Popera ga Yudíugü ga yaxõgüxü̃ca̱x ümatüxü̃ 6:4 - Tupanaarü Ore

^4-6 Natürü ngẽxguma chi wüxíe Cristuaxü̃́ yaxõxgu, rü chi meama Tupanaxü̃ tacua̱xgu, rü chi Naãxẽ ya Üünexü̃ tüxna nguxgu rü chi mexü̃ tümawa naxü̱xgu, rü chi Tupanaarü orexü̃ tacua̱xgu, rü chi nüxü̃ tacua̱xgu i ngẽma pora i tá ínguxü̃, natürü ngẽxguma chi Cristuna tixũgachigu, rü marü taxucürüwama texé wenaxarü Tupanaca̱x tüxü̃ tataeguxẽxẽ, erü tüma rü ñoma wena Tupana Nanexü̃ curuchawa tayapotaxü̃rüxü̃ tayaxĩxẽxẽ, rü guxü̃ i duü̃xü̃güpe̱xewa ãne nüxü̃ tingexẽxẽ.

Popera ga Yudíugü ga yaxõgüxü̃ca̱x ümatüxü̃ 6:4 Referans Kwoze

Ore i mexü̃ ga Matéu ümatüxü̃ 5:13

Pema rü ñoma yucürarüxü̃ pixĩgü i ñoma i naanewa. Natürü ngẽxguma chi nangeacagu ya yucüra, ¿ta̱xacüwa chi i namexü̃ i ngẽxgumax? Rü taxuwama name, rü ítanata̱xmare, rü duü̃xü̃gü nawa nangagü.

Ore i mexü̃ ga Cuáü̃ ümatüxü̃ 15:6

Rü texé ya tama chowa yaxṹẽchaxe rü tá ítata̱xüchi. Rü wüxi i úbachacüxü i daexü̃ rü ipaxü̃ rü üxüwa iguxü̃rüxü̃ tá tixĩ.

Efesios 2:8

Rü Tupanaarü ngechaü̃gagu penayaxu i maxü̃ i taguma gúxü̃ yerü peyaxõgü. Rü ngẽma maxü̃ rü tama pegünatama penaxã, natürü Tupana nixĩ ga pexna naxãmarecü ga yema.

Ore i mexü̃ ga Cuáü̃ ümatüxü̃ 3:27

Rü Cuáü̃ nanangãxü̃ rü ñanagürü nüxü̃: —Taxúema ta̱xacü tüxü̃́ nangẽxma ega Tupana tama tüxna naxãxgu.

Popera ga Yudíugü ga yaxõgüxü̃ca̱x ümatüxü̃ 10:32

Rü name nixĩ i nüxna pecua̱xãchie ga yexguma noxri Cristuxü̃ peyauxgügu rü nüxü̃́ peyaxõgügu rü pema rü mea peyaxõgüama rü tama Cristuna pixĩgachi woo nax taxü̃ ga guxchaxü̃gü pexca̱x íngugüxü̃.

Ore i mexü̃ ga Matéu ümatüxü̃ 12:45

Rü ngẽma ngo̱xo rü ínixũ rü naxca̱x nayadau i to i 7 i ngo̱xogü i norü yexera chixexü̃. Rü guxü̃ma i ngẽma rü yimá yatügu nayachocu, rü ngẽxma naxãchiü̃gü. Rü ngẽxguma ya yimá yatü rü noxriarü yexera nachixe. Rü ngẽxgumarüxü̃ tá ta nüxü̃ naxüpetü i ñaa duü̃xü̃gü i chixecümaxü̃ —ñanagürü ga Ngechuchu.

Gálatas 3:2

Rü ñu̱xma rü pexna chaca, rü chanaxwa̱xe nax choxü̃ pengaxü̃xü̃. ¿Ẽ̱xna yema mugü nax pingu̱xẽxẽgüxü̃gagu yixĩxü̃ ga penayaxuxü̃ ga Tupanaãxẽ ya Üünecü, rü ẽ̱xna ngẽma ore i mexü̃ ga nüxü̃ pexĩnüexü̃ rü pixõgüxü̃gagu yixĩxü̃ ga penayaxuxü̃?

