Popera ga Yudíugü ga yaxõgüxü̃ca̱x ümatüxü̃ 5:10 - Tupanaarü Ore

¹⁰ Rü Tupana rü Nanexü̃ ningucuchixẽxẽ nax tórü poxü̃ruxü̃ i chacherdotegüarü ãẽ̱xgacü yixĩxü̃ca̱x yema chacherdóte ga Melquichedéxrüxü̃.

Popera ga Yudíugü ga yaxõgüxü̃ca̱x ümatüxü̃ 5:10 Referans Kwoze

Popera ga Yudíugü ga yaxõgüxü̃ca̱x ümatüxü̃ 6:20

Rü yemaca̱x yexma Tupanaxü̃tagu nüxíra naxücu ga Ngechuchu nax ngéma guxü̃guma Tupanape̱xewa taétüwa nachogüxü̃ca̱x. Rü yemaacü ga Ngechuchu rü gumá chacherdóte ga Melquichedéxrüxü̃ Tupanape̱xewa chacherdóte nixĩ.

Naanearü ügüchiga 14:18

Rü yexgumarüxü̃ ta ga Melquichedéx ga ĩane ga Charéü̃arü ãẽ̱xgacü ga Tupana ya Guxü̃étüwa Ngẽxmacüarü chacherdóte, rü yematama namawa Abráü̃na nanaxã ga paũ rü bínu.

Wiyaegü 110:4

Rü nüma ya Tupana rü cuxü̃ naxuneta nax Melquichedéxrüxü̃ guxü̃guma chacherdóte quixĩxü̃. Rü nüma rü taxũtáma inayanaxoxẽxẽ i ngẽma nüxü̃ yaxuxü̃.

Popera ga Yudíugü ga yaxõgüxü̃ca̱x ümatüxü̃ 2:17

Rü nüma ga Ngechuchu rü nanaxwa̱xe nax yixema i naenexẽgü ixĩgüxü̃rüü̃tama nügü yaxĩxẽẽxü̃ nax yemaacü tórü chogüruxü̃ ya mecümacü ya nüxü̃́ ingechaü̃tümüxü̃gücü yixĩxü̃ca̱x i Tupanape̱xewa. Rü yemaca̱x nixĩ ga nügü inaxãxü̃ rü nayuxü̃ nax yemaacü Tupana duü̃xü̃güaxü̃́ nüxü̃ irüngümaxü̃ca̱x ga norü pecadugü.

Popera ga Yudíugü ga yaxõgüxü̃ca̱x ümatüxü̃ 3:1

Rü ñu̱xma Pa Chauenexẽgü ya Tupanape̱xewa Üünegüxe, rü pexü̃ nixĩ ya Tupana i nadexü̃ nax norü duü̃xü̃gü pixĩgüxü̃ca̱x. Rü ngẽmaca̱x name nixĩ i mea nagu perüxĩnüe ya Ngechuchu ya Cristu ya Tupana núma namucü. Rü nüma ya Ngechuchu nixĩ i tórü chogüruxü̃ i Tupanape̱xewa tüxü̃ ixüünexẽẽcü. Rü yimáaxü̃́ nixĩ i yaxõgüxü̃.

Popera ga Yudíugü ga yaxõgüxü̃ca̱x ümatüxü̃ 5:11

Rü ñu̱xma rü toxü̃́ nangẽxma i muxũchixü̃ma i ore i Cristuchiga ixĩxü̃ i pemaxã nüxü̃ tixuxchaü̃xü̃. Natürü naguxchaxüchi nax meama pemaxã tanango̱xẽẽxü̃ i ngẽma, erü pema rü tama pexü̃́ natauxcha nax nüxü̃ pecuáxü̃.