Popera ga Yudíugü ga yaxõgüxü̃ca̱x ümatüxü̃ 5:3 - Tupanaarü Ore

³ Rü ngẽma chacherdotegüarü ãẽ̱xgacü rü tama ngẽma duü̃xü̃güarü pecaduca̱xicatama nixĩ i Tupanaca̱x ínaguaxü̃ i naxü̃nagü, natürü noxrütama pecaduca̱x rü ta nixĩ i ínaguaxü̃ i naxü̃nagü nax ngẽmaãcü Tupana nüxü̃́ nüxü̃ rüngü̃maxü̃ca̱x i noxrütama pecadugü rü ngẽma duü̃xü̃güarü pecadugü rü ta.

Popera ga Yudíugü ga yaxõgüxü̃ca̱x ümatüxü̃ 5:3 Referans Kwoze

Popera ga Yudíugü ga yaxõgüxü̃ca̱x ümatüxü̃ 9:7

Natürü yema to ga naxmachiãwa rü yema chacherdótegüarü ãẽ̱xgacüxicatama nixĩ ga wüxicanatama yexma ücuxü̃ ga wüxichigü ga taunecügu. Rü yexguma yexma naxücu̱xgu rü yéma nanange ga nagü nax gumámaxã yema baúxü̃ namaxcuétüxü̃. Rü yemaacü ga yema chacherdótegüarü ãẽ̱xgacü rü Tupanana nanaxã ga gumá nagü nax noxrütama pecaduxü̃ rü yema duü̃xü̃güarü pecadu ga naxücüraxü̃xü̃ iyanangümaxü̃ca̱x ga Tupana.

Lebítanüxü̃arü puracüchiga 9:7

Rü yemawena ga Moiché rü Aróü̃maxã nüxü̃ nixu rü ñanagürü nüxü̃: —¡Naxca̱x ixũ i ngẽma ãmarearü guruxü̃ rü ngéma Tupanana naxã i ngẽma naxü̃na i curü pecaduarü ütanüca̱x tá quiguxü̃ nax Tupana cuxü̃́ nüxü̃ narüngü̃maxü̃ca̱x i curü pecadugü rü ngẽma Iraétanüxü̃arü pecadugü, yema Cori ya Tupana chomaxã nüxü̃ ixuxü̃rüxü̃! —ñanagürü.

Popera ga Yudíugü ga yaxõgüxü̃ca̱x ümatüxü̃ 7:27

Rü Ngechuchu rü tama ngẽma togü i chacherdótegüerurüxü̃ nixĩ. Erü nümagü rü nanaxwa̱xe nax wüxichigü i ngunexü̃gu Tupanaca̱x naxü̃nagü nada̱i̱xü̃ nax ngẽmaãcü Tupana nüxü̃́ nüxü̃ rüngü̃maxü̃ca̱x i norü pecadugü rü guxü̃ i duü̃xü̃güarü pecadugü rü ta. Natürü nüma ga Ngechuchu rü yexguma nügü inaxãxgu, rü wüxicanatama pecaduca̱x nayu. Rü ngẽma rü taguma inayarüxo.

Lebítanüxü̃arü puracüchiga 16:6

Rü tá cha̱u̱xca̱x nayagu i ngẽma wocaxacü i noxrütama pecadugüarü ütanüruxü̃ rü napatacüã̱xarü pecadugüarü ütanüruxü̃.

Lebítanüxü̃arü puracüchiga 16:15

Rü ngẽmawena rü tá nayama̱x i ngẽma chíbu i duü̃xü̃güarü pecaduarü ütanüruxü̃ ixĩxü̃. Rü yimá nagü i ngẽma chíbu rü tá ngẽma Tupanapataarü tüyemachiü̃arü aixepewa nanange. Rü ngéma aixepewa rü yimá nagümaxã tá nanamaxcuétü rü nanamaxcupe̱xe i ngẽma baúátaü̃ ngẽxgumarüxü̃ nax wocaxacügümaxã namaxcuãxü̃rüxü̃.

1 Corintios 15:3

Rü yexguma noxri petanüwa changuxgu, rü yema nüxíra pexü̃ changu̱xẽẽxü̃ nixĩ ga yema ngu̱xẽẽtae ga choxü̃ namaxã nangu̱xẽẽgüxü̃ nax Cristu rü tórü pecaduca̱x nayuxü̃, ngẽma Tupanaarü ore i ümatüxü̃wa nüxü̃ yaxuxü̃rüxü̃.

Popera ga Yudíugü ga yaxõgüxü̃ca̱x ümatüxü̃ 10:12

Natürü nüma ga Ngechuchu ya Cristu rü wüxicanatama Tupanana nügü naxã nax pecaduarü ütanüca̱x nayuxü̃ca̱x. Rü yema naxüxü̃ rü taguma inayarüxo. Rü yemawena Tupanaarü tügünecüwawa nayarüto.