Popera ga Yudíugü ga yaxõgüxü̃ca̱x ümatüxü̃ 4:12 - Tupanaarü Ore

¹² Erü Tupanaarü ore rü namaxü̃ rü naporaxüchi. Rü wüxi i tara i guxü̃cüwawa mea waixmaguxü̃arü yexera nixĩ nax natéxü̃. Erü ngẽma ore rü tawa nixücu ñu̱xmata taãẽwa nangu, rü ñu̱xmata nawa nangu i ngẽma wüxichigü nagu rüxĩnüxü̃. Rü ngẽmaãcü meama nanango̱xẽẽãma i guxü̃ma i ngẽma yixicatama nagu rüxĩnüxü̃ rü tüxü̃́ ngúchaü̃xü̃.

Popera ga Yudíugü ga yaxõgüxü̃ca̱x ümatüxü̃ 4:12 Referans Kwoze

Ichaía 55:11

Rü ngẽxgumarüxü̃ ta nixĩ i ngẽma chorü ore i cha̱u̱a̱xwa ixũxũxü̃. Rü taxũtáma ngẽmaãcümare cha̱u̱xca̱x nataegu. Rü ngẽma chorü oregagu rü tá ningu rü tá naxü i ngẽma choma chanaxwa̱xexü̃ rü ngẽma nüxü̃ chixuxü̃.

Efesios 6:17

Rü ñu̱xma nax pexü̃́ nangẽxmaxü̃ i maxü̃ i taguma gúxü̃, rü name nixĩ i ngẽmamaxã pexãpate̱xe nax ngẽmamaxã pegü ípepoxü̃xü̃ca̱x i peeruwa. Rü penayaxu i Tupanaarü ore i perü tara ixĩxü̃ i Naãxẽ ya Üünexü̃ pexna ãxü̃.

Wiyaegü 119:130

Rü ngẽxguma texé curü orexü̃ ixuxgu rü nango̱xẽẽgu rü yíxema nüxü̃ ĩnüexe rü tümaãẽxü̃ tüxü̃ nacua̱xẽxẽ woo taxuxü̃ma cuáxe tixĩgügu.

Nüxíraxü̃xü̃ ga popera ga Pedru ümatüxü̃ 1:23

Rü ñu̱xma i pemax, rü marü penayauxgü i ngexwaca̱xü̃xü̃ i perü maxü̃. Rü ngẽmaca̱x ñoma ngexwaca pebuexü̃rüxü̃ pixĩgü. Natürü ngẽma maxü̃ rü tama penatü rü peé ya yuewa̱xéxewa nixĩ i penayaxuxü̃. Natürü Tupanaarü ore i maxü̃xü̃ i taguma iyarüxoxü̃wa nixĩ i penayaxuxü̃.

Ichaía 49:2

Rü Tupana rü ñoma tara i meama téxü̃rüxü̃ nayaxĩxẽxẽ ya chorü conü, rü naxme̱xmaxã choxü̃ ínapoxü̃. Rü ñoma ochagu ya meama ãmaguxnerüxü̃ choxü̃ nixĩxẽxẽ rü nachixü̃gu chomaxã nanguxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:16

Rü norü tügüneme̱xẽwa nüxü̃́ nayexma ga 7 ga woramacurigü. Rü naã̱xwa ínaxũxũ ga wüxi ga tara ga guxü̃cüwawa téxü̃. Rü nachiwe rü ñoma üa̱xcü poraãcü ngu̱xetügurüxü̃ nixĩ.

1 Tesalonicenses 2:13

Rü ngẽmaca̱x guxü̃guma Tupanana moxẽ taxã, yerü yexguma noxri nüxü̃ pexĩnüegu ga yema norü ore ga pemaxã nüxü̃ tixuxü̃, rü mea penayauxgü, yerü nüxü̃ pecua̱xgü rü aixcüma Tupanaarü ore nixĩ rü tama duü̃xü̃güarü oremare nixĩ. Rü yema Tupanaarü ore nixĩ ga naxüchicüüxü̃ ga perü maxü̃ i pema nax peyaxõgüxü̃.

