Popera ga Yudíugü ga yaxõgüxü̃ca̱x ümatüxü̃ 7:1 - Tupanaarü Ore

¹ Rü gumá Melquichedéx rü ĩane ga Charéü̃arü ãẽ̱xgacü nixĩ. Rü naétü Tupana ya Guxü̃étüwa Ngẽxmacüpe̱xewa duü̃xü̃güarü chacherdóte nixĩ. Rü yexguma Abraáü̃ napataca̱x taeguxgu nawena nax to ga nachixü̃anearü ãẽ̱xgacügümaxã nügü nada̱i̱xü̃ rü nüxü̃ naporamaexü̃, rü Melquichedéx rü namawa Abraáü̃pe̱xegu nayangu. Rü nüma ga Melquichedéx rü Tupanaégagu Abraáü̃maxã mexü̃ naxuegu.

Popera ga Yudíugü ga yaxõgüxü̃ca̱x ümatüxü̃ 7:1 Referans Kwoze

Popera ga Yudíugü ga yaxõgüxü̃ca̱x ümatüxü̃ 6:20

Rü yemaca̱x yexma Tupanaxü̃tagu nüxíra naxücu ga Ngechuchu nax ngéma guxü̃guma Tupanape̱xewa taétüwa nachogüxü̃ca̱x. Rü yemaacü ga Ngechuchu rü gumá chacherdóte ga Melquichedéxrüxü̃ Tupanape̱xewa chacherdóte nixĩ.

Miquéa 6:6

¿Rü ta̱xacümaxã tá nüxü̃ chayarücua̱xüxü̃ ya yimá Cori ya Tupana ya daxũcüã̱x? ¿Ẽ̱xna wocaxacügü i wüxi ya taunecü nüxü̃́ ngẽxmagüxü̃ tá naxca̱x íchaguxü̃ nax ngẽmamaxã nüxü̃ chicua̱xüü̃xü̃ca̱x?

Wiyaegü 57:2

Rü ñu̱xma rü tá nüxna chaca ya yimá Tupana ya Guxãétüwa Ngẽxmacü, erü nüma nixĩ i choxü̃ ínapoxü̃ rü choxü̃ nangü̃xẽẽxü̃.

Ore i mexü̃ ga Márcu ümatüxü̃ 5:7

Rü aita naxüãcüma ñanagürü nüxü̃: —¿Tü̱xcüü̃ nua choxü̃ cuyachixewe, Pa Ngechuchux ya Tupana ya Guxãétüwa Ngẽxmacü Nanex? Rü Tupanaégagu cuxü̃ chaca̱a̱xü̃ nax tama ngúxü̃ choxü̃ quingexẽẽxü̃ —ñanagürü.

Danié 5:18

Rü nüma ya Tupana ya Guxãétüwa Ngẽxmacü, rü cunatü ga Nabucudonochóna nanaxã nax nüma ãẽ̱xgacü ga poracü rü cua̱x nüxü̃́ yexmacü nax yixĩxü̃ca̱x.

Wiyaegü 76:2

Rü Yerucharéü̃wa nangẽma ya napata rü Chióü̃gu namaxü̃.

Ngechuchuarü ngúexü̃gü ga yamugüxü̃arü puracüchiga 16:17

Rü ngĩma towe ingẽ ga toma rü Pauru, rü tagaãcü ngĩgürügü: —Ñaa yatügü rü Tupana ya Guxãétüwa Ngẽxmacüarü duü̃xü̃gü nixĩgü, rü pemaxã nüxü̃ nixu i maxü̃ i taguma gúxü̃chiga —ngĩgürügü.

Danié 5:21

Rü duü̃xü̃güna nixũgachi rü yema norü ĩnü rü naxü̃nagüarü ĩnürüxü̃ nixĩ. Rü naixnecücüã̱x ga búrugütanüwa namaxü̃. Rü wocagürüxü̃ maxẽ nanangõ̱x rü cherenamaxã niwaixine. Rü yemaacü nüxü̃ nangupetü ñu̱xmata düxwa nüxna nacua̱xãchi nax yimá Tupana ya Guxãétüwa Ngẽxmacü nax nüxü̃́ ngẽxmaxü̃ i pora nax namaxã inacuáxü̃ i guxü̃ma i ãẽ̱xgacügü i ñoma i naanewa ngẽxmagüxü̃. Rü nüma ya Tupana rü ãẽ̱xgacüxü̃ tüxü̃ nixĩxẽxẽ ya yíxema nüma norü me ixĩxẽ nax ãẽ̱xgacü tixĩxü̃ca̱x.

Danié 4:2

Rü chanaxwa̱xe i pema rü nüxü̃ nax pecuáxü̃ i ngẽma taxü̃ i ngü̃xẽxẽ i poraãcü mexü̃ ya Tupana ya poracü cha̱u̱xca̱x üxü̃.

Wiyaegü 78:56

Natürü ga nüma ga yema Iraétanüxü̃ rü nüxü̃ naxügümare ya yimá Tupana ya Guxãétüwa Ngẽxmacü rü namaxã nanue rü tama naga naxĩnüechaü̃ ga norü mugü.

Popera ga Yudíugü ga yaxõgüxü̃ca̱x ümatüxü̃ 7:2

Rü Abraáü̃ rü guxü̃ma ga yemaxü̃gü ga yema ãẽ̱xgacügü ga namaxã nügü nada̱i̱xü̃na napuxü̃xü̃wa ínanaxüxüchi ga yema diésmu ga Tupanana üxü̃, rü Melquichedéxna nanaxã. Rü yema naéga ga Melquichedéx rü “Ãẽ̱xgacü ya Ixaixcümacü”, ñaxü̃chiga nixĩ. Rü nüma rü ĩane ga Charéü̃arü ãẽ̱xgacü nixĩ. Rü ngẽmaca̱x naéga rü “Ãẽ̱xgacü ya Ngüxmüxẽẽruxü̃”, ñaxü̃chiga nixĩ.

Popera ga Yudíugü ga yaxõgüxü̃ca̱x ümatüxü̃ 7:3

Rü Tupanaarü ore ga nũxcüma ümatüxü̃wa rü tama nüxü̃ nixu nax texé tixĩxü̃ ga nanatü rü naé rü norü o̱xigü ga Melquichedéx. Rü ngẽxgumarüxü̃ ta tama nüxü̃ nixu i norü buxchiga rü norü yuxchiga. Rü ngẽmaãcü Tupana Nanerüxü̃ rü guxü̃guma chacherdóte nixĩ ga Melquichedéx.

Popera ga Yudíugü ga yaxõgüxü̃ca̱x ümatüxü̃ 7:6

Natürü ga Melquichedéx rü woo tama Lebítaxa nixĩ, natürü Abraáü̃me̱xẽwa nanayaxu ga yema diésmu ga Tupanana üxü̃. Rü nüxü̃ tacua̱x nax Abraáü̃ yixĩxü̃ ga noxri nayaxucü ga Tupanaarü unetagü. Rü Melquichedéx rü Tupanaégagu Abraáü̃maxã mexü̃ naxuegu.