Popera ga Yudíugü ga yaxõgüxü̃ca̱x ümatüxü̃ 6:10 - Tupanaarü Ore

¹⁰ Erü nüma ya Tupana rü aixcümacü nixĩ. Rü nüma rü taxũtáma nüxü̃ inayarüngüma ga yema mexü̃ ga pexüxü̃ rü ñuxãcü taenexẽgü i yaxõgüxü̃xü̃ nax pengechaü̃güxü̃ ga yexguma nüxü̃ perüngü̃xẽẽgügu, ngẽma ñu̱xma ípenaxüxü̃rüü̃tama.

Popera ga Yudíugü ga yaxõgüxü̃ca̱x ümatüxü̃ 6:10 Referans Kwoze

Ore i mexü̃ ga Matéu ümatüxü̃ 10:42

Rü texé ya wüxi i pochíyuãcu i dexá i ga̱u̱xchiüxü̃ nüxna ãxe i wüxi i ñaa chorü duü̃xü̃gü, rü aixcümaxü̃chi tá tanayaxu i tümaarü ãmare, erü wüxi i chorü duü̃xü̃xü̃ tarüngü̃xẽxẽ”, ñanagürü ga Ngechuchu.

Popera ga Yudíugü ga yaxõgüxü̃ca̱x ümatüxü̃ 13:16

¡Rü taxṹ i nüxü̃ ipeyarüngümaexü̃ nax togüxü̃ perüngü̃xẽẽxü̃ rü namaxã pengauxü̃ i ngẽma pexü̃́ ngẽxmaxü̃! Erü ngẽma nixĩ i ãmare i Tupanana pexãxü̃ i aixcüma namaxã nataãẽxü̃.

Gálatas 6:10

Rü ngẽmaca̱x ngẽxguma tüxü̃́ natauxchagu nax ta̱xacümaxã togüxü̃ rüngü̃xẽẽxü̃, rü name nixĩ i guxãxü̃ma tarüngü̃xẽxẽ. Natürü yexera tanaxwa̱xegü nax nüxü̃ rüngü̃xẽẽgüxü̃ i ngẽma taenexẽgü rü taeya̱xgü i yaxõgüxü̃.

Ngechuchuarü ngúexü̃gü ga yamugüxü̃arü puracüchiga 10:4

Rü nüma ga Cornériu rü meama nüxü̃ nadawenü, rü poraãcü namuü̃ãcüma nüxna naca, rü ñanagürü: —¿Ta̱xacü cunaxwa̱xe, Pa Corix? —ñanagürü. Rü nanangãxü̃ ga yema orearü ngeruxü̃ ga daxũcüã̱x, rü ñanagürü: —Curü yumüxẽgü rü Tupana marü cuxü̃́ nüxü̃ naxĩnü, rü cumaxã nataãxẽ nax nüxü̃ curüngü̃xẽẽxü̃ i duü̃xü̃gü i ngearü diẽruã̱xgüxü̃.

1 Tesalonicenses 1:3

Rü guxü̃guma i ngẽxguma Tanatü ya Tupanamaxã tidexagügu, rü nüxna tacua̱xãchie nax aixcüma mea peyaxõgüãcüma penaxüxü̃ i Tupanaarü puracü, rü nüxü̃ pengechaü̃güãcüma togüxü̃ perüngü̃xẽẽxü̃. Rü mea ípenangu̱xẽẽxü̃ ya tórü Cori ya Ngechuchu ya Cristu rü ngẽmaca̱x yáxna namaxã pexĩnüe i ngẽma ngúxü̃ i ñu̱xma pingegüxü̃.

Colosenses 3:17

Rü guxü̃ma i ngẽma pexüxü̃ rü nüxü̃ pixuxü̃ rü name nixĩ i tórü Cori ya Ngechuchuégagu penaxü rü naégagu Tanatü ya Tupanana moxẽ pexãgü.

