Popera ga Yudíugü ga yaxõgüxü̃ca̱x ümatüxü̃ 9:11 - Tupanaarü Ore

¹¹ Natürü i ñu̱xma rü marü ínangu ya Cristu. Rü nüma nixĩ i aixcüma tórü Chacherdóteeru i tórü ngü̃xẽẽruxü̃ yixĩxü̃ i Tupanape̱xewa, rü nagagu nixĩ i nangẽxmaxü̃ i maxü̃ i taguma gúxü̃. Rü gumá Tupanapata i ngextá taétüwa ínachogüxü̃wa rü aixcüma naxüüne. Rü tama gumá ĩpata ga naxchirunaxca̱x ga duü̃xü̃gümare üxü̃nerüxü̃ nixĩ erü daxũguxü̃ i naanewa nangẽxma.

Popera ga Yudíugü ga yaxõgüxü̃ca̱x ümatüxü̃ 9:11 Referans Kwoze

2 Corintios 5:1

Nüxü̃ tacua̱x rü ngẽxguma iyanaxoxgu i ñaa toxone i paxaãchi toxü̃́ ngẽxmaxü̃, rü daxũguxü̃ i naanewa tá tanayaxu i wüxi i toxone i tagutáma iyarüxoxü̃ i Tupanatama toxca̱x mexẽẽxü̃ rü tama i duü̃xü̃gü.

Popera ga Yudíugü ga yaxõgüxü̃ca̱x ümatüxü̃ 10:1

Rü ngẽma mugü ga Moiché ümatüxü̃ rü naxchipetamare nixĩ i ngẽma mexü̃gü i yixcüra tá íngugüxü̃, natürü tama ngẽma mexü̃güxüchi nixĩ. Rü ngẽmaca̱x woo duü̃xü̃gü gucü ya taunecügügu Tupanaca̱x nanadaíxü̃ i naxü̃nagü nax ngẽmaãcü Tupanana nangaicamagüxü̃ca̱x, natürü ngẽma mugü rü tama napora nax Tupanape̱xewa yamexẽẽãxü̃ca̱x i ngẽma duü̃xü̃güarü maxü̃.

Nüxíraxü̃xü̃ ga popera ga Cuáü̃ ümatüxü̃ 5:20

Rü nüxü̃ tacua̱x ta nax ñoma ga naanewa nanguxü̃ ga Tupana Nane. Rü nüma nixĩ i tüxna naxããxü̃ ga cua̱x nax nüxü̃ icua̱xgüxü̃ca̱x ya yimá aixcüma Tupana ixĩcü. Rü yixema rü norü duü̃xü̃gü tixĩgü ya yimá aixcüma Tupana ixĩcü, erü Nane ya Ngechuchu ya Cristuarü duü̃xü̃gü tixĩgü. Rü nüma ya Tupana Nane nixĩ i aixcüma Tupana ixĩcü, rü nüma nixĩ i tüxna naxããxü̃ i maxü̃ i taguma gúxü̃.

Popera ga Yudíugü ga yaxõgüxü̃ca̱x ümatüxü̃ 2:17

Rü nüma ga Ngechuchu rü nanaxwa̱xe nax yixema i naenexẽgü ixĩgüxü̃rüü̃tama nügü yaxĩxẽẽxü̃ nax yemaacü tórü chogüruxü̃ ya mecümacü ya nüxü̃́ ingechaü̃tümüxü̃gücü yixĩxü̃ca̱x i Tupanape̱xewa. Rü yemaca̱x nixĩ ga nügü inaxãxü̃ rü nayuxü̃ nax yemaacü Tupana duü̃xü̃güaxü̃́ nüxü̃ irüngümaxü̃ca̱x ga norü pecadugü.

Ngechuchuarü ngúexü̃gü ga yamugüxü̃arü puracüchiga 7:48

Natürü ya Tupana ya Guxãétüwa Ngẽxmacü rü tama duü̃xü̃gü üxü̃ne ya Tupanapatagümaxã naxãpata. Rü yemaca̱x ga Tupana rü nũxcüma ga norü orearü uruü̃wa rü ñanagürü:

Norü taxre ga popera ga Cuáü̃ ümatüxü̃ 1:7

Guxü̃wama i ñoma i naanewa rü nanaxĩane i muxü̃ma i womüxẽẽwa̱xegüxü̃. Rü tama nayaxõgü nax Ngechuchu ya Cristu rü duü̃xü̃xü̃ yaxĩxü̃. Rü ngẽma ngẽmaãcü idexaxü̃, rü wüxi i womüxẽẽruxü̃ nixĩ, rü Cristuarü uanü nixĩ.

