Popera ga Yudíugü ga yaxõgüxü̃ca̱x ümatüxü̃ 6:2 - Tupanaarü Ore

² Rü ngẽxgumarüxü̃ ta taxuca̱xma tü̱xcüü̃ wena pexü̃ tangúexẽxẽ nax ñuxãcü Tupanaca̱x íibaiü̃xü̃ rü ñuxãcü duü̃xü̃güxü̃ ingógüãcüma namaxã iyumüxéxü̃. Rü ngẽxgumarüxü̃ ta taxuca̱xma tü̱xcüü̃ wena pexü̃ tangúexẽxẽ nax ñuxãcü tá wena namaxẽxü̃ i duü̃xü̃gü i yuexü̃ rü ñuxãcü naanearü gu̱xgu rü Tupana tá wüxichigü i duü̃xü̃güna ca̱xaxü̃ i norü maxü̃chiga.

Popera ga Yudíugü ga yaxõgüxü̃ca̱x ümatüxü̃ 6:2 Referans Kwoze

Ngechuchuarü ngúexü̃gü ga yamugüxü̃arü puracüchiga 6:6

Rü yema ngúexü̃gü ga Ngechuchu imugüxü̃xü̃tawa nanagagü. Rü nümagü rü naxme̱xgümaxã nüxü̃ yangõgüãcüma namaxã nayumüxẽgü.

Ngechuchuarü ngúexü̃gü ga yamugüxü̃arü puracüchiga 24:25

Natürü yexguma Pauru namaxã nüxü̃ ixuxgu nax Tupana naxwa̱xexü̃ nax mea imaxü̃xü̃ rü nanaxwa̱xexü̃ nax tórü maxü̃maxã mea icuáxü̃ rü wüxi i ngunexü̃ Tupana tá tüxna naca̱xaxü̃ i tórü maxü̃chiga, rü yexguma ga Férix rü poraãcü naba̱i̱xãchi. Rü ñanagürü nüxü̃: —¡Ẽcü íixũ i ñu̱xmax! Rü ngẽxguma ñuxguacü icharüxã̱ũ̱xmaregu, rü wena táxarü cuxca̱x changema —ñanagürü.

Ngechuchuarü ngúexü̃gü ga yamugüxü̃arü puracüchiga 23:6

Rü yexguma Pauru nüxü̃ cua̱xgu nax Chaduchéugü yixĩxü̃ ga nümaxü̃ ga ãẽ̱xgacügü rü togü rü Parichéugü nax yixĩxü̃, rü yema ãẽ̱xgacügüpe̱xewa tagaãcüma ñanagürü: —Pa Chautanüxü̃x, choma rü Parichéu chixĩ, rü Parichéu nane chixĩ. Rü choma rü chayaxõ nax wena tá namaxẽxü̃ i yuexü̃, rü ngẽmagagu choxü̃ ípexuãü̃gü i ñu̱xmax —ñanagürü.

Ngechuchuarü ngúexü̃gü ga yamugüxü̃arü puracüchiga 17:18

Rü nayexmagü ta ga ñuxre ga yatügü ga Epicúriugüarü ngu̱xẽẽtaewa ngúexü̃, rü togü ga Etóicugüarü ngu̱xẽẽtaewa ngúexü̃. Rü nümagü rü inanaxügüe ga Paurumaxã nax yanaxutagagüxü̃. Rü ñuxre ga nümagü rü ñanagürügü: —¿Rü ta̱xacü nixĩ i nüxü̃ yaxuxü̃ i ñaa yatü i idexaechamarexü̃? —ñanagürügü. Rü togü nanangãxü̃gü, rü ñanagürügü: —Maneca wüxi i to i nachixü̃anecüã̱xarü tupanagüarü orearü uruxü̃ nixĩ —ñanagürügü. Rü yemaacü nidexagü ga yema duü̃xü̃gü, yerü Pauru rü nüxü̃ nixu ga ore ga mexü̃ ga Ngechuchuchiga rü wena nax namaxü̃xü̃chiga.