Ucu̱xẽgüchiga 14:31

Tupanaaxü̃́ nangu̱x i ngẽxguma texé wüxi i ngearü diẽruã́xẽmaxã chixri icua̱xgu. Natürü Tupana rü tümamaxã nataãxẽ ya yíxema ngearü diẽruã́xẽmaxã mea icuáxe.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:18

¡Rü namaxã nüxü̃ ixu i ngẽma muarü diẽruã̱xgüxü̃ nax mexü̃ naxügüxü̃ca̱x! Rü ngẽmaãcü tá namu i ngẽma mexü̃gü i naxügüxü̃. Rü tanaxwa̱xe nax ínamemaregüxü̃ nax togüna naxããxü̃ rü namaxã nangauxü̃ i norü ngẽmaxü̃gü.

Ore i mexü̃ ga Márcu ümatüxü̃ 9:41

Rü yíxema woo wüxitama i pochíyuãcu i dexá pexna ãxẽ naxca̱x nax chorü duü̃xü̃gü pixĩgüxü̃, rü aixcüma pemaxã nüxü̃ chixu rü tá tüxü̃́ nangẽxma i tümaarü ãmare —ñanagürü.

Romanos 12:13

Rü name nixĩ i nüxü̃ perüngü̃xẽxẽ i ngẽma yaxõgüxü̃ i nüxü̃́ nataxuxü̃. ¡Rü mea penayaxu i ngẽma duü̃xü̃gü i pexü̃tagu naxĩanexü̃!

Ngechuchuarü ngúexü̃gü ga yamugüxü̃arü puracüchiga 11:29

Rü yexguma ga yema yaxõgüxü̃ ga Antioquíawa yexmagüxü̃, rü marü wüxigu nagu narüxĩnüe nax yéma ngĩxü̃ namugüxü̃ca̱x ga diẽru nax nüxü̃ nangü̃xẽẽgüxü̃ca̱x ga yema yaxõgüxü̃ ga Yudéaanegu ãchiü̃güxü̃. Rü wüxichigü ngĩxü̃ inaxã ga diẽru yexgumarüxü̃ ga ñuxre ga nüxü̃́ yexmacü.

Gálatas 5:13

Natürü pemax, Pa Chauenexẽgüx, rü Tupana pexca̱x naca nax ngẽma mugüna ípenguxü̃xü̃ca̱x. Rü ñu̱xma nax nüxna ípenguxü̃xü̃, rü tama name i ngẽmaca̱x pexenearü ngúchaü̃ pexügü. Natürü name nixĩ nax pegü pengechaü̃güxü̃ rü ngẽmaãcü pegü perüngü̃xẽẽgüxü̃ i wüxichigü.

Ucu̱xẽgüchiga 19:17

Ngẽxguma wüxi i duü̃xü̃ i ngearü diẽruã́xü̃xü̃ curüngü̃xẽẽgu diẽrumaxã, rü Tupanaxü̃ nixĩ i curüngü̃xẽẽxü̃. Rü nüma ya Cori ya Tupana rü tá cuxü̃́ tüxü̃ natáeguxẽxẽ.

Ngechuchuarü ngúexü̃gü ga yamugüxü̃arü puracüchiga 10:31

Rü ñanagürü choxü̃: “Pa Cornériux, Tupana marü nüxü̃ naxĩnü i curü yumüxẽ rü cumaxã nataãxẽ naxca̱x nax nüxü̃ curüngü̃xẽẽxü̃ i ngẽma duü̃xü̃gü i ngearü diẽruã̱xgüxü̃.

Ore i mexü̃ ga Cuáü̃ ümatüxü̃ 13:20

Aixcüma pemaxã nüxü̃ chixu rü texé mea tüxü̃ yaxúxe ya yíxema choma ngéma tüxü̃ chamuxẽ, rü choxü̃ nixĩ i tayaxuxü̃. Rü texé ya choxü̃ yaxúxe, rü Chaunatü ga núma choxü̃ mucüxü̃ nixĩ i tayaxuxü̃ —ñanagürü ga Ngechuchu.

