegü nanayauxgü ga gumá nagü rü Aróü̃na nanaxãgü. Rü nüma ga Aróü̃ rü yema ãmarearü guruxü̃ namaxã ínabaegu.

Ínachoxü̃xü̃chiga 29:20

¡Rü ngẽmawena rü yama̱x i ngẽma carnéru! ¡Rü íxracü ya nagü nayaxu rü Aróü̃xü̃ rü nanegüxü̃ norü tügünepachinüarü ñaxtüwa namaxã nacha! ¡Rü ñu̱xũchi norü tügüneme̱xẽarü tatarenewa namaxã nacha rü ngẽxgumarüxü̃ ta norü tügünecutüarü tatarenewa namaxã nacha! ¡Rü yimá nagü ya íyaxücü rü ngẽma ãmarearü guruxü̃ namaxã íyamaxegu i nacüwa!

Ínachoxü̃xü̃chiga 24:6

Rü nüma ga Moiché rü ngãxü̃gu nayabaye ga gumá nagü. Rü gumá wüxiarü ngãxü̃ rü ñuxre ga naxpáü̃gu nanabacu. Rü gumá naiarü ngãxü̃ rü ãmarearü guruxü̃ namaxã namaxcu.

Ínachoxü̃xü̃chiga 40:9

Rü ngẽmawena tá cunayaxu i ngẽma chíxü̃ i baeruruxü̃, rü yima chopataétügu tá cunaba. Rü naétügu tá cunaba i guxü̃ma i ngẽma ngẽmaxü̃gü i chopatawa ngẽxmagüxü̃. Rü ngẽmaãcü tá cunaxüünexẽxẽ ya yima chopata namaxã i guxü̃ma i norü ngẽmaxü̃gü. Rü wüxi i nachica i üünexü̃ tá nixĩ.