Yeremía 17:10

Rü choma ya Tupanaxicatama nixĩ i aixcüma chanangugüxü̃ i norü ĩnü i wüxichigü i duü̃xü̃, rü chaxicatama nixĩ i nüxü̃ chacuáxü̃ nax ta̱xacügu naxĩnüxü̃. Rü ngẽma tamaxü̃xü̃ãcütama tá tüxü̃́ chanaxütanü ya wüxíechigü —ñanagürü.

Romanos 1:16

Rü taxuca̱xma naxca̱x chaxãne i ngẽma ore i mexü̃. Erü ngẽma ore rü Tupanaarü pora nixĩ. Rü guxãma ya yíxema ya nüxü̃ ĩnüxe rü Cristuaxü̃́ yaxõgüxe rü tüxü̃́ nangẽxma i maxü̃ i taguma gúxü̃. Rü ngẽma maxü̃, rü Yudíugüca̱xchire̱x nixĩ, natürü i ñu̱xma rü guxü̃ma i ngẽma tama Yudíugü ixĩgüxü̃ca̱x rü ta nixĩ.

Wiyaegü 149:6

¡Rü peã̱xmaxã nüxü̃ picua̱xüxü̃gü! ¡Rü pexme̱xwa peyange i tara i guxü̃cüwawa téxü̃ nax ngẽmamaxã penada̱i̱xü̃ca̱x i ngẽma duü̃xü̃gü i tama Tupanaxü̃ cua̱xgüxü̃, rü ngẽmaãcü penapoxcuexü̃ca̱x i ngẽma togü i nachixü̃anegücüã̱x!

Yema Cuáü̃ nüxü̃ dauxü̃ i yixcüra tá ngupetüxü̃chiga 19:15

Rü naã̱xwa ínaxũxũ ga wüxi ga tara ga guxü̃cüwawa téxü̃ nax yemamaxã nüxü̃ naporamaexü̃ca̱x i guxü̃ma i nachixü̃anegü. Rü nüma rü poraãcü tá namaxã inacua̱x. Rü ñoma úbagü i norü ma̱i̱xruü̃wa ima̱i̱xtüü̃xü̃rüxü̃ tá nixĩ nax napoxcueãxü̃ namaxã i ngẽma poxcu ya Tupana ya Guxü̃étüwa Ngẽxmacü norü numaxã mexẽẽxü̃.

Efesios 5:13

Rü ngẽxguma ngẽma ngóonexü̃wa nangẽxmagu i ngẽma chixexü̃gü, rü mea tá nango̱x nax nachixexü̃.

Ore i mexü̃ ga Luca ümatüxü̃ 8:11

Rü Ngechuchu rü ñanagürü: —Ngẽma ore i toecüchigagu pemaxã chixuxü̃ rü ñaachiga nixĩ. Rü ngẽma triguchire rü Tupanaarü orechiga nixĩ.

Wiyaegü 139:2

Rü cuma nüxü̃ cucua̱x i guxü̃ma i ngẽma chaxüxü̃. Rü woo curü yáxü̃wa changexmagu rü nüxü̃ cucua̱xama i ngẽma nagu charüxĩnüxü̃.

Ore i mexü̃ ga Cuáü̃ ümatüxü̃ 6:51

Chomatama nixĩ i paũ i maxẽxẽxẽruxü̃ i daxũwa ne chaxũxü̃. Rü texé ya ñaa paũ ngṍxe rü guxü̃gutáma namaxecha. Erü ngẽma paũ i choma tüxna chaxãxü̃ rü chaxunetama nixĩ. Rü ichanaxã i chaxune nax namaxẽxü̃ca̱x i ñoma i naanecüã̱x i duü̃xü̃gü —ñanagürü ga Ngechuchu.

