Popera ga Yudíugü ga yaxõgüxü̃ca̱x ümatüxü̃ 6:12 - Tupanaarü Ore

¹² Rü tama tanaxwa̱xe nax nüxü̃ perüxoetanücüüxü̃ nax Cristuwe perüxĩxü̃. Natürü name i naxrüxü̃ pixĩgü i ngẽma duü̃xü̃gü i guxü̃guma mea yaxõgüãcüma Cristuwe rüxĩãmaxü̃ rü nayauxgüxü̃ i guxü̃ma i ngẽma mexü̃gü ga Tupana namaxã ixunetaxü̃.

Popera ga Yudíugü ga yaxõgüxü̃ca̱x ümatüxü̃ 6:12 Referans Kwoze

Popera ga Yudíugü ga yaxõgüxü̃ca̱x ümatüxü̃ 13:7

Rü name nixĩ i nüxna pecua̱xãchie ga gumá perü Tupanaarü orearü uruü̃gü ga noxri pemaxã icua̱xgücü rü pemaxã nüxü̃ ixugücü ga Tupanaarü ore. Rü name nixĩ i nagu perüxĩnüe nax ñuxãcü mea pepe̱xewa namaxẽxü̃ rü ñuxãcü mea yaxõgüãcüma nayuexü̃. Rü name nax nüxü̃ peyadauxü̃güxü̃ nawa i norü õ rü mea naxrüxü̃ pemaxẽxü̃.

Popera ga Yudíugü ga yaxõgüxü̃ca̱x ümatüxü̃ 10:36

Rü ngẽma guxchaxü̃gü i pexca̱x íngugüxü̃, rü name nixĩ i yáxna namaxã pexĩnüe nax penaxüxü̃ca̱x i Tupanaarü ngúchaü̃ rü penayaxuxü̃ca̱x i ngẽma ãmare i pemaxã inaxunetaxü̃.

Nüxíraxü̃xü̃ ga popera ga Cuáü̃ ümatüxü̃ 2:25

Rü nümatama ya Ngechuchu ya Cristu nixĩ i tamaxã inaxunetaxü̃ nax tüxna naxããxü̃ca̱x i maxü̃ i taguma gúxü̃.

Romanos 12:11

Rü tama name i pexo. Natürü name nixĩ i perü ngúchaü̃maxã penaxü i Cori ya Tupanaarü puracü.

Popera ga Yudíugü ga yaxõgüxü̃ca̱x ümatüxü̃ 5:11

Rü ñu̱xma rü toxü̃́ nangẽxma i muxũchixü̃ma i ore i Cristuchiga ixĩxü̃ i pemaxã nüxü̃ tixuxchaü̃xü̃. Natürü naguxchaxüchi nax meama pemaxã tanango̱xẽẽxü̃ i ngẽma, erü pema rü tama pexü̃́ natauxcha nax nüxü̃ pecuáxü̃.

Norü taxre ga popera ga Pedru ümatüxü̃ 1:10

Rü ngẽmaca̱x, Pa Chauenexẽgüx ya Tupana Pexü̃ Dexe Nax Norü Duü̃xü̃gü Pixĩgüxü̃x, rü name i pora pexügü nax nagu pexĩxü̃ i ngẽma pemaxã nüxü̃ chixuxü̃. Rü ngẽxguma ngẽmaãcü pemaxẽgu rü tagutáma chixexü̃gu peyi rü tagutáma Tupanaxü̃ ípeta̱x.

Popera ga Chantiágu ümatüxü̃ 1:3

Erü pema nüxü̃ pecua̱x rü ngẽxguma guxchaxü̃maxã perü õxü̃ naxü̱xgu, rü ngẽmawa pengúe nax yáxna namaxã pexĩnüexü̃ca̱x i ngẽma guxchaxü̃gü i pingegüxü̃.

Popera ga Yudíugü ga yaxõgüxü̃ca̱x ümatüxü̃ 12:1

Rü yema muxü̃ma ga duü̃xü̃gü ga Tupanaaxü̃́ yaxõgüxü̃ ga yuexü̃, rü ñu̱xma torü ngaicamana nangẽxmagü nax tórü cua̱xruü̃gü yixĩgüxü̃ca̱x. Rü ngẽmaca̱x i ñu̱xmax, ¡rü ngĩxã nüxü̃ tarüxoe i guxü̃ma i ngẽma guxchaxü̃gü rü pecadugü i tüxü̃́ naguxchaxẽẽxü̃ nax mea yaxõgüxü̃! ¡Rü ngĩxã pora taxüe nax nawa ingugüxü̃ca̱x i ngẽma maxü̃ i tape̱xewaama ngẽxmaxü̃!