Ngechuchuarü ngúexü̃gü ga yamugüxü̃arü puracüchiga 16:33

Rü yematama oragu ga chütacü, rü nüma ga yema poxcupataü̃arü dauruxü̃ nayayauxgü ga norü o̱xrigü ga Pauru rü Chíra. Rü yemawena rü ñu̱xũchi ínabaie wüxigu naxma̱xmaxã rü naxacügümaxã.

Ngechuchuarü ngúexü̃gü ga yamugüxü̃arü puracüchiga 16:15

Rü yemawena rü ñu̱xũchi íibaie wüxigu namaxã ga guxü̃ma ga ngĩtanüxü̃. Rü yixcaama rü toxü̃ ica̱a̱xü̃ ñaxü̃maxã: —Ngẽxguma pema choxü̃ peda̱u̱xgu nax aixcüma Coriaxü̃́ chayaxõxü̃, rü marü name ega chopatagu peyapegügu —ngĩgürügü. Rü yéma toxü̃ ixĩxẽxẽ.

Ngechuchuarü ngúexü̃gü ga yamugüxü̃arü puracüchiga 10:47

Rü yexguma ga Pedru rü ñanagürü: —¿Ẽ̱xna nangẽxmaxü̃ nax texé nüxna nachu̱xuxü̃ nax ínabaiü̃xü̃ i ñaa duü̃xü̃gü i marü taxrüxü̃ Tupanaãxẽ ya Üünecü nüxna nguxü̃? —ñanagürü.

Ngechuchuarü ngúexü̃gü ga yamugüxü̃arü puracüchiga 2:41

Rü yema duü̃xü̃gü ga naga ĩnüexü̃ ga yema ore ga Pedru namaxã nüxü̃ ixuxü̃, rü ínabaiü̃. Rü yema ngunexü̃gu rü poraãcü nayexera ga nax yamuxü̃ ga yema yaxõgüxü̃. Rü 3,000 ga duü̃xü̃gü nixĩ ga Ngechuchuaxü̃́ yaxõgüxü̃ ga yexguma.

Ngechuchuarü ngúexü̃gü ga yamugüxü̃arü puracüchiga 2:38

Rü Pedru nanangãxü̃, rü ñanagürü: —¡Nüxü̃ perüxoe i pecüma i chixexü̃ rü Tupanaca̱x pedaugüe rü Ngechuchuégagu ípebaiü̃ nax pexü̃́ nüxü̃ nangü̃maxü̃ca̱x i perü pecadugü ya Tupana! Rü Tupana tá pexna nanamu i Naãxẽ ya Üünecü.

Ore i mexü̃ ga Cuáü̃ ümatüxü̃ 1:33

Choma rü noxri tama nüxü̃ chacua̱x ga texe nax yixĩxü̃ ga nümax. Natürü ga Tupana ga choxü̃ mucü nax dexáwamare duü̃xü̃güxü̃ íchabaiü̃xẽẽxü̃, rü ñanagürü choxü̃: “Yimá nüxü̃ cudaucü nax Chauãxẽ i Üünexü̃ naétügu írüxĩxü̃, rü yimá tá nixĩ ya Chauãxẽ i Üünexü̃ duü̃xü̃güna nguxẽẽcü”, ñanagürü choxü̃.

Ore i mexü̃ ga Márcu ümatüxü̃ 16:16

Rü yíxema yaxṍxe rü íbaiexe rü tá tüxü̃́ nangẽxma i maxü̃ i taguma gúxü̃. Natürü yíxema tama yaxṍxe rü tá tapoxcu.

Ore i mexü̃ ga Matéu ümatüxü̃ 28:19

Rü ñu̱xma rü chanaxwa̱xe i guxü̃ i nachixü̃anewa pexĩ i guxü̃ i duü̃xü̃gütanüwa. ¡Rü chorü duü̃xü̃güxü̃ peyaxĩgüxẽxẽ̱x! ¡Rü ípenabaiü̃xẽxẽ chauégagu rü Chaunatüégagu rü Naãxẽ ya Üünexü̃égagu!

Danié 12:2

Rü guxü̃ma i marü yuexü̃ rü tá ínarüdagü. Rü nümaxü̃ rü maxü̃ i taguma gúxü̃ca̱x tá ínarüdagü, rü togü rü ãneca̱x rü poxcuca̱x tá ínarüdagü.