Popera ga Yudíugü ga yaxõgüxü̃ca̱x ümatüxü̃ 3:1

Rü ñu̱xma Pa Chauenexẽgü ya Tupanape̱xewa Üünegüxe, rü pexü̃ nixĩ ya Tupana i nadexü̃ nax norü duü̃xü̃gü pixĩgüxü̃ca̱x. Rü ngẽmaca̱x name nixĩ i mea nagu perüxĩnüe ya Ngechuchu ya Cristu ya Tupana núma namucü. Rü nüma ya Ngechuchu nixĩ i tórü chogüruxü̃ i Tupanape̱xewa tüxü̃ ixüünexẽẽcü. Rü yimáaxü̃́ nixĩ i yaxõgüxü̃.

Ore i mexü̃ ga Cuáü̃ ümatüxü̃ 4:25

Rü yema ngecü inangãxü̃ rü ngĩgürügü: —Choma nüxü̃ chacua̱x rü tá ñoma i naanewa nangu ya yimá Cristu ya Tupana nüxü̃ unetacü. Rü ngẽxguma yimá núma ũxgu rü tá tamaxã nanango̱xẽxẽ i guxü̃ma i Tupanachiga —ngĩgürügü.

Ore i mexü̃ ga Cuáü̃ ümatüxü̃ 1:14

Rü nüma ya yimá Nane ya Tupanaarü Oregu ãégacü rü duü̃xü̃xü̃ nügü nixĩxẽxẽ. Rü totanüwa namaxü̃ rü nüxü̃ tadaugü ga norü üüne ga Nanatüxü̃tawa nayaxuxü̃, yerü Nane ga nügümaxã wüxicacü nixĩ. Rü nüma ga Nane rü poraãcü duü̃xü̃güxü̃ nangechaxü̃ rü aixcüma nixĩ ga norü ore.

Wiyaegü 40:7

Rü ngẽmaca̱x cumaxã nüxü̃ chixu rü daxe chixĩ rü chaugü ichaxã ngẽma curü orewa naxümatüxü̃rüxü̃.

Popera ga Yudíugü ga yaxõgüxü̃ca̱x ümatüxü̃ 7:1

Rü gumá Melquichedéx rü ĩane ga Charéü̃arü ãẽ̱xgacü nixĩ. Rü naétü Tupana ya Guxü̃étüwa Ngẽxmacüpe̱xewa duü̃xü̃güarü chacherdóte nixĩ. Rü yexguma Abraáü̃ napataca̱x taeguxgu nawena nax to ga nachixü̃anearü ãẽ̱xgacügümaxã nügü nada̱i̱xü̃ rü nüxü̃ naporamaexü̃, rü Melquichedéx rü namawa Abraáü̃pe̱xegu nayangu. Rü nüma ga Melquichedéx rü Tupanaégagu Abraáü̃maxã mexü̃ naxuegu.

Ichaía 59:20

Rü Tupana rü tá tüxü̃ ínanguxü̃xẽxẽ ya yíxema Chióü̃cüã̱xgü rü guxãma ya Acóbutaagü ya nüxü̃ rüxoexe i tümaarü chixexü̃gü. Rü Cori ya Tupanatama nixĩ i ngẽma ñaxü̃.

Popera ga Yudíugü ga yaxõgüxü̃ca̱x ümatüxü̃ 4:15

Rü nüma ya Ngechuchu ya torü poxü̃ruxü̃ ya chacherdótearü ãẽ̱xgacü ixĩcü rü nüxü̃ nacua̱x nax tüxü̃ ínapoxü̃xü̃ i ngẽxguma Chataná tüxna ĩnügu, yerü nüma ga Chataná rü nüxna rü ta naxĩnü ngẽma tüxna nax naxĩnüxü̃rüxü̃. Natürü nüma ga Ngechuchu rü taguma pecadu naxü.