Popera ga Yudíugü ga yaxõgüxü̃ca̱x ümatüxü̃ 1:14

Rü guxü̃ma i Tupanaarü orearü ngeruü̃gü i daxũcüã̱x rü naãxẽgü i Tupanaaxü̃́ puracüexü̃ nixĩgü. Rü nüma ya Tupana rü nanamugü nax nüxü̃ yanangü̃xẽẽgüxü̃ca̱x i guxü̃ma i ngẽma duü̃xü̃gü ya Tupana naxwa̱xexü̃ nax nayauxgüãxü̃ i maxü̃ i taguma gúxü̃.

Romanos 4:12

Rü ngẽxgumarüxü̃ ta ya Abráü̃ rü tümanatü nixĩ ya guxãma ya yíxema íwíecha̱xmüü̃pe̱xechiraü̃güxe rü Abraáü̃rüxü̃ yaxõgüxe. Natürü tama ngẽma nax tügü ítawíecha̱xmüü̃pe̱xechiraü̃güxü̃ca̱x nixĩ i tümanatü yixĩxü̃. Natürü tümanatü nixĩ erü tayaxõgü yexgumarüxü̃ nax yaxõõxü̃ ga nüma ga tanatü ga Abráü̃ naxü̃pa nax ínawíecha̱xmüü̃pe̱xechiraü̃xü̃.

Romanos 2:7

Rü maxü̃ i taguma guxü̃maxã Tupana tá tüxü̃́ nanaxütanü ya yíxema guxü̃guma mexü̃ taxügüãcüma naxca̱x daugüxe nax Tupana tümamaxã taãẽxü̃ rü naxca̱x daugüxe nax Tupanaxü̃tawa tangugüxü̃.

Yeremía 6:16

Cori ya Tupana rü norü duü̃xü̃güxü̃ ñanagürü: —¡Ẽcü namagügu peyachigü rü penadauanegü! ¡Rü naxca̱x ípeca̱x rü ngexü̃rüü̃xü̃ yixĩxü̃ i ngẽma nũxcümaü̃xü̃ i nama, rü ngextá yixĩxü̃ i nangẽxmaxü̃ i ngẽma nama i mexü̃! ¡Rü ngẽmagu pexĩ rü tá petaãẽgü! —ñanagürü. Natürü nümagü rü ñanagürügü: —Tama nagu taxĩchaxü̃ —ñanagürügü.

Ucu̱xẽgüchiga 18:9

Rü ngẽma duü̃xü̃gü i oexü̃ rü ngẽma duü̃xü̃gü i chixexü̃ ügüxü̃ rü nügüenexẽ nügü nixĩgüxẽxẽ.

Popera ga Yudíugü ga yaxõgüxü̃ca̱x ümatüxü̃ 11:33

Rü yema nax yaxõgüãxü̃ca̱x nixĩ ga Tupana nüxü̃ rüngü̃xẽẽxü̃. Rü yemaacü to ga nachixü̃anegüarü ãẽ̱xgacügüxü̃ naporamaegüxü̃, rü meama norü duü̃xü̃gümaxã inacua̱xgü, rü nanayauxgü ga yema Tupana namaxã ixunetaxü̃. Rü yexguma leóü̃tanügu yata̱xcuchigüãgu, rü taxuxü̃ma namaxã naxü ga leóü̃gü yerü Tupana nayachotaa̱xgü ga yema leóü̃gü.

Popera ga Yudíugü ga yaxõgüxü̃ca̱x ümatüxü̃ 6:15

Rü Abraáü̃ rü meama ínanangu̱xẽxẽ ga gumá nane ga Tupana namaxã ixunetacü. Rü yemaca̱x nabu ga gumá nane ga Ichaá ga Tupana namaxã nüxü̃ ixucü.

2 Tesalonicenses 1:4

Rü ngẽmaca̱x tomatama taãẽãcüma pechigaxü̃ tixu natanüwa i ngẽma togü i Tupanaaxü̃́ yaxõgüxü̃. Rü namaxã nüxü̃ tixu nax aixcüma mea peyaxõgüxü̃, rü ñuxãcü namaxã peporaexü̃ woo pewe yangexü̃tanügu i ngẽma Yudíugü rü woo namuxgu i ngẽma ngúxü̃ i pexca̱x íngugüxü̃.

Ore i mexü̃ ga Luca ümatüxü̃ 8:15

Natürü gumá triguchire ga mexü̃ ga waixü̃mügu yixü̃ne, rü ngẽma nixĩ i duü̃xü̃gü i aixcüma taãẽãcü nayauxgüxü̃ i Tupanaarü ore, rü naga ĩnüexü̃, rü mea naxca̱x maxẽxü̃. Rü ngẽma nixĩ i duü̃xü̃gü i aixcüma Tupanawe rüxĩxü̃ rü naxügüxü̃ i ngẽma nüma nanaxwa̱xexü̃.