Ngu̱xẽẽtaeruü̃arü ore 12:14

Erü nüma rü tá tüxna naca naxca̱x i guxü̃ma i ta̱xacü ixüxü̃, woo mexü̃ rüe̱xna chixexü̃, rü woo cúãcü ixüxü̃.

Norü taxre ga popera ga Pedru ümatüxü̃ 3:7

Natürü ngẽma ñu̱xma daxũwa ngẽxmaxü̃ rü ñoma i naane i ñu̱xma ngẽxmaxü̃ rü Tupana marü namaxã nanaxuegu nax üxüwa tá yaxaexü̃. Rü ngẽma ngunexü̃ ya Tupana nagu unetaxü̃ nax duü̃xü̃güxü̃ yacagüxü̃ rü napoxcueãxü̃ i ngẽma duü̃xü̃gü i chixexü̃gu maxẽxü̃, rü ngẽma ngunexü̃gu rü yima üxüwa tá nixĩ i ínaguxü̃ i ñoma i naane rü ngẽma daxũwa ngẽxmagüxü̃.

Popera ga Yudíugü ga yaxõgüxü̃ca̱x ümatüxü̃ 11:35

Rü nayexma ga ngexü̃gü ga yuexacüxü̃, natürü yema naxacügü rü wenaxarü namaxẽ yerü Tupanaaxü̃́ nayaxõgü. Rü nayexma ga togü ga poraãcü ngúxü̃ ingegüxü̃ yerü norü uanügü ngúxü̃ nüxü̃ ningegüxẽxẽ nax Tupanaxü̃ ínata̱xgüxü̃ca̱x. Natürü nümagü rü tama Tupanaxü̃ ínata̱xgü rü nayue, yerü naxca̱x rü narümemae nixĩ nax wena namaxẽxü̃ rü nayauxgüãxü̃ca̱x i maxü̃ i taguma gúxü̃.

Popera ga Yudíugü ga yaxõgüxü̃ca̱x ümatüxü̃ 9:10

Rü yema nũxcümaü̃güxü̃ ga mugü ga õnagüchiga rü axexü̃güchiga rü nacümagüchiga ixĩxü̃, rü duü̃xü̃güarü düxétüxü̃neca̱xicatama nixĩgü. Rü woo name ga yema mugü ga noxrix, natürü yexguma ínanguxgu ga Cristu rü marü yexma nayacua̱x nax duü̃xü̃gümaxã inacuáxü̃ ga yema mugü.

Norü taxre ga popera ga Timutéuca̱x naxümatüxü̃ ga Pauru 2:18

Yerü nümagü rü nidoragümare ga nüxü̃ nax yaxugüexü̃ rü marü nax nangupetüxü̃ i yuetaarü dachiga. Rü yemaacü nanawomüxẽẽgü ga ñuxre ga duü̃xü̃gü nax tama noxrirüxü̃ yaxõgüãxü̃ca̱x i Tupanaarü ore.

Colosenses 2:12

Rü yexguma ípebaiü̃gu, rü Cristu itáxü̃rüxü̃ yexma nata̱x ga nũxcümaü̃xü̃ ga perü maxü̃. Rü yema Cristu írüdaxü̃rüxü̃ rü pema rü ta penayaxu i maxü̃ i ngexwaca̱xü̃xü̃, yerü peyaxõgü ga Tupanaarü pora ga namaxã Cristuxü̃ yuwa ínadaxẽẽxü̃.

Filipenses 3:21

Rü ñaa taxü̃ne i yuxwa̱xexü̃ rü nüma ya Cristu tá nanaxüchicüxü nax naxü̃ne i üünexü̃rüxü̃ yixĩxü̃ca̱x. Rü ngẽma norü pora i namaxã guxü̃étüwa nangẽxmaxü̃maxã tá nixĩ i naxüchicüüãxü̃ i ngẽma taxü̃ne nax noxrürüxü̃ yixĩxü̃ca̱x.

