Popera ga Yudíugü ga yaxõgüxü̃ca̱x ümatüxü̃ 7:9 - Tupanaarü Ore

^9-10 Rü ñu̱xma rü guxü̃ma i chacherdótegü i Lebítaagü ixĩgüxü̃ rü ngĩxü̃ yauxgüxü̃ i ngẽma diésmu i Tupanana ücü, rü nümagü rü ta Abraáü̃maxã Melquichedéxna nanaxãgü i ngẽma diésmu i Tupanana üxü̃. Yerü nüma ga Lebí rü guxü̃ma ga nataagü i ñu̱xma Yudíugüarü chacherdótegü ixĩgüxü̃, rü woo nax tauta nabuexü̃ ga yexguma, natürü marü Abraáü̃xü̃newa nayexmagü ga yexguma Melquichedéx namawa Abraáü̃pe̱xegu yanguxgu.

Popera ga Yudíugü ga yaxõgüxü̃ca̱x ümatüxü̃ 7:9 Referans Kwoze

Romanos 5:12

Rü nüxíraü̃cü ga yatü ga Adáü̃gagu nixĩ ga guxü̃ma ga duü̃xü̃güwa nanguxü̃ ga pecadu. Rü pecadugagu ínangu i yu. Rü yemaacü guxü̃ma ga duü̃xü̃güwa naxüe nax nayuexü̃, yerü guxü̃ma nipecaduã̱x.

Popera ga Yudíugü ga yaxõgüxü̃ca̱x ümatüxü̃ 7:4

Rü ñu̱xma rü name nixĩ i nagu perüxĩnüe nax ñuxãcü aixcüma ãẽ̱xgacü ya tacü yixĩxü̃ ga Melquichedéx. Yerü nũxcümaü̃cü ga tórü o̱xi ga Abráü̃ rü Melquichedéxna nanaxã ga yema diésmu ga Tupanana üxü̃ natanüwa ga yema yemaxü̃gü ga daigu yema ãẽ̱xgacügüna napuxü̃xü̃. Rü ngẽmawa nüxü̃ tacua̱x nax Tupanape̱xewa tórü o̱xi ga Abraáü̃arü yexeracü yixĩxü̃ ga Melquichedéx.

Wenaxarü naxümatü ga Tupanaarü mugü 26:12

Rü ngẽxguma norü tomaepü̱x ya taunecüwa nanguxgu, rü tá ípenaxüxüchi i perü diésmu nawa i guxü̃ma i perü nanetügüarü o. Rü nüxna tá penaxã i ngẽma Lebítanüxü̃, rü ngẽma to i nachixü̃anecüã̱x i petanüwa ngẽxmagüxü̃, rü ngẽma taxcutagü rü yutegüxü̃ i perü ĩanegüwa ngẽxmagüxü̃ nax ngẽmaãcü nümagü rü ta meama nachibüexü̃ca̱x.

Ore i mexü̃ ga Matéu ümatüxü̃ 7:8

Erü guxãma ya yíxema naxca̱x íca̱xaxe, rü tanayaxu. Rü guxãma ya naxca̱x dauxe, rü nüxü̃ itayangau. Rü guxãma ya yíxema norü ĩã̱xwa nüxna cagüxe, rü tá tümaca̱x nayawãxna.

Popera ga Yudíugü ga yaxõgüxü̃ca̱x ümatüxü̃ 7:8

Rü ñu̱xma i nua tatanüwa rü ngẽma chacherdótegü i ngĩxü̃ yauxgüxü̃ i ngẽma diésmu i Tupanana ücü, rü duü̃xü̃gümare nixĩgü rü tá nayue. Natürü ngẽxguma Mequichedéchiga yadexaxgu i Tupanaarü ore, rü ñoma namaxü̃xü̃rüxü̃ nixĩ i nachiga yadexaxü̃.