Neemía 5:19

¡Pa Chorü Cori ya Tupanax, nüxna nacua̱xãchi i ngẽma guxü̃ma i mexü̃ i ñaa duü̃xü̃güca̱x chaxüxü̃ rü choxna naxã i curü ngü̃xẽxẽ!

Norü taxre ga popera ga Timutéuca̱x naxümatüxü̃ ga Pauru 4:8

Rü ñu̱xma rü marü ínamemare i ngẽma ãmare i mexẽchixü̃ ya tórü Cori ya Ngechuchu ya ãẽ̱xgacü ya mecü tá choxna ãxü̃ i ngẽxguma wenaxarü ñoma i naanewa naxũxgu. Rü taxũtáma chaxica choxna nanaxã i ngẽma ãmare, natürü tá tüxna nanaxã ya guxãma ya yíxema tümaarü ngúchaü̃maxã ínangu̱xuxẽẽgüxe nax wenaxarü núma naxũxü̃.

2 Corintios 9:1

Rü taxuca̱xma tü̱xcüü̃ pexca̱x chanaxümatü ngĩchiga i ngẽma diẽru i ngĩxü̃ penutaque̱xegücü naxca̱x i ngẽma taenexẽgü i yaxõgüxü̃ i Yerucharéü̃wa ngẽxmagüxü̃.

Yeremía 18:20

¿Rü cuxca̱x namexü̃ nax chixexü̃maxã naxütanüxü̃ i ngẽma mexü̃ i naxca̱x chaxüxü̃? Nümagü rü marü choxü̃ nicaxmaxü̃gü, erü choxü̃ nima̱xgüchaü̃. ¡Rü nüxna nacua̱xãchi nax marü cuxna naxca̱x chacaxü̃ nax namaxã curüngü̃xmüxü̃ca̱x rü nüxna cuyaxũgachixẽẽgüxü̃ca̱x i ngẽma curü nu!

Neemía 13:31

Rü yema üxüarü yauxruü̃gü rü mea ichayanu, nax yemaacü nüxü̃ nacua̱xgüxü̃ca̱x nax ñuxgu tá nawa yanguchigüxü̃ i üxüarü yaxu. Rü mea ichananu nax ñuxgu tá duü̃xü̃gü inaxãgüxü̃ i nüxíraxü̃xü̃ i nanetüarü o. Rü yemawena rü Tupanaxü̃ ñachagürü: —¡Choxna nacua̱xãchi, Pa Corix, rü choxü̃ rüngü̃xẽxẽ! —ñachagürü.

Neemía 13:22

Rü yemawena rü chanamu ga Lebítanüxü̃ nax Tupanaca̱x nügü yamexẽẽgüxü̃ca̱x rü nüxna nax nadaugüxü̃ca̱x ga ĩanearü ĩã̱xgü nax tama nachocuxü̃ca̱x ga yema taxetanüxü̃, rü duü̃xü̃gü naxauregüãxü̃ca̱x ga ngü̃xchigaarü ngunexü̃. ¡Pa Chorü Tupana, choxna nacua̱xãchi naxca̱x i ngẽma chaxüxü̃, rü cuxü̃́ chaxauxãchitümüxü̃! Erü cuma rü cumecümaxü̃chi.

Wenaxarü naxümatü ga Tupanaarü mugü 32:4

Rü nüma nixĩ i torü dauruxü̃ nax yixĩxü̃. Rü guxü̃ma i ta̱xacü i naxüxü̃ rü meama nawe̱xgu. Rü guxü̃ma i nüxü̃ yaxuxü̃ rü aixcüma nixĩ. Rü nüma rü Tupana ya ixaixcümacü nixĩ. Rü nawa rü nataxuma i ta̱xacü i dora ixĩxü̃, erü nüma rü ixaixcümacü nixĩ!

