Popera ga Yudíugü ga yaxõgüxü̃ca̱x ümatüxü̃ 8:9 - Tupanaarü Ore

⁹ Natürü ngẽma chorü uneta i ngexwaca̱xü̃xü̃, rü taxũtáma namaxã nawüxigu ga yema nüxíraxü̃xü̃ ga chorü uneta ga nũxcümaü̃güxü̃ ga perü o̱xigümaxã nüxü̃ chixuxü̃ ga yexguma nüxü̃ charüngü̃xẽẽgu nax ínachoxü̃xü̃ca̱x ga Equítuanewa. Yerü nümagü ga yema duü̃xü̃gü rü tama chauga naxĩnüe rü tama nayanguxẽxẽ ga yema nüxíraxü̃xü̃ ga chorü uneta, rü yemaca̱x íchanawogü.

Popera ga Yudíugü ga yaxõgüxü̃ca̱x ümatüxü̃ 8:9 Referans Kwoze

Yeremía 31:32

Ngẽma uneta rü taxũtáma yema nüxíraxü̃xü̃ ga uneta ga perü o̱xigümaxã chaxüxü̃rüxü̃ tá nixĩ, yerü yexguma Equítuanewa íchananguxü̃xẽẽgu rü nümagü rü tama aixcüma nayanguxẽẽgü ga yema chorü uneta woo norü yora nax chixĩxü̃ ga chomax. Rü chomatama ya Cori ya Tupana nixĩ i nüxü̃ chixuxü̃ i ngẽma.

Gálatas 4:24

Rü ngẽma orewa nangẽxma i cua̱xruü̃gü i pexca̱x chango̱xẽẽchaü̃xü̃. Rü yema taxre ga ngexü̃gü rü taxre i cua̱xruü̃gü nixĩgü nax ngẽmawa nüxü̃ icuáxü̃ca̱x nax ñuxãcü Tupana duü̃xü̃güxü̃ rüngü̃xẽẽxü̃ nax naxü̃tawa nangugüxü̃ca̱x. Rü yema nüxíraxü̃xü̃ ga norü ngü̃xẽxẽ nixĩ ga yexguma Chinaíarü ma̱xpǘnewa Moichéna naxããgu ga norü mugü nax naga naxĩnüexü̃ca̱x ga duü̃xü̃gü. Rü yema mugü ga Moichéna naxãxü̃ ga Chinaíwa rü Agá iyixĩ ga norü cua̱xruxü̃. Rü yema nge ga Agá rü naxü̃taxü̃ iyixĩ ga Abráü̃ rü yemaca̱x ga ngĩxacügü rü ngĩxrüü̃tama togütüü̃wa nayexmagü rü tama ínanguxü̃. Rü yemaacü ga yema nge rü wüxi i cua̱xruxü̃ iyixĩ nachiga i ngẽma Yudíugü i ñu̱xma maxẽxü̃ rü ngẽma mugüwe rüxĩxü̃. Erü nümagü rü ñu̱xma rü ta natüü̃wa nangẽxmagü i ngẽma mugü ga Moiché yaxuxü̃ ga ma̱xpǘne ga Chinaí ya Arábiaanewa ngẽxmanewa. Rü ñu̱xma rü ta ngẽma mugügu naxĩ rü tama nüxü̃ narüxoe.

Ore i mexü̃ ga Márcu ümatüxü̃ 8:23

Rü Ngechuchu rü gumá ngexetücüme̱xẽgu nayayauxãchi, rü ĩanearü yéamaxü̃ra nanaga. Rü yéma naxbü̱xágümaxã nayawaixetüxẽxẽ, rü ñu̱xũchi naxetügu ningõgü, rü nüxna naca rü marü ta̱xacüxü̃ nadau.

Ngechuchuarü ngúexü̃gü ga yamugüxü̃arü puracüchiga 13:11

Ñu̱xmatátama cuxü̃ napoxcu ya Cori ya Tupana. Rü tá cungexetü, rü ñuxre i ngunexü̃ rü taxũtáma nüxü̃ cudau ya üa̱xcü —ñanagürü. Rü yexgumatama naxca̱x naxẽanexü̃chi ga yema yuüxü̃, rü naxme̱xmaxã nadaugü nax texé naxme̱xgu yayauxãchixü̃ca̱x rü namaxã ítixũxü̃ca̱x.

Ngechuchuarü ngúexü̃gü ga yamugüxü̃arü puracüchiga 9:8

Rü ñu̱xũchi inachi ga Chauru ga ñaxtüanewa ga íyanguxü̃wa. Rü nidauchixetü, natürü taxuxü̃ma nadau yerü nixoxetü. Rü yemaca̱x ga namücügü, rü nachacüügu nayayauxãchi, rü yemaacü Damácuwa nanagagü.

