Popera ga Yudíugü ga yaxõgüxü̃ca̱x ümatüxü̃ 9:10 - Tupanaarü Ore

¹⁰ Rü yema nũxcümaü̃güxü̃ ga mugü ga õnagüchiga rü axexü̃güchiga rü nacümagüchiga ixĩxü̃, rü duü̃xü̃güarü düxétüxü̃neca̱xicatama nixĩgü. Rü woo name ga yema mugü ga noxrix, natürü yexguma ínanguxgu ga Cristu rü marü yexma nayacua̱x nax duü̃xü̃gümaxã inacuáxü̃ ga yema mugü.

Popera ga Yudíugü ga yaxõgüxü̃ca̱x ümatüxü̃ 9:10 Referans Kwoze

Colosenses 2:16

Rü ñu̱xma rü taxuca̱xma tü̱xcüü̃ pexü̃ nixugüe i ngẽma Yudíugü naxca̱x i ngẽma õna i pengõ̱xgüxü̃ rü ngẽma axexü̃ i pixaxgüxü̃. Rü taxuca̱xma tü̱xcüü̃ pexü̃ nixugüe nachiga i ngẽma petaarü ngunexü̃gü i nümagü nagu naxauregüxü̃, rü yimá tauemacügü ya ngexwacaxü̃cü i nagu naxauregüxü̃, rü ngẽma ngü̃xchigaarü ngunexü̃gü i nagu naxauregüxü̃.

Efesios 2:15

Rü nüma ya Cristu rü nayacua̱xẽxẽ ga yema nũxcümaü̃güxü̃ ga mugü ga noxri natüü̃wa tayexmagüxü̃. Rü nümatama rü wüxitama i duü̃xü̃gü i ngexwaca̱xü̃xü̃ tüxü̃ nixĩgüxẽxẽ i toma i Yudíugü nax tixĩgüxü̃ rü pema i tama Yudíugü nax pixĩgüxü̃. Rü yemaacü yigümaxã tüxü̃ inarüngü̃xmü̃exẽxẽ.

Popera ga Yudíugü ga yaxõgüxü̃ca̱x ümatüxü̃ 7:16

Rü nüma ga Ngechuchu rü tama yema mugü ga duü̃xü̃gütanüwa ne ũxü̃gagu ningucuchi nax Chacherdóte yixĩxü̃ca̱x, natürü ningucuchi yerü nüxü̃́ nayexma ga pora nax yuwa ínadaxü̃ca̱x nax guxü̃guma namaxechaxü̃ca̱x.

Echequié 4:14

Rü choma rü chanangãxü̃ rü ñacharügü nüxü̃: —Natürü, Pa Corix, choma rü taguma nüxü̃ chingõ̱gü i ta̱xacü i ãũãchixü̃, rü taguma chanangõ̱x i wüxi i naeü̃ i nüechama yuxü̃machi rüe̱xna aigü imaxgüxü̃machi, rü bai nax ñuxgu nüxü̃ changõ̱xnetaxü̃ i namachi i ãũãchixü̃ —ñachagürü nüxü̃.

Wenaxarü naxümatü ga Tupanaarü mugü 23:11

Natürü ngẽxguma marü nachütachaü̃gu rü tá naxaiya nax ngẽmaãcü chütacü wena yaxücuxü̃ca̱x i ngẽma ípepegüxü̃wa.

Lebítanüxü̃arü puracüchiga 16:24

Rü wüxi i nachica i üünexü̃wa tá nügü naxaiya, rü ngẽmawena tá nicuxcuchi i noxrütama naxchiru. Rü tá ínaxũxũ nax Tupanape̱xewa yaguãxü̃ca̱x i ngẽma naxü̃na i noxrütama pecaduca̱x yaguxü̃ rü ñu̱xũchi ngẽma duü̃xü̃güarü pecaduca̱x yaguxü̃. Rü ngẽmaãcü tá nanaxü i Aróü̃ nax Tupana nüxü̃ rüngü̃maxü̃ca̱x i norü pecadugü rü duü̃xü̃güarü pecadugü.

Popera ga Yudíugü ga yaxõgüxü̃ca̱x ümatüxü̃ 10:22

Rü ngẽmaca̱x tanaxwa̱xe i Tupanamaxã tixaixcümagü nax nüxü̃ rüxoexü̃ i tórü chixexü̃gü. Rü tanaxwa̱xe nax aixcüma nüxü̃́ yaxõgüxü̃, rü torü maxü̃newa nax nataxuxü̃ma i chixexü̃, rü taxü̃negü rü mechiüxü̃ i dexáwa yayauxgüxü̃. Rü ngẽmaãcü tanaxwa̱xe i Tupanana ingaicamagüxü̃.

Popera ga Yudíugü ga yaxõgüxü̃ca̱x ümatüxü̃ 9:1

Rü yema nüxíraxü̃xü̃ ga uneta rü nüxü̃́ nayexma ga nacümagü nax ñuxãcü tá Tupanaxü̃ yacua̱xüü̃güxü̃ nawa ga gumá Tupanapata ga ñoma ga naanegu üxü̃ne.

Popera ga Yudíugü ga yaxõgüxü̃ca̱x ümatüxü̃ 2:5

Rü ngẽma naane i tá ínguxü̃ i pemaxã nüxü̃ tixuchigaxü̃, rü Tupana rü taguma daxũcüã̱x ga norü orearü ngeruü̃güna naxãga nax namaxã inacua̱xgüxü̃ca̱x.

Wenaxarü naxümatü ga Tupanaarü mugü 21:6

Rü ñu̱xũchi guxü̃ma i norü ãẽ̱xgacügü ya yima ĩane rü tá ngẽma wocaxacü i marü ipoyenaãxü̃xétüwa nügü naya̱u̱xme̱xgü.

