Popera ga Yudíugü ga yaxõgüxü̃ca̱x ümatüxü̃ 5:13 - Tupanaarü Ore

¹³ Rü yíxema yaxṍxe ya tama mea Tupanaarü orexü̃ cuáxe, rü ñoma õxchana i maixü̃rüxü̃ tixĩ. Rü tama nüxü̃ tacua̱x i ta̱xacü nixĩ i mexü̃ rü ta̱xacü nixĩ i chixexü̃.

Popera ga Yudíugü ga yaxõgüxü̃ca̱x ümatüxü̃ 5:13 Referans Kwoze

Nüxíraxü̃xü̃ ga popera ga Pedru ümatüxü̃ 2:2

Rü ñoma wüxi i õxchana i ngexwaca buxü̃ i naégünenixü̃ nüxü̃́ ngúchaü̃xü̃rüxü̃ penaxwa̱xe i poraãcü pexü̃́ nangúchaü̃ i Tupanaarü ore nax ngẽmawa peporaexü̃ca̱x rü mea peyaexü̃ca̱x i perü õwa nax ngẽmaãcü guxü̃wama namexü̃ca̱x i perü maxü̃ i taguma gúxü̃.

1 Corintios 14:20

Pa Chauenexẽgüx, tama name i ñoma buxü̃gürüxü̃ nagu perüxĩnüe i ngẽma ore i pemaxã nüxü̃ chixuxü̃. Rü narümemae nixĩ i ñoma buxü̃gürüxü̃ pegü pixĩgüxẽxẽ na̱xcha̱xwa i ngẽma chixexü̃. Natürü ngẽma perü ĩnüwa rü penaxwa̱xe i duü̃xü̃gü i marü yáxü̃rüxü̃ mea nagu perüxĩnüe rü nagu pexĩ i ngẽma ore i pemaxã nüxü̃ chixuxü̃.

Norü taxre ga popera ga Timutéuca̱x naxümatüxü̃ ga Pauru 3:16

Rü guxü̃ma i ngẽma Tupanaarü ore i ümatüxü̃ rü nügüãẽwatama nanayaxu ga Tupana. Rü ngẽma ore rü name nax duü̃xü̃güxü̃ namaxã ingúexẽẽxü̃, rü namaxã yaxucu̱xẽgüxü̃ rü namaxã iyanawe̱xãchixẽẽgüxü̃, rü namaxã nangúexẽẽxü̃ nax mea Tupanape̱xewa namaxẽxü̃ca̱x.

Ichaía 28:9

Rü chauchiga nidexagü rü ñanagürügü: —¿Ẽ̱xna nua cuxũ nax tomaxã nüxü̃ cuyarüxuxü̃ca̱x i ore rü toxü̃ cuyangúexẽẽxü̃ca̱x i ngẽma Cori ya Tupana cuxü̃ wéxü̃? ¿Rü cuxca̱x e̱xna ñoma buxü̃gü i buexüchixü̃ i ngexwaca̱xtama ugütaexü̃ cua̱xgüxü̃ãcü tá tomaxã quidexa? —ñanagürügü.

Efesios 4:14

Rü taũtáma ñoma buxü̃gürüxü̃ tixĩgü i tórü õwa. Rü ngẽxguma ta̱xacürü to i ngu̱xẽẽtaexü̃ ixĩnüegu rü taxũtáma naga taxĩnüe nax tama ñoma buanecü ngextámare cuecürüxü̃ tüxü̃ yaxĩgüxẽẽxü̃ca̱x. Rü taxũtáma nawe tarüxĩ i ngẽma duü̃xü̃gü i norü doramaxã tüxü̃ womüxẽẽgüxü̃ rü norü ngu̱xẽẽtaemaxã tüxü̃ ítüexẽẽchaü̃xü̃.

1 Corintios 3:1

Pa Chauenexẽgüx, yexguma noxri petanüwa changuxgu, rü taxucürüwa duü̃xü̃gü i meama Tupanaxü̃ cua̱xgüxü̃rüxü̃ãcü pemaxã nüxü̃ chixu i Tupanaarü ore. Natürü duü̃xü̃gü ga yexwacax yaxõgüxü̃rüü̃ãcü pemaxã nüxü̃ chixu yerü pema rü yexwacax peyaxõgü ga yexguma. Rü yemaca̱x yexwacax yaxõgüxü̃rüü̃ãcü pemaxã nüxü̃ chixu ga Cristuchiga.

2 Corintios 3:9

Rü woo namexẽchi ga yexguma ínanguxgu ga yema mugü ga yuwa tüxü̃ gagüxü̃, natürü yexeraãcü namexẽchi nax naxunagüxü̃ i ngẽma ore i Tupanape̱xewa tüxü̃ mexẽẽxü̃.

1 Corintios 13:11

Yexguma chabuxgu ga chomax, rü wüxi ga buxü̃rüxü̃ chidexa, rü buxü̃ nagu rüxĩnüxü̃gu charüxĩnü, rü tama mea chauãẽxü̃ chacua̱x. Natürü yexguma marü chaya̱xgu, rü nüxü̃ charüxo ga guxü̃ma ga yema chorü bucüma.

Wiyaegü 119:123

Rü düxwa marü chipaxetü nax íchanangu̱xuxẽẽxü̃ nax choxü̃ curüngü̃xẽẽxü̃, rü choxü̃ ícunguxuchixẽẽxü̃ ngẽma chomaxã icuxunetaxü̃rüxü̃.

Ore i mexü̃ ga Márcu ümatüxü̃ 10:15

Rü aixcüma pemaxã nüxü̃ chixu rü texé ya tama wüxi i buxü̃rüxü̃ Tupanaxü̃ yaxúxe nax tümaarü ãẽ̱xgacü yixĩxü̃ca̱x, rü taxũtáma nagu taxücu ya Tupana ãẽ̱xgacü íyixĩxü̃wa —ñanagürü.

Ore i mexü̃ ga Matéu ümatüxü̃ 11:25

Rü yexguma rü ñaãcü nayumüxẽ ga Ngechuchu, rü ñanagürü: “Pa Chaunatü ya Daxũguxü̃ i Naane rü Ñoma i Naanearü Yorax, cuxü̃ chicua̱xüxü̃, erü ñaa chorü ngúexü̃güxü̃ nüxü̃ cucua̱xẽxẽ i ñaa ore i naxcha̱xwa iquicúxü̃ i duü̃xü̃gü i ñoma i naanewa nüxü̃ cua̱xüchigüxü̃.

Romanos 2:20

Rü pema nagu perüxĩnüe rü nüxü̃ pecua̱x nax penaxucu̱xẽxü̃ i ngẽma togü i duü̃xü̃gü i tama Tupanaxü̃ cua̱xgüxü̃ rü penangúexẽẽxü̃ i ngẽma duü̃xü̃gü i ngexwaca yaxõgüxü̃. Rü ngẽmaãcü nagu perüxĩnüe erü Tupanaarü mugüwa pengúe rü ngẽmaca̱x meama nüxü̃ pecua̱x i ta̱xacü nixĩ i mexü̃ rü ta̱xacü nixĩ i ore i aixcüma ixĩxü̃.

Norü taxre ga popera ga Cuáü̃ ümatüxü̃ 1:11

Erü ngẽxguma wüxíe nüxü̃ rümoxẽgu rü ngürüãchi tá natanüxü̃ tügü tixĩxẽxẽ nawa i ngẽma chixexü̃ i naxügüxü̃.