1 Corintios 12:13

Rü yexguma íibaiü̃gu rü Tupanaãxẽ ya Üünecü rü wüxitama i naxü̃ne tüxü̃ nixĩgüxẽxẽ. Rü woo Yudíugü nax ixĩgüxü̃, rüe̱xna tama Yudíugü nax ixĩgüxü̃, rü woo mugüruxü̃ ixĩgügu, rüẽ̱xna taxúxeme̱xẽwa ingẽxmagügu, natürü wüxitama i naxü̃ne tüxü̃ nixĩgüxẽxẽ i nümax i Naãxẽ ya Üünexü̃ i nüxicatama ixĩxü̃. Rü guxãma i yixema rü Tupana marü tüxna nananguxẽxẽ i ngẽma Naãxẽ ya Üünexü̃.

1 Corintios 10:2

Rü guxü̃ma ga yema duü̃xü̃gü rü yexguma wüxigu Moichémaxã yema caixanexü̃pechitatüü̃gu yaxĩxü̃tanügu rü yema Taxtü ga Dauchíüxü̃wa yachoü̃gu, rü nügü nango̱xẽẽgü nax Moichéweama naxĩxü̃.

Romanos 2:16

Rü ngẽma ngunexü̃ i nagu guxü̃ma i duü̃xü̃güxü̃ yacagüxü̃ ya Tupana rü Ngechuchu ya Cristuxü̃ tá namu nax duü̃xü̃güxü̃ yacagüxü̃ca̱x naxca̱x i ngẽma cúãcü naxügüxü̃. Rü Tupanaarü ore i pemaxã nüxü̃ chixuxü̃ nixĩ i tüxü̃ nüxü̃ cua̱xẽẽxü̃ i ngẽma.

Ngechuchuarü ngúexü̃gü ga yamugüxü̃arü puracüchiga 26:8

¿Rü tü̱xcüü̃ tama peyaxõgü nax Tupana wena namaxẽxẽxẽxü̃ i ngẽma yuexü̃?

Ngechuchuarü ngúexü̃gü ga yamugüxü̃arü puracüchiga 24:21

Rü ñaxü̃xicatama nixĩ ga chorü ore ga tagaãcü namaxã chachonagüxü̃ ga yexguma yema ãẽ̱xgacügüpe̱xewa chayexmagu: “Rü ñu̱xma rü choxna pecagü erü choma chayaxõ i wena tá nax namaxẽxü̃ i yuexü̃”, ñacharügü ga yexguma —ñanagürü ga Pauru.

Ngechuchuarü ngúexü̃gü ga yamugüxü̃arü puracüchiga 24:15

Rü choma rü ta yema nũxcümaü̃güxü̃rüxü̃ Tupanaaxü̃́ chayaxõ. Rü naxrüxü̃ chayaxõ rü tá wena nax namaxẽxü̃ i ngẽma yuexü̃ i mexü̃gü rü chixexü̃gü.

Ngechuchuarü ngúexü̃gü ga yamugüxü̃arü puracüchiga 4:2

Rü nümagü ga yemagü rü Pedrumaxã rü Cuáü̃maxã nanue yerü duü̃xü̃güxü̃ nangúexẽxẽ nax wena namaxü̃xü̃ ga Ngechuchu, rü ngẽxgumarüxü̃ tá ta wena namaxẽxü̃ i guxü̃ma i duü̃xü̃gü i marü yuexü̃.

Ore i mexü̃ ga Cuáü̃ ümatüxü̃ 5:29

Rü naxmaü̃güwa tá ínachoxü̃ i ngẽma yuexü̃. Rü ngẽma mea maxẽxü̃, rü tá ínarüdagü nax nayauxgüãxü̃ca̱x i maxü̃ i taguma gúxü̃. Natürü ngẽma chixexü̃ ügüxü̃, rü tá ínarüdagü nax napoxcuexü̃ca̱x.

Ore i mexü̃ ga Luca ümatüxü̃ 14:14

Rü tá cutaãẽxü̃chi i ngẽxguma erü nümagü rü taxucürüwa cuxü̃́ nanaxütanügü. Natürü tá cunayaxu i curü natanü i ngẽxguma wena namaxẽgu i Tupanaarü duü̃xü̃gü i mexü̃ —ñanagürü.

