Popera ga Yudíugü ga yaxõgüxü̃ca̱x ümatüxü̃ 7:18 - Tupanaarü Ore

^18-19 Rü yemaca̱x ga yema nüxíraxü̃xü̃ ga mugü ga Moiché ümatüxü̃ rü narüxo, yerü natura rü taxuwama name, yerü tama aixcüma Tupanape̱xewa tüxü̃ nimexẽẽgü. Rü ñu̱xma rü yema mugüchicüxü tüxü̃́ nangẽxma i wüxi i ngü̃xẽxẽ i yexera mexü̃ i tüxü̃́ natauxchaxẽẽxü̃ nax Tupanaxü̃tawa ingugüxü̃.

Popera ga Yudíugü ga yaxõgüxü̃ca̱x ümatüxü̃ 7:18 Referans Kwoze

Romanos 8:3

Rü yemaacü Tupana nanaxü ga yema taxucürüwa naxüxü̃ ga yema mugü ga Moiché ümatüxü̃. Erü taxúema namaxã tapora i tümaarü ngúchaü̃ nax chixexü̃ taxüxü̃. Rü yemaca̱x ga Tupana rü ñoma ga naanewa nanamu ga Nane, rü duü̃xü̃ i pecaduã́xü̃rüxü̃ nixĩ ga naxü̃ne nax yemaacü pecadugagu nayuxü̃ca̱x nax tama tamaxã naporaxü̃ca̱x i ngẽma pecadu.

Ngechuchuarü ngúexü̃gü ga yamugüxü̃arü puracüchiga 13:39

Rü ñu̱xma ya guxãma ya yíxema nüxü̃́ yaxõgüxe, rü Ngechuchugagu Tupana tüxü̃́ nüxü̃ narüngüma i guxü̃ma ga yema pecadugü ga noxri taxucürüwa tüxü̃́ nüxü̃ yanangümaxü̃ ga yexguma nagu taxĩxgu ga yema mugü ga Moiché ümatüxü̃.

Gálatas 4:9

Natürü i ñu̱xma nax Tupanaxü̃ pecuáxü̃ rü nüma nax pexü̃ nacuáxü̃, rü ¿tü̱xcüü̃ wena naxca̱x pewoeguchaü̃ i ngẽma mugü i ñoma i naanemaxã icua̱xgüxü̃? ¿Rü tü̱xcüü̃ penaxwa̱xe nax wena natüü̃wa pegü pengẽxmagüxẽẽxü̃ i ngẽma mugü i tama aixcüma poraexü̃ i natüca̱xmamare ixĩgüxü̃?

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:8

Rü wüxi i mexü̃ nixĩ nax yaxĩã̱xcüüxẽẽxü̃ i taxü̃ne nax naporaxü̃ca̱x. Natürü ngẽmaarü yexera narümemae nixĩ nax yigü iporaxẽẽxü̃ nax Tupanaga ixĩnüxü̃ca̱x erü ngẽma rü guxü̃wama tüxü̃́ name i ñu̱xma nax imaxẽxü̃ rü guxü̃gutáma i daxũguxü̃ i naanewa rü ta.

Popera ga Yudíugü ga yaxõgüxü̃ca̱x ümatüxü̃ 13:9

Rü tama name i peyaxõgü i ngẽma ngu̱xẽẽtaegü i tama toma pexü̃ namaxã tangúexẽẽxü̃ i tama Tupanaarü ixĩgüxü̃. Rü nũxcüma nagu taxĩ ga yema mugü ga Moiché ümatüxü̃ ga tüxna nachu̱xuxü̃ nax ta̱xacü ixüxü̃ rü ta̱xacü ingṍxü̃. Natürü narümemae nixĩ nax Tupanaarü ngechaü̃maxã napaxü̃ i tórü maxü̃ nax tórü õwa iporaexü̃ca̱x

Gálatas 3:17

Rü ngẽmaãcü pemaxã chanango̱xẽxẽ nax Tupana rü Abraáü̃maxã namexẽẽãxü̃ rü namaxã inaxunetaxü̃ nax Cristugagu tá yixĩxü̃ i duü̃xü̃güxü̃ nangü̃xẽẽxü̃. Rü ngẽmaca̱x i ñu̱xma rü yema Moiché ümatüxü̃ ga mugü ga 430 ga taunecü yema unetawena ínguxü̃, rü taxucürüwama inayanaxoxẽxẽ ga yema Tupanaarü uneta ga Abraáü̃maxã nüxü̃ yaxuxü̃.

Gálatas 4:21

Rü pema nax ngẽma Moiché ümatüxü̃ i mugütüü̃wa pegü pengẽxmagüxẽẽchaü̃xü̃, rü chanaxwa̱xe i chomaxã nüxü̃ pixu rü aixcüma nüxü̃ pecuá nax ñuxũ ñaxü̃ i ngẽma mugü.

Gálatas 3:15

Pa Chauenexẽgüx, ñu̱xma rü tá pemaxã nüxü̃ chixu i wüxi i cua̱xruxü̃. Rü ngẽxguma wüxi ya yatü rü texémaxã ta̱xacüca̱x inaxunetagu, rü wüxi i poperagu nanaxümatü rü ñu̱xũchi naéga nagu naxümatü, rü ngẽmaãcü taxucürüwa texé itayanaxoxẽxẽ rü ẽ̱xna tanaxüchicüü i ngẽma norü uneta.

Romanos 3:31

Rü ñu̱xma nax Cristuaxü̃́ yaxõgüxü̃, rü bexmana nagu perüxĩnüe nax taxuwama namexü̃ i ngẽma mugü ga Moiché ümatüxü̃. Natürü tama ngẽmaãcü nixĩ. Erü ñu̱xma nax Cristuaxü̃́ yaxõgüxü̃ rü aixcüma tayanguxẽxẽ i ngẽma mugü.

Gálatas 3:21

¿Rü ñuxũ ñapegüxü̃ i ñu̱xmax? ¿Pexca̱x ẽ̱xna rü yema Moiché ümatüxü̃ ga mugü rü inayanaxoxẽxẽ i Tupanaarü unetagü? Rü dücax, tama ngẽmaãcü nixĩ. Yerü yexguma chi naporagu ga yema mugü nax tüxna naxããxü̃ i maxü̃ i taguma gúxü̃, rü chi Tupanape̱xewa time i ngẽxguma meama yanguxẽẽgu i ngẽma mugü.