Maraquía 2:13

Rü pema nax ngexü̃gü i tupananetaxü̃ icua̱xüü̃güxü̃maxã ixãxma̱xgüxe, rü naétü pegüxü̃etümaxã peyawaixẽxẽ i Cori ya Tupanaarü ãmarearü guruxü̃. Rü taxü̃ i perü ngechaü̃maxã pexauxe erü nüma ya Cori ya Tupana rü tama namaxã nataãxẽ i ngẽma perü ãmaregü.

Amúx 5:22

Rü tama chanaxwa̱xe i naxü̃nagü cha̱u̱xca̱x nax ípeguxü̃. Rü woo i ngẽma perü ãmare i trigu rü tama chanaxwa̱xe. Rü taxũtáma chanayaxu i ngẽma wocaxacügü i ngüexü̃ i cha̱u̱xca̱x pedaixü̃ nax ngẽmamaxã choxü̃ perüngüxmüexẽẽxü̃ca̱x.

Echequié 16:59

Rü choma ya Cori ya Tupana rü cuxü̃ ñachagürü: Cuxü̃ tá chapoxcu, erü tama cuyanguxẽxẽ ga yema chomaxã cuxueguxü̃, rü ñu̱xũchi tama cuyanguxẽxẽ ga yema uneta ga chomaxã cuxüxü̃.

Echequié 16:8

Rü wena cuxü̃tawa chaxüpetü rü cuxü̃ chadau ga marü nax cuyaxü̃ rü ãmücügu nax curüxĩnüxü̃. Rü ñu̱xũchi wüxi ga mámüxü̃ ga naxchirumaxã cuxü̃ chidüxü yerü cungexchiru. Rü ñu̱xũchi cumaxã chaxüga rü cumaxã nüxü̃ chixu nax choxrü quixĩxü̃. Rü choma ya Cori ya Tupana nixĩ i cumaxã nüxü̃ chixuxü̃ i ngẽma.

Ichaía 63:9

Rü nüma ya Tupana rü tama togüxü̃ núma namuxü̃ nax norü duü̃xü̃güxü̃ ínanguxü̃ẽẽxü̃ca̱x. Rü nümatama ya Tupana nixĩ ga ínanguxü̃xẽẽãxü̃ nawa ga norü ĩ̱xãchiãxẽ yerü poraãcü nüxü̃ nangechaxü̃ rü nüxü̃́ nangechaü̃tümüxü̃gü. Rü yemaca̱x guxü̃guma norü uanügüme̱xẽwa ínananguxü̃xẽxẽ.

Ichaía 40:11

Rü ñoma wüxi i carnéruarü dauruxü̃ i mea norü carnérugüna dauxü̃rüxü̃ nixĩ. Rü nachacüügu tüxü̃ nigagü ga norü carnéruxacü, rü nügüremüwa tüxü̃ yaxũxẽẽãcü tüxü̃ nigagü. Rü mea tüxna nadau ya yíxema ngexwaca íxraxacügüxe.

Charumóü̃arü wiyae 8:5

¿Rü texé iyixĩ i ngẽma ínachianexü̃wa ne ũcü ya yimá ngĩte ya ngĩxü̃́ ngúchaü̃cüétü ngu̱xchametücü? Wüxi ga manzanatüxü̃wa nixĩ ga curü pewa cuxü̃ íchabaixgüxü̃. Rü yéma yema manzanatüxü̃wa nixĩ ga curü mama ga cumaxã tangu̱xnecaxü̃. Rü yexma nixĩ ga curü mama ga cuxü̃ taxíxraxẽẽxü̃.

Wiyaegü 105:43

Rü yemaacü nixĩ ga Tupana ga Equítuanewa ínagaxü̃ ga norü duü̃xü̃gü ga nüma nüxü̃ naxunetaxü̃. Rü yexguma ínagaxü̃ãgu rü poraãcü nataãẽgü.

Wiyaegü 78:57

Rü yema norü o̱xigürüü̃tama nüxna nixĩgachitanü rü tama aixcüma nüxü̃́ nayaxõgü. Rü ñoma wüxi ya würa ya wü̃xü̃nerüxü̃ nixĩgü.

Wiyaegü 77:20

Rü cunamu ga Moiché rü Aróü̃ nax yagagüãxü̃ca̱x ga curü duü̃xü̃gü ñoma carnérugü igagüxü̃rüxü̃.

Yox 8:20

Tupana rü taguma nüxü̃ inayarüngüma ya yimá yatü ya taguma chixexü̃ ücü. Rü tama nüxü̃ narüngü̃xẽxẽ i ngẽma duü̃xü̃gü i chixexü̃gu maxẽxü̃.

Wenaxarü naxümatü ga Tupanaarü mugü 29:25

Rü duü̃xü̃gü rü ñanagürügü tá: “Yema namaxã nangupetü ga yema Iraétanüxü̃ yerü nüxna nixĩgachi ga yema uneta ga Cori ya Tupana norü o̱xigümaxã üxü̃ ga yexguma Equítuanewa ínagaxü̃ãgu.

