Popera ga Yudíugü ga yaxõgüxü̃ca̱x ümatüxü̃ 8:5 - Tupanaarü Ore

⁵ Natürü ngẽma ñoma i naanewa naxügüxü̃ i ngẽma chacherdótegü, rü naxca̱x nadauxü̃taegümare i ngẽma daxũguxü̃ i naanewa ngẽxmaxü̃. Rü meama nüxü̃ tacua̱x i ngẽma, yerü yexguma Moiché naxüxchaü̃gu ga Tupanapata, rü Tupana rü ñanagürü nüxü̃: “¡Dücax, mea nangugü i ngẽma cua̱xruxü̃ ga cuxü̃ chawéxü̃ ga ma̱xpǘne ga Chinaíwa! Rü chanaxwa̱xe i ngẽmaãcü cunaxüxü̃ ya yima chopata”, ñanagürü.

Popera ga Yudíugü ga yaxõgüxü̃ca̱x ümatüxü̃ 8:5 Referans Kwoze

Ínachoxü̃xü̃chiga 25:40

Rü ngẽmatama ma̱xpǘnewa cuxü̃ chawéxü̃ãcü tá mea cunaxü —ñanagürü ga Tupana.

Colosenses 2:17

Rü aixcüma yema nũxcümaü̃güxü̃ ga Yudíugü rü nanaxauregü ga yema nacümagü yerü ga Cristu rü tauta ínangu ga yexguma. Natürü i ñu̱xma rü marü ínangu ya Cristu rü tórü pecaduca̱x nayu nax tama nagu ixĩxü̃ i ngẽma nũxcümaü̃güxü̃ i nacümagü.

Popera ga Yudíugü ga yaxõgüxü̃ca̱x ümatüxü̃ 10:1

Rü ngẽma mugü ga Moiché ümatüxü̃ rü naxchipetamare nixĩ i ngẽma mexü̃gü i yixcüra tá íngugüxü̃, natürü tama ngẽma mexü̃güxüchi nixĩ. Rü ngẽmaca̱x woo duü̃xü̃gü gucü ya taunecügügu Tupanaca̱x nanadaíxü̃ i naxü̃nagü nax ngẽmaãcü Tupanana nangaicamagüxü̃ca̱x, natürü ngẽma mugü rü tama napora nax Tupanape̱xewa yamexẽẽãxü̃ca̱x i ngẽma duü̃xü̃güarü maxü̃.

Ínachoxü̃xü̃chiga 26:30

Rü yema ĩpatachicüna̱xã ga ma̱xpǘnewa cuxü̃ chawéxü̃xãcü tá cunaxü ya yima chopata.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:19

Rü Dabí rü Charomóü̃xü̃ ñanagürü: —Rü guxü̃ma ga yema cumaxã nüxü̃ chixuxü̃ rü Tupana choxü̃ nüxü̃ nacua̱xẽxẽ, rü poperagu naxümatü nax yemaacü nüxü̃ chacuáxü̃ca̱x i ñuxãcü tá nax yixĩxü̃ ya napata rü norü ngẽmaxü̃gü —ñanagürü.

Ínachoxü̃xü̃chiga 27:8

Rü ngẽma ãmarearü guruxü̃ i mürapewanaxca̱x rü nanaxwa̱xe nax yango̱xpetümarexü̃, yema ma̱xpǘnewa cuxü̃ chawéxü̃rüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:12

Rü yexgumarüxü̃ ta nüxna nanaxãpane nax ñuxãcü tá naxüaxü̃ ga naã̱xtügü ga guma Tupanapata ga taxü̃ne, rü yema pegüchicagü ga nacüwawa yexmagüxü̃, rü yema ucapugü ga Tupanapata ga taxü̃nearü yemaxü̃gü ga tatanüxü̃ nagu nuxü̃, rü yema ucapugü ga duü̃xü̃gü norü ãmaregü Tupanaca̱x nagu yanuxü̃.

Popera ga Yudíugü ga yaxõgüxü̃ca̱x ümatüxü̃ 9:9

Rü guxü̃ma i ngẽma pemaxã nüxü̃ chixuxü̃, rü wüxi i cua̱xruxü̃ nixĩ i taxca̱x i yixema nax ñu̱xma imaxẽxü̃. Rü ngẽmawa nüxü̃ tadau rü yema ãmaregü ga Tupanana naxãgüxü̃ rü yema naxü̃nagü ga Tupanaca̱x nada̱i̱xü̃ rü tama nüxü̃́ nangẽxma i pora nax yamexẽẽxü̃ca̱x i duü̃xü̃güarü ĩnü nax aixcüma Tupanape̱xewa yamexü̃ca̱x.

Iraétanüxü̃arü muxchiga 8:4

Rü yema omüpaweru rü nachipatüwa inaxügü rü ñu̱xmata nape̱xewa nangu rü martiyumaxã ipomüxü̃ ga úiruwa naxü. Rü yema Cori ya Tupana Moichéxü̃ wéxü̃ ga naxchicüna̱xããcü nanaxü.