Ichaía 11:4

Rü yíxema tama nüxü̃ cua̱xgüxe nax tügü ítapoxü̃güxü̃ rü nüma rü tá nüxü̃ nacua̱x nax ñuxãcü mea tüxü̃́ namexẽẽãxü̃ i tümaarü guxchaxü̃. Rü tümaétüwa tá nachogü ya yíxema ngearü diẽruã̱xgüxe. Rü ngẽma norü ore rü ñoma wüxi i cua̱i̱xruü̃rüxü̃ tá nixĩ naxca̱x i ngẽma nuwa̱xexü̃ rü ma̱xgu rüxĩnüxü̃. Rü wüxi i cue ñaxü̃maxã tá nanayuxẽxẽ i ngẽma duü̃xü̃ i chixexü̃ üxü̃.

Wiyaegü 45:3

Pa Poracüx ¡ẽcü cugücüwawa yanga̱xcuchi i ngẽma curü tara! Rü ngẽma nixĩ i curü poraarü cua̱xruxü̃ ixĩxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:21

Rü yema tara ga gumá cowaruétüwa rütocüa̱xwa ixũxũxü̃maxã nanadai ga yema ngo̱xogüarü churaragü. Rü guxü̃ma ga ngurucugü, rü yemamachimaxã nangãxcharaü̃gü.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:16

Rü ngẽmaca̱x chanaxwa̱xe i nüxü̃́ nüxü̃ cuxoo̱x i ngẽma ngu̱xẽẽtae. Rü ngẽxguma tama nüxü̃́ nüxü̃ cuxoo̱xgu, rü paxa tá ngéma cuxü̃tawa chaxũ, rü ngẽma tara i cha̱u̱a̱xwa íxũxũxü̃maxã tá ngẽma duü̃xü̃gümaxã togü tadai.

Popera ga Yudíugü ga yaxõgüxü̃ca̱x ümatüxü̃ 13:7

Rü name nixĩ i nüxna pecua̱xãchie ga gumá perü Tupanaarü orearü uruü̃gü ga noxri pemaxã icua̱xgücü rü pemaxã nüxü̃ ixugücü ga Tupanaarü ore. Rü name nixĩ i nagu perüxĩnüe nax ñuxãcü mea pepe̱xewa namaxẽxü̃ rü ñuxãcü mea yaxõgüãcüma nayuexü̃. Rü name nax nüxü̃ peyadauxü̃güxü̃ nawa i norü õ rü mea naxrüxü̃ pemaxẽxü̃.

Ngechuchuarü ngúexü̃gü ga yamugüxü̃arü puracüchiga 4:31

Rü yexguma yumüxẽwa nüxü̃ nachauegu, rü gumá ĩpata ga nawa nangutaque̱xegüne rü naxĩã̱xãchi. Rü Tupanaãxẽ ya Üünecü rü nüxna nangu ga guxü̃ma. Rü tama namuü̃eãcüma nüxü̃ nixugüe ga Tupanaarü ore.

Ngechuchuarü ngúexü̃gü ga yamugüxü̃arü puracüchiga 2:37

Rü yexguma yemaxü̃ naxĩnüegu ga yema duü̃xü̃gü ga yéma yexmagüxü̃, rü poraãcü nanaxĩ̱xãchiãẽgü. Rü Pedruna nacagüe, rü yema togü ga Pedrumücügüna rü ta nacagüe, rü ñanagürügü: —Pa Toenexẽgüx, ¿ta̱xacü tá taxüexü̃ i ñu̱xmax? —ñanagürügü.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:23

Rü ngẽmawa guxü̃ma i ngẽma yaxõgüxü̃ tá nüxü̃ nacua̱xgü nax aixcüma nüxü̃ chacuáxü̃ i norü maxü̃ rü ngẽma naãxẽwa nagu naxĩnüexü̃. Rü wüxichigü i pemax rü tá pexü̃́ chanaxütanü ngẽxgumarüxü̃ nax ñuxãcü cha̱u̱xca̱x pemaxẽxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:4