Wenaxarü naxümatü ga Tupanaarü mugü 29:12

Rü nua pengutaque̱xegü nax Cori ya Tupanape̱xewa nüxü̃ pixuxü̃ca̱x nax aixcüma tá peyanguxẽẽxü̃ i ngẽma uneta i Cori ya perü Tupana pemaxã üxü̃.

Wenaxarü naxümatü ga Tupanaarü mugü 29:1

Rü noxri ga nüma ga Cori ya Tupana rü marü Iraétanüxü̃maxã nüxü̃ nixu ga norü uneta ga ma̱xpǘne ga Oréxwa. Rü yemaétü nixĩ ga ñaa yexwaca̱xü̃ ga norü uneta ga Cori ya Tupana Moichéxü̃ muxü̃ nax Iraétanüxü̃maxã nüxü̃ yaxuxü̃ca̱x ga Moátanüxü̃güchixü̃anewa.

Ínachoxü̃xü̃chiga 34:10

Rü Tupana rü Moichéxü̃ ñanagürü: —¡Choxü̃́ irüxĩnü! Rü guxü̃ma i curü duü̃xü̃güpe̱xewa tá chanaxü i wüxi i uneta rü tá pexü̃ charüngü̃xẽxẽxü̃. Rü tá chanaxü i mexü̃gü i taguma togü i nachixü̃ane i ñoma i naanewa ngẽxmagüxü̃wa chaxüxü̃. Rü guxü̃ma i curü duü̃xü̃gü i Iraétanüxü̃ tá nüxü̃ nadaugü i ngẽma mexü̃ i tá pemaxã chaxüxü̃ i choma ya Cori ya Tupana.

Naanearü ügüchiga 19:16

Natürü ga Lox rü nanuxcüãxẽ, rü yemaca̱x ga yema taxre ga daxũcüã̱x i orearü ngeruü̃gü rü naxme̱x nayayauxãchigü rü namaxã nixü, yerü Cori ya Tupanaaxü̃́ nangechaü̃tümüxü̃. Rü yexgumarüxü̃ ta ga guxema naxma̱x rü naxacügü rü tüxü̃ ínamuxü̃ ga guma ĩanewa nax tama tayuexü̃ca̱x.

Ichaía 41:13

Erü choma ya Cori nax perü Tupana chixĩxü̃ rü pexme̱xgu chingĩ. Rü marü pemaxã nüxü̃ chixu rü ñachagürü: “¡Taxṹ i pemuü̃exü̃! Erü choma tá pexü̃ charüngü̃xẽxẽxü̃” —ñachagürü.

Auxexü̃chiga 4:16

Rü nümatama ga Cori ya Tupana rü nanawoonemare, rü tama nüxü̃ narüngü̃xẽxẽ. Rü taxúema naga taxĩnüe ga yema chacherdótegü rü taxúema nüxü̃ tangechaü̃ ga yema ãẽ̱xgacügü.

Ichaía 51:18

Rü guxü̃ma i petanüwa, Pa Yerucharéü̃cüã̱xgüx, rü tataxuma ya texé ya mea pemaxã icuáxe. Rü petanüwa rü tataxuma ya texé ya pexme̱x yayauxãchixe.

Ínachoxü̃xü̃chiga 32:8

Rü paxãma nüxü̃ inarüngümae ga yema namaxã nüxü̃ chixuxü̃ nax nagu naxĩxü̃ca̱x. Rü nügüca̱x nanaxügü i wüxi i wocaxacüchicüna̱xã i úiru i dexexü̃wa, rü ñu̱xma rü nüxü̃ ínicua̱xüü̃gü rü naxca̱x nanadai rü ínanagu i naxü̃nagü, rü nügümaxã ñanagürügü: “Pa Iraétanüxü̃x, daa nixĩ ya curü tupana ya Equítuanewa cuxü̃ ínguxuchixẽẽcü”, ñanagürügü —ñanagürü ga Tupana.

Ngechuchuarü ngúexü̃gü ga yamugüxü̃arü puracüchiga 7:36

Rü nümatama ga Moiché nixĩ ga Equítuarü naanewa ínagaxü̃xü̃ ga nũxcümaü̃güxü̃ ga tórü o̱xigü. Rü Equítuanewa, rü Dauchíüxü̃ ga Márwa, rü chianexü̃wa inanawe̱x ga cua̱xruü̃gü, rü nanaxü ga mexü̃ ga taxü̃gü ga Tupanaarü poramaxã naxüxü̃. Rü nüma ga Moiché rü yemaacü 40 ga taunecü nüxü̃ narüngü̃xẽxẽ ga yema duü̃xü̃gü.