Ore i mexü̃ ga Luca ümatüxü̃ 12:50

Rü choma rü tá poraãcü ngúxü̃ chinge, rü chanaxĩ̱xãchiãxẽ ñu̱xmatáta yangu i ngẽma.

Ore i mexü̃ ga Luca ümatüxü̃ 11:38

Rü yema Parichéu rü naba̱i̱xãchiãxẽ ga yexguma Ngechuchuxü̃ nada̱u̱xgu nax tama yangu̱xẽẽãxü̃ ga yema nacümagü nax naya̱u̱xméxü̃ naxü̃pa nax nachibüexü̃.

Ore i mexü̃ ga Luca ümatüxü̃ 3:16

Natürü ga Cuáü̃ rü guxãxü̃ ñanagürü: —Aixcüma i choma rü dexáwamare pexü̃ íchabaiü̃xẽxẽ, natürü tá ínangu i to i Tupanaarü orearü uruxü̃, rü nüma tá pexna nananguxẽxẽ i Tupanaãxẽ ya Üünecü wüxi i üxüemarüxü̃. Erü nüma rü choxü̃ narüyexera nax naporaxü̃. Rü choma rü nape̱xewa rü taxuwama chame rü bai i norü chapatucunüarü wẽgüwa chame.

Ore i mexü̃ ga Márcu ümatüxü̃ 7:8

Rü pema rü nüxü̃ perüxoe i Tupanaarü mugü nax nagu pexĩxü̃ca̱x i ngẽma duü̃xü̃gücümamare ixĩxü̃ —ñanagürü.

Ore i mexü̃ ga Márcu ümatüxü̃ 7:4

Rü yexguma taxepataü̃wa ne naxĩxgu ga nümagü rü tama nachibüe ga yexguma tama nügü naya̱u̱xme̱xíragügu. Rü nayexmagü ta ga muxü̃ma ga togü ga nacümagü ga nagu naxĩxü̃. Rü yema nixĩ nax mea nayauxgüãxü̃ i naxpáxü̃gü rü norü baepáxü̃gü rü norü paneragü ga cobrenaxca̱x rü norü pechicaxü̃gü nax Tupanape̱xewa yamexü̃ca̱x.

Ore i mexü̃ ga Matéu ümatüxü̃ 3:14

Rü nüma ga Cuáü̃ rü tama Ngechuchuxü̃ ínabaiexẽẽchaü̃ ga noxri. Rü ñanagürü nüxü̃: —Choxü̃waxi nixĩ i namexü̃ nax ícubaiexẽẽxü̃. ¿Rü ñuxãcü i cuma i chauxü̃tawa cuxũxü̃ nax choma cuxü̃ íchabaiexẽẽxü̃ca̱x? —ñanagürü.

2 Corintios 5:10

Erü guxãtáma i yixema rü Cristupe̱xewa tá tangugü nax wüxichigü nayaxuxü̃ca̱x i ngẽma tüxna üxü̃. Rü ngẽxgumarüxü̃ nax ñuxãcü mea imaxẽxü̃ rüe̱xna chixexü̃gu imaxẽxü̃ ga yexguma ñoma ga taxünewa iyexmagügu, rü ngẽmaãcü tá tüxna nanaxã ya wüxichigü.

Ngechuchuarü ngúexü̃gü ga yamugüxü̃arü puracüchiga 13:3

Rü yexguma nüxü̃ nachauegu nax tama nachibüeãcüma nayumüxẽgüxü̃, rü Chauru rü Bernabéétügu naxǘxme̱xgü ga yema yaxõgüxü̃, rü ñu̱xũchi inanamuãchitanü nax naxügüã̱xü̃ca̱x ga Tupanaarü puracü.

Ichaía 26:19

Natürü curü duü̃xü̃gü tixĩgü rü woo tanoxree̱xpü̱x i ñu̱xmax, natürü wena tá timu. Rü woo togü tomaxã inacua̱x i ñaa naanewa, natürü wüxi i ngunexü̃ tá nüxna ítanguxü̃ rü taãẽmaxã tá tawiyaegü. Rü cuma rü tá toxü̃ quimuxẽxẽ rü maxü̃ tá toxna cuxã ñoma cherena rü pa̱xmama tonetüna maxü̃ ãxü̃rüxü̃.