Popera ga Yudíugü ga yaxõgüxü̃ca̱x ümatüxü̃ 6:7 - Tupanaarü Ore

⁷ Rü wüxi i naane i pucü mea nagu nguxü̃ rü meama nanetü nawa nayae tümaca̱x ya yíxema nagu üanexe, rü Tupanaarü ngü̃xẽẽgagu nixĩ i ngẽma.

Popera ga Yudíugü ga yaxõgüxü̃ca̱x ümatüxü̃ 6:7 Referans Kwoze

Ochéa 10:12

Choma rü marüchire̱x pemaxã nüxü̃ chixu rü ñachagürü pexü̃: “Ngẽxguma aixcüma mexü̃ pexügügu rü tá pexna nangu i chorü ngechaü̃. ¡Penamexẽxẽ i perü maxü̃! Erü marü nawa nangu nax cha̱u̱xca̱x pedaugüxü̃ ñu̱xmatáta petanüwa changu nax peétügu chayabaxü̃ca̱x i chorü pora i namaxã pexü̃ íchapoxü̃xü̃”, ñachagürü.

Ichaía 44:3

Rü choma rü tá chayaya̱xẽxẽ i dexá i naxnücüanewa, rü íyapaanexü̃wa rü tá chanango̱xẽxẽ i natüacügü. Rü petaagüna tá chanamu ya Chauãxẽ ya Üünecü rü tá petaagüxü̃ charüngü̃xẽxẽ.

Wiyaegü 126:6

Rü yíxema auxãcüma yangéxpüü̃xe i tümaarü nanetüchire nax tayatoxü̃ca̱x rü ngẽxguma yaxo̱xgu rü tayabuxgügu i tümaarü nanetü rü wiyaeãcüma tá ítayangexpüü̃xü̃ i muxũchixü̃ i tümaarü nanetüarü o.

Popera ga Chantiágu ümatüxü̃ 5:7

Rü ñu̱xma Pa Chauenexẽgüx, rü name nixĩ i mea ípenangu̱xẽxẽ ñu̱xmatata ínangu ya tórü Cori. Rü yíxema naanewa puracüxe rü mea ítanangu̱xẽxẽ ya pucü nax naxügüxü̃ca̱x i tümanetü. Rü ñu̱xũchi ítanangu̱xẽxẽ nax nayaxü̃ i tümanetüarü o, rü ngẽxguma rü tá tayabuxgü.

Echequié 34:26

Rü chorü ma̱xpǘne ya üünecüwagu tá chanamugü i chorü carnérugü. Rü tá nüxü̃ charüngü̃xẽxẽxü̃ rü naxca̱x chanapuxẽxẽ nax mea nachibüexü̃ca̱x.

Wiyaegü 24:5

Rü Cori ya tümaarü Tupana ya tümaarü maxẽẽruxü̃ rü tá mexü̃ tümamaxã naxuegu rü tá tüxü̃ narüngü̃xẽxẽ.

Lebítanüxü̃arü puracüchiga 25:21

Rü choma rü ngẽxguma norü 6 ya taunecüwa nanguxgu rü tá pexü̃ charüngü̃xẽxẽ, rü ngẽma penetüarü o i yima taunecü pibuxü̃xü̃ rü tomaepü̱x ya taunecü tá pexü̃́ natai.

Maraquía 3:10

¡Rü chopata ya taxü̃nearü diẽruchixü̃gu peyaxǘ i ngẽma diẽru i choxrü ixĩxü̃! Rü ngẽmaãcü tá nangema i õna i chopatawa. ¡Rü dücax, choxü̃ pexü̱x! Rü ngẽmaãcü tá nüxü̃ pedau nax dauxü̃guxü̃ i naanearü beü̃tána chiwãxnaxü̃ rü peaneétügu chanapuxẽẽxü̃ ya pucü.

Naanearü ügüchiga 27:27

Rü yexguma Acóbu nanatüna nangaicamagu nax nachúxãxü̃ca̱x, rü nüma ga Ichaá rü nanechirugu nawĩxĩ. Rü yexguma ga Ichaá rü mexü̃ namaxã naxuegu, rü ñanagürü: —Ñaa nixĩ i naema ya chaune ya Echaú. Rü ngẽma naema rü ñoma wüxi i naane i chi̱xemaxü̃ i Tupana mexü̃ namaxã ueguxü̃rüxü̃ nixĩ.

Naanearü ügüchiga 1:11

Rü ñanagürü: —¡Naxügü i waixü̃müwa i naguxü̃raü̃xü̃ i nanetügü rü natüanegü i ãxchirexü̃ rü naigü i oṍxü̃! —ñanagürü. Rü yemaacü nango̱x.

Ore i mexü̃ ga Matéu ümatüxü̃ 7:8

Erü guxãma ya yíxema naxca̱x íca̱xaxe, rü tanayaxu. Rü guxãma ya naxca̱x dauxe, rü nüxü̃ itayangau. Rü guxãma ya yíxema norü ĩã̱xwa nüxna cagüxe, rü tá tümaca̱x nayawãxna.

Norü taxre ga popera ga Timutéuca̱x naxümatüxü̃ ga Pauru 2:6

Rü yíxema naanewa puracüxe rü name nixĩ i tüxíra tanabuxu i tümanetüarü o.