Popera ga Yudíugü ga yaxõgüxü̃ca̱x ümatüxü̃ 7:27 - Tupanaarü Ore

²⁷ Rü Ngechuchu rü tama ngẽma togü i chacherdótegüerurüxü̃ nixĩ. Erü nümagü rü nanaxwa̱xe nax wüxichigü i ngunexü̃gu Tupanaca̱x naxü̃nagü nada̱i̱xü̃ nax ngẽmaãcü Tupana nüxü̃́ nüxü̃ rüngü̃maxü̃ca̱x i norü pecadugü rü guxü̃ i duü̃xü̃güarü pecadugü rü ta. Natürü nüma ga Ngechuchu rü yexguma nügü inaxãxgu, rü wüxicanatama pecaduca̱x nayu. Rü ngẽma rü taguma inayarüxo.

Popera ga Yudíugü ga yaxõgüxü̃ca̱x ümatüxü̃ 7:27 Referans Kwoze

Popera ga Yudíugü ga yaxõgüxü̃ca̱x ümatüxü̃ 9:12

Rü Cristu rü wüxicanatama daxũguxü̃ i naanegu naxücu ya Tupana íngẽxmaxü̃wa, rü guxü̃guma ngéma nangẽxma. Rü tama yéma nanange ga nagü ga chíbugü rü wocaxacügü, natürü nagütama yéma nange. Rü yemaacü taétüwa nachogü nax guxü̃guma tüxü̃́ nangẽxmaxü̃ca̱x i maxü̃ i taguma guxü̃.

Popera ga Yudíugü ga yaxõgüxü̃ca̱x ümatüxü̃ 9:14

Natürü nagü ya Cristu rü naporaxüchi norü yexera ya yimá nagü i ngẽma naxü̃nagü. Rü nüma ya Cristu rü Tupanaãxẽarü poramaxã nügü inaxã rü nayu nax ãmare i ngẽarü chixexü̃ã́xü̃ yixĩxü̃ca̱x nax yemaacü yanaxoxẽẽãxü̃ca̱x i tórü chixexü̃ i tórü ĩnüwa ngẽxmagüxü̃ nax ngẽmaãcü Tupana ya Maxü̃cüca̱x imaxẽxü̃ca̱x.

Efesios 5:2

Rü name i pegü pengechaü̃gü yema Cristu tüxü̃ ngechaü̃xü̃rüxü̃. Rü nüma rü taxca̱x nügü inaxã rü taxca̱x nayu nax yemaacü Tupanaca̱x wüxi i ãmare i chi̱xemaxü̃ yixĩxü̃ca̱x.

Popera ga Yudíugü ga yaxõgüxü̃ca̱x ümatüxü̃ 5:3

Rü ngẽma chacherdotegüarü ãẽ̱xgacü rü tama ngẽma duü̃xü̃güarü pecaduca̱xicatama nixĩ i Tupanaca̱x ínaguaxü̃ i naxü̃nagü, natürü noxrütama pecaduca̱x rü ta nixĩ i ínaguaxü̃ i naxü̃nagü nax ngẽmaãcü Tupana nüxü̃́ nüxü̃ rüngü̃maxü̃ca̱x i noxrütama pecadugü rü ngẽma duü̃xü̃güarü pecadugü rü ta.

Popera ga Títoca̱x naxümatüxü̃ ga Pauru 2:14

Rü nüma ga Ngechuchu rü taxca̱x nayu nax tüxü̃ ínanguxü̃xẽẽxü̃ca̱x nawa i guxü̃ma i chixexü̃, rü mea tüxü̃ yamexẽẽgüxü̃ca̱x nax norü duü̃xü̃gü ixĩgüxü̃ca̱x rü guxü̃guma mexü̃ ixügüxü̃ca̱x.

Romanos 6:10

Rü yexguma nayu̱xgu ga Cristu rü yexma wüxicana ningutanü ga guxü̃ma ga duü̃xü̃güarü pecadugü. Rü ñu̱xma nax namaxü̃xü̃, rü Tupanaca̱x nixĩ i namaxü̃xü̃ nax Tupanaarü ngúchaü̃ naxüxü̃ca̱x.

Popera ga Yudíugü ga yaxõgüxü̃ca̱x ümatüxü̃ 9:25

Rü nüma ga Cristu rü tama muẽ̱xpü̱xcüna pecaduca̱x nayu ga yexguma daxũgu naxücugu. Rü yema Yudíugüarü chacherdótegüarü ãẽ̱xgacügü rü gucü ga taunecügügu gumá Tupanapatagu nachocu nax yéma Tupanana naxãgüãxü̃ca̱x ga nagü ga naxü̃nagü.