Nüxíraxü̃xü̃ ga popera ga Cuáü̃ ümatüxü̃ 1:9

Natürü ngẽxguma chi Tupanamaxã nüxü̃ ixuxgu i tórü pecadugü, rü nüma ya Tupana ya ixaixcümacü rü tá tüxü̃́ nüxü̃ inarüngüma i tórü pecadugü rü tá inayanaxoxẽxẽ i guxü̃ma i tórü chixexü̃gü.

Wiyaegü 20:3

¡Rü nüma ya Cori ya Tupana cuxü̃́ nanayaxu i guxü̃ma i curü ãmaregü i nüxna cuxãxü̃, rü cuxü̃́ nanayaxu i ngẽma ãmaregü i naxca̱x ícuguxü̃!

Gálatas 5:6

Rü ngẽmaca̱x i ñu̱xma nax Ngechuchu ya Cristuarü duü̃xü̃gü ixĩgüxü̃, rü taxuwama name ega woo íiwíecha̱xmüpe̱xechiraü̃gu rüe̱xna tama, erü tama ngẽma nixĩ i Tupanape̱xewa tüxü̃ mexẽẽxü̃. Rü ngẽma Tupana naxwa̱xexü̃ i ñu̱xma nixĩ nax aixcüma yaxõgüxü̃ rü ngẽmaãcü yigü nax ingechaü̃güxü̃.

Ínachoxü̃xü̃chiga 1:20

Rü yemaacü ga yema Iraétanüxü̃ rü nimuetanüama, rü wüxichigü ga taunecügu rü niyexeragüchigü nax naporaexü̃. Rü yema nax Tupanaxü̃ namuü̃exü̃ ga yema buexacüxẽẽruü̃gü, rü Tupana rü ngĩxü̃ narüngü̃xẽxẽ nax ngĩmagü rü ta yamuxãcügüxü̃ca̱x.

Ngu̱xẽẽtaeruü̃arü ore 11:1

Name nixĩ i togüxü̃ curüngü̃xẽxẽ, erü yixcüra i nümagü rü tá cuxü̃ narüngü̃xẽẽgü.

Yeremía 31:16

Natürü nüma ya Cori ya Tupana rü ñanagürü: “¡Pa Raquétanüxü̃ rü taxṹ i pexauxexü̃! ¡Rü marütama nax ípenaxũxü̃xẽẽxü̃ i pegüxü̃xetü! Erü perü ngechaü̃ rü tá naxãtanü. Rü pexacügü rü penegü rü tá nüxna nawoegu i perü uanügüarü nachixü̃ane. Rü choma ya Cori ya Tupana nixĩ i nüxü̃ chixuxü̃ i ngẽma.

Popera ga Yudíugü ga yaxõgüxü̃ca̱x ümatüxü̃ 10:32

Rü name nixĩ i nüxna pecua̱xãchie ga yexguma noxri Cristuxü̃ peyauxgügu rü nüxü̃́ peyaxõgügu rü pema rü mea peyaxõgüama rü tama Cristuna pixĩgachi woo nax taxü̃ ga guxchaxü̃gü pexca̱x íngugüxü̃.

Ore i mexü̃ ga Matéu ümatüxü̃ 20:7

Rü nümagü nanangãxü̃gü, rü ñanagürügü nüxü̃: “Tama tapuracüe erü taxúema toxca̱x tadau nax tüxü̃́ tapuracüexü̃ca̱x”, ñanagürügü. Rü yexguma ga yema úbanecüarü yora rü ñanagürü nüxü̃: “¡Pema rü ta ngéma chorü úbanecüwa pexĩ rü peyapuracüe! Rü mea tá pexü̃́ chanaxütanü”, ñanagürü.

Ore i mexü̃ ga Matéu ümatüxü̃ 25:17

Rü yexgumarüxü̃ ta ga yema norü duü̃xü̃ ga 2,000 tachinü ga diẽru ngĩxü̃ yaxuxü̃, rü ngĩmaxã napuracü, rü nai ga 2,000 tachinü ngĩmaxã nayaxu.