Norü taxre ga popera ga Timutéuca̱x naxümatüxü̃ ga Pauru 2:25

Rü wüxi i Tupanaarü puracütanüxü̃ rü name nax yáxna namaxã naxĩnüãcüma mea nayaxucu̱xẽgüãxü̃ i ngẽma duü̃xü̃gü i tama irüxĩnüechaü̃xü̃. Rü name i ínanangu̱xẽxẽ nax Tupana nüxü̃ rüngü̃xẽẽgüxü̃ i ngẽma duü̃xü̃gü nax naxca̱x nawoeguxü̃ca̱x rü nüxü̃ nacua̱xãchitanüxü̃ca̱x i ngẽma ore i aixcüma ixĩxü̃.

Nüxíraxü̃xü̃ ga popera ga Cuáü̃ ümatüxü̃ 5:16

Rü ngẽxguma chi texé nüxü̃ da̱u̱xgu i tümaenexẽ nax pecadu naxüxü̃, rü name nixĩ nax naxca̱x yumüxẽxü̃ ega tama pecadu i iyanatauxẽẽxü̃ yixĩxgu. Rü Tupana tá nanamaxẽxẽ i ngẽma tümaenexẽ ega tama pecadu i iyanatauxẽẽxü̃ yixĩxgu. Nangexma i pecadu i tüxü̃ iyarütauxẽẽxü̃. Rü ngẽxguma ngẽma pecaduwe naxũãmagu i wüxi i peenexẽ, rü tama pexü̃ chamu nax naxca̱x peyumüxẽgüxü̃.

Popera ga Yudíugü ga yaxõgüxü̃ca̱x ümatüxü̃ 2:4

Rü nümatama ga Tupana rü ta taxca̱x nanango̱xẽxẽ nax aixcüma yixĩxü̃ i Cristugagu tüxü̃́ nangẽxmaxü̃ i ngẽma maxü̃. Yerü nüma ga Tupana rü Naãxẽ ya Üünexü̃wa tüxü̃ nanawe̱x ga naguxü̃raü̃xü̃ ga taxü̃ ga mexü̃gü rü cua̱xruxü̃gü ga norü poramaxã naxüxü̃ yema nüma nanaxwa̱xexü̃ãcüma.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:14

Rü tama name i nüxü̃ curüngü̃ma i ngẽma cua̱x ga Tupana cuxna ãxü̃ ga yexguma yema yaxõgüxü̃arü ãẽ̱xgacügü cuétü üxme̱xgüãcüma cumaxã nüxü̃ yaxugügu nax Tupana cuxna naxãxü̃ ga yema cua̱x.

Ngechuchuarü ngúexü̃gü ga yamugüxü̃arü puracüchiga 11:17

Rü pema nüxü̃ pecua̱x nax ñuxãcü Tupana tüxna nanguxẽẽxü̃ ga Naãxẽ ya Üünecü i yixema nax Cori ya Ngechuchu ya Cristuaxü̃́ yaxõgüxü̃. Rü ñu̱xma nax taxrüxü̃ Tupana yema duü̃xü̃güna nanguxẽẽxü̃ ga Naãxẽ ya Üünecü, ¿rü ñuxũcürüwa i choma i nüxü̃ chaxoxü̃ nax naga chaxĩnüxü̃ ya Tupana? —ñanagürü ga Pedru.

Efesios 4:7

Natürü wüxichigü i yixema rü tanayaxu i ngẽma cua̱xgü i Cristu tüxna ãxchaü̃xü̃.

Efesios 3:7

Rü Tupana rü choxü̃ namu nax nüxü̃ chixuxü̃ca̱x i ngẽma norü ore i mexü̃, erü poraãcü nüxü̃́ changechaü̃tümüxü̃ rü chomaxã namecüma. Rü yemaacü chowa inanawe̱x ga taxü̃ ga norü pora.

