Popera ga Yudíugü ga yaxõgüxü̃ca̱x ümatüxü̃ 9:16 - Tupanaarü Ore

¹⁶ Rü naxü̃pa nax nayuxü̃ i wüxi i duü̃xü̃, rü wüxi i poperagu nanaxümatü nax texé tá nayaxuxü̃ i norü ngẽmaxü̃gü. Natürü ngẽxguma namaxü̃xgu i ngẽma duü̃xü̃, rü taxucürüwama texé tanayaxu i norü ngẽmaxü̃gü.

Popera ga Yudíugü ga yaxõgüxü̃ca̱x ümatüxü̃ 9:16 Referans Kwoze

Popera ga Chantiágu ümatüxü̃ 2:10

Erü ngẽxguma chi texé naga ĩnügu i guxü̃ma i Tupanaarü mugü natürü chi wüxiwatama ítatüxgu nax tama naga taxĩnüxü̃, rü chi ñoma guxü̃ma i Tupanaarü mugü tama naga taxĩnüxü̃rüxü̃ tixĩ.

1 Corintios 15:22

Rü yexgumarüxü̃ nax Adáü̃gagu guxãma nayuexü̃, rü ngẽxgumarüxü̃ ta Cristugagu tá namaxẽxü̃ i guxü̃ma i duü̃xü̃gü i nüxü̃́ yaxõgüxü̃.

Romanos 6:23

Rü natanü i ngẽma pecadu tüxna ãxü̃, rü yu nixĩ. Natürü ngẽma ãmare ya Tupana tüxna ãxü̃ rü maxü̃ i taguma guxü̃ nixĩ i ngẽxguma tórü Cori ya Ngechuchuaxü̃́ yaxõgügu.

Romanos 5:12

Rü nüxíraü̃cü ga yatü ga Adáü̃gagu nixĩ ga guxü̃ma ga duü̃xü̃güwa nanguxü̃ ga pecadu. Rü pecadugagu ínangu i yu. Rü yemaacü guxü̃ma ga duü̃xü̃güwa naxüe nax nayuexü̃, yerü guxü̃ma nipecaduã̱x.

Popera ga Yudíugü ga yaxõgüxü̃ca̱x ümatüxü̃ 9:15

Rü ñu̱xma nax tórü pecaduca̱x nayuxü̃ ga Ngechuchu ya Cristu, rü nüma nixĩ i tórü ngü̃xẽẽruxü̃ i Tupanape̱xewa, ngẽma Tupanaarü uneta i ngexwaca̱xü̃xü̃ nüxü̃ ixuxü̃rüxü̃. Rü ñu̱xma i yixema nax Tupana tüxü̃ dexü̃, rü tüxü̃́ nangẽxma i maxü̃ i taguma gúxü̃ yerü Cristu rü marü nayu nax tüxü̃ ínanguxü̃xẽxẽxü̃ ga yema pecadugü ga taxügüxü̃ ga yexguma yema nüxíraxü̃xü̃ ga unetatüxü̃wa tayexmagügu.

Popera ga Yudíugü ga yaxõgüxü̃ca̱x ümatüxü̃ 9:17

Rü ngẽmaca̱x i ngẽma popera rü tama napora i ngẽxguma namaxü̃gu i ngẽma duü̃xü̃. Rü ngẽxguma nayu̱xguxicatama nixĩ i naporaxü̃.

Popera ga Yudíugü ga yaxõgüxü̃ca̱x ümatüxü̃ 1:3

Rü Nanewa nixĩ i nüxü̃ idauxü̃ nax ñuxãcü naxüünexü̃ i nüma ya Tupana. Rü nüma ya Nane, rü Nanatü ya Tupanarüü̃tama nixĩ. Rü ñu̱xma nax guxü̃arü ãẽ̱xgacü yixĩxü̃ ya Nane, rü nüma rü norü orearü poramaxã guxü̃maama inacua̱x. Rü nüma ya Nane nixĩ ga taxca̱x nayuxü̃ nax nüxü̃ rüxoexü̃ca̱x ga tórü pecadugü. Rü yemawena rü Nanatüxü̃tawa naxũ rü yéma Nanatüarü tügünecüwawa nayarüto.

Popera ga Yudíugü ga yaxõgüxü̃ca̱x ümatüxü̃ 13:20

Rü ñu̱xma chanaxwa̱xe i pexü̃ narüngü̃xẽxẽ ya Tupana ya tórü taãẽxẽẽruxü̃ rü tórü ngüxmüxẽẽruxü̃ ixĩcü. Rü nüma nixĩ ga yuwa ínadaxẽẽãxü̃ ga tórü Cori ya Ngechuchu ya Cristu ya yaxõgüxü̃arü dauruxü̃ ya guxãarü yexera ixĩcü. Rü yexguma curuchawa yapotagu rü nagü ibaxgu rü nayanguxẽxẽ ga norü uneta i taguma iyarüxoxü̃ i maxü̃ tüxna ãxü̃. Rü chanaxwa̱xe nax nüma ya Tupana pexü̃ nangü̃xẽẽxü̃ nax guxü̃wama pemexü̃ca̱x rü mea naga pexĩnüexü̃ca̱x. Rü ngẽxgumarüxü̃ ta tanaxwa̱xe nax Ngechuchu ya Cristugagu Tupana toxü̃ rüngü̃xẽẽxü̃ nax nüma nanaxwa̱xexü̃ãcüma tixĩgüxü̃ca̱x. Rü tanaxwa̱xe i guxü̃guma Cristuxü̃ ticua̱xüü̃gü. Rü ngẽmaãcü yixĩ.