Popera ga Yudíugü ga yaxõgüxü̃ca̱x ümatüxü̃ 6:13 - Tupanaarü Ore

¹³ Rü dücax, yexguma tórü o̱xi ga Abraáü̃maxã inaxunetagu ga Tupana rü nügüégagutama inaxuneta, yerü tataxuma ga texé ga norü yexera ixĩxẽ nax tümaégagu inaxunetaxü̃ca̱x.

Popera ga Yudíugü ga yaxõgüxü̃ca̱x ümatüxü̃ 6:13 Referans Kwoze

Ore i mexü̃ ga Luca ümatüxü̃ 1:73

Rü yema nixĩ ga norü uneta ga nũxcümaü̃cü ga tórü o̱xi ga Abraáü̃maxã naxüxü̃ ga Tupana. Rü namaxã nüxü̃ nixu rü tá tüxü̃ nangü̃xẽxẽxü̃ nax tama imuü̃eãcüma imaxẽxü̃. Rü nüxü̃ nixu rü tórü uanügüme̱xẽwa tá tüxü̃ ínanguxü̃xẽxẽ nax mea nüma nanaxwa̱xexü̃ãcüma naxüxü̃ca̱x i norü puracü rü mea nape̱xewa imaxẽxü̃ca̱x i guxü̃guma nax imaxẽxü̃gu”, ñanagürü ga Chacaría.

Miquéa 7:20

¡Pa Corix, ẽcü guxü̃guma toxü̃ rüngü̃xẽxẽ rü toxü̃ nangechaxü̃ yema torü o̱xigü ga Abraáü̃maxã rü Acóbumaxã cunaxueguxü̃rüxü̃!

Yeremía 22:5

Natürü ngẽxguma taxũtáma naga pexĩnüegu i ñaa pemaxã nüxü̃ chixuxü̃ rü naxchipe̱xexica tá ngéma nayaxü ya daa ãẽ̱xgacüpata. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü ya Cori ya Tupana.

Ichaía 45:23

Rü ngẽma chauégagu nüxü̃ chixuxü̃ rü aixcüma nixĩ rü ngẽma chorü ore rü aixcüma tá ningu. Rü guxü̃táma, rü chope̱xegu tá nacaxã́pü̱xügü rü chauégagu tá nüxü̃ nixu nax chauga tá naxĩnüexü̃.

Echequié 32:13

Rü choma rü tá chanadai i guxü̃táma i wocagü i curü taxtüarü dexáwa axegüxü̃. Rü ngẽxguma i ngẽma taxtü rü marü taxũtáma duü̃xü̃gücutümaxã rü naxü̃nagücutügümaxã nabuxchíü.

Yeremía 49:13

Choma ya Cori ya Tupana rü chauégagu pemaxã nüxü̃ chixu rü yima perü ĩane ya Bochrá rü wüxi i chianexü̃ tá nixĩ rü nachitaü̃ica tá ínayaxü. Rü ngẽma togü i nachixü̃anecüã̱x i duü̃xü̃gü rü chixri yima ĩanechiga tá nidexagü, rü tá namaxã naba̱i̱xãchie, rü tá nüxü̃ nacugüe. Rü yima ĩane rü tá nangeãcumare. Rü guxü̃nema ya yima naigü ya Edóü̃anearü ĩanegü rü guxü̃gutáma nachitaü̃ica ínayaxü” —ñanagürü.

Ínachoxü̃xü̃chiga 32:13

¡Rü nüxna nacua̱xãchi ga gumá curü duü̃ ga Abraáü̃, rü Ichaá, rü Iraé ga Acóbugu ãégacü! Rü gumagümaxã nixĩ ga cugüégagutama cunaxueguxü̃ nax nüxü̃ curüngü̃xẽẽxü̃ rü ñacuxü̃: “Rü tá nüxü̃ charüngü̃xẽxẽxü̃ i petaagü rü tá namuxũchi ẽxtagürüxü̃, rü guxü̃ma i ñaa naane i pemaxã chaxueguxü̃ rü tá pexrü nixĩ i guxü̃gutáma”, ñacurügü —ñanagürü ga Moiché.

Wenaxarü naxümatü ga Tupanaarü mugü 1:8

Choma rü marü pexna chanaxã i ngẽma naane. ¡Rü ngéma pexĩ rü penayaxu i ngẽma naane i choma ya Cori ya Tupana yema nũxcümaü̃güxü̃ ga perü o̱xigü ga Abraáü̃, rü Ichaá, rü Acóbu, rü ñu̱xũchi nataagümaxã chaxueguxü̃ nax nüxna chanaxãxü̃!” ñanagürü ga Tupana.

Yeremía 44:26

¡Natürü, iperüxĩnüe i guxãma i pemax i Yudátanüxü̃ i ñu̱xma Equítuanewa pemaxẽxü̃! Rü choma ya Cori ya Tupana rü ñachagürü pexü̃: ‘Choma rü chauéga i üünexü̃maxã pemaxã chanaxuegu rü guxü̃ma i Equítuanewa rü tama chanaxwa̱xe nax texé i Yudátanüxü̃ chauéga tanaxuxuchixü̃ rü ñatarügü: Cori ya Tupanaégagu cumaxã ichaxuneta, ñatarügü.

Gálatas 3:15

Pa Chauenexẽgüx, ñu̱xma rü tá pemaxã nüxü̃ chixu i wüxi i cua̱xruxü̃. Rü ngẽxguma wüxi ya yatü rü texémaxã ta̱xacüca̱x inaxunetagu, rü wüxi i poperagu nanaxümatü rü ñu̱xũchi naéga nagu naxümatü, rü ngẽmaãcü taxucürüwa texé itayanaxoxẽxẽ rü ẽ̱xna tanaxüchicüü i ngẽma norü uneta.

Gálatas 3:18

Rü ngẽxguma chi yema mugügagu yixĩxgu nax Tupana inaxunetaxü̃ rü natüca̱xmamare chi nixĩ ga yema Tupanaarü uneta ga nüxíra Abraáü̃maxã nüxü̃ yaxuxü̃. Natürü aixcüma nixĩ nax ngetanüãcüma Abraáü̃maxã nüxü̃ yaxuxü̃ ga yema uneta.