Ngechuchuarü ngúexü̃gü ga yamugüxü̃arü puracüchiga 10:45

Rü yema yaxõgüxü̃ ga Yudíugü ga Pedrumaxã yéma ĩxü̃, rü poraãcü naba̱i̱xãchiãẽgü, yerü Tupanaãxẽ ya Üünecü rü nüxna nangu ga yema tama Yudíugü ixĩgüxü̃.

Ngechuchuarü ngúexü̃gü ga yamugüxü̃arü puracüchiga 8:20

Rü yexguma ga Pedru rü ñanagürü nüxü̃: —¡Cumaxã iyanataxu̱x i curü diẽru, erü ngĩmaxã naxca̱x cutaxechaü̃ i Naãxẽ ya Üünecü ya Tupana tüxna mumarexü̃!

Ore i mexü̃ ga Cuáü̃ ümatüxü̃ 6:32

Rü Ngechuchu nanangãxü̃ rü ñanagürü nüxü̃: —Aixcüma pemaxã nüxü̃ chixu rü tama nixĩ ga Moiché yixĩxü̃ ga nüxna naxãxü̃ ga yema paũ ga daxũcüã̱x, natürü Chaunatü ga Tupana nixĩ ga nüxna naxãcü. Rü nüma nixĩ i ñu̱xma i pexna naxããxü̃ i ngẽma paũ i aixcüma ixĩxü̃ i daxũwa ne ũxü̃.

Iraétanüxü̃arü muxchiga 24:3

Rü yexguma ga Balaáü̃ rü nüxü̃ nixu ga ñaa ore nachiga ga Iraétanüxü̃, rü ñanagürü: —Ñaa nixĩ i norü ore i Balaáü̃ i Beúx nane i aixcüma mea nüxü̃ cuácü i ngẽma nüxü̃ nadauxü̃, rü nüxü̃ ĩnücü i ngẽma ore ya Tupana nüxü̃ ixuxü̃, rü nüxü̃ cuácü ya yimá Tupana ya Guxãétüwa Ngẽxmacü nagu rüxĩnüxü̃, rü nüxü̃ cuácü i ngẽma Tupana nüxü̃ wéxü̃, rü Tupanaãxẽ nüxna ngucü nax nango̱xetüxü̃ca̱x.

Gálatas 3:5

Rü yexguma Tupana pexna namuxgu ga Naãxẽ ya Üünexü̃, rü petanüwa naxüãgu ga taxü̃ ga mexü̃gü ga norü poramaxã naxüxü̃, ¿rü ta̱xacügagu nixĩ ga naxüaxü̃ ga yema? ¿Pexca̱x rü mugü nax pingu̱xẽẽxü̃gagu yixĩxü̃ ga Tupana naxüxü̃ ga yema? Tama yemagagu nixĩ. Tupana rü petanüwa nanaxü ga yema taxü̃ ga mexü̃gü yerü nüxü̃́ peyaxõgü ga norü ore ga nüxü̃ pexĩnüexü̃.

Ngechuchuarü ngúexü̃gü ga yamugüxü̃arü puracüchiga 15:8

Rü yimá Tupana ya guxãarü maxü̃xü̃ cuácü rü tüxü̃ nüxü̃ nadauxẽxẽ nax nadeaxü̃ i ngẽma duü̃xü̃gü i tama Yudíugü ixĩgüxü̃, yerü nüxna nanamu ga Naãxẽ ya Üünecü yema tüxna namuaxü̃rüxü̃.

Ore i mexü̃ ga Cuáü̃ ümatüxü̃ 4:10

Rü Ngechuchu ngĩxü̃ nangãxü̃, rü ñanagürü: —Ngẽxguma chi nüxü̃ cucua̱xgu i ngẽma Tupana cuxna ãxchaü̃xü̃, rü chi nüxü̃ cucua̱xgu nax texé yixĩxü̃ ya yimá dexáca̱x cuxna cacü, rü cuma rü chi nüxna cuca i dexá, rü nüma rü chi cuxna nanaxã i dexá i maxü̃ nawa ngẽxmaxü̃ —ñanagürü.

