Popera ga Yudíugü ga yaxõgüxü̃ca̱x ümatüxü̃ 7:16 - Tupanaarü Ore

¹⁶ Rü nüma ga Ngechuchu rü tama yema mugü ga duü̃xü̃gütanüwa ne ũxü̃gagu ningucuchi nax Chacherdóte yixĩxü̃ca̱x, natürü ningucuchi yerü nüxü̃́ nayexma ga pora nax yuwa ínadaxü̃ca̱x nax guxü̃guma namaxechaxü̃ca̱x.

Popera ga Yudíugü ga yaxõgüxü̃ca̱x ümatüxü̃ 7:16 Referans Kwoze

Colosenses 2:20

Rü pema rü ñu̱xma nax Cristuaxü̃́ peyaxõgüxü̃ rü marü tama name nax naga pexĩnüexü̃ i ngẽma Yudíugüarü mugü. ¿Rü tü̱xcüü̃ nixĩ i ñoma i naanecüã̱xrüxü̃ nagu pemaxẽxü̃ i ngẽma Yudíugücümagü?

Yema Cuáü̃ nüxü̃ dauxü̃ i yixcüra tá ngupetüxü̃chiga 1:18

Rü ñu̱xma rü chamaxü̃. Rü woo chayu, natürü ñu̱xma chamaxü̃ nax guxü̃gutáma chamaxechaxü̃ca̱x. Rü choma nixĩ i namaxã ichacuáxü̃ i ngẽma yu, rü namaxã ichacua̱x i ngẽma nachica i yuexü̃ nawa ngẽxmagüxü̃.

Popera ga Yudíugü ga yaxõgüxü̃ca̱x ümatüxü̃ 10:1

Rü ngẽma mugü ga Moiché ümatüxü̃ rü naxchipetamare nixĩ i ngẽma mexü̃gü i yixcüra tá íngugüxü̃, natürü tama ngẽma mexü̃güxüchi nixĩ. Rü ngẽmaca̱x woo duü̃xü̃gü gucü ya taunecügügu Tupanaca̱x nanadaíxü̃ i naxü̃nagü nax ngẽmaãcü Tupanana nangaicamagüxü̃ca̱x, natürü ngẽma mugü rü tama napora nax Tupanape̱xewa yamexẽẽãxü̃ca̱x i ngẽma duü̃xü̃güarü maxü̃.

Popera ga Yudíugü ga yaxõgüxü̃ca̱x ümatüxü̃ 7:28

Rü yema mugü ga Moiché ümatüxü̃wa duü̃xü̃gümarexü̃ naxuneta nax chacherdótegüerugü yixĩgüxü̃ca̱x. Natürü nümagü rü nipecaduã̱xgü. Natürü ñu̱xma ya Tupana rü yema mugü inaxãxguwena rü nügüégagu Nane ya Guxü̃guma Mecüxü̃ naxuneta nax guxü̃guma tórü chacherdóte ya Guxü̃étüwa Ngẽxmacü yixĩxü̃ca̱x.

Popera ga Yudíugü ga yaxõgüxü̃ca̱x ümatüxü̃ 7:3

Rü Tupanaarü ore ga nũxcüma ümatüxü̃wa rü tama nüxü̃ nixu nax texé tixĩxü̃ ga nanatü rü naé rü norü o̱xigü ga Melquichedéx. Rü ngẽxgumarüxü̃ ta tama nüxü̃ nixu i norü buxchiga rü norü yuxchiga. Rü ngẽmaãcü Tupana Nanerüxü̃ rü guxü̃guma chacherdóte nixĩ ga Melquichedéx.

Colosenses 2:14

Rü yexguma Cristu curuchagu yu̱xgu nixĩ ga Tupana yexma yanaxoxẽẽxü̃ ga yema mugü ga Moiché ümatüxü̃ ga guxchaxü̃ tamaxã üxü̃. Rü Tupana rü yemaacü nayanaxoxẽxẽ ga yema mugü ga yexguma curuchawa yapotagüãgu

Gálatas 4:9

Natürü i ñu̱xma nax Tupanaxü̃ pecuáxü̃ rü nüma nax pexü̃ nacuáxü̃, rü ¿tü̱xcüü̃ wena naxca̱x pewoeguchaü̃ i ngẽma mugü i ñoma i naanemaxã icua̱xgüxü̃? ¿Rü tü̱xcüü̃ penaxwa̱xe nax wena natüü̃wa pegü pengẽxmagüxẽẽxü̃ i ngẽma mugü i tama aixcüma poraexü̃ i natüca̱xmamare ixĩgüxü̃?

Gálatas 4:3

Rü yexgumarüxü̃ ta nixĩ ga tamaxã nangupetüxü̃ ga noxrix. Yerü yexguma tauta Cristuxü̃ icua̱xgu, rü natüü̃wa tayexmagü ga yema mugü i ñoma i naanemaxã icua̱xgüxü̃.

Popera ga Yudíugü ga yaxõgüxü̃ca̱x ümatüxü̃ 7:17

Rü ngẽmaca̱x i Tupanaarü ore i ümatüxü̃wa rü tórü Corichiga ñanagürü: “Cuma rü guxü̃gutáma Chacherdóte quixĩ, Melquichedéxrüxü̃”, ñanagürü.

Romanos 7:14

Nüxü̃ tacua̱x i ngẽma mugü rü Tupanaãxẽ i Üünexü̃wa ne naxũ. Natürü choma rü duü̃xü̃mare chixĩ, rü ngẽmaca̱x nixĩ i chomaxã inacuáxü̃ i ngẽma pecadu.

Popera ga Yudíugü ga yaxõgüxü̃ca̱x ümatüxü̃ 7:15

Rü ngẽmaãcü meama nango̱x nax Tupana nüxü̃ unetaxü̃ ga wüxi ga chacherdóte ga yexwaca̱xü̃cü ga tama Lebítanüxü̃ ixĩcü. Rü nüma nixĩ i tórü Cori ya Melquichedéxrüxü̃ ixĩcü.

Popera ga Yudíugü ga yaxõgüxü̃ca̱x ümatüxü̃ 9:14

Natürü nagü ya Cristu rü naporaxüchi norü yexera ya yimá nagü i ngẽma naxü̃nagü. Rü nüma ya Cristu rü Tupanaãxẽarü poramaxã nügü inaxã rü nayu nax ãmare i ngẽarü chixexü̃ã́xü̃ yixĩxü̃ca̱x nax yemaacü yanaxoxẽẽãxü̃ca̱x i tórü chixexü̃ i tórü ĩnüwa ngẽxmagüxü̃ nax ngẽmaãcü Tupana ya Maxü̃cüca̱x imaxẽxü̃ca̱x.