Ore i mexü̃ ga Matéu ümatüxü̃ 22:32

“Choma nixĩ i Abraáü̃arü Tupana, rü Ichaáarü Tupana, rü Acóbuarü Tupana”, ñanagürü. Rü ngẽma orewa nüxü̃ tacua̱x rü woo ñoma i naanewa nayuegu i duü̃xü̃gü, natürü Tupanaca̱x rü tama nayue rü guxü̃guma namaxẽ —ñanagürü ga Ngechuchu.

Ucu̱xẽgüchiga 15:19

Ngẽma duü̃xü̃ i oxü̃ca̱x, rü guxü̃ma naxca̱x naguxcha. Natürü yimá yatü ya mexü̃gu rüxĩnücüca̱x rü taxuxü̃ma naxca̱x naguxcha.

Ucu̱xẽgüchiga 13:4

Ngẽma oxü̃, rü nüxü̃́ nangúchaü̃mare i ngẽmaxü̃gü, natürü taguma nüxü̃́ nangẽxma. Natürü ngẽma puracüxü̃, rü nüxü̃́ nangẽxma i norü ngẽmaxü̃gü.

Ucu̱xẽgüchiga 12:24

Yíxema puracüxe, rü tá duü̃xü̃gümaxã itacua̱x, natürü ngẽma oxü̃, rü togü tá namaxã inacua̱x.

1 Tesalonicenses 1:3

Rü guxü̃guma i ngẽxguma Tanatü ya Tupanamaxã tidexagügu, rü nüxna tacua̱xãchie nax aixcüma mea peyaxõgüãcüma penaxüxü̃ i Tupanaarü puracü, rü nüxü̃ pengechaü̃güãcüma togüxü̃ perüngü̃xẽẽxü̃. Rü mea ípenangu̱xẽẽxü̃ ya tórü Cori ya Ngechuchu ya Cristu rü ngẽmaca̱x yáxna namaxã pexĩnüe i ngẽma ngúxü̃ i ñu̱xma pingegüxü̃.

Ore i mexü̃ ga Luca ümatüxü̃ 16:22

Rü wüxi ga ngunexü̃ nayu ga gumá ngearü diẽruã́cü, rü daxũcüã̱x ga Tupanaarü orearü ngeruü̃gü rü daxũguxü̃ ga naanewa nanagagü nax wüxiwa Abraáü̃xü̃tawa nayexmaxü̃ca̱x. Rü nayu ta ga yema yatü ga noxri diẽruã̱xü̃chixü̃, rü inayata̱xgü.

Ore i mexü̃ ga Matéu ümatüxü̃ 25:26

Rü yexguma ga norü cori rü nanangãxü̃ rü ñanagürü: “Pa Chorü Duü̃xü̃x, wüxi i chixexü̃ rü oxü̃ i chorü duü̃xü̃ quixĩ. Rü cuma meama nüxü̃ cucua̱x rü ngextá tama íchatoexü̃wa rü chanayaxu i nanetüarü o, rü chanabuxarü oõ̱x i nanetü i tama ichatoxü̃.

Charumóü̃arü wiyae 1:8

Pa Guxü̃ma i Pacüxü̃ Rümemaexü̃chicüx, rü ngẽxguma tama nüxü̃ cucua̱xgu nax ngextá changexmaxü̃, ¡rü naxü̃nagüchitügu ixũ nax ngẽmaãcü ngéma naxü̃nagüarü dauruü̃güarü düxenüxü̃tawa cuyachibüexẽxẽxü̃ca̱x i curü chíbuxacügü!

Ucu̱xẽgüchiga 2:20

Pa Chaunex ¡ngẽma nama i mexü̃wa tüxü̃ gaxü̃gu ixũ! ¡Rü nagu ixũ i ngẽma nacümagü i aixcüma Tupanape̱xewa mexü̃!

Ucu̱xẽgüchiga 28:10

Ngẽma duü̃xü̃ i chixexü̃wa tüxü̃ gagüxü̃ ya yíxema mexü̃gu rüxĩnüexe, rü norü chixexü̃gu tátama nangu. Natürü ngẽma yatügü i Tupanape̱xewa mexü̃gu maxẽxü̃, rü mexü̃ tá nayauxgü.

Ucu̱xẽgüchiga 26:14

Wüxi i ĩã̱x rü ngẽma norü chotaruxü̃maxã nixĩã̱xcüxü, rü ngẽma oxü̃ rü naxchiãü̃wa nixĩã̱xcüxü.