Popera ga Yudíugü ga yaxõgüxü̃ca̱x ümatüxü̃ 12:25

Rü ngẽmaca̱x name nixĩ i pexuãẽgü nax tama nüxü̃ pexoexü̃ca̱x ya yimá Tupana ya ñu̱xma tamaxã idexacü. Rü yema nũxcümaü̃güxü̃ ga duü̃xü̃gü ga Moichéwe rüxĩxü̃ rü taxucürüwa Tupanacha̱xwa nibuxmü nax tama napoxcueãxü̃ca̱x ga yexguma Tupanaxü̃ naxoegu. Rü ñu̱xma ega nüxü̃ ixoegu ya Cristu i daxũguxü̃ i naanewa tüxü̃ ucu̱xẽcü, rü yexeraãcü tüxü̃́ naguxcha nax Tupanaarü poxcucha̱xwa ibuxmüxü̃ nax tama tüxü̃ napoxcuexü̃ca̱x.

Popera ga Yudíugü ga yaxõgüxü̃ca̱x ümatüxü̃ 11:7

Rü yexguma Noémaxã yadexaxgu ga Tupana, rü nüma ga Noé rü nayaxõ rü naga naxĩnü. Rü Tupana rü namaxã nüxü̃ nixu rü tá ínanguxü̃ ga mucü ga taxüchicü ga taguma duü̃xü̃gü nüxü̃ daucü rü tá guxü̃wama inanguanexẽẽcü. Rü Tupana namaxã nüxü̃ nixu nax naxüaxü̃ca̱x ga wüxi ga wapuru ga taxü̃ne nax tama nayuexü̃ca̱x ga nüma rü naxma̱x rü nanegü rü naneã̱xgü. Rü Tupanaga naxĩnü ga Noé, rü nanaxü ga gumá wapuru, rü yemaacü tama nayue ga nüma rü napatacüã̱x yerü Tupanaaxü̃́ nayaxõ. Natürü yema togü ga duü̃xü̃gü rü tama Noérüxü̃ nayaxõgü, rü yemaca̱x Tupana nanapoxcue. Rü nüma ga Tupana rü Noéxü̃ nixu nax nape̱xewa namexü̃, yerü nüxü̃́ nayaxõ.

Ngechuchuarü ngúexü̃gü ga yamugüxü̃arü puracüchiga 7:44

Rü yema chianexü̃wa rü tórü o̱xigü nüxü̃́ nayexma ga Tupanapata ga naxchirunaxca̱x. Rü gumágu nixĩ ga namaxã nanguxü̃güxü̃ ga Tupanaarü mugü ga nutagu ümatüxü̃. Rü gumá ĩpata ga naxchirunaxca̱x nixĩ ga Moichéxü̃ nawéxü̃ne ga Tupana ga ñuxãcü tá nax naxüaxü̃.

Ínachoxü̃xü̃chiga 25:9

Natürü yima chopata ya nawa tá changexmane, rü guxü̃ma i norü ngẽmaxü̃gü rü tá ngẽma cuxü̃ nüxü̃ chadauxẽxẽxü̃ãcü cunaxü.

Ore i mexü̃ ga Matéu ümatüxü̃ 2:12

Rü yemawena ga yema yatügü rü nanegüwa Tupana nayaxucu̱xẽgü nax tama Eródeca̱x nawoeguxü̃ca̱x. Rü yemaca̱x to ga namagu nachixü̃aneca̱x nawoegu.

Popera ga Yudíugü ga yaxõgüxü̃ca̱x ümatüxü̃ 13:10

Rü yixema nax yaxõgüxü̃ tüxü̃́ nangẽxma ya Cristu ga tórü pecaduca̱x yucü. Natürü yema chacherdótegü i Tupanapatawa puracüexü̃ rü tama nüxna naxǘ nax nanayauxgüãxü̃ i ngẽma ngü̃xẽxẽ i Cristu tüxna ãxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 15:5

Rü yemawena ichadawenü rü nüxü̃ chadau ga daxũguxü̃ ga naanewa nax yawãxnaxü̃ ga yema naxmachiã ga Üünexüchixü̃ ga Tupanapata ya taxü̃nearü aixepewa yexmaxü̃ ga ngexta namaxã ínanguxü̃güxü̃wa ga guma nutatachinügü ga Tupanaarü mugü nagu ümatügüxü̃.

Yochué 22:28

Rü ngẽmaca̱x nagu tarüxĩnüe, rü ngẽxguma chi texé toxü̃ ngẽma ñagügu rüe̱xna totaagüxü̃ ngẽma ñagügu, rü toma rü tá tanangãxü̃: “Rü dücax torü o̱xigü rü nanaxügü ga ñaa ãmarearü guruxü̃ naxca̱x ga Cori ya Tupana nax wüxi i cua̱xruxü̃ yixĩxü̃ca̱x pexca̱x rü toxca̱x nax toma rü ta Tupanaarü duü̃xü̃gü tixĩgüxü̃. Rü tama tanaxü nax ãmare nawa tiguxü̃ca̱x”, ñatarügügü tá.