Rü ñu̱xũchi nüxü̃ chadau ga ñuxre ga tochicaxü̃gü. Rü yema tochicaxü̃wa tarütogü ga guxema Tupanaxü̃tawa nayauxgüxe ga pora nax duü̃xü̃güna naca̱xaxü̃ i norü maxü̃chiga. Rü yexgumarüxü̃ ta nüxü̃ chadau ga naãxẽgü ga yema duü̃xü̃gü ga Tupanaarü oreca̱x rü Ngechuchuchigaxü̃ nax yaxugüxü̃ca̱x nadaü̃naagüxü̃. Rü yema nixĩ ga duü̃xü̃gü ga tama yema ngo̱xoxü̃ icua̱xüü̃güxü̃ rü bai ga yema ngo̱xochicüna̱xãxü̃ icua̱xüü̃güxü̃, rü tama nügü ixãgüxü̃ nax nacatüwa rü ẽ̱xna naxme̱xwa yema ngo̱xoégamaxã yaxãégaxü̃. Rü nüxü̃ chadau ga wena nax namaxẽxü̃ ga yema duü̃xü̃gü, rü 1,000 ga taunecü Cristumaxã wüxigu ãẽ̱xgacügü nixĩgü.

1 Tesalonicenses 5:23

Rü chanaxwa̱xe i nümatama ya Tupana ya tüxü̃ taãẽxẽẽcü pexü̃ imexẽxẽ nax aixcüma nape̱xewa pimexü̃ca̱x. Rü chanaxwa̱xe i guxü̃wama pexna nadau i peãẽwa, rü perü ĩnüwa, rü pexenewa nax nataxuxü̃ca̱x i ta̱xacü i perü chixexü̃ i ngẽxguma wenaxarü núma naxũxgu ya tórü Cori ya Ngechuchu ya Cristu.

2 Corintios 4:2

Rü yemaca̱x nüxü̃ tarüxoe ga guxü̃ma ga yema chixexü̃ i ãne tüxna ãxü̃ rü yema cúãcü üxü̃. Rü tama tanawomüxẽẽãcüma nixĩ i namaxã nüxü̃ tixuxü̃ i ore rü tama tanaxüchicüü i ngẽma ore. Rü yema ore i aixcüma ixĩxü̃xicatama nixĩ i nüxü̃ tixuxü̃. Rü ngẽmaãcü Tupanape̱xewa rü duü̃xü̃güpe̱xewa togü itawe̱x nax nüxü̃ nacua̱xgüxü̃ca̱x nax aixcüma yixĩxü̃ i ngẽma nüxü̃ tixuxü̃.

Ucu̱xẽgüchiga 5:4

Natürü ngẽxguma naga cuxĩnügu rü ñoma wüxi ya tuxchana quixaxüxü̃arü yexera tá nixĩ i naxüxüxü̃. Ñoma wüxi i taraarü yexera tá cuxü̃́ nangu̱x.

Popera ga Chantiágu ümatüxü̃ 1:18

Rü nüma nixĩ ga tüxna naxããxü̃ ga norü ore i aixcüma ixĩxü̃ nax ngẽmaãcü tüxü̃́ nangẽxmaxü̃ca̱x i maxü̃ i taguma gúxü̃. Rü yemaacü nanaxü yerü nanaxwa̱xe nax yixíra nüxü̃́ nax yaxõgüxü̃.

Ngu̱xẽẽtaeruü̃arü ore 12:11

Rü ngẽma yatügü i nüxü̃ cua̱xüchixü̃arü ucu̱xẽgü rü ñoma wüxi i carnéruarü dauruü̃arü naixmena̱xã ya ãmaguxü̃rüxü̃ nixĩgü. Rü ngẽxguma wüxigu mea inanuxgu i ngẽma ucu̱xẽgü rü ñoma ĩpataarü naparagü i wüxitama carnérugüarü dauruxü̃ meama ipugünerüxü̃ nixĩgü.

