Popera ga Yudíugü ga yaxõgüxü̃ca̱x ümatüxü̃ 6:14 - Tupanaarü Ore

¹⁴ Rü yemaca̱x ga Tupana rü Abraáü̃xü̃ ñanagürü: “Choma rü tá aixcümaxü̃chi poraãcü cuxü̃ charüngü̃xẽxẽxü̃. Rü tá cuxü̃́ nangẽxma i muxũchixü̃tama i cutaagü”, ñanagürü.

Popera ga Yudíugü ga yaxõgüxü̃ca̱x ümatüxü̃ 6:14 Referans Kwoze

Wenaxarü naxümatü ga Tupanaarü mugü 1:10

Rü nüma ya Cori ya tórü Tupana rü pexü̃ nimuxẽxẽ, rü ngẽmaca̱x i ñu̱xma i pemax rü ñoma ẽxtagü ya daxũguxü̃ i naanetüwewa ngẽxmagücürüxü̃ pimuxũchi.

Neemía 9:23

Rü ñu̱xũchi namaxã cunaxuegu nax yamuxacüxü̃ca̱x ñoma ẽxtagü ya daxũwa ngẽxmagücürüxü̃. Rü nawa cunagagü ga torü o̱xigü nax napugüãxü̃ca̱x ga yema naane ga noxri norü o̱xigümaxã cuxueguxü̃ nax norü yixĩgüxü̃ca̱x.

Ínachoxü̃xü̃chiga 32:13

¡Rü nüxna nacua̱xãchi ga gumá curü duü̃ ga Abraáü̃, rü Ichaá, rü Iraé ga Acóbugu ãégacü! Rü gumagümaxã nixĩ ga cugüégagutama cunaxueguxü̃ nax nüxü̃ curüngü̃xẽẽxü̃ rü ñacuxü̃: “Rü tá nüxü̃ charüngü̃xẽxẽxü̃ i petaagü rü tá namuxũchi ẽxtagürüxü̃, rü guxü̃ma i ñaa naane i pemaxã chaxueguxü̃ rü tá pexrü nixĩ i guxü̃gutáma”, ñacurügü —ñanagürü ga Moiché.

Naanearü ügüchiga 17:2

Choma rü tá cumaxã ichaxüga rü tá chayamuxẽxẽ i cutaagü, rü tá namuxũchi —ñanagürü.

Naanearü ügüchiga 22:16

Rü ñanagürü nüxü̃: —Nüma ya Cori ya Tupana rü ñanagürü cuxü̃: “Ngẽma cuxüxü̃wa nüxü̃ chacua̱x nax aixcüma chauga cuxĩnüxü̃, erü tama choxna cunachu̱xu ya yimá cune ya nügümaxã wüxicacü. Rü ngẽmaca̱x chauégagutama cumaxã nüxü̃ chixu rü tá poraãcü cuxü̃ curüngü̃xẽxẽ. Rü ngẽma cutaagü rü tá chayamuxẽxẽ. Rü ẽxtagüe̱xpü̱x rü naxnücüte̱xe ya taxtüpechinüwa ngẽxmacüe̱xpü̱x tá nixĩ i norü mu. Rü nümagü rü guxü̃gutáma norü uanügüxü̃ narüporamaegü.

Wenaxarü naxümatü ga Tupanaarü mugü 1:8

Choma rü marü pexna chanaxã i ngẽma naane. ¡Rü ngéma pexĩ rü penayaxu i ngẽma naane i choma ya Cori ya Tupana yema nũxcümaü̃güxü̃ ga perü o̱xigü ga Abraáü̃, rü Ichaá, rü Acóbu, rü ñu̱xũchi nataagümaxã chaxueguxü̃ nax nüxna chanaxãxü̃!” ñanagürü ga Tupana.

Gálatas 3:18

Rü ngẽxguma chi yema mugügagu yixĩxgu nax Tupana inaxunetaxü̃ rü natüca̱xmamare chi nixĩ ga yema Tupanaarü uneta ga nüxíra Abraáü̃maxã nüxü̃ yaxuxü̃. Natürü aixcüma nixĩ nax ngetanüãcüma Abraáü̃maxã nüxü̃ yaxuxü̃ ga yema uneta.

Nüxíraxü̃xü̃ ga popera ga Pedru ümatüxü̃ 3:9

Rü ngẽxguma texé chixexü̃ pexca̱x üxgu, rü tama name i pema rü ta chixexü̃ tümaca̱x pexü. Rü ngẽxguma texé pemaxã guxchigagu, rü tama name i pema rü ta tümamaxã peguxchiga. Natürü name nax mexü̃ tümamaxã pexueguxü̃, erü Tupana pexü̃ nade nax mexü̃ pemaxã naxueguxü̃ca̱x.