Norü taxre ga popera ga Timutéuca̱x naxümatüxü̃ ga Pauru 4:14

Areyándru i buetare i cobrenaxca̱xarü üwa puracüxü̃ rü poraãcü guxchaxü̃ cha̱u̱xca̱x ínanguxẽxẽ. Natürü Tupana rü tá nüxü̃ nanaxütanü naxca̱x ga yema chixexü̃ ga naxüxü̃.

Romanos 1:11

Erü aixcüma choxü̃́ nangúchaü̃ nax pexü̃ chadauxü̃ rü pemaxã nüxü̃ chixuxü̃ i Tupanaarü ore nax yexeraãcü peporaexü̃ca̱x i perü õwa.

2 Corintios 4:4

Erü nümagü nax tama yaxõgüãxü̃, rü ñoma i naanearü ãẽ̱xgacü i Chataná nixĩ i nüxü̃́ naguxchaxẽẽxü̃ nax tama nüxü̃ nacua̱xgüxü̃ca̱x i Cristu ya Üünecüarü ore i ñoma omürüxü̃ poraãcü nangóonexẽẽxü̃. Rü Cristuwa nixĩ i nügü nawéxü̃ ya Tupana.

2 Corintios 4:6

Erü nümatama ya Tupana ga noxri naane naxü̱xgux rü ẽanexü̃wa nanango̱xẽxẽ ga ngóonexü̃. Rü nümatama nixĩ i ñu̱xma i tüxü̃ yango̱xnaãẽxẽẽgüxü̃ nax ngẽmawa nüxü̃ icuáxü̃ca̱x nax nüma rü naxüünexü̃. Rü ngẽma norü üüne rü Ngechuchu ya Cristuchiwewa nixĩ i nangóxü̃.

Efesios 1:18

Rü Tupanana naxca̱x chaca nax nümatama pexü̃ yango̱xnaãẽxẽẽxü̃ca̱x, nax nüxü̃ pecuáxü̃ca̱x nax ta̱xacü yixĩxü̃ i ngẽma ípenangu̱xẽẽxü̃ i naxca̱x pexca̱x naca̱xaxü̃ rü pexü̃ nadexü̃. Rü nüxna naxca̱x chaca nax pexü̃ nüxü̃ nacua̱xẽẽxü̃ca̱x nax namexẽchixü̃ i ngẽma maxü̃ i taguma gúxü̃ i nüma norü duü̃xü̃güca̱x namexẽẽxü̃ i daxũguxü̃ i naanewa.

Lebítanüxü̃arü puracüchiga 13:55

Rü nawena nax marü dexáwa naya̱u̱xãxü̃ i ngẽma ngẽmaxü̃ i chúxü̃, rü nüma i chacherdóte rü wena tá nüxü̃ nadau. Rü ngẽxguma nüxü̃ nada̱u̱xgu nax tama iyanaxoxü̃ nax yachúxü̃, rü ngẽmawa tá nüxü̃ nacua̱x nax chaxüne yixĩxü̃ i ngẽma nax yachúxü̃, rü name nax wüxicana yaguxü̃ i ngẽma ngẽmaxü̃ woo tama yaxũãmagu nax yachúxü̃. Rü ngẽxguma norü düxétüwa rü norü aixepewa yachu̱xgu, rü ngẽmawa nüxü̃ nacua̱x nax wüxi i ãũcümaxü̃ nax yixĩxü̃.

Lebítanüxü̃arü puracüchiga 14:43

Rü ngẽxguma wenaxarü yima ĩpatawa nango̱xomagu i ngẽma chúxü̃ nawena nax marüchire̱x nadeaxü̃ ya yimá nutagü, rü marüchire̱x nadüxtapü̱xgüãxü̃ rü ngexwaca̱xü̃xü̃ i ñaxruü̃maxã nachaxtapü̱xgüãxü̃, rü ngẽxguma ya chacherdóte rü wena tá nagu naxücu ya yima ĩpata nax nüxü̃ nadauxü̃ca̱x rü nangugüãxü̃ca̱x. Rü ngẽxguma guxü̃wama nanguxgu nax yachu̱xüxtapǘxü̃, rü ngẽma rü ãũcümaxü̃ nixĩ nax yachúxü̃ ya yima ĩpata, rü Tupanape̱xewa naxãũãchi.