Popera ga Yudíugü ga yaxõgüxü̃ca̱x ümatüxü̃ 5:14 - Tupanaarü Ore

¹⁴ Natürü yíxema yaxṍxe ya nüxü̃ cuáxe nax mea tanangugüxü̃ nax ta̱xacü yixĩxü̃ i ngu̱xẽẽtae i mexü̃ rü ẽ̱xna chixexü̃, rü aixcüma nüxü̃ tacua̱x i Tupanaarü ore. Rü yíxema rü ñoma wüxi i duü̃xü̃ i yáxü̃ i namachimaxã ãwemüxü̃rüxü̃ tixĩ.

Popera ga Yudíugü ga yaxõgüxü̃ca̱x ümatüxü̃ 5:14 Referans Kwoze

1 Tesalonicenses 5:21

Natürü name nixĩ i meama penangugü i guxü̃ma i ore nax nüxü̃ pecuáxü̃ca̱x rü aixcüma yixĩxü̃ i ngẽma ore rüe̱xna tama. ¡Rü ngẽma ore i aixcüma mexü̃xicatama pixõgü!

Efesios 1:18

Rü Tupanana naxca̱x chaca nax nümatama pexü̃ yango̱xnaãẽxẽẽxü̃ca̱x, nax nüxü̃ pecuáxü̃ca̱x nax ta̱xacü yixĩxü̃ i ngẽma ípenangu̱xẽẽxü̃ i naxca̱x pexca̱x naca̱xaxü̃ rü pexü̃ nadexü̃. Rü nüxna naxca̱x chaca nax pexü̃ nüxü̃ nacua̱xẽẽxü̃ca̱x nax namexẽchixü̃ i ngẽma maxü̃ i taguma gúxü̃ i nüma norü duü̃xü̃güca̱x namexẽẽxü̃ i daxũguxü̃ i naanewa.

1 Corintios 2:6

Natürü pemaxã nüxü̃ chixu, rü ngẽxguma natanüwa tangexmagu i ngẽma marü meama yaxõgüxü̃, rü ngẽxguma nixĩ i nüxü̃ cua̱xüchixü̃ãcü tanangúexẽẽxü̃ i ngẽma ore. Natürü ngẽma cua̱x rü tama ñoma i naanewa ne naxũ, rü bai i ñoma i naanearü ãẽ̱xgacügü i paxa tá iyarüxoxü̃wa ne naxũ.

Ichaía 7:15

Rü yimá ngĩne rü ngẽxguma õxchana yixĩxgu rü tá lechi ya pamüne rü beruremaxã naxãwemü. Natürü naxü̃pa nax nayaxü̃ rü mea naãẽxü̃ nacuáxü̃ ya yima bucü, rü ngẽma taxre i ãẽ̱xgacügü i Rechíü̃ rü Péca i nüxü̃ cumuü̃xü̃ rü tá inayarüxo i nachixü̃anegü.

Efesios 4:13

Rü ngẽmaãcü guxãma ya yixema rü tá nawa tangugü nax wüxigu yaxõgüxü̃ rü Tupana Nanexü̃ icuáxü̃. Rü ngẽmaãcü tá nawa tangugü nax aixcüma Cristurüxü̃ imexü̃.

Filipenses 3:15

Rü guxãma ya yíxema marü aixcüma Cristuaxü̃́ yaxõgüxe, rü name nixĩ i ngẽmagutama tarüxĩnüe. Natürü ngẽxguma chi texé i petanüwa toõcü nagu tarüxĩnügu, rü Tupana tá tüxü̃ nüxü̃ nacua̱xẽxẽ i ngẽmachiga.

Nüxíraxü̃xü̃ ga popera ga ãẽ̱xgacügüchiga 3:9

Rü ngẽmaca̱x chanaxwa̱xe i choxna cunaxã i cua̱x nax ngẽmaãcü mea namaxã ichacuáxü̃ca̱x i curü duü̃xü̃gü rü nüxü̃ chacuáxü̃ca̱x i ta̱xacü nixĩ i mexü̃ rü ta̱xacü nixĩ i chixexü̃. ¿Erü texé tüxü̃́ natauxcha nax namaxã itacuáxü̃ i ñaa curü duü̃xü̃gü i muxũchixü̃? —ñanagürü ga Charomóü̃.

Romanos 14:1

Ngẽxguma petanügu naxãxchaü̃gu i wüxi i pexenexẽ i turaxü̃ i norü õwa, rü name nixĩ i mea penayaxu. Natürü tama name i namaxã pegü pechoxü̃ga naxca̱x i Tupanaarü ore.

Naanearü ügüchiga 3:5

Erü Tupana rü meama nüxü̃ nacua̱x ega penangõ̱xgu i ngẽma nanetüarü o rü tá nüxü̃ pecua̱x i ta̱xacü nixĩ i mexü̃, rü ta̱xacü nixĩ i chixexü̃, rü Tupanarüxü̃ tátama pixĩgü —ñanagürü ngĩxü̃.

2 Chamué 14:17

Rü chomax nax curü duü̃xü̃ chixĩxü̃ rü íchayanguxẽxẽ i ngẽma curü ngãxü̃, Pa Ãẽ̱xgacüx, nax choxü̃ nataãẽxẽẽxü̃ca̱x, erü cumax, Pa Ãẽ̱xgacüx, rü ñoma wüxi i daxũcüã̱x i Tupanaarü orearü ngeruxü̃rüxü̃ nüxü̃ cucua̱x nax ngexü̃rüüxü̃ yixĩxü̃ i mexü̃ rü chixexü̃. ¡Rü Cori ya Tupana cuxü̃tawa ngexma̱x, Pa Ãẽ̱xgacü! —ngĩgürügü.