2 Corintios 2:17

Rü toma rü tama Tupanaarü oregu diẽru ngĩxü̃ tayaxu ngẽma muxü̃ma i togü naxügüxü̃rüxü̃. Natürü Tupanape̱xewa rü aixcüma mea nüxü̃ tixu i ngẽma norü ore, erü nüma toxü̃ nimugü rü Cristuarü tixĩgü.

Wiyaegü 110:2

Rü nüma ya Tupana rü Chióü̃wa cuxü̃ naxuneta nax ãẽ̱xgacü quixĩxü̃ca̱x rü namaxã icucuáxü̃ca̱x i ngẽma curü uanügü.

1 Corintios 1:24

Natürü ngẽma duü̃xü̃gü ya Tupana dexü̃ i Yudíugü rüẽ̱xna ngẽma tama Yudíugü ixĩgüxü̃ rü ngẽma duü̃xü̃güca̱x Tupana inanawe̱x i norü pora rü norü cua̱x ga yexguma pecaduca̱x nayu̱xgu ga Cristu.

Ngechuchuarü ngúexü̃gü ga yamugüxü̃arü puracüchiga 5:33

Rü yexguma yemaxü̃ naxĩnüegu ga yema ãẽ̱xgacügü, rü poraãcüxüchima nanue, rü nanadaixchaü̃.

Ore i mexü̃ ga Cuáü̃ ümatüxü̃ 12:48

Yíxema tama choxü̃́ yaxṍxe rü tama chauga ĩnüxe rü marü tüxü̃́ nangẽxma nax ta̱xacüca̱x tapoxcuxü̃. Erü ngẽma ore i nüxü̃ chixuxü̃gagu tátama nixĩ i tapoxcuxü̃ i naanearü gu̱xgu, erü tama tayaxõ i ngẽma ore i nüxü̃ chixuxü̃.

Ngechuchuarü ngúexü̃gü ga yamugüxü̃arü puracüchiga 7:38

Rü nümatama ga Moiché nixĩ ga nũxcümaü̃güxü̃ ga tórü o̱xigümaxã nangutaque̱xexü̃ ga yema chianexü̃wa. Rü tórü o̱xigümaxã nayexma ga Chinaí ga ma̱xpǘnewa ga yexguma namaxã yadexaxgu ga Tupanaarü orearü ngeruxü̃ ga daxũcüã̱x. Rü nümatama ga Moiché nixĩ ga naya̱u̱xãxü̃ ga Tupanaarü ore i maxẽxẽẽruxü̃ nax nüxĩ́ tüxna naxããxü̃ca̱x.

Efesios 5:26

Rü yemaacü nanaxü ga Cristu nax nügüxü̃́ tüxü̃ yaxüünexẽẽxü̃ca̱x i guxãma i yixema nax yaxõgüxü̃. Rü norü oremaxã rü ngẽma dexá i nawa íibaiü̃xü̃maxã tüxü̃ nimexẽẽgü nax nape̱xewa imexü̃ca̱x.

Ãẽ̱xgacügü ga guxchaxü̃güarü mexẽxẽruü̃gü 3:16

Natürü naxü̃pa ga nax inaxũachixü̃ ga Aóx rü wüxi ga tara ga taxrewa ãmaguxü̃ ga ngãxü̃ ga metrugu ixüxü̃ naxü. Rü norü goyexü̃wa nanatuxẽxẽ ga norü tügünecüwawa. Rü ñu̱xũchi inaxũãchi nax Iraétanüxü̃arü ngetanü yaxütanüxü̃ca̱x naxü̃tawa ga ãẽ̱xgacü ga Eglóü̃ ga íngüxüchixü̃.