Colosenses 2:11

Rü ngẽma Yudíugü rü nügü ínawiecha̱xmüü̃pe̱xechiraü̃gu nax Tupanape̱xewa yamexü̃ca̱x. Natürü ñu̱xma nax Cristuaxü̃́ peyaxõgüxü̃ rü tama ngẽma wiecha̱xmüü̃pe̱xechiraü̃gagu nixĩ nax Tupanape̱xewa pimexü̃. Rü ñu̱xma rü nape̱xewa pime erü Cristu pexü̃ ínanguxü̃xẽxẽ nawa i pexenearü ngúchaü̃gü i chixexü̃.

Ore i mexü̃ ga Matéu ümatüxü̃ 2:6

Rü nüma rü ñanagürü: “Cumax, Pa Ĩane Pa Beréü̃ ya Yudáanewa Ngẽxmanex, rü cuma rü tama wüxi ya ngexnerüxünemare ya ĩane quixĩ natanüwa ya yima ĩanegü ya itaxü̃ne ya Yudáanewa ngẽxmagüne. Erü cugu tá nabu ya wüxi ya ãẽ̱xgacü i tá chorü duü̃xü̃gü i Iraétanüxü̃maxã icuácü”, —ñanagürü.

Naanearü ügüchiga 49:10

Rü nüma ya Yudá rü taxúetama nüxna tanayaxu i ngẽma norü pora. Rü yimá naixmena̱xã ya norü poraarü cua̱xruxü̃ ya naxme̱xwa ngẽxmane rü taxúetama nüxna tanayaxu ñu̱xmatáta ínangu ya yimá naixmena̱xãarü yora ya guxü̃arü ãẽ̱xgacü ixĩcü. Rü yimága tá nixĩ i naxĩnüexü̃ i guxü̃ma i duü̃xü̃gü.

Maraquía 3:1

Nüma ya Cori ya Guxãétüwa Ngẽxmacü rü ñanagürü pexü̃: —Choma rü chaugüpe̱xe tá chayamu i chorü orearü ngeruxü̃ nax yoxni chauxü̃pa nügü íyamexẽẽgüxü̃ca̱x i chomaxü̃. Rü yimá Cori ya naxca̱x peda̱u̱xcü rü ngürüãchi tá napata ya taxü̃negu naxücu. Rü ngẽmaãcü tá ínangu ya yimá perü maxẽxẽẽruxü̃ ga Tupana nüxü̃ ixucü ga yexguma perü o̱xigümaxã inaxunetagu —ñanagürü.

Yeremía 33:8

Rü guxü̃ma ga norü chixexü̃gü ga chope̱xewa naxügüxü̃ rü tá nüxü̃́ íchayanaxoxẽxẽ. Rü tá nüxü̃́ nüxü̃ ichayarüngüma ga yema chixexü̃ ga naxügüxü̃ ga yexguma tama chauga naxĩnüegu rü chomaxã nanuegu.

2 Corintios 4:18

Rü tama ngẽma ñu̱xma nüxü̃ idauxü̃gu nixĩ itarüxĩnüexü̃, natürü nagu tarüxĩnüe i ngẽma ñu̱xma tama nüxü̃ idauxü̃. Erü ngẽma ñu̱xma nüxü̃ idauxü̃ rü tama natai, natürü ngẽma ñu̱xma tama nüxü̃ idauxü̃, rü guxü̃gutáma nangẽxmaecha.

Popera ga Yudíugü ga yaxõgüxü̃ca̱x ümatüxü̃ 12:27

Rü yema nax: “Wena táxarü chayadu̱xruxẽxẽ i ñoma i naane”, ñaxü̃, rü ngẽmawa nüxü̃ tacua̱x rü guxü̃ma ga yema Tupana üxü̃ i tama guxü̃guca̱x ixĩxü̃, rü tá inayanaxoxẽxẽ nax ngẽma guxü̃guca̱x ixĩxü̃xicatama íyaxügüxü̃ca̱x.

Popera ga Yudíugü ga yaxõgüxü̃ca̱x ümatüxü̃ 13:14

Erü ñoma i naanewa tüxü̃́ nataxu ya wüxi ya ĩane ya taguma yarüxoxü̃ne, natürü naxca̱x tadaugü ya yima ĩane ya daxũguxü̃ i naanewa tá tüxü̃́ ngẽxmane.