Popera ga Yudíugü ga yaxõgüxü̃ca̱x ümatüxü̃ 7:8 - Tupanaarü Ore

⁸ Rü ñu̱xma i nua tatanüwa rü ngẽma chacherdótegü i ngĩxü̃ yauxgüxü̃ i ngẽma diésmu i Tupanana ücü, rü duü̃xü̃gümare nixĩgü rü tá nayue. Natürü ngẽxguma Mequichedéchiga yadexaxgu i Tupanaarü ore, rü ñoma namaxü̃xü̃rüxü̃ nixĩ i nachiga yadexaxü̃.

Popera ga Yudíugü ga yaxõgüxü̃ca̱x ümatüxü̃ 7:8 Referans Kwoze

Popera ga Yudíugü ga yaxõgüxü̃ca̱x ümatüxü̃ 6:20

Rü yemaca̱x yexma Tupanaxü̃tagu nüxíra naxücu ga Ngechuchu nax ngéma guxü̃guma Tupanape̱xewa taétüwa nachogüxü̃ca̱x. Rü yemaacü ga Ngechuchu rü gumá chacherdóte ga Melquichedéxrüxü̃ Tupanape̱xewa chacherdóte nixĩ.

Popera ga Yudíugü ga yaxõgüxü̃ca̱x ümatüxü̃ 5:6

Rü tóxnamana i Tupanaarü ore i ümatüxü̃wa rü ñanagürü ta: “Cuma nixĩ i guxü̃gutáma duü̃xü̃güarü poxü̃ruxü̃ i chacherdotegüarü ãẽ̱xgacü quixĩxü̃, gumá chacherdóte ga Melquichedéxrüxü̃”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:18

Rü ñu̱xma rü chamaxü̃. Rü woo chayu, natürü ñu̱xma chamaxü̃ nax guxü̃gutáma chamaxechaxü̃ca̱x. Rü choma nixĩ i namaxã ichacuáxü̃ i ngẽma yu, rü namaxã ichacua̱x i ngẽma nachica i yuexü̃ nawa ngẽxmagüxü̃.

Popera ga Yudíugü ga yaxõgüxü̃ca̱x ümatüxü̃ 7:23

Rü namuxũchi ga yema togü ga chacherdótegü yerü niyuetanü. Rü yemaca̱x ga wüxichigü rü taxucürüwama guxü̃guma chacherdóte nixĩ.

Ore i mexü̃ ga Cuáü̃ ümatüxü̃ 14:19

Rü paxa tá nixĩ nax taxũtáma choxü̃ nadaugüxü̃ i ñoma i naanecüã̱x i duü̃xü̃gü. Natürü i pema rü tá choxü̃ pedaugü. Rü choma rü chamaxü̃ rü ngẽmaca̱x tá pemaxẽ i pema.

Popera ga Yudíugü ga yaxõgüxü̃ca̱x ümatüxü̃ 3:16

¿Rü texégü tixĩ ga guxema nüxü̃ ĩnüexe ga yema Tupana tümamaxã nüxü̃ ixuxü̃, rü ñu̱xũchi tama Tupanaga ĩnüexe? Rü pemaxã nüxü̃ chixu rü yemagü nixĩ ga guxü̃ma ga yema duü̃xü̃gü ga Moiché Equítuanewa ínguxü̃xẽẽxü̃.

Ore i mexü̃ ga Cuáü̃ ümatüxü̃ 14:6

Rü Ngechuchu nanangãxü̃, rü ñanagürü: —Choma nixĩ i nama i Chaunatüxü̃tawa nadaxü̃. Rü ngẽma nüxü̃ chixuxü̃ rü aixcüma nixĩ. Rü choma nixĩ i duü̃xü̃güxü̃ chamaxẽxẽẽxü̃. Rü chaugaguxicatama nixĩ i Chaunatüxü̃tawa nangugüxü̃ i duü̃xü̃gü.

Popera ga Yudíugü ga yaxõgüxü̃ca̱x ümatüxü̃ 9:27

Rü ngẽxgumarüxü̃ nax wüxicanatama nayuexü̃ i duü̃xü̃gü rü ngẽmawena Tupana tá nüxü̃ nicagü, rü yexgumarüü̃tama ga Cristu rü wüxicanatama nügü inaxã rü nayu nax naxütanüxü̃ca̱x i muxü̃ma i duü̃xü̃güarü pecadugü. Rü nüma ya Cristu rü wena tá núma naxũ, natürü tama pecaduarü ütanüwa. Rü tá núma naxũ nax namaxẽxẽẽãxü̃ca̱x i guxü̃ma i duü̃xü̃gü i aixcüma ínangu̱xuxẽẽgüxü̃.

Popera ga Yudíugü ga yaxõgüxü̃ca̱x ümatüxü̃ 7:7

Rü guxãma nüxü̃ tacua̱x rü ngẽxguma texé togueca̱x Tupanaarü ngü̃xẽẽca̱x ícaxgu, rü yíxema nüxna caxe rü ngẽma norü ngü̃xẽẽca̱x ítacaxü̃arü yexera tixĩ.

Popera ga Yudíugü ga yaxõgüxü̃ca̱x ümatüxü̃ 7:9

Rü ñu̱xma rü guxü̃ma i chacherdótegü i Lebítaagü ixĩgüxü̃ rü ngĩxü̃ yauxgüxü̃ i ngẽma diésmu i Tupanana ücü, rü nümagü rü ta Abraáü̃maxã Melquichedéxna nanaxãgü i ngẽma diésmu i Tupanana üxü̃. Yerü nüma ga Lebí rü guxü̃ma ga nataagü i ñu̱xma Yudíugüarü chacherdótegü ixĩgüxü̃, rü woo nax tauta nabuexü̃ ga yexguma, natürü marü Abraáü̃xü̃newa nayexmagü ga yexguma Melquichedéx namawa Abraáü̃pe̱xegu yanguxgu.