Popera ga Yudíugü ga yaxõgüxü̃ca̱x ümatüxü̃ 5:4 - Tupanaarü Ore

⁴ Rü taxúema tügütama tingucuchixẽxẽ nax chacherdotegüarü ãẽ̱xgacü tixĩxü̃ca̱x. Natürü Tupana nixĩ ya tüxü̃ unetacü rü tüxna naxãcü i ngẽma puracü nax chacherdotegüarü ãẽ̱xgacü tixĩxü̃ca̱x, yexgumarüxü̃ ga Tupana rü Aróü̃xü̃ nax yangucuchixẽẽxü̃rüxü̃ nax chacherdotegüarü ãẽ̱xgacü yixĩxü̃ca̱x.

Popera ga Yudíugü ga yaxõgüxü̃ca̱x ümatüxü̃ 5:4 Referans Kwoze

Ínachoxü̃xü̃chiga 28:1

¡Rü chorü puracüca̱x nüxü̃ naxuneta ya cuenexẽ ya Aróü̃ rü nanegü ya Nadáx, rü Abiú, rü Ereachá, rü Itamá! Rü nümagü tá nixĩ i chorü chacherdótegü.

Iraétanüxü̃arü muxchiga 16:40

Rü yema nixĩ ga wüxi ga cua̱xruxü̃ naxca̱x ga Iraétanüxü̃ nax tama namexü̃ nax toguemare ga duü̃xẽ ya tama Aróü̃tanüxü̃ ixĩxẽ pumaraarü guruü̃na tangaicamaxü̃ nax Cori ya Tupanaca̱x pumarate̱xe tiguxü̃. Erü texé ya nüxna ngaixcamaxe rü yema Coré rü namücügüxü̃ ngupetüxü̃rüxü̃ tá tüxü̃ nangupetü. Rü nüma ga Ereachá rü nanaxü ga guxü̃ma ga yema Cori ya Tupana Moichéwa namaxã nüxü̃ yaxuxü̃ãcü.

Norü taxre ga to ga popera ga ãẽ̱xgacügüchiga ümatüxü̃ 26:18

Rü ãẽ̱xgacü ga Uchíaxü̃ ñanagürügü: —Pa Ãẽ̱xgacüx, ¡ínaxũxũ i nua! Erü cuma nax woo ãẽ̱xgacü quixĩxü̃ rü taxuacüma pumarate̱xe nua quigu erü chacherdótegüxicatama nixĩ i mexü̃ nax nua pumarate̱xe yagugüxü̃. Erü nümagü nixĩ i Aróü̃taagü yixĩgüxü̃ rü Tupana yadexechixü̃ nax naxügüã̱xü̃ca̱x i ngẽma puracü. ¡Rü ngẽmaca̱x paxa ínaxũxũ i nua! Erü tama naga cuxĩnü ya Tupana. Rü nüma ya Tupana rü ngẽmaca̱x taxũtáma cumaxã nataãxẽ —ñanagürügü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 23:13

Rü Amráü̃ nanegü nixĩ ga Aróü̃ rü Moiché. Rü Cori ya Tupana nüxü̃ naxuneta ga Aróü̃ nax nape̱xewa ãmare i üünexü̃arü guruxü̃ yixĩxü̃ca̱x rü pumarate̱xearü guruxü̃ yixĩxü̃ca̱x. Rü yexgumarüxü̃ ta nüxü̃ naxuneta nax nüxü̃́ napuracüxü̃ca̱x rü duü̃xü̃gümaxã mexü̃ naxueguxü̃ca̱x. Rü yema nixĩ ga puracü ga Tupana Aróü̃na rü nanegüna rü nataagüna naxãxü̃ nax guxü̃gutáma naxügüãxü̃ca̱x.

Ore i mexü̃ ga Cuáü̃ ümatüxü̃ 3:27

Rü Cuáü̃ nanangãxü̃ rü ñanagürü nüxü̃: —Taxúema ta̱xacü tüxü̃́ nangẽxma ega Tupana tama tüxna naxãxgu.

Iraétanüxü̃arü muxchiga 16:35

Rü ñu̱xũchi nüma ga Cori ya Tupana rü üxüema yéma namu, rü ínanagu ga yema 250 ga yatügü ga norü pumarate̱xe Cori ya Tupanaca̱x yéma igugüxü̃.

Iraétanüxü̃arü muxchiga 18:7

Natürü cuma rü cunegüxica tá nixĩ i penaxügüxü̃ i ngẽma chacherdótegüarü puracü rü chope̱xewa ãmare pigugüxü̃ rü tüyemachiü̃ruxü̃arü aixepeguama pichocuxü̃ nagu i ucapu i Üünexüchixü̃. Rü ngẽma puracü rü pexica tátama nixĩ i penaxügüxü̃ erü choma rü nagu pexü̃ chamugü nax chacherdótegü pixĩgüxü̃ rü chacherdótegüarü puracü pexügüxü̃ca̱x. Rü ngẽxguma chi texé chacherdótearü puracü uxgu natürü tama chacherdóte tixĩxgu, rü tá yu tümamaxã naxuegu —ñanagürü.

Iraétanüxü̃arü muxchiga 16:10

Rü nüma ya Cori ya Tupana rü nanaxwa̱xe nax cuma rü ñu̱xũchi cumücügü i Lebítanüxü̃ nax norü ngaicamawa pengẽxmagüxü̃. ¿Rü tü̱xcüü̃ penaxwa̱xe nax pematama chacherdótegü pixĩgüxü̃?

Lebítanüxü̃arü puracüchiga 8:2

—¡Ẽcü naxca̱x nangẽma ya Aróü̃ rü nanegü! ¡Rü nanutaque̱xe i ngẽma chacherdótegüchiru, rü ngẽma chíxü̃ i baeruruxü̃, rü ngẽma wocaxacü i yatüxü̃ i chixexü̃arü ütanüca̱x imáxü̃, rü ngẽma taxre i carnérugü rü yimá pexchi i paũ i ngearü pu̱xẽẽruü̃ã́xü̃ nagu nucü!

Iraétanüxü̃arü muxchiga 3:3

Rü wüxichigü ga yema ãgümücü ga nanegü rü nüxü̃ naxunetagü rü nayabaerugü nax Chacherdótegü yixĩgüxü̃ca̱x.