Biblia Todo Logo
Bib sou entènèt

- Piblisite -




Popera ga Yudíugü ga yaxõgüxü̃ca̱x ümatüxü̃ 5:6 - Tupanaarü Ore

6 Rü tóxnamana i Tupanaarü ore i ümatüxü̃wa rü ñanagürü ta: “Cuma nixĩ i guxü̃gutáma duü̃xü̃güarü poxü̃ruxü̃ i chacherdotegüarü ãẽ̱xgacü quixĩxü̃, gumá chacherdóte ga Melquichedéxrüxü̃”, ñanagürü.

Gade chapit la Kopi




Popera ga Yudíugü ga yaxõgüxü̃ca̱x ümatüxü̃ 5:6
10 Referans Kwoze  

Rü nüma ya Tupana rü cuxü̃ naxuneta nax Melquichedéxrüxü̃ guxü̃guma chacherdóte quixĩxü̃. Rü nüma rü taxũtáma inayanaxoxẽxẽ i ngẽma nüxü̃ yaxuxü̃.


Rü ngẽmaca̱x i Tupanaarü ore i ümatüxü̃wa rü tórü Corichiga ñanagürü: “Cuma rü guxü̃gutáma Chacherdóte quixĩ, Melquichedéxrüxü̃”, ñanagürü.


Rü Tupanaarü ore ga nũxcüma ümatüxü̃wa rü tama nüxü̃ nixu nax texé tixĩxü̃ ga nanatü rü naé rü norü o̱xigü ga Melquichedéx. Rü ngẽxgumarüxü̃ ta tama nüxü̃ nixu i norü buxchiga rü norü yuxchiga. Rü ngẽmaãcü Tupana Nanerüxü̃ rü guxü̃guma chacherdóte nixĩ ga Melquichedéx.


Rü Tupana rü Nanexü̃ ningucuchixẽxẽ nax tórü poxü̃ruxü̃ i chacherdotegüarü ãẽ̱xgacü yixĩxü̃ca̱x yema chacherdóte ga Melquichedéxrüxü̃.


Rü yemaca̱x yexma Tupanaxü̃tagu nüxíra naxücu ga Ngechuchu nax ngéma guxü̃guma Tupanape̱xewa taétüwa nachogüxü̃ca̱x. Rü yemaacü ga Ngechuchu rü gumá chacherdóte ga Melquichedéxrüxü̃ Tupanape̱xewa chacherdóte nixĩ.


Rü ngẽmaãcü meama nango̱x nax Tupana nüxü̃ unetaxü̃ ga wüxi ga chacherdóte ga yexwaca̱xü̃cü ga tama Lebítanüxü̃ ixĩcü. Rü nüma nixĩ i tórü Cori ya Melquichedéxrüxü̃ ixĩcü.


Rü ñu̱xma i nua tatanüwa rü ngẽma chacherdótegü i ngĩxü̃ yauxgüxü̃ i ngẽma diésmu i Tupanana ücü, rü duü̃xü̃gümare nixĩgü rü tá nayue. Natürü ngẽxguma Mequichedéchiga yadexaxgu i Tupanaarü ore, rü ñoma namaxü̃xü̃rüxü̃ nixĩ i nachiga yadexaxü̃.


Rü nũxcümaü̃güxü̃ ga tórü o̱xigü ga Yudíugü nixĩ ga nayauxgüxü̃ ga Tupanaarü mugü ga nawa Lebítanüxü̃maxã naxueguxü̃ nax chacherdótegü yixĩgüxü̃ca̱x. Natürü yexguma chi yema chacherdótegü aixcüma yema Yudíugüxü̃ imexẽẽgügu ga Tupanape̱xewa, rü taxuca̱xchima Tupana nüxü̃ naxuneta ga nai ga chacherdóte ga Melquichedéxrüxü̃ ixĩcü rü tama Aróü̃rüxü̃ ixĩcü.


Swiv nou:

Piblisite


Piblisite