Lebítanüxü̃arü puracüchiga 16:4

Rü nüma ya Aróü̃ rü naxü̃pa nax nagu yacúxü̃ i ngẽma chacherdótechiru rü tá naxaiyaxíra. Rü ngẽmawena rü tá nicuxcuchi i ngẽma natüü̃chiru i línuchinaxca̱x rü nagu tá nicu̱x i naxchiru i máxpaxü̃ i línuchinaxca̱x i woetama ngẽmaca̱x ixĩxü̃. Rü tá nügü nigoye rü nayanga̱xcuchi i napate̱xe i línuchinaxca̱x. Erü ngẽma nixĩ i naxchirugü i woetama ngẽmaruxü̃ ixĩgüxü̃.

Ínachoxü̃xü̃chiga 40:12

Rü ngẽmawena rü chopataca̱x íxücuxü̃wa tá cunaga ya Aróü̃ rü nanegü, rü ñu̱xũchi tá cunamu nax ngéma naxaiyagüxü̃ca̱x.

Popera ga Yudíugü ga yaxõgüxü̃ca̱x ümatüxü̃ 13:9

Rü tama name i peyaxõgü i ngẽma ngu̱xẽẽtaegü i tama toma pexü̃ namaxã tangúexẽẽxü̃ i tama Tupanaarü ixĩgüxü̃. Rü nũxcüma nagu taxĩ ga yema mugü ga Moiché ümatüxü̃ ga tüxna nachu̱xuxü̃ nax ta̱xacü ixüxü̃ rü ta̱xacü ingṍxü̃. Natürü narümemae nixĩ nax Tupanaarü ngechaü̃maxã napaxü̃ i tórü maxü̃ nax tórü õwa iporaexü̃ca̱x

Popera ga Yudíugü ga yaxõgüxü̃ca̱x ümatüxü̃ 6:2

Rü ngẽxgumarüxü̃ ta taxuca̱xma tü̱xcüü̃ wena pexü̃ tangúexẽxẽ nax ñuxãcü Tupanaca̱x íibaiü̃xü̃ rü ñuxãcü duü̃xü̃güxü̃ ingógüãcüma namaxã iyumüxéxü̃. Rü ngẽxgumarüxü̃ ta taxuca̱xma tü̱xcüü̃ wena pexü̃ tangúexẽxẽ nax ñuxãcü tá wena namaxẽxü̃ i duü̃xü̃gü i yuexü̃ rü ñuxãcü naanearü gu̱xgu rü Tupana tá wüxichigü i duü̃xü̃güna ca̱xaxü̃ i norü maxü̃chiga.

Efesios 1:10

Rü ngẽxguma norü ngunexü̃ nawa nanguxgu i ngẽma Tupana nagu rüxĩnüxü̃, rü tá Cristume̱xẽwa nanangexmaxẽxẽ i guxü̃ma i daxũguxü̃ i naanewa ngẽxmaxü̃ rü guxü̃ma i ñoma i naanewa ngẽxmaxü̃.

Gálatas 4:9

Natürü i ñu̱xma nax Tupanaxü̃ pecuáxü̃ rü nüma nax pexü̃ nacuáxü̃, rü ¿tü̱xcüü̃ wena naxca̱x pewoeguchaü̃ i ngẽma mugü i ñoma i naanemaxã icua̱xgüxü̃? ¿Rü tü̱xcüü̃ penaxwa̱xe nax wena natüü̃wa pegü pengẽxmagüxẽẽxü̃ i ngẽma mugü i tama aixcüma poraexü̃ i natüca̱xmamare ixĩgüxü̃?

Ore i mexü̃ ga Márcu ümatüxü̃ 7:4

Rü yexguma taxepataü̃wa ne naxĩxgu ga nümagü rü tama nachibüe ga yexguma tama nügü naya̱u̱xme̱xíragügu. Rü nayexmagü ta ga muxü̃ma ga togü ga nacümagü ga nagu naxĩxü̃. Rü yema nixĩ nax mea nayauxgüãxü̃ i naxpáxü̃gü rü norü baepáxü̃gü rü norü paneragü ga cobrenaxca̱x rü norü pechicaxü̃gü nax Tupanape̱xewa yamexü̃ca̱x.

Lebítanüxü̃arü puracüchiga 22:6

Rü ngẽma Aróü̃taxa rü tá duü̃xü̃güca̱x naxãũãchi ñu̱xmata nachüta. Rü naxü̃pa nax nügü naxaiyaxü̃ rü taxucürüwa nanangõ̱x i ngẽma õna i üünexü̃.

Ínachoxü̃xü̃chiga 29:4

Rü ñu̱xũchi chopataarü ĩã̱xpe̱xewa tá cunaga ya Aróü̃xü̃ wüxigu nanegümaxã. ¡Rü namu nax naxaiyagüxü̃ca̱x!

Popera ga Yudíugü ga yaxõgüxü̃ca̱x ümatüxü̃ 7:12

Rü yemaca̱x ga Tupana rü yema Yudíugüarü chacherdótegüchicüü nayangucuchixẽxẽ ga Cristu. Rü yexguma yangucuchigu rü yexguma ta nixĩ ga naxüchicüü ga yema mugü.

Lebítanüxü̃arü puracüchiga 13:58

Rü ngẽxguma marü nayaxu̱xguwena rü iyanaxoxgu nax yachúxü̃ i ngẽma naxchiru, rüe̱xna ngẽma mutachinüxü̃, rüe̱xna ngẽma ngẽmaxü̃ i naxcha̱xmünaxca̱x, rü ngẽxguma rü tá wena niyauxgü nax ngẽmaãcü aixcüma namexü̃ca̱x —ñanagürü ga Cori ya Tupana.