Lebítanüxü̃arü puracüchiga 16:11

Rü nüma ya Aróü̃ rü tá cha̱u̱xca̱x nayagu i ngẽma wocaxacü i noxrütama pecaduarü ütanüruxü̃ nax nüxü̃́ nüxü̃ icharüngümaxü̃ca̱x i noxrütama pecadugü rü napatacüã̱xarü pecadugü.

Popera ga Yudíugü ga yaxõgüxü̃ca̱x ümatüxü̃ 9:7

Natürü yema to ga naxmachiãwa rü yema chacherdótegüarü ãẽ̱xgacüxicatama nixĩ ga wüxicanatama yexma ücuxü̃ ga wüxichigü ga taunecügu. Rü yexguma yexma naxücu̱xgu rü yéma nanange ga nagü nax gumámaxã yema baúxü̃ namaxcuétüxü̃. Rü yemaacü ga yema chacherdótegüarü ãẽ̱xgacü rü Tupanana nanaxã ga gumá nagü nax noxrütama pecaduxü̃ rü yema duü̃xü̃güarü pecadu ga naxücüraxü̃xü̃ iyanangümaxü̃ca̱x ga Tupana.

Popera ga Yudíugü ga yaxõgüxü̃ca̱x ümatüxü̃ 5:1

Rü guxü̃ma i ngẽma chacherdotegüarü ãẽ̱xgacügü rü yatügütanüwa nüxü̃ naxunetagü nax nüma rü duü̃xü̃güxü̃ ínapoxü̃ i Tupanape̱xewa rü Tupanaca̱x inaxããxü̃ca̱x i ãmaregü rü nadaiaxü̃ca̱x i naxü̃nagü nax ngẽmaãcü Tupana duü̃xü̃güaxü̃́ nüxü̃ iyanangümaxü̃ca̱x i norü pecadugü.

Lebítanüxü̃arü puracüchiga 16:15

Rü ngẽmawena rü tá nayama̱x i ngẽma chíbu i duü̃xü̃güarü pecaduarü ütanüruxü̃ ixĩxü̃. Rü yimá nagü i ngẽma chíbu rü tá ngẽma Tupanapataarü tüyemachiü̃arü aixepewa nanange. Rü ngéma aixepewa rü yimá nagümaxã tá nanamaxcuétü rü nanamaxcupe̱xe i ngẽma baúátaü̃ ngẽxgumarüxü̃ nax wocaxacügümaxã namaxcuãxü̃rüxü̃.

Lebítanüxü̃arü puracüchiga 16:6

Rü tá cha̱u̱xca̱x nayagu i ngẽma wocaxacü i noxrütama pecadugüarü ütanüruxü̃ rü napatacüã̱xarü pecadugüarü ütanüruxü̃.

Efesios 2:22

Rü ngẽmaãcü i pemax nax Cristuarü pixĩgüxü̃, rü wüxigu wüxichigü i pemax rü Tupanapata i Naãxẽ ya Üünexü̃ nawa maxü̃ne pixĩgü.

Echequié 43:19

Rü ngẽma chacherdótegü i Lebítanüxü̃ i Chadóxtaagü tá nixĩ i cha̱u̱xca̱x naxügüxü̃ i ngẽma puracü. Rü cuma rü tá nüxna cunamu i wüxi i wocaxacü i yatüxü̃ nax pecadutanü cha̱u̱xca̱x yagugüãxü̃ca̱x. Rü choma ya Cori ya Tupana rü ngẽma nixĩ i cuxü̃ chamuxü̃.

Popera ga Yudíugü ga yaxõgüxü̃ca̱x ümatüxü̃ 8:4

Rü ngẽxguma chi ñoma i naanewa nangẽxmagu ya Ngechuchu rü taxũchima chacherdóte nixĩ, erü ñoma i naanewa nangẽxmagü i ngẽma chacherdótegü i Tupanana ãmare ãgüxü̃, yema Moichéarü mugü nüxü̃ ixuxü̃rüxü̃.

Popera ga Yudíugü ga yaxõgüxü̃ca̱x ümatüxü̃ 9:26

Natürü ngẽxguma chi ngẽmaãcü Cristumaxã nangupetügu rü chi noxri naane ixügügumama rü chi marü muẽ̱xpü̱xcüna pecaduarü ütanüxü̃ca̱x nayu. Natürü ñu̱xma nax nagúxchaü̃xü̃ i naane rü Cristu rü marü ñoma ga naanewa nangu nax wüxicanatama nayuxü̃ca̱x nax duü̃xü̃güarü pecadu naxütanüxü̃ca̱x.