Ore i mexü̃ ga Matéu ümatüxü̃ 5:48

Rü ngẽmaca̱x penaxwa̱xe nax aixcüma namexü̃ i perü maxü̃ naxrüxü̃ ya Penatü ya Tupana ya aixcüma mearü maxü̃ãcü.

Wiyaegü 119:103

Rü ngẽma curü uneta rü ta̱xacü i maixcuraxü̃chixü̃arü yexera choxü̃́ name.

Yox 12:11

Rü ngẽma taxmachixemaxã nüxü̃ tacua̱x i ngẽma nagagü i nüxü̃ ixĩnüxü̃. Rü ngẽxgumarüxü̃ ta tórü conümaxã nüxü̃ tacuáx i naaca i ngẽma ingṍxü̃.

Nüxíraxü̃xü̃ ga popera ga ãẽ̱xgacügüchiga 3:11

Rü yemaca̱x ñanagürü nüxü̃: —Ñu̱xma nax choxna naxca̱x cuca̱a̱xü̃ i ngẽma, rü tama naxca̱x ícuca nax namáxü̃ca̱x i curü maxü̃, rüe̱xna cumuarü diẽruã́xü̃ca̱x, rüe̱xna curü uanügü chadaixü̃ca̱x, natürü naxca̱x ícuca i cua̱x nax mea namaxã icucuáxü̃ca̱x i ngẽma curü duü̃xü̃gü, rü ngẽmaca̱x tá cuxna chanaxã i ngẽma choxna naxca̱x cucaxü̃. Rü choma rü tá cuxna chanaxã i cua̱x ga ü̃pa taguma texéaxü̃́ yexmaxü̃ rü cuwena tagutáma texéaxü̃́ ngẽxmaxü̃.

Yox 34:3

Rü taxmanaxã rü nüxü̃ nacua̱x i naaca i ta̱xacürü õna. Rü ngẽxgumarüxü̃ ta i taxmachixẽ rü nüxü̃ nacua̱x nax ta̱xacüchiga yixĩxü̃ i ngẽma dexa i nüxü̃ naxĩnüxü̃.

Yox 6:30

¿Ẽ̱xna pema nüxü̃ pecua̱xgu i choma rü wüxi i dorata̱xáxü̃ chixĩ? ¿Ẽ̱xna nagu perüxĩnüegu rü tama nüxü̃ chacuáxü̃ nax ngexü̃rüüxü̃ nax yixĩxü̃ i ngẽma ore i mexü̃ rü ngexü̃rüüxü̃ nax yixĩxü̃ i ngẽma ore i chixexü̃?

Popera ga Chantiágu ümatüxü̃ 3:2

Guxãma i yixema rü muẽ̱xpü̱xcüna chixexü̃ taxüe. Yimá yatü ya taguma chixexü̃xü̃ ixucü rü aixcüma mecü nixĩ, erü nüxü̃ nacua̱x nax mea nügüna nadauxü̃ nax tama chixexü̃ naxüxü̃ca̱x.

Charumóü̃arü wiyae 2:3

Yimá ngextü̱xücü ya choxü̃ ngúchaü̃cü rü guxü̃ma i yatügütanüwa rü ñoma nanetü i manzana i naixnecüarü naigütanüwa rüxüxü̃rüxü̃ nixĩ. Rü chataãxẽ nax norü gáuxchipetatüxü̃wa charütoxü̃. Rü namaixcuraxüchi i ngẽma norü o.

Charumóü̃arü wiyae 1:3

Rü curü pumara rü nachi̱xichi. Rü cuéga rü ñoma pumara i baxü̃rüxü̃ nixĩ. Rü ngẽmaca̱x i ngexü̃gü rü nüxü̃́ cungúchaü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:7

Rü tama name nax naga cuxĩnüxü̃ i ñoma i naanecüã̱xarü ore i norü ĩnüwa ne ũxü̃ i tama aixcüma ixĩxü̃. Natürü name nixĩ i guxü̃guma cugü cuporaxẽxẽ nax yexeraãcü Tupanaxü̃ cungechaü̃xü̃ca̱x rü naxca̱x cumaxü̃xü̃ca̱x.

Popera ga Yudíugü ga yaxõgüxü̃ca̱x ümatüxü̃ 6:1

Rü ngẽmaca̱x name nixĩ i yexeraãcü tingúeetanü nax aixcüma mea nüxü̃ icuáxü̃ca̱x i Cristuchiga. Rü tanaxwa̱xe nax nüxü̃ ichopetüxü̃ ga yema ore ga nawa inaxügüxü̃ nax Cristuchigaxü̃ icuáxü̃. Rü taxũtáma yeü̃cürü yema ore ga nawa inaxügüxü̃chiga tidexagüecha. Rü taxuca̱xma tü̱xcüü̃ wena pemaxã nüxü̃ tixu nax nüxü̃ perüxoexü̃ca̱x nax nagu pexĩxü̃ i ngẽma mugü ga Moiché ümatüxü̃ i tama tüxü̃ maxẽxẽẽxü̃. Rü ngẽxgumarüxü̃ ta taxuca̱xma tü̱xcüü̃ wena pemaxã nüxü̃ tixu i nachiga nax ñuxãcü Tupanaaxü̃́ yaxõgüxü̃.